رحيق الحياة

الكلام التالي وصلني علي الفيس بوك من شخص لا أعرفه لكن ما به يجعلني أنقل منه ما تسعه المساحة بأسلوب صاحبه الذي يقول » كان معايا مبلغ نويت اتبرع بيه لأطفال أبو الريش، وانا هناك شفت طفل متكفن واحد مستنيه بموتوسيكل ومامته بتجري وراه ومعاها واحدة بيقولوا لو ملقناش ميكروباص هنتصرف ونيجي وفضلوا يجروا فالشارع ورا الموتوسيكل، في أي وقت بالليل تعدي جنب سور المستشفي تلاقوا ناس نايمه في الشارع، دول أهل الأطفال اللي جايين من مناطق بعيدة، معندهمش إمكانية يأجروا مكان يباتوا فيه، المهم دخلونا للمدير الإداري اللي جاب فايل فيه حالات محتاجة علب لبن ومفيش إمكانية، طفلة عندها 80 يوم عاوزه انبوبه اكسجين ومفيش إمكانية، طفل محتاج دوا بألف جنيه وحالته خطيرة والمبلغ غير متوفر، حالات كتير كتير مش قادر أوصفها، المستشفي فيه أورام وقلب مفتوح وفشل كلوي، سألتهم ليه مش عاملين دعاية عشان الناس تتبرع فقالوا معندناش فلوس نصرفها في دعاية وإعلانات.. هو احنا معانا نصرف علي احتياجات المرضي لما نصرف علي حملات تبرع ؟ ! »‬، أطفال بتموت وأطفال في حضانات وأطفال عندها أورام وصمامات مسدودة، أمهات شايلين عيال صغيرة في إيديهم »‬الكانوله»‬ كنت عاوزة أعيط جنبهم، أقسم بالله خرجت من المستشفي بعد ما تبرعت باللي فيه النصيب وقلبي موجوع علي الآخر، مستشفي أبو الريش للأطفال فيه أطفال بتموت عشان أهلهم معهمش 50 جنيه يجيبوا علاج، اللي عاوز يتبرع يروح بنفسه ويجيبلهم علاج أو يتبرع في حسابهم في بنك ناصر الاجتماعي حساب رقم 3/4667، انقذوا أطفال مستشفي أبو الريش، المستشفي معندهوش فلوس يعمل دعاية زي مستشفيات أخري.