أغاني تويتر والفيس بعد اكتساح الإخوان والسلفيين: أركب الثورة درجن درجن.. وأترشح درجن درجن

* شيرين: ماشربتش من زمزم؟.. وعمرو دياب: من كام سنة وأنا إخوان إخوان.. و”لسة بتحبو يا سلفي”
* عدوية: يا بنت “الإخوان”...حلمك علي “البرلمان”. ده المجلس في ايديكي و ساويرس عطشان
كتب- يوسف النشوي:
دشن نشطاء على الفيس بوك وتويتر حملة تعليقات ساخرة حول ما وصفوه بعناوين الأغاني بعد فوز حزبي الحرية والعدالة التابع للإخوان المسلمين والنور السلفي بأغلبية المقاعد البرلمانية في الجولة الأولى من الانتخابات التي أعلنت نتائجها رسميا اليوم.
البديل رصدت عددا من هذه التعليقات ومنها:
شيرين: ماشربتش من زمزم؟
عمرو دياب في حفلته القادمة : من كام سنة وانا اخوان اخوان
-أنا اكتر واحد بيصلي
-كان عندك دقن
-والاخت عاملة ايه دلوقت
-وقوليلهم مش نسيانى هوا اللى بحبة جااانى انا مهما هايحصل فيا انا بردة راجل اخوانى
-يا ريت لبسك يزيد مترين عشان لبسك كدة قصير
-ولسة بتحبو يا سلفي ، يا سلفي حرام عليك
-عايز تسيب دقنك كده سيبها ... وتعالى على نفسك وحددها
كاظم الساهر -قولي أحبك_في الله_كي تزيد وسامتي
أمينة -اركب الثورة, درجن درجن..واترشح..درجن درجن
-أه ياني ياني ياني.. المجلس كله إخواني
شعبان عبد الرحيم: حبطل ابقة ليبرالى واكون اخوان شديد.. ومن اول يناير حجيب اسدال جديد ححيب اسدال جديد و أأيه )))
نانسى عجرم: أنا سلفي وأبويا سلفي.. بزبيبتي ودقني سلفي.. وكل سلفي بارك الله فيه
عدوية:يا بنت “الاخوان”...حلمك علي “البرلمان”. ده المجلس في أيديكي و ساويرس عطشان
ابو الليف :مستهون بالاخوان يا خويا .. دولا كسبانين