مفيد فوزى : عندى راى متواضع معرفش اذا كنتوا تتفقوا معايا حضراتكوا ولا لأالراى بيقول بمنتهى البساطة لوانه حصل انسياب فى الشوارع انسياب مرورى طبعا لوان الواحد اصبح يروح المشوار الطبيعى اللى ياخد فى النهايه ثلث ساعة مش ساعة وثلث لوحصل ده لو حصل ان الكثافة المرورية فى البلد قلت هيقل الضجر ويقل التزمر ويقل التزاحم ويقل الزحام وتبقى الدنيا حلوة وتبقى الدنيا فيها اشراق ما يبقاش فيها قفول ولا عقد ولا عذابات ولا تحرش وبلاوى كثير قوى سببها السدةالمرورية كما اطلق عليها مفكر مصرى عايزاقول لحضرتكوا وببساطة وعلى بلاطة رئيس الدولة لا يعانى من ازمة المرور دا الدنيا بتتفضى والعربية بتمرق بعض الوزراء والمسئولين الكبار ما بيعانوش من ازمة المرور ما بيحسوش بعذاب المرورالعربية بتوصل للمكان فى بحر ربع ساعة يقف الناس يتقفل الطرق دى مش مشكلة دى حكايه ثانية ان يصل الامرالى اذن الرئيس شخصيا بان المرورمعذب ومرهق فى حياتنا ده معناة انا المروربالفعل مشكلة اول اعتراف بالمشكلة ان رئيس الدولة يجمع كبار المستشارين ويطرح امامهم على الترابيزة قضية الدربكة والعذاب والخنقة المرورية لأ مش بس كده ويعمل اجتماع ثانى يعنى معنى كدهان الامر فى دماغة ساخن حاضر طيب رئيس الدولة اعلى سلطة فى البلد لما تهتم بقضية من قضايا ارهاق الناس وتعذيبهم نعمل ايه نسمع وجهات نظرنشوف الناس العقلاء بيفكروا ازاى نشوف التفكير المنطقى والعقلانى فى الامور من هنا كان هذا التحقيق دعيت بعض العقلاء نتكلم معاهم نتناقش معاهم نطرح القضية الهدف من البرنامج ده وغيرة هو الرغبة فى الامل فى الامل انا شخصيا من الناس اللى لما يكون عندى مشاوير اعملها يوم السبت وبعض الاجهزةالمهمة بتعمل لقاءاتها واجتماعاتها السبت السبت ليه لان زى ما باسمع انا يقولك نص العجل راكن يعنى نص العجل فى الجراجات اذن معنى كده ان الطريق سهل ومنساب انا اخر مرة كنت مسافر لما رجعت كان يوم سبت الساعة 8 صباحا وصلت البيت بعد 18 دقيقة العربية بتجرى مفيش مفيش حاجات مفيش سده مرورية كيف يمكن ان نصل الى هذا الامل كيف يمكن الا نتعذب ونتذمر هذه محاولة للوصل الى الامل نطرحها ومعكم مفيد فوزى فى حديث المدينة فاصل مفيد فوزى :اللواء/ محمد منصورحوارى معاك قيمتة انك 32 سنة تجربة مرورية ومن هنا فانت هتقدم للناس خلاصات الافكاراتعودت الفضائيات انها تعمل حوارات ومناقشات ودخول فى دهاليز المتاهات الناس بعد ما يخلص البرنامج يبصوا كده يقولوا ايه مفيش امل البرنامج ده كل الهدف فيه ان انا باستنهض امل بتحرش بالامل ان الناس تروح بيوتها فى حالة عدم توتر واظنك عندك صورة كاملة عن تذمر الناس قرف الناس عذاب الناس اللى انا بقول عليه شوف اد ايه المقدمة اللى بكلمها لك بقول ان لو المرور فى مصر كان رحيم بالناس نصف الضجر والتذمر سيزول معايا اللواء/ محمد منصور:لأانا معاك ان اكثرمن نصة مفيد فوزى : اكثرمن نصة برافوا عليك من فصلك فى تركيزتام هل نقل بعض الاجهزة والوزارات خارج القاهرة يقربنى من الامل ؟ اللواء/ محمد منصور: هو مش عارف احصرها فى الاجهزة والوزارات لان ساعات بتثير حساسية معينة يعنى نقول كل نشاط جاذب لحركة المرور من المستحسن ان هو ينقل خارج القاهرة مفيد فوزى : ادينى مثل اللواء/ محمد منصور: استاد القاهرة مفيد فوزى : استاد القاهرة يعنى انت عايز استاد القاهرة ده خارج القاهرة اللواء/ محمد منصور: خارج القاهرة المولات الكبيرة اللى ماعملتش او طلعت فى غفلة من الزمن وما عملتش باركنج لعدد مناسب يتناسب مع عدد المترددين عليها خارج القاهرة مفيد فوزى : محمد بيه بلاش نحلم خلينا واقعيين لان زى ما قلت لك انا الحلقة كل ما فى راسى هوالناس اللى بتشوفنا تقترب من الامل اللواء/ محمد منصور: خلينا واقعيين وخلينا ايضا علميين ونعمل لها دراسة جدوى هذا النقل انا باخسر ايه فى وجودها وهخسر ايه لما انقلها مفيد فوزى :جميل اثنين اللواء/ محمد منصور:انامعاك هى مكلفة مفيد فوزى :مكلفة ؟ اللواء/ محمد منصور:مقننة الخسائر اللى انا باشوفها وعلى راسها الوقت بتلاقى ناس كثير مننا فقد بتخسر عنصر الوقت عنصر التقييم للسلعة مفيد فوزى :اذن او للخدمة اذن انا هحس انك دلوقتى تريد ان تمجد قيمة الوقت بدلا من هدرة اللواء/ محمد منصور: تماما انامعاك مفيد فوزى :ومن هنا اريد ان اعرف خلاصة الخلاصات فى تجربتك هل نقل بعض الاجهزة والوزارات خارج القاهرة عمليه مثمرة وتحقق عائدا فى تقليل الكثافة المرورية د/عصام شرف : شوف انا بشكر حضرتك انما فكرة نقل الوزارات هى الافضل بقول ان توزيع الخدمات على المناطق الجغرافيه المختلفة يعنى فكرة نقل الوزارة فى حد ذاتها الوزير مكتب مهياش المشكلة انما المشكلة ان احنانشوف الاماكن اللى بتقدم فيها خدمات كثيفة الزبائن هى دى اللى نقدر نوظفها وده على فكرة يعنى مهياش حاجة جديدة تجربة جوازات السفر كان كلة اللى فى اسوان بيجى المجمع دلوقتى الموضوع ده اتوزع فا بقى التركيز على المجمع اقل اذن هى الفكرة هنا فكرة مناطق الخدمات الكثيفة توزع ودى هترجعنا لقضية اكبر فى الحقيقة وهى قضية محورية جدا هى قضية اللا مركزية يعنى ان نخطط من مركزية الخدمات اللى موجودة فى القاهرة وتنتقل الخدمات ليست وزارات فى حد ذاتها انا عاوز اكون صريح فى ديت الوزارة كامبنى وزارة مهواش لكن الفروع اللى بتقدم خدمات هى دى اللى لازم تنتقل للناس وليس الناس ينتقلوا لها مفيد فوزى :الاستاذ الدكتورجمال غوردون لابد ان تتساءل لماذا استعنت بك فى هذا التحقيق وطلبت مشاركتك لانك كتبت فى جريدة الاخبار اكثر من 30 مقال فيما اتصور بعنوان السدةالمرورية ودعوه للعقلانية اى انك انت طرحت الامر للناس من هنا لديا بضعة نقاط مهمة تحتاج الى خلاصة خلاصة تفكيرك لان يا دكتورجمال الناس ملت مسالة ان حد يقعد يحكى لمشكلة كانت ايه وبقت ايه واحنا عملنا ايه والعنترية بتعتنا فى ا يه الناس ملت من هذا الناس تريد ان تصل الى اقرب الحلول لكى يمكن ان تتحقق ما يسمى بالانسياب المرورى وليست السدة المرورية مثلا ايه وجهت نظر حضرتك المركزة فى نقل بعض الاجهزة اوالوزارات خارج القاهرة د/جمال غوردن:مهواش حل ومش هيبقى حل كام واحد بيتردد على هذه الوزارات انا هحسب كل الوزارات 30 وزارة هينتقلوا برة القاهرة كام واحد هيتردد على وزارة الحربية اووزارة الانتاج الحربى او وزارة حتى التعليم اواى حاجة من الوزارات دى كلها كام واحد هيتردد شخصيات محددة معينة بمواعيد بكل حاجة مش محتاجة لدة كلة بالعكس انا مش عاوز ان القاهرة تفقد عاصميتها بانها تخرج برة العاصمة انا قلت قبل كده نحن فى عاصمتين فى سيركل عاصمة منهم قلب القاهرة وهى العاصمة الخديوية العاصمة الاوروبية التى انشأها اسماعيل باشا على 16 كيلومتر مربع معاها العاصمة العثمانية دول atiatiev ما اقدرش اخرج براهم دول عاصمة المبانى اللى فيها العيشة اللى فيها شوارعها ميادينها مفيد فوزى : حتى خنقة مرورها د/جمال غوردن:حتى خنقة مرورها دلوقت مفيد فوزى : ما اخرجش منها د/جمال غوردن:لأ ماهودلوقت مش هخشها اصلاعلشان بقول عاصمتان فى سيرك ليه نيجى بعد كده هموم مدينة نصر هموم التجمع الخامس الحاجات دى كلها اراضى الطبيعى بتتبنى اللى بخالف اللى بيعمل عايزة محافظ معين العاصمة بقى الداخليه دى عمدة مير زى اى حتة فى الدنيا زى مير بريستيس يختلف عن محافظ بريتا بلندن ده واحد ثانى فا مفروض ان يكون عندنا هذه العاصمة المخ بتاع البلد بيدخلها الناس اللى ليها فعلا مصالح على درجة عاليه يدخلها السائح امن يدخلها رجل اعمال اجنبى امن مفيد فوزى : امال الدلبكة بتحصل ازاى 18 مليون فى النهارو14 مليون فى المساء د/جمال غوردن:من الهجرة اليومية اللى هى جايه من رخص المواصلة اللى بتنقل الناس ليها فاصل مواطنة :الزحمة هى لوحدها كثقافة زحمة ما بيطلعش مشاكل معينة وازمات معينة نفسية ولا اجتماعية الا بسبب وجود الزحمة دى مواطن :انت شخصيا كسواق تاكسى حلها ايه ؟ مواطن: حلها ايه ان انا ابقى ماشى العربيات الملاكى زوجى فى يوم وفردى فى يوم حلها ان انا اشتغل وردية واحدة من الصبح لغايه الساعة 3 وغيرى يشتغل من الساعة 3 للساعة 7 بالليل كده يتحل المشكلة مفيد فوزى:لوالواحد قال ايه ان العجل مهم زى اوروبا ما اوروبا بيركبوا عجل وفى الصين العجل ياما من غيرالعربيات تفتكرالعجل الناس تقبلة مواطن :والله الناس تقبلة طبعا ما تقبلوش ليه فى وسط الزحام اللى احنا فيه ده الناس تقبلة مفيد فوزى : انت بتحصل لك مشاكل فى المرور ؟ مواطن : لآ مفيد فوزى : ليه ؟ مواطن : انا لو فيه زنقة باعدى من اى اتجاة وامشى مفيد فوزى :من بين العربيات ؟ مواطن :من بين العربيات من غير خطر ولا اى حاجة خالص مفيد فوزى : ويمكن كده على الرصيف تقوم واخد لك لمحة مواطن : لأ يعنى انا لو مشيت معايا المتوسيكل باطلع من على الرصيف وبعدى من العربيات وبنزل تانى مفيد فوزى : تعدى الناس وتطلع على الرصيف مواطن : اه هوارحم من العربية مفيد فوزى : الرصيف ممنوع ؟ مواطن : الرصيف اللى هوالعريض مش اللى بامشى على رصيف 50 سم فاصل مفيد فوزى :اللى يعرفوا انى باقابل حضرتك لاجراء حوار يقولوا لى اوعى تنسى تقولة هو بالذات بتفكر ازاى فى هذه الخنقة انا اعلم طبعا انها مشكلة صخمة وليست وحدك تملك الاجابة عليها لكن انا باحاول ان انا افندها واعرف بالضبط اسبابها ايه لان الدنيا ازدحمت قوى ب هى زى ما قلت حضرتك كده كل هذة المشاكل ماهو كل واحدة من دول حديثى عنها يطول ولكن اناعاوز ابسطها شوية ابسط الفهم فيما يتعلق او اشرح المشكلة بصورة اى واحد يقدر يحسبها بالشكل ده لو قلنا انها اولا التوقيت اللى سياتك بتحكى لى عليه ده توقيت لابد ان يكون فيه زحمة مفيد فوزى : الفترة دى بالذات ؟ د/حبيب العادلى : فى كل انحاء العالم اعتقد انت ال rush hour فى كل انحاء العالم هذا التوقيت توقيت اللى راجع من الشغل وتوقيت اللى نازل علشان يتفسح واللى جاى من اليمين واللى جاى من الشمال واللى ساكن شرق ورايح غرب كل دى فى هذا التوقيت فى توقيتات لابد فيها rush hour الصبح فى rush hour بالليل فى rush hour طبعا احنا هنا عندنا السهر لغايه الصبح الفجر برضه تلاقى فى rush hour ده بالنسبة للتوقيتات لن نستطيع نغيرها طب لن تستطيع انك تغيرها تمام ولا دخل للدولة فيها عشان تغيرها تجى لك فترة من الفترات علشان الصبح نغير مواعيد المدارس ماتدخل مدرسة الساعة 7 والثانية الساعة 8 منفعش الكلام ده قلنا الموظفين بدل ما بيروحوا الساعة 8 ناس تيجى الساعة 7 وناس تيجى 10 تجارب واتعملت منفعش الكلام ده برضه مفيد فوزى : كل دى كانت تجارب معملية ؟ د/حبيب العادلى : طبعا مفيد فوزى : وفشلت د/حبيب العادلى :وفشلت هنيجى نقول سلوك هقولك سلوك وهذا السلوك بقى هو اللى اناشخصيا بعتقدة مكون اساسى لهذه المشكلة لان سلوك المواطن اصبح لا مبالاة لا يتذكران هو فى موقف من هذه المواقف هيعانى نتيجة ان هو كسر اللين بتاعة خرج من اليمين فعمل حادثة تصادم فا قفل السكة 00 مجرد ان الطريق اللى حصل فيه حادثة صغيرة وقفت قفلت شرايين المنطقة كلها حصل حادثة عربية على المحور لوعلى كوبرى الزمالك من اى كوبرى من الكبارى خلاص البلد اتشلت ليه لانك انت ماشى فى طريقين كده مفيد فوزى : فى العالم يا افندم الونش فى لحظة يشيل د/حبيب العادلى : الاوناش موجودة الونش علشان يوصل للموضوع ده انك انت بقى احكى لى تتم ازاى بتاخد قوت لغايه لما تودى ده وتجيب ده وتجيب ده وتجيب ده هنا وده هنا لغايه لما اجيب احنا عملنا عربيات صغيره انت بتلاحظها على الكبارى كده علشان تقدر تجر اى عربية صغيرة فى لحظة بيحصل فى لحظة ده سلوك فاصل مفيد فوزى :التوسع فى النقل الجماعى الترماى والتروللى هو احنا لفينا التروللى ليه جملة اعتراضية كده ؟ د/عصام شرف : يمكن كان بيمرفى محاورهى اصلا مزدحمة مفيد فوزى : يعنى الغائه مهم د/عصام شرف : مش الغائه هواصلا سرعتة بطيئة وبالتالى ما بيسعفنيش مفيد فوزى : والمترو هل التوسع فى النقل الجماعى حل من حلول المشكلة والوصول للامل د/عصام شرف : ده حلول مرتبة مش حل واحد بمعنى ان انا سياتك لما بقول ان كل اربعين عربية ملاكى هيركبوا اتوبيس كريم واقتصادى مفيد فوزى :كريم واقتصادى ومحترم ماهومكيف فى درجة حرارة 42 د/عصام شرف : من ضمن عناصر الكرامة ان انا باكبر بالراكب بتاعى الزبون بتاعى مفيد فوزى : انت قلت كل 40 عربية ملاكى تمام . د/عصام شرف : لان سعة الاتوبيس 40 راكب اللى قاعدين اللى لم اسمح بية توقف الاتوبيس لان هو الاتوبيس كريم ما ينفعش فيه بقى الشعبطة مفيد فوزى :الاتوبيس الكريم ده ياخد 40 راكب من اللى بيسوقوا 40 عربية د/عصام شرف :وعن طواعية واختيار وانا بافضلة عن عربيتى الملاكى لانى عايز اعمل نقل جماعى جاذب مفيد فوزى : نقل جماعى جاذب ؟ د/عصام شرف: مش هتحايل عليهم مفيد فوزى : اه يعنى هبقى درجة احترام وخلينى نقلد اللى بيحصل فى اوروبا د/عصام شرف : كنت لسة هقول لسياتك لما تم العربية بدون اسماء دا انا باتفسح فى الاتوبيس مفيد فوزى : بالضبط د/عصام شرف :متروالانفاق نفس الشئ مفيد فوزى : نفس الشئ بيدى سرعة عالية لمسافات طويلة وبالتالى اللى بيحصل حاليا فى الخط الثالث لمتروالانفاق اللى هو من امبابة لغايه المطارهيبقى جميل جدا بس نسرع فيه مفيد فوزى : مترو بلا بلطجة داخليه فيه د/عصام شرف: طبعا طبعا طبعا اى سلعة بتدخلها البلطجة ملهاش لازمة احسن بتدمرها مفيد فوزى : بتدمرها د/عصام شرف : بالضبط مفيد فوزى :هل التوسع فى النقل الجماعى الترماى التروللى خطوط المترو تستطيع ان تقربنى لهذا الامل؟ د/محمد منصور: دا هى الامل مفيد فوزى: هى الامل؟ د/محمد منصور:اه ليه لان شوف حضرتك يعنى فكرة المرور ده عبارةعن ايه المرور ده عبارة عن نشاط بنسمية نشاط مشتق يعنى جاى من رغبة الانسان فى اداء انشطة اقتصادية واجتماعية معينة بينجم عنها رغبتة فى الانتقال فى الحركة اذن اى نمو اوتنمية اقتصادية واجتماعية يصحبها قدرة ورغبة فى الحركة ازاى نستقبل حركة ده بقى سؤال انا بقى دلوقتى ساعات باسال ناس كثير طب لما بيحصل تنمية اقتصادية بيزيد عدد ايه نذكر عربيات لأ دة المفروض اقول زيادة عدد الرحلات واحنا كامسئولين ازاى بنستقبل الرحلات دى فا مثال بسيط جدا لما اقول لحضرتك ان خط المتروبيستطيع انه ينقل من 60 الى 90 الف راكب فى الساعة دول يقابلوا من 30 الى 40 الف عربية على السطح مفيد فوزى : تمام د/محمد منصور:يبقى هى فكرتنا فكرة النقل الجماعى ان النقل الجماعى وانا بافضل اسمية النقل الجماعى مش النقل العام نقل العام ساعات ارتبط بانة دى خدمة عامة لأ النقل الجماعى يكون من خلال شركات خاصة برضه يعنى فا النقل الجماعى سواء المترو او الاتوبيسات او او الكلام ده كلة بيستطيع وبالاساس ان يحقق حق الانسان زى ما الانتقال حق من حقوق الانسان حقة فى الانتقال الامن السليم كذا كذا كذا كل الحقوق دى باقصى فعاليه ممكنة تمام يعنى على سبيل المثال ان زى ما قلت لحضرتك المترو خط اتوبيس خط الاتوبيس ده لما الركاب منهم يقابلهم حوالى 4 - 5 الالاف عربية تقريبا فا اذن فاعليه النقل بتزيد جدا بس ده يعنى لما بنتكلم على نقل جماعى لا يكفى ان احنا نقول نقل جماعى احنا بنتكلم على نقل جماعى امن مريح زو منطقية مفيد فوزى : محترم د/جمال غوردن:محترم ثم نظام يعنى ايه نظام يعنى لا يكفى ان انا اعمل خط المترو انا يكفى ان انا اعمل خط مترو معاة الاتوبيسات معاة ميكروباصات ومع انشا الله تكتك فى الاخر خالص يبقى اذن انا باتكلم على ايه باتكلم على تنوع تنوع الوسائل وتكاملها وليس منافستها انا دا الفكرة يعنى لما نقول نقل جماعى مش مجرد ان انا باعمل نقل خط مترو او اتوبيسات لكن ازاى باحط ده داخل منظومة متكاملة هو ده الحل السليم مفيد فوزى :هل تعتقد حضرتك ان التوسع فى النقل الجماعى ممكن ان يكون حلا مفيدا ؟ جمال غوردن :هو كان الاصل فى الحل قبل ما كمان تزداد المشكلة كاكل انا هقول اسماء ما يجراش حاجة كان عندنا اتوبيس ابو رجليه مفيد فوزى تمام د/جمال غوردن:وكان الاسيوطى وكان مجموعة كبيرة من الناس اللى هما كانوا عاملين عربيات وحتى ساوريس مستورويمكن ساوريس كان كل دول عندهم عربيات جوا البلد خرجوا ايام ماكنا استغنينا عن ده كلة استغنينا عملنا اممنا وخلينا النقل العام عملناه حكومةلما جاء عصر الانفتاح جم الناس دول قالوا احنا مستعدين ان احنا نيجى مصرونشارك ونشارك بشرط ان يكون لينا شروطنا الخاصة 00 وان انا عندى اتوبيس فيه 40 راكب 6 واقفين وده فينل لان انا باخاف على العربية انها تهلك وحتى اذا كانت عندكوا طرق فيها مطبات زياده بحاجة فا احنا هيجى الناس بتعتنا اللى هتسوى هذه الامور علشان خاطر احافظ على العربيات ده بيحافظ على راس مالة مفيد فوزى :هل التوسع فى هذا النمط يساعد على .....؟ د/جمال غوردن: بلا شك يساعد مفيد فوزى : يساعد؟ د/جمال غوردن:ليه بقى الاتوبيس 40 شخص و6 واقفين 46 اصبحوا انهاردة 46 عربية يبقى اللانجوس بتعتى يعنى استعمال الاراضى بتاعتى اختلف مفيد فوزى : تمام د/جمال غوردن:انهاردة لما يكون فى 40 عربية من الشركة فى شارع رمسيس غير لما يكون اتوبيس فى شارع رمسيس السدة راحت فاصل مفيد فوزى : الاتوبيس النهرى ده يقدر يحل مشكلة مواصلات ؟ مواطن :هو الاتوبيس النهرى يعتبر دلوقتى حاليا اسهل وسيلة بالنسبة لاى واحد عايز يقضى يوم جميل فى وسط المية عايز اخذ اولادى نتفسح بتفرق هى حاجة كويسة جميلة يعنى مفيد فوزى: بس لكن ما يحلش مشكلة ؟ مواطن :بيحل اكيد يعنى فى بعض الطلبة وفى بعض ناس موظفين بتستخدم الاتوبييس النهرى كوسيلة سهلة بالنسبة لها بيقدر يوصل لشغلة لعملة لكليتة لمدرستة ناس ليها الاتوبيس النهرى بيبقى وسيلة اسهل من المواصلات العامة والميكروباصات مفيد فوزى :ايه اللى يخلى الاتوبيس النهرى ناجح انت بتسخدمة كثير باين عليك ؟ مواطن :يعنى بحكم ان انا شغال فى شركة المية انا باحب النيل باحب التجمع مع الناس انا باحب كده يعنى مواطن :هو يمكن عدم السرعة بتعتة بس لكن هو مفيش اى معوقات تانى ادامة ولا اشارات مرور ولا كده هوينفع وسيلة مواصلات مفيد فوزى : انا شايف فى كراسى فاضية مواطن :اه مفيد فوزى :اللى حواليا ممكن جدا جدا اى مشوار الناس ممكن تستخدمة مواطن :اه هو وسيلة كويسة يعنى ممتازة بس طبعا ناس يعنى قليلة جدا اللى بتستخدم يعنى مفيد فوزى : مش ده يشيل عبئ عن التكسيات والعربيات يشيل ؟ مواطن : هو وسيلة اسهل من المواصلات العادية لان المواصلات العادية ممكن تضيع يوم نصة ضاع فى الزحمة لكن كاتوبيس مش قد كده يعنى مفيد فوزى : قولى ايه النقد الذكى بتاعك عنه مواطن :الفكرة مش فكرة ا لنقد لكن الفكرة ان احنا قاعدين مثلا رائحة الكيروسين هتخنقنا مفيد فوزى :رايحةايه ؟ مواطن :الكيروسين الجاز مفيد فوزى : الجازاه مواطن :لان الاتوبيس النهرى بيشتغل بالجاز مفيد فوزى :اه مواطن :الكراسى كما يعنى المفروض ده ممكن ان هما حتى لويبقى فى اتوبيسات احسن شوية لان المواصلات اللى فى البحر او المية عمتا بيبقى اسهل فى الوقت safe time يعنى بالذات فى ايام الاجازة لوعايز تخرج اوحاجةانت بتبقى محتاج ترجع تستكمل بقية اليوم حتى تريح فا يعنى مع انها وسيلة مريحة فاصل مفيد فوزى :الاتوبيس النهرى هل يلعب دورا فى امتصاص عدد كبير من الناس ولا هو فكرة حالمة ؟ د/محمد منصور: دا احنا عندنا ثروة كبيرة جدا المجرى المائى نفسة ثورة كبيرة جدا مفيد فوزى :ايه مشكلة الاتوبيس النهرى ؟ د/محمد منصور :الاهتمام بيه مفيد فوزى : دخول القطاع الخاص فى الاتوبيس النهرى يقربنا من الحل د/محمد منصور؟ بنسبة كبيرة مفيد فوزى : هل ده حل واقعى ؟ د/محمد منصور:اكيد هيساعد مفيد فوزى : الاتوبيس النهرى هل يستطيع ان يلعب دورا وقد كنت حضرتك وزيرا للنقل هل يستطيع ان يلعب دورا د/عصام شرف :انا افتكرسنة6 - 97 سيتك قابلتنى فى كليه الهندسة جامعة القاهرة وكنت حضرتك بتتكلم طب الناس اللى بيحصل لهم حوادث ننقلهم ازاى وانا فاكريعنى كنت لسة راجع برضه من السفر بخبرة قلنا انه على الاقل اقدر اعمل اسعاف نهرى يعنى ان المستشفيات اللى على نهر النيل دى على الاقل اقدر استخدم الاسعاف النهرى اهى دى مجرد تذكرة لحضرتك لكن طبعا كام بلد فيها نهر زى نهر النيل انه ليس بس فقط ان نقل البضايع ودى يعنى الفائدة العظمى لكن ايضا نقل الركاب فى مدينة زى القاهرة اعتقد ان ده بقى حتم لانه امن ومريح وصديق للبيئة وايضا احتاجة حتمية لة فى ظل الكثافات المرورية العاليه فهو النقل النهرى برضه باقول مش هو هيحل لوحدة لكن ده يدخل ضمن المنظومة المتكاملة انا باقول ايه حل مشاكل القاهرة هو تحتاج منظومة ادارية تتجمع تحتها الجهود ويحتاج تكامل بين الانماط المختلفة للنقل مفيد فوزى : دكتور جمال هل تعتقد ان الاتوبيس النهرى يمكن ان يلعب دورا فى هذه القضية ؟ د/جمال : بلا شك الاتوبيس النهرى ليس المذعج الموجود حاليا انهاردة الاتوبيس النهرى الصامت اللطيف والمفروض ان انا اعمل له موانى نظيفة كويسة على النيل غير ملوثة لنهر النيل والمفروض ان ده يحل مشاكل من القناطر لغايه المعادى لغايه حلوان مفيد فوزى :محدش بيفكر ليه تفكير خلاق ليه احنا يا دكتور جمال وارجوك انت كاطبيب وكامفكر تحلل لى ده ليه احنا مغلقين من الداخل يعنى انت دلوقتى لما قلت يتعمل موانى محترمة هذا الاتوبيس المذعج ليه احنا مش واخدين تجربة فرنسا فى هذا الاتوبيس النهرى المبهج فى فرنسا د/جمال غوردن:يكفى ان الواحد يخرج من شغلة يمشى على النيل فاصل مفيد فوزى :تراخيص ا لسيارات الجديدة هل لو انا حديت منها اقرب الناس من الامل فى وقف الكثافة المرورية والا الدستور يمنع ان انا اصادر حق الناس انها تبقى عندها عربيات د/محمد منصور:استاذ مفيد سيتك رديت على السؤال ان هو انا ما اقدرش اقول للمواطن خلى عندك عربيتين ما تجبش الثالثة ولا سيما ده حق دستور وقانونى انما فى نفس الوقت انا بابص له نظرة واقعية هو بيجيب العربية الثانية والثالثة ليه علشان يجيب عربية بنتة تروح بيها الكليه ولزوجتة تروح بيها شغلها لانه مش لاقى وسيلة مواصلات كريمة واقتصادية زى انا ما بقول توديهم بيستدين من البنك مفيد فوزى : لو لقوا وسيلة مواصلات كريمة . د/محمد منصور: هو وزوجتة والاولادة هيسيبو عربياتهم الملاكى بس يسيبوها فى جراج مفيد فوزى : اللواء محمد منصور هل هى ثقافة عامة ثقافة ركوب السيارات فى الدولة واتوبيساتها لما بتقى كريم تنقصنا هذه الثقافة لان الناس انت عارف تقول لك ايه تروح بنتى فى اتوبيس دا كفايه اللى بنشوفة وبتيجى تحكى لى د/محمد منصور :انا وحضرتك يا استاذ مفيد بنشوف منظر الاتوبيس عامل ازاى وبالتالى لا امن على بنتى انها تركبة بروح استدين من البنك بفوائد عاليه جدا رغم التسهيلات مفيد فوزى : فى سبيل د/محمد منصور: وبيبقى ساعات الموضوع بيمثل عبئ مالى على ميزانيتى مفيد فوزى : الاقتصاد؟ د/محمد منصور:اه طبعا ومع ذلك باشترى بنتى وكرامة بنتى وباجيب لها عربية بالقسط بيمثل عبئ على حركة المروربرضه وكثافة المرور مفيد فوزى: هل تعتقد معالى الوزير انه وقف التراخيص الجديدة للسيارات ممكن ان يحد من هذه الكثافة المرورية العالية ؟ د/عصام شرف:انا هقول لحضرتك حاجة يعنى اولا فكرة اناعاوز افرق بين حاجتين هنا مهمين جدا والعالم كلة كان دائما يشتغل عليهم فكرةالملكية ودى حق اصيل للانسان ماقدرش ولكن انا اقدر ادخل معاة فى ديالوج فى الاستخدام يعنى سياتك ما اقدرش احرمك ان يكون عندك عربية ولكن اقدر بأطر قانونية او خدمات مقدمة انك بدل ما تستخدمها 40 مرة فى الاسبوع تستخدمها 20اذن كان بدل ماتجيب عربيتين انا خليتك كانك تجيب عربية هنا التحدى الحقيقى انا يعنى ياخشى انه يبقى فى قيد على حق من حقوق الانسان وحق الملكية ده حق من حقوق الانسان ومع هذا ان فكرة الترخيص ورفضة هنا فى بلاد زى سنغافورة انت ما تقدرش تاخد رخصة الا اذا جبت لى مكان فى اليابان برضه مكان هتركن فى ايه فين اربط دى انت تمتلك عشر عربيات بس قولى انت هتركن فين لان احنا مشكلة المرور على فكرة شق كبير جدا منها هى مشكلة انتظارمش مشكلة حركة الانتظار خلى شبكة القاهرة وبالذات الطرق الفرعية هى عبارة عن جراج كبير فا اى واحد نازل يشترى عيش بيستخدم المحاورالرئيسية لانه الطرق اذن كفاءةاستخدام الشبكة عندنا قليل مفيد فوزى :هل تراخيص السيارات الجديدة هل الحدمنها سبب يوصلنا للامل فى كثافة مرورية اقل؟ د/جمال غوردن:الانباء الاخيرالحزينة اللى الواحد سمعها مفيد فوزى : بتقول د/جمال غوردن:بتقول الشهراللى فات ده جلنا 20 الف عربية جديدة وسمعت احد رجال قادة مصر بيقول ان احنا التقدم بتاعنا يقاس ب 250 الف عربية ل 250 الف اسرة سعدت بوجود هذا الكلام معنى الكلام ده ان انا باذود السدة المرورية مليش شغل بقى بالحتة ال gromcalety لما انا اخلى انهاردة الجرايد خصصت حاجة للسيارات فقط جريدة السيارات مفيد فوزى : ملحق للسيارات؟ د/جمال غوردن:ملحق للسيارات موجود فيه مباراة بين سيارات واخرى وده وده خلى الشباب اللى موجود استفذه خلاه ما يكونش ليه عندى عربية لما يكون بنك بيجى يقولى تعالى خد عندى عربية ووصل النور وبطاقتك الشخصية بس مش اكثر من ده تخدة وتروح مروح وآدى المفتاح آهو هل ده ما يشجعش على شراء عربية خاصة يشجع لان انا معنديش طريقة ثانية انزل بيها شغلى مفيد فوزى :اللواء محمد منصور وتجربة 32 سنة هل الجراجات المفتقدة فى العمارات تمثل عبئ كبير فى القضية ولو الجراجات ابتدينا كل مالك عمارة بالجراج هل ده يقربنا من الامل ؟ د/محمد منصور:انا هبص للموضوع من وجهةاخرى مفيد فوزى : اتفضل د/محمد منصور :الشارع 4 حارات لما اختزن منة 3 حارات للانتظار ويتبقى حارة واحدة للسير انا لو عملت جراجات متعددة الطوابق سواء راسية مفيد فوزى : مين اللى يعملها الدولة؟ د/محمد منصور:الحكم المحلى يعنى كل محافظة فى نطاق اختصاصها بتعمل فى اماكن التمركز فى حركة المرور جراج يسمح باستيعاب وشفنا الكلام ده فى جراج لسة بيفتتح حاليا اللى هو جراج السكة الحديد فى ميدان رمسيس مفيد فوزى : يعنى الدولة تستطيع ان هى تلعب دور فى بناء الجراجات وده يمتص العربيات لان الشوارع تحولت الى جراجات د/محمد منصور:التزام التزام المواطن كامالك للعقار او كمالك للشقة ان هو يحط عربيتة فى الجراج اللى تحت واذا المالك قفل هذا الجراج انا اكون ايجابى وابلغ عنه د/عصام شرف :عندى شقين هنا ان العربيات اللى بتستخدم المكان ده سواء سكنى او عمل او غيرة يجب ان يكون لها مكان فى الجراجات انها تركن علشان ماتعطلش الشارع لان الشارع يادوبك مكفى الثلث الشئ الثانى هو ان لما انا اقرر ان انا ابنى عمارة 20 دور مكان فيلا دورين فانا اعلم تماما وهو مكان انتظار كاجراج ولكن ال 200 عربية دول اللى فى العمارة دول هيخرجوا فى الشارع فلازم قبل ما اعمل العمارة دى اعمل ما يسمى بدراسة تأثير المرور فا اذن انا عندى شقين حكايه استخدامات الاراضى دى اذا قدر لنا وقدرنا نوفر اماكن الانتظار فيجب ايضا نتعامل مع المرور اللى هيدخل ده ازاى وهنا ده اللى حاصل للمشكلة للاسف حصل اختلاط كبير جدا جدا بين استخدامات الاراضى بتلاقى المنطقة فيها سكنى على تجارى على صناعى هو ده اللى مسبب مفيد فوزى :الدربكة؟ د/عصام شرف:الارتباك مفيد فوزى :انا بقول دربكة ؟ د/عصام شرف :بالضبط كده جراجات اللى معمولة دلوقتى ما تقدرش تسد اكثر من 1% من parkgreat اللى احنا عايزنها مفيد فوزى :1 %! د/جمال غوردن:بالضبط كده مفيد فوزى :امال ايه الحل يا دكتور جمال؟ د/جمال غوردن:ولا حاجة بمنتهى البساطة ا نا حطيتة بمنتهى البساطة للعقلانية مفيد فوزى : اللى هى ايه العقلانية ؟ د/جمال غوردن:ايوا مفيد فوزى : يعنى مش خيال ولا وهم ؟ د/جمال غوردن:ابدا مفيد فوزى : امال ايه؟ د/جمال غوردن:حصل حضرتك فى نا س لازم تنزل فى مواعيد معينة الشغل بتعها راجل شرطة راجل بتاع سكة حديد راجل بتاع طيران راجل بتاع بوسطة اللى الاماكن المراكز ا للى هى مستعملة وفى مواعيد معينة ان فرقت الدقيقة الواحدة بتفرق مع المواطن كلة حاجة معينة فده بينزل بدرى اخذ معاة واحدة ست عاوز تزور مامتها واحد راجل عاوز يروح لابنة واحد عايز يشترى حاجة رخيصة فى وسط البلد مفيد فوزى :احدد الاوقات دى ازاى ؟ د/جمال غوردن:بسيطة مفيد فوزى : ليه مش هروح د/جمال غوردن:ما انا حطيت فى سدة مرورية حضرتك فى موجات عربياتى من اولها باقسمها الى 3 موجات رئيسية مفيد فوزى : وهى د/جمال غوردن:وهى موجة ملحة جدا بتاعت الصبح بدرى مفيد فوزى : اثنين د/جمال غوردن:لآ لحظة واحدة طب هضبطها ازاى دى مفروض ان السيارة اللى راكبها عليها علامة ان انا همشى فى الوقت ده زى كاتيو بتاع زمان كده لما كنا ايام الحرب والحاجات دى ده علامتة حمراء ده علامتة خضراء ده علامتة صفراء كل واحد منهم له علامة مفيد فوزى : فى اوقات متدرجة د/جمال غوردن:طبعا بعد كده ولاد المدارس بعد كده الموظف كل المسائل دى لما فى بتوصل ولادها للمدارس مفيد فوزى : انما ما يبقاش الرش فى لحظة واحدة د/جمال غوردن:الرش اللى هو الهزلى بتاعنا فاصل مفيد فوزى :هل تخطيط الطرق فى مصر يفتقد الانسياب د/محمد منصور : ما اخبيش على سياتك اه مفيد فوزى :لآ ماتخبيش د/محمد منصور:اه مفيد فوزى : اه د/محمد منصور : وبعدين تخطيط الطرق فى الفترة اللى فاتت الحقيقة كان بيمثل عبئ على قائد السيارة ورجل المرور ليه مفيد فوزى :على قائد السيارة ورجل المرور دا التخطيط بتاع الشوارع د/محمد منصور:اه ليه لان انا باقول ان التخطيط الجيد يؤدى الى انسياب جيد وبالتالى الى رحلة قصيرة لقائد السيارة بدل ما اخذها فى ساعتين اخذها فى نص ساعة ورجل المرور مش هيفضل متنشن فى الشارع لمدة 24 ساعة مفيد فوزى :ايه الحل العملى؟ د/محمد منصور: بدأت الحقيقة فى المجتمعات العمرانية الجديدة مفيد فوزى : ايه الحل العملى ؟ د/محمد منصور :ان انا مفيد فوزى : هل هل هتعمل خريطة جديدة للقاهرة ؟ د/محمد منصور:تفريغ القاهرة من الكثافات المرورية اللى احنا كنا اتكلمنا عليها اول الحلقة مفيد فوزى :اه وبعدين نعمل ايه ؟ د/محمد منصور:هيخفف الكثافة المرورية داخل المدينة وبالتالى عدد العربيات هيقل مفيد فوزى : يعنى معدة المدينة هتقل د/محمد منصور : قدرة الشارع بدل ما تبقى مذدحمة جدا زى حضرتك المثل الجميل اللى بتقول سياتك معدة المدينة بدل ما يبقى عندها تخمة مفيد فوزى:ايوا ايوا د/عصام شرف :جزء اساسى احنا بنخطط للطرق هو الmobelety الانسيابية فعندما يبقى فى عندى مشاكل يبقى ضرورى فى هناك ازمة فى التخطيط وانا لسة باقول تخطيط الطرق نفسة مفيد فوزى : ايوا نعمل ايه ؟ د/عصام شرف : اه اه ما احنا اتفقنا علشان احقق الانسيابية يبقى لازم يكون عندى السعة بتاعت الطرق او الكفاءة بتاعتها اعلى من الطلب اللى جاى مفيد فوزى : حمايها لطرق ما انا عايز اعرف؟ د/عصام شرف: لألألأ مفيد فوزى:ما انا عايزاقرب يا دكتورعصام د/عصام شرف:الطرق موجودة زى ما بقول لحضرتك جزء كبير جدا جدا من ان احنا نحل مشكلة من خلال تنظيم النقل تنظيم النقل من خلال نقل جماعى محترم يجذبنى ويجذبك انما الناس اللى معندوش عربية هيركب هيركب تمام فدة الخطوة الاولى الحاجة الثانية انا يعنى لازم يكون هناك سياسيات علشان شبكة الطرق اللى عندنا جيدة فى القاهرة ولكن هناك سياسات فى الحقيقة صعبة يعنى لما تبص حضر تك شوق انا باتكلم على السياسات تشجع النقل الجماعى لازم ندفعها ولازم نضحى بالفلوس ولازم ولازم ولازم على الجانب الثانى هذا التشجيع اللامحدود للعربية الخاصة تحديد الطرق فى مصر مفيد فوزى :هل يفتقد الى الانسياب ؟ د/جمال غوردن:يسعدك او يؤسفك مفيد فوزى : نعم د/جمال غوردن:ان الهندسة المرورية لن تعلم فى مدرسة الهندسة او فى كليات الهندسة قبل سنة 89 قبل 89 مكنش عندنا هندسة مرورية لان كل اللى كنا ماشيين بية من غير هندسة مرورية وكانت احسن حتى ولم يستعان بهؤلاء الاساتذة لما شفت الولاد فى الجامعة وطلبت اشوف الكتاب بتاعهم بتاع الهندسة المرورية لقيتة نظيف ما اتفتحش حتى التلامذة اللى فى الهندسة ما فتحوش الكتب دى يبقى لا يستعان باستذتهم بتخطيط ولا حتى الولاد اقدر اعملهم جيل يخش فى التخطيط مفيد فوزى: يعنى اساتذة الهندسة المرورية يا دكتور جمال ما بيدخلوش طرف فى النقاش اللى بيحصل فى هذا المجتمع د/جمال غوردن:مستمع اليمن