في تسجيل صوتي.. مرسي ينتقد مصطفي بكري: 'إحنا في دولة مش لعب عيال' !!

تواصل 'الوطن' انفراداتها بنشر تسجيلات الرئيس المعزول محمد مرسي من داخل محبسه، حيث تكشف التسجيلات انتقاد مرسي للكاتب الصحفي مصطفي بكري، وحديثه عما وصفه ب'تفاصيل اجتماعاته مع قيادات المجلس العسكري'، معتبرًا أن هناك 'صندوقًا أسود' للدولة لا يجوز لأحد أن يتحدث عنه علي الملأ، وشبّه المعزول الفساد في مصر ب'الخزان اللي كل ما تحط فيه ميه المحبس يطنفس'.
وإلي نص حديثه:
'في ناس هبلة طلّعوا مصطفي بكري يقول 'ده الرئيس قعد مع القيادات العسكرية، وكانوا بيقولوا إيه وإيه'، مين اللي قال لك الكلام ده '.. '؟. يا دي المصيبة، فيه حد يقول كده، اللي قال لك كده لازم يتحاكم، هو أنا هاسيبهم'.
ويتابع مرسي، في التسجيل الصوتي: 'إزاي القائد بتاع القوات المسلحة ورئيس الجمهورية قاعد مع القيادات الكبيرة بيتكلموا في موضوعات خاصة جداً جداً جداً جداً، وبياخدوا قرارات، بتستخبي القرارات عشان يبقي لينا وجه، عشان نعرف نشتغل، إزاي واحد يقول ده، يقول له إيه، إحنا قلنا إيه، وعشان نجيب الجنود دول 'يقصد الجنود المختطفين الذين تم تحريرهم' عملنا إيه، وعملنا خطط شكلها إيه، والخداع الاستراتيجي والخداع مش عارف إيه، دولة يعني فيه دولة، مش كلام لعب عيال، تقوم تيجي تقول أصل انت مش عارف، انت مجنون؟ انت مجنون يعني؟ انت مجنون؟'