هشام مبارك قررت والدتي فجأة تعليق جولاتها العلاجية وامتنعت عن تناول الدواء وطلبت عقد مؤتمر صحفي..وعندما أبديت دهشتي قالت:كل من هب ودب دلوقتي بيعمل مؤتمر اشمعني أنا.. قلت: بس يا أمي فقاطعتني: أصلك زي القرع بتمد لبره..مستكترعلي امك ساعة تقول فيه إللي نفسها فيه مع إنك دايرطول النهارإنت وزمايلك ورا ناس لا تودي ولا تجيب..عمركم ياصحفيين جربتم تحضروا مؤتمرصحفي لمواطن عادي عايزيبعبعله بكلمتين؟ قلت:عايزاني أقول لزمايلي امي عاملة مؤتمروأكتب كلامك في الجرانين؟فقالت:وإيه يعني مانت بقالك مليون سنة بتكتب عن مراتك وعيالك..حرام يعني لما تكتب كلمتين لأمك يابن مبارك؟