مطلقات بورسعيد يدشن صفحة علي ' فيس بوك ' للمطالبة بحقوقهن المهدرة

دشنت مجموعه من المطلقات ببورسعيد صفحه علي الموقع الاجتماعي ' فيس بوك ' بعنوان ' وقفه احتجاجيه سلميه للمطلقات باسم الحكم بالاعدام علي مطلقات بورسعيد لاستبعادهن من الاسكان بدون وجه حق ' وذلك للمطالبه بحقهن الذي اهدره محافظ بورسعيد واعوانه الفاسدين والاعتراض علي شرط لم يكن موجودا اساسا باستمارة التقدم وهو - ان يمر سنتين علي الطلاق - والمطالبه بضم المدة ماقبل التقدم بالمدة مابعد التقدم ومساواتنا بباقي الاسر لاننا اسر غير مستقره سكنيا وايضا تحت بند الاسر الاولي بالرعايه – كما قلن .
وكتبوا علي الصفحه :احنا مجموعة من المطلقات كل واحدة فينا لا لقيت بختها مع راجل كويس ولا حياه كريمه وكل واحدة فينا اتكسرت علي تربية اولادهاوشلنا الهموم وباينا ست وراجل فنفس الوقت اب وام شغاله بالنهار والليل عشن تعيش اولادها عيشه كويسه وتقدر تدفع ثمن الايجارات والمفروش وشوف حضرتك في زماننا ده الراجل نفسه بيشتكي من ضغوط المعيشه والحياه علي الرغم ان زوجته بتكون مقسماه ضغوط الحياه هي بيت واولاد وهو شغل ومصاريف واحيانا بتساندة في المصاريف تيجي بااا للست المطلقه تلاقيها باتنين بالراجل والست وشايله هموم فوق طاقتها وعشن نحاول نخفف من ضغوطنا مفيش ادامنا غير مسكن ابسط حق لحياه كريمه لينا ولاطفالنا بعيدا عن سفاحين الايجارات وقد كان وبالفعل اعلنت محافظه بورسعيد عن طرح استمارات وبالفعل كل واحدة جريت تاخد الاستمارة وتتمعن وتقرء الشروط حتي تتاكد من احقيتها تنفع وتمشي مع حالتنا والا لاءلاقيناها مفيش اي مشاكل عندنا تعوقنا نت التقدم للاستمارات واخدناها بالفعل وباينا نجري هنا وهناك شمال ويمين ونجهز اوراق بناء علي الشروط هي مناسبه لحالاتنا ولا يوجد اي شرط يعوق تقدمنا ودفعنا في شهر 2 عام 2013 كل متقدمه 3000 جنيه اللي استلفتهم من هنا واللي طفحت الدم بيهم واللي كتبت ايصال امانه وبالفعل قدمنا الورق وكل الشروط مستوفاهوفي خلال العامين جت لينا البحوث وتاكدو من حالاتنا وطلبو مننا نفس الاوراق تاني وموتي ياحمارة واتصرفي وجهزي من هنا ومن هنا وكل واحدة عايشه علي امل الحصول علي المسكن اللي هيضمن حياه كريمه ليها ولاولادها ومتحملين كل البهدله علي امل اننا هنرتاح واللي هتترحم من غلاء المفروش واللي هتسيب عشه فالشارع او البدروم واللي ااعدة عند اختها او اخوها باولادها اخيرا هتعيش فبيتها ومحدش هيتاءل منها ولا من اولادها وكل واحدة ليها قصه تشيبوفجاءة قالو هتنزل الاسامي كلنا فرحنا وهنا كانت المهزله 489مطلقه نذل اسمائهم علي صفحه الاسكان وسبب الرفض انالمطلقه في وقت التقدم اللي هو طبعا من 2013لم يمر علي طلاقها عامين وايه عامين الا يوم تموت وتفضل طبعا بالشوارع مع العلم ان هذا الشرط لم يذكر في الاستمارة ومعانا نسخه من الاستكمارة كامله بشروطها حتي الان
والمصيبه ان اي حد غير المطلقات اترفض بسبب السن او اي سبب تاني له حق التظلم وهيلاقو له حل الا الغلبانه المطلقه باولادها علي الرغم اننا متقدمين من 2013 للمشروع وطبعا اللي كانت وقتها مطلقه بالها سنه وسنه ونص احسب بااا حضرتك المدة دي مع كمان المدة اللي انتظرناها من 2013 الي الان يعني سنتين كمان فوق مدة الطلاق القديمه ويقولك ملناش احقيه ومننطقش
ليه بالله عليك يعني اللي مش اولاد البلد ياخدو واللي متجوزة ومعاها راجل وسند تاخد رغم اننا الاسر الاولي بالرعايه لان ليس لنا اي معيل بل المطلقه هي الاب والام واللي تشتغل واللي تدير بيت وتكون مسؤله عن عدد من الاطفال ويجو علينا عشن ملناش حد ومكسورين الجناح ونترمي فالشوارع
وفالاخر اللي تضيق بيها الدنيا والا تنحرف والا تتعب من الحمل وترمي اولادها وفالاخر العيب يبقا فينا مش ادرين يعرفو انهم لازم يقفو بجوارنا لاننا امهات كل ام فينا ب100 راجل رمي اولاده والام هي اللي شالتهم بسبب شرط لم يكن موجود باستمارة تضيع حقوقنا وهو ليس قرار وزاري بل قرار محافظ الراقصات
الذي ينصف ويستقبل الراقصات ويكرمهن اما الام المطحونه فالدنيا ومحاجيه علي اولادها وعوزة تستر نفسها يقفل بابه فوشها ولا يرضا بمقبله او سماع احد غير الراقصات العاريات
اما نحن المطلقات ليس لنا سوي والله ومجرد مانحتاجه هو شخص يكون سبب في انصافنا وتوصيل صوتنا للراءي العام حتي نقدر علي استرجاع حقنا قبل فوات الاوان لان الظلم وحشوذنبنا في رقبة كل حد ظلمنا ويسمعنا ويعمل ودن من طين وودن من عجين
وهي دي قصه الحكم بالاعدام علي امهات مصر المطلقات !