خالد صبح : جوه الميدان

والحب طارح ع العيدان
واللقمه مقسومه بحنين
والقلب مقسوم حتتين
حته الحياه .. حته الوطن
حته اكون زي الهرم
وحته تانيه للأمل
اللي ابتدى من صوت
انيني المنهزم
خلاص طلعنا م التابوت
خلاص وقوت
ودنيا تانيه مفرحه
مات سنين الضحضحه
وطلعت من نعس العيون
على نور وضي
وحس نابض
معدشي ني
وعيدان بخور
لبشت كل الشرور
وأرتمت فيها الوشوش
المتلونه بالزيف
الزيف ماعادشي
في حياتنا نور
ولا عادله دور
يفرد قلوعه وينتصر
الخوف ملاه
عشان جيوش الحق طلعت
من مداه
كسرت كل القلوع
نشفت كل البحور
المتحصنه بالصدق زور
والكدب والزيف انتهى
والصدق فارد
ع القلوع المنتهى
طعم اللقى
سنين وسايبك ف الشقا
وانتي البقى
ففرحيني وافرحي
لاني قاعد مطرحي
أغزلك التوب الحرير
من نسج دمي ومدمعي
وأموت عشان تسترجعي
ولا مره تاني تخضعي او تخدعي
لانك حياتي ومرجعي
وأموت عشان حريتك