“قول للغلط لا”.. فيديو لموظفي تذاكر بمحطة قطار يأكلون بمكتب التذاكر ويرفضون العمل

* الفيديو يشير لموظف باعتباره رئيس مباحث المحطة ويتساءل نشتكي لمين .. وموظف يهدد الشاب باستدعاء الأمن
* صاحب الفيديو: لو كل واحد فينا شاف حاجة غلط غيرها ..البلد هاتتغير ما تسكتش على الغلط .. ومواطنون ميه ميه سلاحك موبيلك
كتب – على خالد :
تحت عنوان ” قول للغلط لا ” نشر مجموعة من الشباب فيديو لموظفي التذاكر بإحدى محطات السكك الحديدية بالوجه البحري وهم يرفضون العمل بينما تفرغوا للأكل .. ويكشف الفيديو الذي تم تصويره في الساعة السادسة و 35 دقيقة مساء أمس السبت 18 يونيو رفض موظفي التذاكر القيام بعملهم رغم تواجد الركاب الذين يريدون اللحاق بالقطار .. كما يرصد شباك التذاكر الآخر بدون موظفين وهو ما استفز احد المواطنين وقام بسب الموظف الذي رفض قطع تذكرة له ويقوم الموظف بطرد الشاب الذي يقوم بتصويره ويهدده باستدعاء الأمن .
ويشير الفيديو لأحد الموظفين باعتباره رئيس مباحث المحطة يجلس لتناول الطعام مع الموظفين الرافضين للعمل – طبقا لما يكشفه الفيديو – ويكتب على الشاشة ودا رئيس مباحث المحطة نشتكي لمين .
ويدعو الفيديو كل شاب لعدم السكوت على الغلط ويقول ” لو كل واحد فينا شاف حاجة غيرها البلد هاتتغير ما تسكتش على الغلط .
وشكر احد المواطنين الشاب الذي قام بتصوير الفيديو ويدعى باسم وقال في تعليقه على يوتيوب ” مية مية ....الله ينور عليك...والله شاب شجاع اللى صور الفيديو ده ولا يقل شجاعة عن الشاب اللى وقف امام المدرعة البلد مش هتتصلح الى بالوقوف بشجاعة امام الاهمال والسرقة والتسيب .... المهم متغلطش وانت بترصد الخطأ كل واحد معاه سلاح... هو كامرته اللى فى موبيلة”.
ودعا أخر لنشر الفيديو على كل المواقع وقال ” برافو عليك ميه ميه وياريت تشير الفيديو ده على كل مواقع الأخبار انا هاعمل كده وكل واحد يدخل يشير على اى موقع يعرفه عشان فعلا البلد تتغير للأحسن مش كل واحد يعمل اضراب ومش عايز يشتغل؟؟؟؟”
واعرب مواطنون عن احترامهم وسعادتهم بصاحب الفيديو وقال احدهم ” طب و الله العظيم اللى مصور ده راجل محترم و انا حاعمل زيه و اى حاجه غلط حاشوفها حاصورها و حاحطها” .. وطالب مواطن من يرى الفيديو بنشره قائلا ” يا ريت كله يعمل شييييييييييير .. هنقول للغلط لأ”

شاهد الفيديو على الرابط التالي :
http://www.youtube.com/watch?v=TKgutTX2wtk&feature=share