تاج

صدق المثل اللي قال: »يموت المعلم وهو لسه بيتعلم»‬ فالانسان في كل ثانية الدينا تعطي له درساً أو هدية جديدة..الواحد كان فاكر انه عشان قرب علي التلاتين هيبقي »‬بورم» وفاهم وعارف كل حاجة.. بس في الحقيقة اننا منعرفش حاجات كتير.. الفترة اللي فاتت مريت بأزمة كبيرة بس الحمد لله الواحد طلع منها كسبان.. ساعات كتير في ناس بتبقي عبارة عن هدايا من ربنا متعرفش هما ظهروا امتي او ازاي دايما شايفينك وبيطمنوا عليك من بعيد واحنا ولا حاسين بيهم.. هو ده كان حالي اليومين اللي فاتوا كان في ناس كنت شايفهم اقرب الناس ليا بس الحقيقة انهم منظر بس مبيعرفوكش غير لما يكونوا عايزين منك »‬مصلحة».. اما الناس التانيه فهم الدهب المدفون اللي هما تقريبا مكانوش في دماغنا ولا فكرنا فيهم في يوم، هما اللي بيبقوا بيحبوك بجد وكفاية انك تكون مبسوط ومطمن وانت معاهم وحاسس انهم بيخافوا عليك ويقدروك.. الناس اللي بتتكلم عنهم دول هما اغلي حاجة في حياتنا ياريت منضيعهمش مننا ابدا ونحافظ عليهم.