زوار "أخبار مصر" يرحبون بالتاكسى الطائر بين المحافظات

اعتبروه حلا عمليا لازمة المرور

رحب زوار "أخبار مصر" بالتاكسى الطائر بين المحافظات الذى اعلنت عنه أول شركة طيران للتاكسى الطائر فى مصر، واعتبروه حلا عمليا لازمة المرور خاصة فى حالات الاسعاف وما تحتاجه من سرعة وحملت تعليقات القراء تساؤلات عديدة عن الاسعار وكيفية الصعود والنزول والتعليقات الطريفة كان لها نصيب كبير.
الزائرة سماء ترى الفكرة فى منتهى الجمال والروعة بس يارب تكون فكره على حق ومش يكون كلام وخلاص كالعاده وتلاقى الطائرات دى مش مجهزه او سيئه لو فعلا طائرات مجهزه ومهيئه كويس وبنفس التكلفه الاوتوبيس هتكون فكره ممتازة وبرده تحقق مكاسب خرافيه
والزائر ماهر فرج " افكار تستحق الاحترام والتقدير ربنايوفقكم لما فيه الخير للبلد "
وتخوف البعض من الحوادث فقال "ربنا يستر" اصل بصراحة حوادث الأوتوبيسات مقدور عليها لكن حوادث الطائرات بتبقى كوارث !! يا ترى حد عمل سياسة للحد الأدنى من مستوى الأمان اللى مفروض يكون متوفر؟؟؟ مش عايزين الطائرات تبقى زى العبارات
الزائرة "مصرية مغتربة " طب وده الواحد ينزل منه ازاي بالباراشوت .... هيه فكرة حلوة بس هيركن فين ده هوه فيه مكان للعربيات الاصغر حجماً ... دا السواقين بيقعدو يدورو على حتة يركنو فيها عشان الشخص ينزل ... طب ولو مدفعتش الاجرة اللي هوه عايزها موش هيركن وهيقولي انزل .. طب وبعدين ....
وزائر يتساءل "طب وده الواحد ينزل منه ازاي بالباراشوت " و يمنى ياترى الطيارة دي بجواز سفر وتذكرة ولا ايه