إحم إحم!

هشام مبارك
زغدتني زوجتي بكوعها لتوقظني من أحلي نومة وهي تقول: قوم نزلي الشنطة الكبيرة من فوق الدولاب عايزة أطمن علي البلوفرات لحسن تكون أكلتها العتة احتمال نحتاجهم قريب..قلت مندهشاً: بلوفرات إيه ياولية في الحر ده تكونيش فلول وانا مش واخد بالي هوأنا نايم جنب مرتي ولا في لجنة السياسات..طب إللي بيأيدوا شفيق دول ستات فافي وبنات صغيرين عشان راجل ناعم وعازب وطمعانين في لقب السيدة الاولي لكني انتي طمعانة في إيه ولا تكونيش ناوية تخلعيني؟فإذا بالصغيرة كلمات التي تنام وسطنا تتدخل في الحوارقائلة:إلبس البلوفر يابابا وانت ساكت دي الفرصة الوحيدة إن جدو شفيق يخليني أشترك في برنامج من سيربح البونبون!