مؤسس «تمرد»: يطالب مناقشة الأفكار بالأفكار دون تخوين أو إرهاب

قال محمد عبد العزيز، عضو لجنة الخمسين، "ببساطة .. تقدر تنكر إن فيه قطاعات واسعة جدًا من الشعب تؤيد الفريق السيسي للترشح للرئاسة، وشايفاه الأمل والمخلص من الأزمات اللي مصر بتمر بيها".
وأضاف، عبر صفحته على موقع التواصل الاجتماعي "فيس بوك"، "ببساطة تانية تقدر تنكر إن فيه قطاعات واسعة أيضًا من اللي شاركوا في 30 يونيو وبيحبوا الفريق السيسي شايفين إن الخطر على الجيش كبير، وبيفضلوا بقاؤه وزيرًا للدفاع حفاظًا على الجيش وعدم دخول اسم السيسي للدائرة الخلافية كمرشح للرئاسة".
وأكد «عبد العزيز» أنه "ببساطة شديدة جدًا جدًا .... لا اللي عايز السيسي يترشح خاين للثورة ... ولا اللي بيفضل إنه يبقى زعيم شعبي ووزيرًا للدفاع عميل للأمريكان ... كل الحكاية ببساطة برضه يعني ... إن فيه اختراع موجود في العالم كله اسمه (وجهات نظر متعددة)، وأحيانًا بتكون من داخل نفس الإطار (30 يونيو) .... رجاءً نناقش الأفكار دون تخوين أو إرهاب فكري؛ على طريقة انت مع وجهة نظري ولا خاين للثورة .. أو انت مع وجهة نظري ولا مع العملاء بتوع أمريكا".