حملة شبابية للسيطرة علي زيادة أجرة التاكسي بالمنيا

دشن ناشطون ومجموعة من الشباب بالمنيا حملة ميدانية تبدا في 10 من الشهر الجاري للسيطرة علي جشع اصحاب التاكسي المغالين في الاجرة والذين تمادو في رفعها والاصرار عليها بالرغم من توافر الوقود وسيولة الحركة بالشوارع بعد اعادة فتح المحاور الرئيسية بالمنيا
حيث نشرت الحملة علي صفحتها علي الفيس بوك بيان تحث فيه مواطني المنيا علي عدم ركوب التاكسي 'لو الأجرة أكتر من 3 جنيه ما تركبش' ودعت الحملة إلي مقاطعة ركوب التاكسي الذي لم يلتزم بال 3 جنيه يوم الخميس الموافق 10/10 وذلك بعد حل مشكله البنزين
وأشار البيان 'في الأول الأجرة كانت 2 جنيه وبعد مشاكل البنزين إللي حصلت بقيت 3 جنيه وكنا بنقول معلش وعلشان ظروف الناس وال 2 جنيه برضو مكنوش مبلغ بالنسبة للمشاوير المتوسطة أو البعيدة علشان كده كنا بندفع ال 3 جنيه'
وستقوم الحملة بالنزول في شارع الكورنيش ورفع يفط ونعلق لافتات في كل مكان مكتوب فيها 'الأجرة 3 جنيه' وهنلزق إستيكارات علي التكاسي حتي يعرف راكب التاكسي ان الأجرة 3 جنيه بس.