محمد صلاح: يا مساء الخير محافظة الشرقية الناس الكرما اللي بيضرب بيهم المثل ويقولك عزموا القطر هما طبعا ماعزموش القطر نفسه دول عزموا ركاب القطر وساعات يقولولك دول يعني مش ناصحين يعني سذج ولما نشوف على الانترنت قايمة باعلام الشرقية تلقى اسماء رنانة وفي كل مجال زعماء وعسكريين وزرا ومستشارين شعرا ورياضيين على فكرة نص اللي بيشتغلوا في البرنامج دا اصلهم شراقوة .. لكن تروح ولا تيجي تلقى الشرقية اهدت لمصر ابطال عاشوا في الذاكرة وفي الوجدان حفظوا العهد ويعرفوا معنى الامانة ولا يعرفوا ابدا معنى الخيانة ..ادهم الشرقاوي البطل الاسطوري اللي دفع حياته تمن لمبادئه وخانه اقرب حد ليه عموما بدران الحمد لله مكانش شرقاوي ، احمد عرابي صاحب اول حراك في التاريخ ، العندليب عبد الحليم حافظ الشرقية واحدة من اقدم المحافظات المصرية وهي دلوقت التانية في مصر في حاجات كتيرة في عدد السكان التانية في مساحة ارضها الخضرا لكن فيه ناس بتقول ان حاضر الشرقية اقل شوية من ماضيها ودي المشكلة اكيد فيه مشاكل في كل المحافظات وكمان في محافظة الشرقية عشان بس حنين مجاني كده للماضي عن عيشة الفلاح الي ما بقاش متهني وباله مرتاح ولُحمت الريف بالحضر فشوهت الاتنين وزيادة السكان ادت للهجوم على الاراضي الزراعية من غير تخطيط عمراني ولا تنسيق حضاري ولا انشغال بعظائم الامور وانما بصغائرها .. عن محافظة الشرقية هيكون لينا عنها النهاردة كلام مسئول فاصل محمد صلاح: ش , ك , ع شرقاوي كريم عظيم الشرقية اه الكرم ولاد عم الصعايدة 6 مليون نسمة ونقف لهم باحترام شديد ترجمة الاحترام دا معناه خدمات شوارع ، تعليم العيال اللي اتخرجت ومش لاقية شغل ، القضاء على التلوث ووقف السحابة السودة اللي بيتقال كل سنة انها بتيجي من الشرقية عن الشرقية هيكون مع محافظها المستشار يحي عبد المجيد ومن كلام المستشار يحي عبد المجيد " رؤساء الوحدات المحلية بالقرى فاسدون وهؤلاء هم السببب الرئيسي في تعدي المواطنين على الاراضي الزراعية بسبب فسادهم والخجل الوحيد في مواجهة فساد المحليات هو تعيين مسئولين جدد من خريجي كليات الهندسة ليتولوا رئاسة الاقسام الهندسية بالوحدات المحلية منصب المحافظ اصعب من الصعب نفسه في مصر والادارة المحلية هي العمود الفقري للتنمية لان المحافظ يقوم بادارة البشر باختلاف ثقافتهم قبل ادارة الخطط التنمية الاقتصادية او غيرها مكتبي مفتوح للناس سواء معارضة او غيره لان معظمهم ما بيعرفش يدخل للباشا مدير مكتب رئيس الحي وليس رئيس الحي نفسه وتجمعني علاقة طيبة بجميع التيارات الحزبية المعارضة المهم ان احنا بنمسي على اهلنا في الشرقية في الزقازيق في فاقوس في ابو كبير بلبيس كفر صقر منيا القمح الشرقية من غير تهوين او تهويل قدامها تحديات كتيرة في كل حاجة تقريبا عشان ممكن تبقى مكان يتعاش فيه ودايما وابدا في المحافظات فتش عن المحليات محافظ الشرقية المستشار يحي عبد المجيد هيكون لينا منعاه كلام مسئول فاصل محمد صلاح: ارحب بمحافظ الشرقية المستشار يحي عبد المجيد منورنا يا سيادة المستشار... هي هي حكاية الكرم في الشرقية دي صحيحة ولا اشاعة ؟ المستشار/يحي عبد المجيد: دي واقعة سجلها التارخ دي واقعة في رمضان ويبدو انه تعطل فقدموا الطعام لكل القطار ودي يمكن الواقعة لصقت بالشرقية واصبحت مثار وتاكد ان هناك كرم من اهل الشرقية محمد صلاح: سيادة المستشار 6 سنين في العمل التنفيذي واصلا حضرتك من القضاء العمل في القضاء كان بالنسبة لك لاقي فيه نفسك افضل ولا العمل التنفيذي؟ المستشار/يحي عبد المجيد:لا هي مش من افضل .. هذا لون وهذا لون .. انا شايف نفسي بالنسبة للعمل التنفيذي قتادر اخدم اكتر القضاء ملف وقضية وتعطي الحق فيمن تراه حسب ما تراه من اوراق ويعتلبر عمل مقدس وعمل مهم وعمل ضروري ولكن لا يتعدى حدود اقامة العدل.. انما هناك ماهو ابعد من ذلك واكثر غورا واكثر التصاقا بالمواطن وانا اقولك مثال يعني يوم التلات بيبقى يوم مفتوح للجمهور بشوف حاجات صعبة شوية مشاكل جامدة حالات صحية صعبة اسر تعبانة ، انا بعتبر ان يوم التلات دا يم التقرب الى الله بروح مجهد جدا في اليوم دا ولكن ببقى سعيد جدا ان انا عملت حاجة دول ناس لا يقوى انه يقابل حد في المحافظة بسهولة محمد صلاح: قريت لك كلام من مقابلة رئيس مدير مكتب رئيس الحي اصعب انه يقابلك انت ؟ المستشار/يحي عبد المجيد:هو احيانا فيه ناس تركيبتهم غير قابلة لتحمل البشر ونمرة اتنين فيه بعض البشر مزعج شوية بيمل منه مدير المكتب احنا ما بنملش من حد لان انا بعتبره راجل محتاجك .. لما بنتروح مستشفى في اعيد بنزور الناس دول ناس تعبانين جدا عندهم مشاكل صحية لما بتقابل معاه ومحافظ جاي يزورك انا عايز اطمن على حالته واجيب له علبة شوكلاته واتكلم معاه هو نفسه محتاج الى من يسعده نفسيا محمد صلاح:فيه كلام اتكتب عن خناقة بينكم وبين محافظة القليوبية يعني المستشار يحي عبد المجيد والمستشار عدلي حسين محافظ القليوبية اتنين من رجال المشهود ليهم بالكفاءة والتاريخ الطويل وبعدين المحافظتين يتخانقوا على الحدد لحد دلوقت لسه الحدود ين المحافظات المصرية ما اترسمتش بتتخانقوا ليه على الحدود ؟ المستشار/يحي عبد المجيد: اولا مفيش خناقة خالص هو صديقي عدلي حسين مش طرف في الموضوع خالص ولا القليوبية طرف في الموصوع خالص .. هما عملوا طريق دائري فحبوا يعملوا ترسيم حدود بين الشرقية وبين القليوبية دي لجنة ، الجنة حبت تعمل 40 الف فدان من الشرقية وتعطيهم للقليوبية لما قعدنا مع اناس دي في مجلس الشعب لقيت انالحدود اللي بيقولها سيادته لا ترتقي انه ياخد ارض من المحافظة وكلمني بعدها قال معالي المغربي بيه وافق على ان تبقى الحدود وبلغت المجلس المحلي بهذا الكلام والموضوع مفيش مشكلة محمد صلاح:الشرقية محاطة ب6 محافظات يعني تتوسط تقريبا في الدلتا وكان ممكن تبقى مركزلشبكة طرق لما المواطن جوه الشرقية عشان يروح مكان يلاقي نفسه بيتشتت يعني مثلا مفيش مجمع مواصلات ينتقل من مكان واحد الى المحافظات المختلفة موقف القاهرة مثلا يروح محطة السكة الحديد ، محطة اسكندرية في ابو حسين واسماعيلية وبورسعيد والمنصورة ودمياط ي موقف... يعني انا رايح القاهرة غيرت رايي اتشتت ؟ المستشار/يحي عبد المجيد: دا كلام مظبوط هو الكلام دا هيتغير يوم الجمعة دي وكويس انك قلت الكلام دا لاني بناشد الامن انه يكن قوي معانا عشان ننقل المواقف دي كلها في مكان واحد .. الشرقية محافظة كبيرة جدا اولا 6 مليون مواطن عندك 4 الاف مدرسة 2.5 تلميذ بنتكلم على اكبر انتاج حيواني واكبر انتاج داجن بتتكم على مدينتين صناعيتين العاشر من رمضان والصالحية بنتكلم على مليون فدان بيتزرع بنكلم على اكبر متج للقمح على مستوى مصر كلها 155 فدان محمد صلاح: بيقولوا برضه انتوا اكبر منتج للسحابة السودة ؟ المستشار/يحي عبد المجيد:لا الكلام دا كله لا اساس له من الصحة ودي شماعة بس، السحابة السودة مش من قش الرز لانعه عمره ما يعمل السحابة دي ، عندنما في الشرقية 500 قرية بتتكلم على منظومة كبيرة عندنا بس 200 الف بيخدموا مرفق التعليم بس ، بتتكلم على مستشفيات بتتكلم على وحدات صحية برضه انت مطالب بقى العدد الكبير دا بحزم قومية لابد ولا يمكن تتخلى عنها اول حاجة في رايي حزمة قومية موضوع العشوائيات ، فاحنا بنتكلم عن محاقفظة تقيلة بنتكلم عن محو امية وعن تنظيم الاسرة ودا خطير جدا ومن ضمن البلاوي بنتكلم على العشوائيات بنتكلم على العمالة ودي برضه كارثة من كوارث على مستوى العالم بتتكلم على تنمية المراة عموما بنتكلم على تنمية كمجتمع المصانع والطرق محمد صلاح: معدلات الخلفة والانجاب عندكم....؟ المستشار/يحي عبد المجيد:شوف يا سيدي احنا عندنا عدد السيدات القابلة للحمل قربوا على مليون الا حاجة بسيطة احنا السنة اللي فاتت كنا المحافظة الاوةلى في انخفاض النمو السكاني احناى نجحنا في تنظيم الاسرة بس عاوز اقول انه لابد ان افرد له كل عناصر نجاحه من وسائل الامان من توجيه من تنمية المراة ان احنا بنتكلم ان المراة نصف المجتمع ..لا لا .. انا بفقول باستمرار المراة هي كل المجتمع ، ولذلك نسبة الطلاق بقت عالية دلوقت فيه بعض المحافظات الرقم مرتفع جدا احنا عندنا الرقم منخفض ليه لانه بيستجوزوا من الريف الشرقية 77 % منها ريف فالريف فيه عادات انه صعب يطلق وعلاقات محترمة بين الرجل والمراة بس سن الخصوبة مرتفع في الشرقية عن المعدل المتعارف عليه انما الامومر ماشية محمد صلاح:سيادة المحافظ 61 قرية من قرى الشرقية دخلوا في مشروع تنمية القرى الاكثر فقرا واحتياجا مش 61 قرية في محافظة واحدة رقم كبير وصف لي الحالة ؟ المستشار/يحي عبد المجيد:اولا المشروع دا بيتبناه السيد جمال مبارك وجالنا اكثر لهذا الموضوع هو عبارة ع ايه ان هذه القرى محتاجة الى تنمية سريعة يعني هي اقل من اللي جنبها وبالتالي مفيش فيها تمكين اقتصادي للمراة الرجل اذن هذه القرية اللي هي محتاجة عشان انميها اقتصاديا لما تاخد انت محافظة كبيرة فيها 500 قرية يبقى العدد مش كبير محمد صلاح: طب نميتوا بقى؟ المستشار/يحي عبد المجيد:احنا اول تجربة لينا كانت في العصايد وكانت ناجحة جدا في تجهيزها لدرجة انها اصبحت مدينة والهدف من كل دا ان انا بخلق مناخ صحي للحياة وبالتالي بخلق مناخ صحي للاستثماروالانتاج فمن خلال اللي حصل بنسرع الخطى نحو تمكين هذه القرى اقتصاديا محمد صلاح:يعني تنمية البشر زائد تنمية الحجر وزي ما بيقولوا ؟ المستشار/يحي عبد المجيد:تنمية البشر اصعب كثيرا ..اللي بيتعمل في القرى دي بخلوا فيها الحاجات افضل يعين صرف صحي بيتوجد مدارس بتتوجد رصف شوارع مية انارة كل مظاهرالمدينة بتيجي في القرية دي محمد صلاح: طيب لما نيجي نتكلم على التنمية من ضمن التنمية معالجة العشوائيات .. انت عالجت مشكلة العشوائيات ازاي يا سيادة المحافظ ؟ المستشار/يحي عبد المجيد:العشوائيات الموجودة في الشرقية مفيش صفيح ولا غيره كلها مباني من غير تخطيط طوب احمر ومسلح ..بيت يمكن ان تعيش فيه لكن بتعيش فيه بطريقة همجية عشوائية غير منظمة ..لما ابتدينا نتعامل مع العشوائيات 83 عشوائية فبدانا من المناطق اللي هي قريبة من المدن لان سهل جدا تنميها بدانا بالمناطق الغير امنة اللي هي المناطق اللي تبع السكة الحديد بقينا نشتغل عليها دلوقت ان احنا نهد المباني دي ونحط بديلها مباني محترمة تليق بالبشر .النهاردة القرية اصبح فيها حيز عمراني لاول مرة واصبح فه تخطيط عمراني ورغم ذلك بيسرق كده حتة ويبني فيها .. لو تفرغنا احنا للمحافظة 100% والناس رحموا شوية موضوع قش الرز موضوع العشوائيات فهي عايزة مسلك بشري يكون " اتق الله" محمد صلاح:انا عارف ان ليك موقف من مسالة الفساد في المحليات وهو الفساد في المحجليات قد ايه زمان كانوا بيقولوا الفساد للركب ؟ المستشار/يحي عبد المجيد:المقولة دي معناها ان الفساد بقى فظيع .. هي المحليات فيها فساد لان احنا لما نتكلم ايه السبب القائمين على الادارات الهندسية مش فاهمين تاني حاجة المقاولين بتوع المشروعات الاستثمارية م سهلين يقدروا يخلوا دا يتجه الى وضع اخر ، التموين فيه فساد ، رغيف العيش فيه فساد سبنا من المخبز ، المخبز دا مرحلة نهائية تعدت 3 مراحل بيمر بيها.. والبنا الفساد للركب في الحتة دي تراخيص البنا بجاحة بشكل رهيب انا عينت في كل ادارة هندسية اتنين او تلاتة مهندسين او مهندسات خرؤيجة جامعة لان كل القائمين رئيس الادارة الهندسية معاه دبلوم صنايع كيف يا سيدي ..؟ يعني النهاردة نازل الف لقيت واحد واخد رخصة قايل لهم 100 مرة لابد مكان لايواء سيارته نبني وشارع ضيق انا اول مرة اهد النهاردة عمارة من دورين .. انا محبش الهد.. وكمان حاجة تانية الامن الصناعي ، الحماية المدنية لازم يكون فيه سلم الهروب محمد صلاح:خليك معايا ياسيادة المحافظ لسه الكلام مخلصش. فاصل محمد صلاح: سيادة المحافظ عندنا اراء من اهالينا في الشرقية .زتحب نشوفها المستشار/يحي عبد المجيد: قوي احب اشوفها واسمعها فاصل مواطن1: هو المشاكل كتير بصراحة من ضمنها طوابير العيش يعني عندنا ازمة في العيش، النضافة تلاقي اكوام الزبالة كتيرة قوي فيه برضه مشاكل مواصلات المشكلة اللي لسه قريب بتاعة الجاز مواطن2: المشكلة في المية يعني بياخدوا المية الحساب بتاع كل شهر كان قبل كده 20 جنيه على مدى شهرين دلوقت خلوها مضاعفة يعني حوالي 42 جنيه فدي بيحصلوا الفلوس لكن المية ضعيفة مواطن3: رغيف العيش مستواه مش جيد احنا بينا وبين الدقهلية مفيش 40 كيلو رغيف العيش في الدقهلية بشلن تغمس بيه العيش بتاعنا احنا مواطنة 4: المشاكل الموجودة الصرف الصحي ومناطق العشوائيات فيها زبالة مواطن5: عندنا منطقة اسمها حي الجزيرة المنطقة دي فيها حتة ترعة صغيرة عايزين نردمها ومافيهاش صرف صحي مفيهاش مجاري يعني المية داخلاها بالعافية مواجطن6: السيد المحافظ نطلب من سيادته ان الترع دي تتطهر بس فاصل المستشار/يحي عبد المجيد:لاول مرة في الشرقية تدخل شركة نضافة خاصة احنا عندنا شركة نضافة على اعلى مستوى رغيف العيش اللي اتكلم عنه المواطن في الشرقيةوالدقهلية عندنا احنا كام رغيف في اليوم 16 مليون رغيف في اليوم و5 مليار في السنة ..نمرة اتنين العيش اتحسن عندنا بس الدقهلية فيها آلي اللي احنا بندخله النهاردة.. بيتكلموا عن العشوائيات انا ماشي فيها كويس قوي .. بيتكلموا على فواتير المياه اه زادت المياه شرايح غير الكهربا ودي مش بتاعة المحافظ دي بتاعة الشركة القابضة.. اتكلموا عن ردم ترعة انا طبعا هشوفها محمد صلاح:سيادة المحافظ عندك مجتمع رجال اعمال بعض المحافظات بتعتمد على رجال اعمال في المساهمة في التنمية الموجودة في محافظاتهم هل دا موجود في محافظة الشرقية ؟ المستشار/يحي عبد المجيد: لا احنا ماطلبناش منهم وشايف انه مفيش رغبة قوي منهم محمد صلاح: يعني بيكون فيه في بعض المحافظات صناديق خدمات بيساهم فيها رجال الاعمال بالتبرع ؟ المستشار/يحي عبد المجيد:رجال الاعمال اللي عايز يساهم دون ان يكون هناك مصلحة مباشرة تعطى له احنا جاهزين والصناديق موجودة محمد صلاح:سيادة المحافظ مدينة العاشرمن رمضان لما تاسست من سنوات طويلة كان المفروض انها تكون رمز كمنطقة صناعية تجذب العمالة وتحقق فرص عمل للناس ومنطقة سكنية حتى البيوت شكلها مختلف شوية عن حتى المدن اللي طلعت بعد كده بس تشعر بالفقر وانت ماشي فيها تشعر بان عندها مشاكل مفيش كثافة وافية في المناطق السكنية وفيه مشاكل عند الجماعة المستثمرين او المنطقة الصناعية المستشار/يحي عبد المجيد:لا انا اختلف معاك تماما اولا العاشر من رمضان اقدم مدينة صناعية واللي يتجول في العاشرمن رمضان يجد انها مدينة جميلة جدا محمد صلاح: بس خالية ؟ المستشار/يحي عبد المجيد:انا اقولك العمالة جاية منين ..؟ كلها من بلبيس ..هيبتدوا يشتغلوا من 6 اللي جاي دا على مترو بن بلبيس والعاشر..نمرة اتنين النهاردة هي عاوزة وسائل ترفيه ابتدوا يشتغلوا شوية كان فيه حفلة كبيرة يوم شم النسيم وكان فيه اسماء لامعة من الفنانات والفنانين.. لما نيجي نتكلم على الافل مصنع بتوع برنامج الريس مين اللي مساهم باكبرنسبة في مصركلها.. الشرقية . لو اتكلمنا عن الاف مصنع يبقى الشرقية مساهمة 53% على الاقل ..الصالحية خلي بالك قايمة على قيمة اقتصادية واجتماعية لانها قايمة على الصناعات الصغيرة مش زي العاشر من رمضان.. احنا اولا كل برنامج الرئيس ماشيين 0فيه بخطوات ثابتة لما نيجي نتكلم عن المدارس مطلوب مننا 4200 فصل ..تموا.. لما نيجي نتكلم عن الاسكان ناجحين فيه جدا .. الطرق الداخلية احنا بنتكلم عن 1200 كيلو في داخل الشرقية ..المية دا لولا دفع في الشرقية ضخ كان عندنا مشكلة مياعه قاسية محمد صلاح:طب كلمنا عن الطرق يا سيادة المحافظ لانه لوحظ انه الطريق من القاهرة الى الزقازيق من منيا القمح لحد مدينة الزقازيق وطريق الاسماعيلية مثلا محتاج الازدواج المستشار/يحي عبد المجيد:اولا طريق منيا القمح من الطرق الكويسة جدا ،نمرة اتنين الطرق دي عليها زحمة اللي حصل في الشرقية من الاربع سنين الاخرانية لم يحصل في الشرقية في عشرين سنة محمد صلاح:طب المفروض عندك امكانيات سياحية ؟ المستشار/يحي عبد المجيد:عندنا الخيول ومهرجان الهجن . محمد صلاح:عندك اثارفي تل بسطا وعندك البلد اللي اتولد فيها احمد عرابي فيها بيته وفيها امتحف بتاعه بس الناس مش شايفة نهضة انت علاقتك ايه مع الدكتور زاهي حواس ؟ المستشار/يحي عبد المجيد: علاقتي راجل اعتز بيه جدا وصديقي انا معك انه فيه تقصير جامد جدا الى حد الاهمال ..اول ماجيت كمحافظ للشرقية بعت جواب لوزير الثقافة ووزير السياحة قل لهم ياجماعة تعاولوا نقعد وننمسي السياحة في الشرقي انت عندك 130 اثر اسلامي وقبطي عندك اول مسجد بني في يافريقيا عندك تاريخ الشرقسية دي تاريخ..بعت لزاهي حواس الراجل جه وعملنا متحف كويس قوي موجود في تل بسطا في العاصمة ومتحف جوه المنطقة الاثرية نمرة اتنين عملنا زيه في قنطير ولكن السياحة عايزة فنادق عاوزة عاوزة عاوزة ياريت نبدا حتى لو ناخد 20 سنة انا بنادي النهاردة وزير الثقافة ووزير السياحة لابد الشرقية يعتنى بيها في الاثار محمد صلاح: متحف احمد عرابي؟ المستشار/يحي عبد المجيد: تبع الاثار محمد صلاح: عندنا تقريرعن متحف عرابي نشوفة. فاصل مواطن1: دلوفقت ماعادش فيه متحف اصلا المتحف يعتبر بقى حاجة خراب ماعادش فيه حاجة كل الحاجات اللي كانت هنا اتشالت شالوها يعني يعتبر ان المكان اللي المفروض حاجة رمز من رموز البلد يعني اتشال وبقى مالوش أي لازمة خالص مواطن2: الاثاراللي فيه اتشالت والبيت بتاعه برضه فيه موظفين قاعدين فيه بس برضه ايل للسقوط برضه مواطن3: كان بيجيلنا زوارهنا اجانب ماعادش حد بيجيلنا خالص عشان الثاربتاعنا خدوه من هنا مواطن4: والله راجل عمل الانجازات اللي عملهخا احمد عرابي والله حرام يعني مواطن5: هما حاطين عساكر حراسة زينة انما لو دخلت المبني مش هتلاقي حاجة خالص هو بقاله 6 سنين على كده مواطن6: المفروض دا عنوان المحافظة متحف القرية فالمفروض ان احنا نهتم بيه فالمتحف عبارة عن مخزن ولا مسئول بيبص له فاصل المستشار/يحي عبد المجيد: اولا دي مسئولية الاثاربتاعتنا مرة واتنين وتلاتة تعالوا وشوفوا متحف احمد عرابي ك اتقاريربتقول ان هوغير قابل للتطوير محمد صلاح:انا دخلت المتحف دا من حوالي 25 سنة فهواصلا مش متحف قوي هوفيه لوحة جدارية مرسومة لوقفة عرابي والمشهد امام الخد يوي وفيه بعض الملابس مش عارف اذا كانت بتاعة احمد عرابي ولا بتاعة حد تاني هو مكانش متحف قوي بس على الاقل كان بيذكر القرية انها قرية احمد عرابي حتى الحاجات دي شالوها مين اللي شالها المستشار/يحي عبد المجيد:الاثار.. محمد صلاح:سيادة امحافظ ليك اسلوب مختلف شوية في الادارة بمعنى انه سمعنا ان حضراتك عملت التوقيع في الديوان العام للوزارة انه بالبصمة المستشار/يحي عبد المجيد: دا الكتروني زي بقية المحافظات محمد صلاح: موضوع المياه . المستشار/يحي عبد المجيد: المياه احنا كنا بنتكلم عن الشرقية مكانش فيها مية من 50 سنة دخل فيها المية .. محمد صلاح :ايه نوعية الشكاوى اللي بتسنعها سيادة المحافظ ؟ المستشار /يحي عبد المجيد: الشكاوى متعلقة بترخيص مباني متعلقة بتعنت جهة بحد عايز يتنقل لجهة تانية فيه طبعا شكاوى شخصية كتيرة متعلقة بالصحة بنحلها كل دي محمد صلاح: هل عندك مشروع للتنسيق الحضاري في الشرقية المستشار/يحي عبد المجيد: بدانا نشتغل ..بس خلي بالك التنسيق الحضري كويس قوي لو كان المكان يقبل التنسيق الحضاري لان دا مش مجرد شوية دهانات لا دا عاوزة تعمل ديزاين لمنطقة بحالها المكان دا يبدا من المدن الجديدة، القاعرة فيها عمارات مش موجودة في أي بلد في العالم انا رحت العالم كله التراث العقاري الموجود ف وسط البلد مش موجود في العالم كله لما يتدهن هيبان انت معندكش كده في الشرقية وبعدين كل محافظة لها ظروفها بتتكلم على بلد 77% منها ريف الحضر قليل وملتحم بالريف العبء عليك اكتر في كل ما يتعلق بحياة الانسان الريف عاوز صرف صحي ، محمد صلاح: سيادة المحافظ تقول ايه النهاردة لاكتر من 70% من المناطق في الشرقية ريف لسه اغنية عبد الوهاب تنطبق على الفلاح ماحلاها عيشة الفلاح ؟ المستشار/يحي عبد المجيد: والله الريف بطبيعته فيه نوع من الهدوء مهما تقولي منظر الخضرة قدامك وبعدين بساط جميل جدا من صنع الله طبعا اختلفت الرؤى ولكن الريف مازال له طبيعته محمد صلاح:ايه الافق اللي بتنظر من خلاله للشرقية في المستقبل سيادة المحافظ ؟ المستشار /يحي عبد المجيد: المناطق العشوائة كلها بالكامل مخطط بالنسبة لكل البرامج القومية الي هي تنظيم الاسرة محو الامية فيه عندنا كتير قوي من متطلات الحياة اننا ننجز كتير قوي ونخلصه النهاردة الرعاية الصحية نديها اهتمام اكتر عايزين نعمل برنامج نقرب شوية من مرضى نشوف طلباتهم ايه يعني يبقى فيه عنصر رقابي من المحافظة اكتر شوية محمد صلاح:العلاج على نفقة الدولة اثرت عليكم وعلى المستشفيات ؟ المستشار/يحي عبد المجيد: لا لان كل دول خارج نطاق المحافظة محمد صلاح: كنا كرما معاك ياسيادة المحافظ.؟ المستشار/يحي عبد المجيد: لا انا سعيد جدا وسعيد بنقد الناس ولكن فيه تجني بعض الشئ انا عاوز بس سيادتك تيجي وتشوف بالكاميرا ..انا اقولك حاجة الزقازيق عاصمة من انضف العواصم الموجودة في المحافظات وكل واحد ليه مكان بيركب وب50 قرش بس .. كل ما يرد لمحافظ الشرقية من موارد لما كانت فيه ازمة بوتاجازطاحنة في مصر مكانش موجود الازمة دي في الشرقية احنا غاز في الزقازيق وبلبيس والعاشر الدولة بتدفع دعم للشرقية بس مليارو40مليون محمد صلاح: الزقازيق عاصمة محافظة الشرقية واحدة من انظف المدن المصرية ربما زي كل المحافظات المصرية فيه في الشرقية مشاكل محافظ الشرقية النهخاردة المستشار يحي عبد المجيد قال كلامه النهاردة ووعد بافق جديد للشرقية خلال سنواته المقبلة قال المحافظ كلامه معانا النهاردة كان كلام جميل كلام معقول كان كلام مسئول خلص الكلام سلام نلتقي في الحلقة المقبلة
