مفروسة أوي

ما عانيته من فودافون علي مدي أسبوعين له العجب، عندما حاولت تحويل نظام التعامل معهم من فئة الي أخري، ولكني اعتبرته مشكلة شخصية، وقلت ما هو لابقي فيه قانون يحمي المستهلكين الغلابة وجهاز حماية المستهلك خرج ولم يعد، فعادي فودافون تخيب ويصبح أداؤها زي عمر أفندي في أخر أيامه، لكني رأيت إعلانا استفزني جدا موجها لأصحاب المحلات، يقول ليه توزع كروت دعاية في الأشارات إحنا نوصلها لك برسالة، وكأن العميل الغلبان لا أهل له ولا صاحب وكأن رقم تليفونه اللي المفروض شخصي وخاص يوزعه زبانية فودافون علي مزاجهم لأي حد يدفع، ألم يكف فودافون النهب الذي جنته أرباحا في بطن شركتها الأجنبية الأم علي قفا المصريين طوال هذه السنوات، عموما اللي عاوز يعذب حد يقوله كلم خدمة العملاء و لو عايز تقضي عليه تماما قوله خليك فودافون، ولا عزاء للمصريين !