بالفيديو.. ريهام سعيد ل'مدكور': 'عايزاك تبقي راجلي'.. و'شريف': 'إنت كُلك أنوثة'

عرضت الإعلامية ريهام سعيد الزواج علي شريف مدكور، ضمن برنامج المقالب الذي تقدمه في رمضان قائلة له: 'عايزاك تبقي راجلي'، مما أصاب 'مدكور' بالحرج.
واعترفت 'سعيد'، خلال برنامج 'قلبك أبيض' علي قناة 'النهار'، مساء الأربعاء، لضيف برنامجها شريف مدكور بحُبها له قبل التصوير وطلبت الزواج منه.
وتابعت: 'أنت يا شريف الوحيد اللي وقفت جنبي في الأزمات'، موضحة له أنها تتابعه منذ فترة وحاولت لفت نظرة لكنه لم يلاحظ حبها له.
وأضافت: 'كنت فاكرة أنك متجوز، واتصدمت لما لقيتك لابس دبلة في أيدك الشمال'، وردّ عليها 'مدكور'، قائلًا: 'أنا كنت خاطب، بس فسخت، والموضوع من 12 سنة'.
وقالت 'سعيد': 'كنت دائمًا أقول لك تعالي نخرج مع بعض ونشوف بعض وناكل سوا بره، وأنت كنت بترفض دايمًا، وبتقولي أنا بنام بدري'، مضيفة: 'أنت مش عايز تتجوز خالص، أو يكون عندك طفل'، وأجابها 'مدكور'، قائلًا: 'أنا هتجوز وأنا عندي 50 سنة'.
وأكدت له أنهما متشابهان، في بعض الصفات، ويحبان الخير، مضيفة: 'أنا دايمًا كنت معجبة بيك وحاسة أنك راجل في ضهري، ونفسي تكون معايا'، وتظاهرت 'سعيد' بالبكاء، وهي تتحدث له.
وأشارت إلي أنها تتمني التقرب إليه والخروج معه، وهو ما وافق عليه 'مدكور'، وتأسف لها علي عدم ملاحظته لحبها له من قبل ووعدها بالخروج معها لمزيد من التعارف والتقارب، وأضاف 'مدكور': 'أنا غلطان أني مرضتش أخرج معاكي قبل كده، أنتي كلك أنوثة'.
وفي نهاية الحلقة انهارت ريهام سعيد من الضحك، وأبلغته أنه كان ضحية ل'مقلب'.