"العمال ": وقفة احتجاجية أمام نقابة الصحفيين للدفاع عن الشركات

نظم مئات العمال بشركات جاك للسيارات بمدينة العبور،بوليفار للغزل بالإسكندرية، أمونسيتو، المصابيح الكهربائية بالعاشر من رمضان،انكوباك وقفة احتجاجية ظهر اليوم أمام نقابةالصحفيين برعاية لجنة الدفاع عن المظلومين والاشتراكيين الثوريين، للمطالبة بتأميم الشركات وعودة القطاع العام تحت رقابة عمالية، والتخلص من ظلم سيطرة رأس المال.
وهتفوا " اهتف اهتف على الصوت الى بيهتف مش هيموت ، يا صحافة يا اعلام وصل صوتى فى كل مكان ، مسرحية هى هى والوزارة الحرامية ، للصندوق تمد ايدك شاغلنا يعدلها سيدك ،على وعلى وعلى كمان ضد سياسة راس المال ، على وعلى وعلى كمان ضد فساد رجال اعمال ، صوت العامل طالع طالع من الشوارع والمصانع ، يا صحافة مية مية لازم نفضح الحرامية ، يا صحافة مية مية لازم ننشر القضية، شغلة وخدمة ولقمة عيش من عمال ضد التصفية، .يا أزهرى اصحى اصحى إحنا شحتنا فى عيد الأضحى، يا مرسى انت فين العمال جعانين، سينما أونطا هاتوا فلوسنا، على وعلى الصوت الى بيهتف مش بينموت ، إحنا مين وهما مين إحنا الفقراء الشقيانين ، يا أزهرى انت فين عمال مصر جعانين ، اهتف اهتف على الصوت اطلب حقك مش هموت ".
كما حمل المتظاهرون بعض الافتات منها " نداء عمال شركة جاك يستغيثون برئيس مصر ورئيس مجلس الوزراء انقذونا من اصحاب الشركات ، بدأت انتفاضة عمال انكوباك ولن تنتهى إلا باسترداد الحقوق ، الإعلام والصحافة أنكوباب رايحة رايحة ، هما الفيلا والعربية واحنا الفول والطعمية ، يا مرسى انت فين عمال مصر جعانين ، مش هنا كل لا هنام الا بعد قرار النائب العام ، الى كل الحقوقيين والشرفاء ساعدونا حتى الحصول على حقوقنا ، إحنا لا بلطجية ولا حرامية إحنا عايزين إجراءات قانونية ".
وطالب العمال بتشغيل الشركات وادارتها ذاتيا، وتأميم الشركات وعودة القطاع العام تحت رقابة عمالية ، وتعديل قانون العمل ليتضمن حماية اكبر للعمال، وصدور قرار جمهوري بعودة المفصولين منهم.
Comment *