حملة شفت تحرش تقترح إصطحاب الفتيات إبرة منجد للدفاع عن نفسها في التحرير

أقترحت حملة ' شفت تحرش ' على الفيس بوك منذ قليل اصحاب المتظاهرات لإبرة منجد للدفاع عن نفسها ضد التحرش ، وقال أدمن الصفحة : للبنات الجدعان اللى نازلين يوم 30 معانا أوعى تخافى من حاجة
بعيداً عن أن نسبة التحرش هتكون شبه معدومة في يوم 30 يونيو بس الأحتياط واجب
أعلنت حملة شفت تحرش Shoft Ta7rosh عن طريقة مفعلة في مركز الحملة لتوعية الفتيات المشاركات في ثورة 30 يونيو ...
إبرة المنجد بحجم قبضتين يد .. متوفرة في جميع محلات الكلف والخردوات و سعرها لا يتعدي 5 جنيه ... طريقة الأستخدام :-
هتحطيها في حمالة البرا بالطول كأنك بتشبكي طرحة الحجاب بطريقة تكون ماسكة حمالة البرا و البلوزة او البادي و ده لسرعة امساكها و التحكم بها
مش هتحطيها في شنطة ولا في جيبك ولا اي حتة غير هنا فقططط
هتنزلي مع مجموعة مش لوحدك ولا تكونوا مجموعة بنات فقطط ولو كنتوا بنات بس تنضموا لاي تجمع يكون فيه ناس كتير ' المتحرشين بيخافوا من الزحمة '
لو لاقدر الله حسيتي بأي لمسة او هجوم عليكي بسرعة هتطلعي الابرة و تخبطيها في اي مكان بجسم المتحرش و لما بقول اي مكان يعني اي مكان حتي لو كانت العين او منطقة حساسة و لما هيتم نقله للمستشفي هيتسلم لحملة شفت تحرش عشان ياكل العلقة التمام و يعترف مين باعته يعمل كدة ...
اعضاء الحملة والمتطوعين حواليكي في كل شبر سواء كان في التحرير أو الأتحادية و جاهزين بكل الوسائل تلقى البلاغات عبر الخط الساخن : 01150118822
إتصلي و بلغي عن مكانك بالتفصيل هتلاقي أعضاء الحملة في ثواني عندك ده لو مكانوش جنبك بالفعل و بينقذوكي قبل ما يحصل حاجة ... هتلاقي الدعم النفسي و الدواء و ملابس جاهزة لو ملابسك لا قدر الله اتقطعت .... هتلاقي عربية تنقلك عالبيت فورا لو حالتك تستدعي ... هتلاقي بيوت آمنة في محيط الاتحادية للبقاء والهدوء ... هتلاقي فريق عمل مدرب هينزل بمجموعات كبيرة واغلبهم ابطال كمال اجسام و كاراتيه و الفتيات منهم مدربين علي أقتحام الدائرة و إنقاذ الفتيات