كل يوم جمعة

قولوا... لكل واحد من هؤلاء!..

ل »يوسف بطرس غالي«.. اللي »يسرق« لوحده يزور!..
ل »يوسف بطرس غالي«.. اللي علي راسه »قرعة« يحسس عليها!..
وكمان مرة ل »يوسف بطرس غالي«.. تمسكه من ايديه يبحلقك لك عينيه.. تزغزغه في بطنه يلعب لك »ودانه«!..
ل »عائشة عبدالهادي«.. جت الحزينة تفرح مالقتلهاش مطرح!..
ل »احمد نظيف«.. بعد ما يحموك يعصروك من رقبتك!..
ل »تامر حسني«.. خليها تاكلك!..
وكمان مرة ل »تامر حسني«.. القرد في عين أمه مطرب!..
ل »مجدي الدقاق«.. اللي ما يعرفك يقرالك!..
ل »يوسف والي«.. من ده بكره بقرشين!..
ل »انس الفقي«.. رأس الحكمة »زلبطة«!..
ل »اسامة الشيخ«.. بعد ما شاب ودوه »المزرعة«!..
ل »حبيب العادلي«.. الخيل والبيداء تعرفني.. والسجن والشاويش والامناء!..
ل »عشماوي« الذي سيقوم بتنفيذ حكم الاعدام في المتهمين بقتل المتظاهرين.. تسلم ايدين اللي »شنق«!..
ل »مني الشاذلي«.. نسألك الرحيلا!..
ل »محمد كمال« امين لجنة التثقيف بلجنة السياسات سابقا.. شقع بقع يارب تقع!..
ل »عاطف عبيد«.. ادعوا له.. ادعو له!..
ل »حسين سالم«.. علمناهم السرقة سبقونا علي الابواب!..
ل »زهير جرانة«.. كل »كرش« بما فيه ينضح!..
ل »الوليد بن طلال«.. يحطوا لك علي وش الفتة احمد المغربي!..
ل »غادة عبدالرازق«.. هبلة ومسكوها طبلة!..
ل »تامر امين« بعد قراره بالسفر الي لندن للعمل هناك.. المركب اللي تودي!..
ل »مصطفي قمر«.. لا تسمع »الاخنف« ولا تخلي »الاخنف« يغني لك!..
ل »حلمي بكر«.. لو كل »مطرب« عوي القمته حجرا لاصبح »الطوب« في السوق السوداء!..
ل »ابو الليف«.. لما تيجي تنام يرموا عليك اللحاف ويطلعوا يجروا!..
ل »احمد سامي« الضابط بقسم قصر النيل الذي تدخل يوم الجمعة الماضي لانقاذ مذيعة التليفزيون من ايدي بلطجية ميدان التحرير.. ورد عليك.. فل عليك!..
ل »عضو« جماعة الاخوان المسلمين المسئول عن انتاج افلام سينمائية تخص الجماعة.. قوللي ولا تخشاش ملام.. حلال القبلة واللا حرام؟!..
ل »محمد البرادعي«.. ان فاتك الكرسي اتمرغ في »نوبل«!..
ل »علاء مبارك« و»جمال مبارك«.. اللي متغطي بالوالد عريان!..
ل »خالتي ام علاء«.. ايها الخجل اين حمرتك؟!..
ل »عماد ابوغازي« وزير الثقافة بعد قراره بتأجيل اقامة مهرجان القاهرة السينمائي.. اكرام »الميت« دفنه!..
ل »خالد يوسف«.. لو لم اكن خالد يوسف لوددت ان اكون يوسف شاهينَ..
ل »انوشكا«.. لا يسلم »الودن« الرفيع من الاذي حتي يراق علي طبلته »النشاذ«!..
ل »عمرو دياب«.. الهضبة وقعت!..
ل »هشام عباس«.. لو لم اكن مصريا لوددت ان اكون »هنديا«!..
ل »صفوت الشريف«.. تحلف لي اصدقك اشوف خفة ايدك استعجب!..
ل »فتحي سرور«.. تقعد علي رصيف الزنزانة وتهز رجليك!..
ل »زكريا عزمي«.. طولة الايد تبلغ جهاز الكسب غير المشروع!..
ل »محمد ابراهيم سليمان«.. الدهن في عتاقي »النشالين«!..
ل »فاروق حسني«.. قليل البخت يتكعبل في »تشكيلك«!..
ل »رانيا يوسف« بطلة فيلم »صرخة نملة«.. ايش تعمل الماشطة في التمثيل العكر؟!..
ل »هشام طلعت مصطفي«.. مشاكل قوم عند قوم »رشاوي«!..
ل »سماح انور« بسبب هجومها علي شباب 52 يناير.. صحن »مش« ولا دة »الوش«!..
»ل »نور الشريف«.. اظهر وبان!..
ل »للتخينة هياتم«.. جوعوا تصحوا!..
ل »طلعت زكريا«.. العجل لما يقع!..
ل »العبد لله«.. ظريف يا ابن ال »..........« قول كمان!..