تويتر يستعد لإضراب11فبراير برسائل لحزب الكنبة:الثورة جت لك لحد بيتك.. الطلعة دي بتاعتكم.. عيش يا معلم

* نشطاء في رسالة لحزب الكنبة : الزموا أماكنكم يوم 11 فبراير.. الطلعة دى بتاعتكم
* نشطاء : الكنباوى الحق يقعد فى بيته أثناء الثورات ويخرج ليعمل أثناء العصيان المدني
* حزب الكنبة كل حاجة ماشية معاه بالعكس: تقوله اعمل ثورة يقول لك اقعدوا تقول له اقعدوا يقول كلنا هننزل من البيت
* الناس المتضايقة من العصيان”هما بتوع التحرير مكتوبلهم السحل والبرد بس.. سيبهوهم يريحو شويا زي حزب الكنبة
كتب محمد كساب:
مع تصاعد الدعوات للمشاركة فى العصيان المدنى واضراب 11 فبراير، بالتزامن مع الذكرى الأولى لتنحى الرئيس المخلوع حسنى مبارك، والتى حملت عدة مطالب من بينها بالتسليم الفورى للسلطة وتشكيل حكومة انقاذ وطنى، شهدت ساحات مواقع التواصل الاجتماعى فى المقابل تعليقا ساخرة على إعلان من يسمونهم ب”حزب الكنبة” نزولهم للعمل فى هذا اليوم.
وعلى موقع تويتر، كتب نشطاء ومستخدمون تدوينات قصيرة تهكمية تعرض لموقف ” حزب الكنبة ” من الدعوات للاضراب العام، فى الوقت الذى رأى فيه آخرون أن المشاركة فى الاضراب والعصيان المدني ” ممكن يخسر الثورة الجزء المتبقي من مناصرة الكنبة و الشارع “.. إلا أن هناك من قال: ” الطبيعة الخاصة لأصدقاء فيس بوك من أقارب وأصدقاء لا تسمح بالتقارب الفكرى.. لى أصدقاء كثيرون من حزب الكنبة.. لاحظت اليوم أنهم جميعا ضد العسكر “.
ومن بين هذه التعليقات:
الكنباوى الحق .. هو من يقعد فى بيته أثناء الثورات .. ثم يخرج ليعمل أثناء العصيان المدنى
عزيزي حزب الكنبة.. بقى لنا سنة بنتحايل عليك وانت مش راضي تنزل .. وادي الثورة جت لك لحد البيت .. متهزرش بقى وتنزل .. 11 فبراير
حزب الكنبة كل حاجة ماشية معاه بالعكس : تقوله اعمل ثورة يقول لك اقعدوا فى بيوتكم , تقول له اقعدوا فى بيوتكم يقول لك كلنا هننزل من البيت
تقوله انزل الشارع يقولك انا حزب الكنبة طيب بلاش اوعى تنزل يقولك انا ا حشتغل ساعة زيادة
طالما العصيان المدني حرام ..... يا تري اية هو ثواب اهل الكنبة ؟؟
بالنسبة للناس المضايقة من العصيان المدني “هما بتوع التحرير مكتوبلهم السحل و البرد بس سيبهوهم يريحو شويا زي حزب الكنبة
المرة دى موش هنقول جهز قناع واقى ولا خل و لا نضارة واقية ... المطلوب بس كنبة مريحة ومرتبة متظبطة وعيش بأة متعة أهل الكنبة
مع الاضراب العام هتشيل المجلس وانت فى بيتكوا .. سعر الشحن ثابت اينما كنت.. برجاء التزام الكنبة لحين انهاء العملية
إلى حزب الكنبة: الزموا الكنبة يوم 11 فبراير .. الطلعة دى بتاعتكم بقى
- إلى حزب الكنبة .. الثورة جت لك لحد بيتك .. عيش يا معلم