كلام مسئول

محمد صلاح: مصر هبة النيل وقناة السويس القناة اللي شهدت دايما على مدى تاريخها وكانت في مواجهة الاطماع الاجنبية مرة فرنسا مرة انجلترا ومرات اسرائيل 141 سنة من1 افتتاحها الاسطوري الاول وحتى الان شهدت القناة احداث ومعارك شهد افتتاحها ملوك واباطرة وملكات ، قناة السوي اللي رفض عرابي انه يردمها عشان ما يجيش منها الانجليز ولكن جم ومددوا ثورته ، قناة السويس التاميم والرد عليه بالعدوان الثلاثي ، القناة ونكسة يونيو 67 وحرب الاستنزاف وبطولة البحرية العسكرية المصرية قناة السويس واعادة الافتتاح في يونيو 75 بعد اكتوبر 73 اللي شهد اجمل احتفال شهدته مصر ، قناة السويس عايشة التحدي وبقت واحدة من اهم روافد الدخل القومي المصري من على شط القناة هيكون لينا كلام مسئول
فاصل
محمد صلاح: قناة السويس اللي ميتها بتتهادى على ارض مصر حاجة مهمة منذ تاسيسها او منذ حفرها في عام 1869 راح منها 125 الف في الاوبئة او في السخرة لكن بعد كده ظلت القناة شريان ووريد مهم لمصر وكمان للعام حلت ازماته وشاركت في مشاكله لكن كمان فضلت تحل في مشاكل العالم وتساهم كتير قوي في انها تتحل مشاكل مصر رئيس هيئة القناة الفريق احمد فاضل هيكون لينا معاه كلام مسئول ومن كلام الفريق احمد فاضل
"الاتجاه في خصخصة هيئة قناة السويس غير وارد بالمرة تحت أي ظرف او مسمى ""قناة البحرين المزمع تنفيذها بين الاردن واسرائيل يتطلب موافقة مصر وفلسطين خاصة انه في حالة تنفيذ القناة سيعقبه نشاط بركاني وزلزالي في المنطقة لقربها من الصدع الافريقي كما ستدمر البيئة البحرية في خليج العقبة "" لا يمكن منع السفن الاسرائيلية من المرور الا اذا كانت ستضر بالبيئة المصرية حيث ينطبق عليها ما ينطبق على السفن الحربية الخاصة بسائر الدول والرئيس الراحل جمال عبد الناصر تعهد خلال اعادة القناة للملاحة في فبراير 1957 بعد خرق اتفاقية القسطنطينية وذلك في رسالة قدمها محمود فوزي وزير الخارجية الى الامم المتحدة انذاك ""ظاهرة القرصنة لم تؤثر على القناة بشكل كبير عكس الازمة المالية العالمية فقطاع النقل البحري كان اكثر القطاعات تأثرا بتداعيات الازمة المالية العالمية "قناة السويس من مشروع استعماري الى مشروع كبير اقتصادي من مسببة ازمات الى حلالة للعقد والمشاكل، قناة السويس الي احنا واقفين دلوقت على شطها هيكون لينا عنها مع رئيس هيئة قناة السويس الفريق احمد فاضل كلام مسئول
فاصل
محمد صلاح: ارحب برئيس هيئة قناة السويس الفريق احمد فاضل سيادة الفريق قناة السويس اللي كانت محور للمعارك على مدى تاريخها شايف حال القناة دلوقت ازاي؟
الفريق /احمد فاضل: اولا كل عام وانتم بخير بمناسبة 5 يونيو ودا كان يوم من ايام الشدة في 67 وتحول بفضل الله وبفضل القوات المسلحة الى يوم من ايام الفرحة نتيجة نصر اكتوبر 73 وبالمناسبة دي بنبعث التهنئة للقائد الاعلى للقوات المسلحة وبنحي روح الرئيس الراحل انور السادات وبنحي شهدائنا الابرار في حرب 56 الى نصر اكتوبر ونقدر نقول ان احنا بفضل سيالسة الحرب والسلام والضربة الموفقة في اكتوبر 73 واعادة افتاح قناة السويس في 75 انعاد الحق الى اصحابه ووصلنا انة احنا النهاردة نقدر نقول اولا ان العالم تاثر جدا بما حدث في نهاية 2008 وهو الانهيار المالي احنا تاثرنا بان حجم البضاعة العابرةعندنا نزلت في 2009 عن 2008 نقول 20%
محمد صلاح: يعني يالسفن اللي بتمر من هنا نزلت 20% طبعا دا بيأثر في الدخل ؟
الفريق /احمد فاضل: طبعا الدخل نزل حوالي 17.5% دا الكلام دا لو قارنت سنة 2009 ب2008 ، احنا قلنا سنة 2008 سنة رواج كاذب فانا اقول ان المتوسط سنة 2006/2005 لغاية 2008 هو دا اللي بيديني دلالة شوية لو انا عملت كده الاقي ان الفرق ناقص 4,5
محمد صلاح: سيادة الفريق الحديث عن قناة السويس كمنذ التاميم بيكون فيه كلام عن مستوى لامرشدين كلمني عن مستوى المرشدين اتحكى بطولات حاجات كتيرة هل فيه معهد هل فيه وسيلة ازاي الواحد بيبقى مرشد في قناة السويس ؟
الفريق /احمد فاضل: هو نظام عالمي ويمكن من اكثر الاماكن تشددا فيه هو قناة السويس انا ما باخدش خريج معهد انا باخد راجل معاه شهادة التخرج كان رابط تاني سواء في البحرية الحربي او البحرية التجاري عن طريق الاكاديمية العربية بعد كده هو يتدرج في الشهادات يعني يقعد على الاقل 5 او 7 سنين ضابط تالت عشان يقدم لامتحان ضابط تاني ويقعد يمسح ضابط اول يعني لازم يخلص المرحلة بتاعة التاهيل اللي وصلته الى ربان اعالي بحار يعني خلاص معاه الماستر تيكيت بعد كده مالوش امتحانات بعد كده هو خد الشهادة وعمل بها ربان سفينة مش اقل من 5 سنوات بعد كده يبقى صالح يعمل مرشد في قناة السويس بعمل اعلان وبيجوا وبنعمل امتحانات فيه منهم بنقوله متشكرين وبنعمل دورات تدريبية في بداية الدخول وبعد كده دورات تدريبية لرفع الحمولة يعي لو حضرتك حطيت على المراكب المعدية مراكب كبيرة ومتوسطة وصغيرة وكل مركب لها مرشد وفيه بيقولوا مرشد حمولته قد كده له حمولة ما يتجاوزهاش الا لما يعمل امتحانات وبعمل دورة تدريبية لان ليس كل حمولة يصلح لها المرشد المخضرم القديم
محمد صلاح: بيجي على الذهن السؤال طب ما المركب موجودة والمراكب جاية من بورسعيد طب ما تعدي وخلاص يعني المرشد دلا بيعمل ايه بالظبط ؟
الفريق /احمد فاضل: اللي حضرتك بتقوله مهما جبت من اجهزة ومعدتت كمن اجهزة حديثة لا تغني عن المرشد اطلاقا ليه..؟ الانسان هو اللي بيفكر كيف يتم التصرف في وقت الشدة بيحصل انه السفينة ماشية وفجاة فقدت التيار الكهربائي طيب التصرف ايه ، مشاكل في المكن فصلت فلما نيجي نبص نلاقي ان المرد هو الوحيد القادر على التصرف بس مش قادر على التصرف زي صاحب السفينة بمعنى ايه يعن لو قلنا ان حضرتك السواق بتاع المقطورة الكبيرة اللي موجودة وانا المرشد قاعد جنبك انت الي بتسوق مش انا لان انت عارف فراملك عالية ولا واطية رجل الدفة دا يمكن بيفوت انا بقى لو موجود معاك بقولك خد بالك تعال كده خد بالك انت مش في نص القناة .. انت لو مش في نص القناة في بعض الاماكن الحرجة هتلاقي التيار خدك وبتشحط يعني تروح واقفة على الارض
محمد صلاح: يعني وظيفة المرشد مهمة وستظل مهمة ؟
الفريق /احمد فاضل: مهمة على شرط طبقا للقانون البحري الدولي ان المرشد هو ADVISER ناصح فقط
محمد صلاح: سيادة الفرثيق لما تااتحفرت قناة السويس كان طولها 164 كيلومتر دلوقت طولها 200 كيلو متر بتطول ازاي يعني ؟
الفريق /احمد فاضل: هي طولها 194 مش200 احنا شقينا وعرضنا نتيجته لا ان انا لما عملت 78 كيلو تفريعات من 192 حصل ان فيه بعض الاماكن بقت اتجاهين بس احنا بنعمل ايه لما جينا عمنلنتا التفريعة عملناها في الناحية الغربية وناحية سينا عملناها عريضة وعميقة النهاردة بنطور
محمد صلاح: في مقولة خالدة ان مصر هبة النيل بكل صراحة مين ؟
الفريق /احمد فاضل: هي انشات بطبيعة وجود القناة لان الاسماعيلية مكانتس موجودة بورسعيد مكانتش موجودة بزور فؤاد مكاتنتش موجودة بور توفيق مكانتش موجودة اللي كانت موجود السويس بس وكانت مينا ومينا مش كبير
محمد صلاح: طيب السفينة المعدية دلوقت بتعدي على طول الراجل اللي قاعد في اسماعيلية مستفيد ايه من مرور القوافل بشكل عملي ؟
الفريق /احمد فاضل:القناة عملت المجتمع وعمل القرية المحيطة بالقناة على طول الخط وبالتنالي خلقت وظائف وخلقت معيشة وخلقت مجتمع مريح وبيئة نظيفة الى حد كبير على التلوث اللي موجود فهي خلقت البيئة الاجتماعية والاقتصادية للانسان اللي جذبته من البلاد الاخرى
محمد صلاح:بقى فيه من المحافظات الاخرى بقوا يجيوا من قناة السويس ومن الاسماعيلية وبورسعيد بقوا محافظات جاذبة مش طاردة ؟
الفريق /احمد فاضل:جاذبة وجاذبة جدا احنا هنا كنا لابنوفر لهم السكن الاداري وبالتالي لما بيجي يطلع معاش باخد السكن الاداري منه وبديه سكن بفلوسه بتاعة المعاش ، انا بقدملك مياه الشرب على احسن وارقى مستوى في مصر كلها ببني مدارس من الحضانة الى الثانوية العامة يدخلها ابناء الهيئة او ابناء المنطقة بعمل خدمة طبية متميزة في ال3 مدن بعمل خدمة اجتماعية عن طريق نوادي اجتماعية بعمل خدمة رياضية عندي 104 لعبة عندنا فروسية عندنا بولو
محمد صلاح:كان فيه فريق القناة في الدوري راح فين ؟
الفريق /احمد فاضل:لا هو موجود وزعلان من نفسه ومش عاوز يطلع ادوري الممتاز بنعملهم كل الامكانيات بس هما شايفين ان مستواهم كده كويس وعيشتهم كده كويسة
محمد صلاح:دا على المستوى الضيق الفوائد اللي جت لمدن القناة خلينا نتكلم على المستوى الاكبر لما افتتحت قناة السويس كان دخلها مليار دولار سنويا نقول لناس دلوقت القناة بتدخل ايه لمصر ؟
الفريق /احمد فاضل: اعلى رقم حققته القناة سنة 2008 اللي هو سنة الرواج الصناعي حققنا 5.4 مليون دولار ما يعادل حوالي 30 مليار دولار ، في 2009 حققنا ارباح مليار و3 من عشرة مليار دولار يعني نقدر نقول ان احنا حققنا 26 او 27 مليار جنيه وبعدين برضه لازم تعرف ان الدخل بتاعنا بيصب مباشرة في خزينة الدولة
محمد صلاح: القناة يافندم لما بتعمل توسعات بتعمل تطوير بتعمل خدمات زي ما حضرتك بتقول خدمات طبية للناس خدمات اجتماعية ومن مرتباتت القناة دي هي اللي بتصرف على نفسها ؟
الفريق /احمد فاضل: والله انا مش منعزل عن الدولة نحن بنعمل من خلال قانون الجهاز المركز ي لمحاسبات بيراقب تنفيذه فانا بنفذ اه لكن عندي الفرق بيني وبين غيري الفلوس بتاعتي لما بتيجي بجيب النهاردة عشر قروش اخد منها 2 طبقا للتخطيط اشتغل بيهم وهعمل التسوية دي كل فترة اذن انا بشتغل من خلا ل ميزانية محددةاشتغل من خلالها كون انا عندي حرية شوية كون انا انا عندي نوع من الانضباط شوية كون ان اناى عندي نوع من التنظيم شوية بحيث انت اثارها يمكن انه يبان وبسرعة لانه البنية الاساسية بتاعتي محترمة فلما بكمل عليها بتبان وبتبان بسرعة
محمد صلاح:هو كام واحد بيشتغلوا في هيئة قناة السويس ؟
الفريق /احمد فاضل: حوالي 25 او 30 الف
محمد صلاح: خليك معانا الكلام لسة مخلصش
فاصل
محمد صلاح: معلم كبير وبتقدمها مصر للعالم مش لازم على طول يبقى فيه تطوير؟
الفريق /احمد فاضل:القناة مهمة في عالم التجارة العالمية والقناة بتعمل على عدة محاور مهمة على ارسها محور السفن التجارية من نوعيات مختلفة فاذا لم نكن موجودين في قلب الحدث هنقعد في مقاعد المتفرجين وليست قناة السويس ولن تكون في مقاعد المتفرجين ابدا فاحنا دايما باستمرار عندنا تطوير في جميع النواحي لو حضرتك بصيت في أي ناحية من نواحي العمل او الترفيه او الخدمات اللازمة هتلاقي التطوير مستمر وعلى راس هذا التطوير عندنا قناعة مني ومن جميع رؤسالء الهيئة السابقين انسان قناة السويس كل حاجة تيجي بعد كده اهتم بالانسان هو الانسان راجل قادر وطني ومخلص ويعطي بسخاء وما يسالش عن المقابل طالما شايف انك مهتم بيه وبعد كده المعدات دي حاجة سهلة لكن المعدة مين هيشغلها ومين هيحافظ عليها
محمد صلاح:بيتقال كلام كتير عن بدائل لقناة السويس طبعا ومان كان راس الرجاء الصالح هو دا لسه بديل مطروح ؟
الفريق /احمد فاضل:امال
محمد صلاح:وخايف منه؟
الفريق /احمد فاضل: لا .. لازم تبقى عارف ان هذا البديل كان طول عمره موجود سواء لما قبل ما نعمل القناة او بعد القناة مكانش فيه غيره فلما تيجي تتكلم عليه بتتكلم عن واقع موجود لو انت ما قدمتش الخدمة المتميزة اللي تبقى ارخص واسرع فيبقى لزومه ايه فدا منافس شريف وواضح واضح المعالم والرؤيا
محمد صلاح:فانت بتطورنفسك عشان الناس ما تروحش في حتة تانية
الفريق /احمد فاضل:عشان الطريق البديل ما يبقاش هو الطريق الاساسي وانا ابقى البديل عشان استمر انا في المقدمة والطريق البديل يستمر بديل وفيه طرق اخرى فيه عن طريق المحيط المتجمد الشمالي بيمشوا فيعه انه بيعملوا كسارات التلج
محمد صلاح: السفينة دي سفينة غريبة؟
الفريق /احمد فاضل: دي سفينة الغاز الطبيعي دي عبارة عن خمس كور جواها الغاز اللي احنا بنصدره وفيه نوعين من السفن دي يا اما تلاقيها على هيئة كورة او هيئة متوازي الاضلاع لكن الاتنين بيشتركوا في نقل الغاز الطبيعي المسال ودي داخلة لها في حوالي 200 الف
محمد صلاح: هو احنا من حقنا نعرف ايه اللي بيعدي؟
الفريق /احمد فاضل: دا لازم
محمد صلاح: وممكن تفتش ؟
الفريق /احمد فاضل: امال..السفينة قبل ما بتيجي لها توكيل ، التوكيل بيقدم طلب العبور وفيه اوراق السفينة والشحنة ولو كانت معاه اوراق ناقصة القبطان لما بيجي بيكملها
محمد صلاح:اكتشفتوا حاجة مرة ؟
الفريق /احمد فاضل: فيه قانون اللي احنا بنعمل بيه وموجود في كل دوريات العالم وكل الشركات واضح تماما ان هناك حاجة اسمها مخالفات مفيهاش قيد او شرط اللي يرتكبها هيتنفذ عليه لو حضرتك معدي القناة ومعاك شحنة خطر لم تبلغ عنها الغرامة 75 الف دولار وامنع عبورك لحين ازالة السبب فاحنا عندنا غرامات فالقبطانت بتاع المركب مالوش مصلحة انه يخبي حاجة وانت لو بلغت احنا بنعمل فحص على الشحنة وبالتالي نادر لما تحصل حاجة زي دي
محمد صلاح: نرجع تاني للبدائل وننتكلم عن القناة المزمع تاسيسها الي هي قناة البحرين البحر الاحمر والبحر الميت برضه بيتقال على فترات احاديث شايف ان الحكاية دي بتهدد القناة؟
الفريق /احمد فاضل:انا بقولها لك بامانة استحالة ان تقوم قناة اخرى بديل لقناة السوي خلاص عدت المرحلة دي هقولك ليه النهاردة اللي مطروح ان البحر الميت اللي هو منخفض على سطح البحر موجود في اكبر بقعة منخفضة في العالم والبحر الميت نظرا لعدم وجود بدائل لاعادة توازنه بمعنى المياه اللي نازلة من الانهار والروافد بتصب فيه النهاردة الشتا قل نتيجة الجفاف الروافد وغيره بطلت واسرائيل ولبنان عملوا مشروعات كتيرة عشان مفيش كمية منها تنزل تروح البحر فبقى الحر يعاني من العطش مش لاقي يعوض فابتدى ينزل كل سنة حوالي 45 الى 50 سنتي فقالوا لو سبناه البحر الميت هينشف فلازم نلحقه فهنجيب له مية مالحة من البحر المتوسط والبحر الاحمر الى ان نعلي مستواه
محمد صلاح: يعني الكلام مسالة بيئية؟
الفريق /احمد فاضل:لا دا البيئية اخطر فطبعا لما جم شافوا الكلام دا قالوا طيب البحر المتوسط ما ينفعش فقال انا هجيبه منى البحر الاحمر اخد المية المالحة خلال مواسير او انفاق واطلع بيها على الجبال وانزل بيها على البحر الميت يعني دا معناه اني هعمل مسقط مائي ودا هولد منه كهربا
محمد صلاح: طب المشكلة جت منين؟
الفريق /احمد فاضل:انت بتقولي مجرى مائي عشان تنشئ حاجة تنزل في البحر الميت الدراسة بس مرصود لها حوالي 14 مليون دولار طيب هنفترض انه بدل ما يعمل ماسورة عمل مجرى مائي يوصل لغاية البحر الميت ومن البحر الميت يوصل للبحر المتوسط واحنا نايمين مش دريانين هتتكلف كام مليار ليس اقل من 60 او 70 مليار دولار ، اتنين الطبيعة بتاعة الارض في منطقة اسرائيل والاردن جبال صعبة جدا وبعدين منحدر وبعدين تحت سطح البخر وبعدين السهل اذن لما انت وانت بتحفر مش هتقدر تعمل غعير طريقةقناة بنما تطلع بيها السفينة وبعدين تنزل وبعدين تطلع تاني زي الاهوسة لانها تغلي التكلفة قوي وبتخلي التطوير محدودج لانه بيكلف جامد وطولها 328 كيلو وانا حوالي 200 يعني هو في الطول اطول وفي التكلفة اتكلف دم قلبه وفي الوقت هياخد وقت اطول متكلف 60 او 70 مليا رعشان يتكلف قناة يغيظنا بيها ..!! ولا عشان يجيب بيها دخل البيشة بقى حكايتها في اللي احنا قلناه ما تنفعسش تبقى قناة ملاحية لانه لو ادى الخدمة دي في ساعة انا بقدمها في نص ساعة لو قدمها ب10 قروش انا ممكن اقدمها بقرش فهنا المنافسة مفيش نيجي بقى للبيئة البيئة اتاثرت ازاي طيب لما خلسج العقبة لتخش فيه لاالمية لفة جوه الخليج وطالعة يعني تجديد المية من خلال الحتة دي طيب الحتة دي عندنا المتحف الرباني اللي هو بتاع القاع والشعب المرجانية دا انشئ في الاف السنين نتيجة التيار المائي الضعيف تخيل انت لو جيت وعملت فيه فتحة الفتحرة بتشفط 5 او 6 مليون عشان تنزل في البحر الميت سرعة دوراتن المية جوه الخليخ هيبقى شكلها ايه هتبقى غير طبيعية وباتالي البيئة هتتغير تغير فظيع السؤال التاني لما بتيجي ارتفاع لمستوى البحر الميت المية المالحة بتزيد اذن المياه الجوفية اذن المياه الجوفية هتاخد ملوحة في الاردن واسرائيل ومصر وتبقى مصيبة نيجي للمصيبة الاكبر المية ماشية لغاية ما يوصل وينزل البحر الميت الحركة دي بتتم فوق الفالق الجيولوجي بين اسيا واوربا المار بالمنطقة تاثيره ايه على حزام الزلازل
محمد صلاح:لما حصلت مشكلة القرصنة كانت بتحوم حواليبن دخل قناة السويس وعدد السفن اللي مكن تمر في منها لانه ممكن يحصل لها قرصنة انت كنت قلقان في الفترة دي ؟
الفريق /احمد فاضل:كان تهديد نسبي يعني حضرتك لو كنا تاثرنا بالازمة المالية عشرة فتاثرنا بالقرصنة واحد لانه موضوع القرصنة مش الموضوع الكبير اللي تم تصويره في الاعلام لان القرصنة موجودة من ايام الملكة حتشبسوت وفي المنطقة دي موجودة في الاول من ايام محمد علي باشا كانت المنطقة جي لما كانت الدولة الشاطئية قوية كانت مسيطرة لما الدولة ضعفت ابتدت تظهر وظهرت على استحياء الى ان انعقد اول قعدة تحت اشراف الايموفي حوالي 2003 و2004 في صلالة وفي مسقط وفي جيبوتي والايمو متابعة الى ان حصلت الفرقعة التي لا علاقة لها بقناة السويس اللي اهي السفينة اللي كانت طالعة من السعودية بدل ما تطلع تعدي قناة السويس نزلت تعدي حوالين راس الرجاء الصالح السفينة دي شايلة تقريبا الف طن بترول اذن السفينة مش رايحة قناة السويس وعدت خليج باب المندب وعدت منطقة خليج عدن ونزلت القرن الافريقي وكملت وعدت حدود الصومال وعدت على كينيا وحدود كينيا 300 ميل واتخطفت فهي مخطوفة وهي بعيدة عن قناة السويس تماما اذن التهديد الموجود لخطورة الملاحة الدولية وليس قناة السويس
محمد صلاح:في المشاكل السياسية بعض الناشطين في المعارضة المصرية بيتكلموا عن مرور السفن الامريكية والاسرائيلية في قناة السويس في اوقات المشاكل وضح لنا القصة دي ؟
الفريق/احمد فاضل:انا النهاردة لو جيت تقولي ان هذه الاتفاقية اللي بتعطي كل الدول حق المرور في ماعدا الدولة اللي انا في حالة حرب معاها طالما انا معنديش حالة حرب هرد على حضرتك لما بنقول دي قديمة طب النهاردة احنا بنطالب دول حوض النيل باحترام اتفاقية 1929يبقى انت ما تطالبهاش بكده لانك اننت مش بتحترم اتفاقياتك يبقى هو كمان مش هيحترم اتفاقياته لكن انا بصيت لحاجة تانية الرئيس عبد الناصر حقيقة الامر ضرب ضربة معلم في التاميم لا ينكرها احد ، لما حصل بعديها حصل العدوان الثلاثي ومصر تم الاعتداء عليها واحتلت بعض المناطق سينا وصدرت الاوامر العليا بمجلس الامن وامريكا وروسيا واعيد افتتاح قناة السويس في ابريل 57 ، السيد جمال عبد الناصر اصدر تعليمات عشان يطمن العالم للدكتور محمود فوزي وهو وزير الخارجية في ذلك الوقت اودع في مجلس الامن في الامم المتحدة تصريح اطلق عليه تصريح 24 ابريل تتعهد فيه مصر بالالتزام الكامل بمعاهدة القسطنطينية ولا تعترض على تنفيذ أي من بنودها ولو فيه خلاف لتنفيذ بعض البنود تلجأ الى المحكمة الدولية وتقبل حكمها دون نقد اذن الرئيس جمال عبد الناصر صاحب قرار التاميم حب يطمن العالم على حرية الملاحة في القناة فالتزم ..مارايكم..؟؟
محمد صلاح:استعدنا الذكريات من على شط القناة عشنا الحاضر الخاص بالقناة واهلها واللي مهتمين بيها واللي عايشين على خيرها واللي مستفيدين من دخلها اتطمنا شوية على افاق المستقبل وقال رئيس هيئة قناة السويس كلامه النهاردة من على شط القناة كان كلام جميل كلام معقول اكيد كان كلام مسئول خلص الكلام ومن شط القناة سلام نلتقي في الحلقة المقبلة