السيسي في افتتاح أكبر مزرعة سمكية بالشرق الأوسط :ماحدش يقدر يمس مياه مصر

الفلاحين أهلي وناسي و ليس من حقي رفع مخالفات مزارعي الأرز
أكد الرئيس عبدالفتاح السيسي ان قضية سد النهضة وعجز المياه تمثل مسألة حياة او موت لمصر وشعبها وقال محذرا نحن مع حق تلك الدول في التنمية لكن مياه مصر موضوع مافيش فيه كلام وأنا بطمنكوا ماحدش يقدر يمس مية مصروأضاف تحدثنا مع أشقائنا في أثيوبيا والسودان علي ثلاثة عناصراساسية منها عدم المساس بالمياه وبنقول إن إحنا متفهمين للتنمية لكن قدام التنمية دي الميه بتمثل لينا حياة أو موت لشعب ومية ربنا اللي خلقها ما حدش تاني عملها بقالها آلاف السنين واضاف أنا عاوز اطمنكوا ان احنا حريصين كل الحرص علي حقوقنا ..جاء ذلك خلال كلمته في افتتاحه المنطقة الصناعية السمكية ببركة غليون وعدد من المشروعات التنموية امس السبت بمحافظة كفر الشيخ.
أهلي وناسي
وطالب السيسي المصريين وخاصة المزارعين والفلاحين بضرورة الالتزام بتعليمات الدولة التي تم وضعها للحفاظ علي المياه وعدم إهدارها وخاصة فيما يتعلق بزراعة الارز وقال تعليقا علي مطالب رفع الغرامات عن المخالفين من الفلاحين لزراعتهم الارز بشكل مخالف انتوا بتقولوا إن المساس بالمياه خطر طيب ما اللي زرع زراعة أرز أزيد من المطلوب ده تجاوز في حق مية مصر و شعب مصر.
واضاف ان الفلاحين هم اهلي وناسي ولكن الاوطان لاتبني بالخواظر بل تبني بالالتزام والانضباط ولم يعد امامنا كدولة سوي ترشيد استهلاك المياه حتي تكفينا والتعليمات وقوانين حماية المياه هي لصالح شعب مصر ويجب الالتزام بها لتوفير المياه ويجب ان نلتزم بتعليمات العدد المطلوب من زراعة افدنة الارز حتي نكون دولة منظمة ومستقرة .
والتجاوزات خلال السننين اللي مضت هي احدي اسباب ما نعاني منه الان والمياه المتاحة تلزمنا بزراعة عدد محدد من افدنة الارز واشار السيسي ليس من حقي ان ارفع الغرامات عن هذه التجاوزات لكن اطالب رئيس البرلمان الذي يمثل صوت الشعب ورئيس الحكومة لبحث هذه المطالب وقال يامصريين في كل غيط وبيت القواعد اتعملت عشان يتم تنفيذها.
ووجه الرئيس الشكر لكل القائمين علي مشروع المنطقة الصناعية السمكية بغليون وباقي المشروعات القومية وقال بوجه كلامي لكل المصريين اللي انتو شايفينه ده واللي هانتكلم فيه خلال الفترة القادمة هي خطوة علي طريق ده مش كل الطريق ولا ده هو المستهدف ولا ده هو بس الأمل.
واضاف الرئيس المشوار اللي قدامنا طويل واحنا متأخرين فيه لأسباب كتيرومحتاجين نتحرك بوعي وهمة وإخلاص وأمانة أكتر من كده بكتير واحنا محتاجين كدولة انه نتحرك مع اليات السوق الحر ومن خلال مثل تلك المشروعات نهدف إلي زيادة الانتاج وتقليل التكلفة وخاصة علي محدودي الدخل.
25 ألف طن
واشار السيسي الي ان مشروع الاستزراع السمكي بغليون سينتج 25 ألف طن اسماك لكن اللي بيتعمل فيه حاجات متكاملة مع بعضها وليس علي قدر المزرعة دي فقط فقد افتتحنا أكثر من ألف حوض علي الضفة الشرقية لقناة السويس وفي المرحلة الثانية بهذه المنطقة سنستكمل 4 آلاف حوض أسماك، وفي ديسمبر المقبل سنفتح هذه الأحواض، وبالتالي في شرق قناة السويس سنكون انتهينا من 4 آلاف حوض إضافي، كما نعمل علي إنشاء مزرعة عملاقة شرق بورسعيد علي 19 ألف فدان وإحنا مش بنتكلم عن أي مشروع لم يتم افتتاحه، لكننا انهينا حجماً ضخماً من هذه المزرعة، ووعدتكم في 30 ويونيو 2018 لازم أكون خلصت اللي وعدتكم بيه ومنها مزرعة شرق بورسعيد وبركة غليون ومزارع هيئة قناة السويس بالإضافة للبحيرات واطالب المصريين ان يقفوا معانا لصالح مصر وتنفيذ حجم العمل المطلوب و اقول لكل المستثمريين من لديه القدرة ان ينفذ المشروع بشكل متكامل مفيش فيه غلطة زي ما بنفذ فليتقدم واحنا عملنا اجراءات الانتاج الحقيقي و يتبقي ان يتم تاهيل كل العناصر العاملة بالمشروع وتدريبها وعشان المرحلة الثانية نكمل 9 الاف فدان بغليون.
وأوضح الرئيس أن هناك فجوة موجودة وقدرات أهدرت وساءت مننا علي مدار السنوات الماضية فمثلاً بحيرة المنزلة من عدة بحيرات موجودة في مصر وهي عبارة عن بحيرات مغلقة لإنتاج الأسماك إنتاج طبيعي، ولكن الصيد الجائر والتعدي علي هذه البحيرات وإلقاء مخلفات الصرف الصحي والصناعي والزراعي عليها أدي لأن فقدنا القدرة الحقيقية علي الاستفادة مها.
فبحيرة المنزلة كاننت حوالي 700 الف فدان وتقلصت الي 400 الف فدان بسبب التعديات واحنا بنتكلم اليوم عن وجود مشروع رائد في بحيرة المنزلة لازالة هذه التعديات وكل ذلك يتم من اجل مصلحة شعب مصر.
وتابع صحيح المواطن اللي ازالنا تعدياته زعلان ويقول ما تسيبنا ياسيسي .. كان نفسي ..لكن انا بعالج السلبيات ومش هضيعك ابدا برده
وحول مصارف الصرف الصحي التي تقوم بالصرف في البحيراة ومياه النيل قال السيسي مثلا مصرف كوتشنر ومصارف اخري خطرة كانت بتصرف في البحيرات جعلت منها بحيرات ملوثة واضعفت الانتاج السمكي اليوم الدولة تكلفت من 40 الي 50 مليار جنيه لرفع كفاءة بحيرة واحدة وهي المنزلة..طيب بكام ومنيين ؟.
واضاف الرئيس الانتاج الحيواني فيه فجوة كبيرة ونعمل علي انتاج مليون راس ماشية وبدانا ب 120 الف راس ستكون نواة لهذا المشروع والدولة هي اللي بتعمل مش القوات المسلحة والاموال لاتوضع في جيوب اي منهم والجنيه براجل ومحدش بياخد منه حاجة والجيش يساهم في خطة التنمية كذراع قوية تدخل في المشروعات التي تمس حياة المواطنين الاساسية وخلال اسابيع قليلة سيتم افتتاح مزارع الانتاج الحيواني وهي تضم مجازر علي اعلي مستوي ومصانع انتاج وخلال الاسابيع القادمة سيتم الافتتاح ونعطي فرصة 200 الف راس ماشية قادمة وأي مشروع يتم بشكل علمي ومدروس .
المعايير العالمية
واكد الرئيس عبد الفتاح السيسي إن الأسابيع القادمة ستشهد أول إنتاج من الصوب الزراعية، وقال بكلمكم علي 20 ألف فدان صوب وسيتم افتتاحه طبقاً للمواصفات والمعايير العالمية وهقولكم بكام ومنين»‬، معقباً: فيه دول قعدت 20 سنة عشان تصل ل20 ألف صوبة وثمن الصوب فقط 20 مليار جنيه هذا بخلاف المياه والارض.. وده بكام ومنيين ؟
واضاف قبل 30 يونيو 2018 سيتم الانتهاء من جميع ال 20 ألف صوبة.. نتحدث عن صوب مساحتها فدان وأخري 3.5 فدان للصوبة ، إذًا تكلفة ال 20 ألف صوبة فقط 20 مليار جنيه، بخلاف محطات المياه والمعالجة أو المنشآت الأخري المرتبطة بالمشروع.
وقسما بالله كل اللي بتكلم فيه خطوة واحدة علي الطريق إذا كنا نريد أن نصبح دولة ذات شأن.. لازم نمشي ألف خطوة من اللي بنعمله ده.