حكاية ستي وديده والسكة الحديد والحاج عبد العال بطل الابطال

قَالَتْ ستي وَدِيدَهُ ذَاتُ يَوْمَ - ياواد يافرشوطي - احترم عَمُّكَ عَبْدُ الْعَالِ وَاقِفَ لَهُ بِاِحْتِرَامِ كُلُّ ماتشوفه. قلتلها- اشمعني ياست وَدِيدَهُ- دََّا كُلُّ مَا اشوفه يَقْعُدُ يُفْتَي في كُلُّ حاجِّهِ - في الطِّبُّ يُفْتَي- في الدِّينُ يُفْتَي- في الْعَدْلُ يُفْتَي- في السِّياسَةَ- يُفْتَي فيالْكُورَةُ يُفْتَي.. حَتَّي في الْبَوْلُ وَالْبِرازُ بيفتي.
صَرَخْتِ ستي وَدِيدَهُ وَقَالَتْ- جَتَكَ خَيَّبَهُ يافرشوطي انت حاتكفر يابني.. دََّا عَمَّكَ عَبْدِ الْعَالِ عَلاَمَةَ...وَخَبِيرُ.... وياما حمل البلد بحالهاوَخَدَمِهَا كُلُّهَا.... اخرس ياواد يافرشوطي وبلاش طُولَةِ اللِّسَانِ دي.
قلت لستي الغالية: حاضر ياست الكل.. واخر مرة أجيب سيرته، بَسّْ قوليلي هُوَ كَانَ بيشتغل في ايه؟
قالت ستي وديده - بيشتغل في أيه؟ بقي فيه واحد في الْبَرُّ كُلُّه مايعرفشي الْحاجَّ عَبْدُ الْعَالِ كَانَ بيشتغل في أيه؟؟ يالهوي عليك يافرشوطي.. الرَّاجِلُ الْكَمَلُ الكبارة اللي بيفهم في كُلُّ حاجِّهِ ماتعرفشي كان شغال في أيه- روح اطلع كدا علي المحطة و اسأل ناظر المحطة عنه.. دا حتي في مره إتخانق مع راكب - وحلف ياواد يافرشوطي ماهو طالع - والناس كلها تبوس في رأسه وتترجاه - وهو مصمم مايطلع الا لما الراجل ينزل من القطار..
ونزل؟؟ هكذا قلت مندهشا!!
صرخت ستي وهي تعقد حاجبها وقالت: نَزَلَ؟.. ونزل يا واد يافرشوطي ومحدش قدر عليه!.. وباس دماغه كمان برغم انه كان رتبة كبيرة قوي.. ودقنه زي شجرة دِقن الباشا الكثَّة - وكمان رئيس المحطة فضل يتحايل عليه ويقوله معلهشي ياعم عبد العال.. انا اللي غلطان لك ياعم عبد العال.. اطلع بقي ربنا يرضيك ومتعطلشي مصالح الناس ياعم عبد العال.. حاتخربط الدنيا ياحج عبد العال..
قلت: وكمان ناظر المحطة يعرفه وبيتحايل عليه؟ ماشاء الله ! ويبوس دماغه، دا يبقي علي كدا عبد العال بطل الأبطال. هو دا اللي اتغني به صلاح جاهين في الليلة الكبيرة؟ والنبي ياست وديده دا الحاج عبد العال ده ولا تحتمس الثالث.بس انتي لدلوقتي ما قلتيش هو عمي عبد العال كان شعال أيه؟
قالت ستي بسعادة غامرة - كان ماسك المواصلات كلها
قلت - قصدك وزير المواصلات؟
قالت - اكبر من كدا - كان سواق قطار.
قلت: علشان كدا ياست وَدِيدَهُ العمود الفقري لنقل الركاب مكسور والقضبان دخلت في بعض.