يحدث في مصر

ريهام ابراهيم: مشاهدينا الكرام اهلا بكم حلقة جديدة من برنامج يحدث فى مصر
محمد المغربى :فى حلقة انهاردة هنفتح معا ملف المشروعات الزراعية والاستصلاح الاراضى
ريهام ابراهيم:وسوف يكون معنا اليوم مشروع الخدمات الزراعية بشرق الدلتا يستهدف هذا المشروع زيادة الرقعة الزراعية فى مصر
محمد المغربى :لم نكن نتخيل فى يوم من الايام ان تتحول الرمال الصفراء والصحارى الجدباء الشاسعة تتحول الى حدائق غناء فمنذ انطلاق مشروع شريان الخير بترعة السلام والرقعة الزراعية الحمدلله بتزداد يوم بعد يوم وبالتبعية بيزداد معاها فرص العمل امام شباب الخريجين
ريهام ابراهيم :المشروع يقوم بتنفيذ الكثير من الخدمات الاساسية فى مجال التنمية الزراعية هذا من خلال منظومة عمل كبيرة متكاملة منذ بدء تنفيذة فى شهر يناير سنة 1999
محمد المغربى :معانا تقرير هنعرضة من اراضى المشروع بيحكى المزيد من التفاصيل ولكن قبل ما نشوف التقرير نرحب بضيفنا فى الاستديو الدكتور محمود حسن الخولى المدير التنفيذى للمشروع اهلا بيك معانا
د/ محمود حسن الخولى : اهلا وسهلا
محمد المغربى :نشوف التقرير ونرجع ونبدأ الحوار
تقرير
محمد المغربى :مشروع شرق الدلتا احد المشروعات العملاقة لوزارة الزراعة فى مجال استصلاح الاراضى التى شملت 4 محافظات هى بورسعيد والدقهلية والشرقية والاسماعيلية وذلك لاستصلاح 220 الف فدان تخدم حوالى 29 الف اسرة من ذوى الدخل المنخفض وكذا زيادة الانتاج الزراعى للمساهمة فى الناتج القومى لم تكن تلك الرمال الصفراء والصحراء الشاسعة لتتحول الى اشجار يانعة وحدائق غناء لولا ذلك الشريان الحيوى ترعة السلام التى تضخ مياهها التى روت قرابة 21 الف فدان يقطنها 8 الالاف خريج واسرة مضارة من قانون المالك والمستأجر
حتى الان
د/ محمود حسن الخولى :المشروع ده بيقوم على اسصلاح 130 الف فدان من الاراضى المستصلحة حديثا لتوطين 29 الف اسرة وبالتالى زيادة الدخل للمزارع وبزيادة الدخل للفرد فى مصر ورفع مستوى المعيشة وبالتالى عمل تكامل بين المؤسسات الاجتماعية
محمد المغربى :يقوم المشروع بتنفيذ العديد من الخدمات الاساسية للقائمين عليها فى مجالات التنمية الزراعية والاساسية من خلال منظومة عمل متكامل تعمل على تشجيع الاستقرار وتقوية النباء المؤسسى والاجتماعى وزيادة دخول الاسر لتحقيق الهدف من المشروع وهو التنمية المستدامة 00 ولم يكن للمشروع ان يستمر دون انشاء بنية تحتية فتم انشاء محطة لمياه الشرب تخدم ما يقرب من 80 الف نسمة لترتفع سعتها عام 2007 الى 150 الف نسمة اضافة الى انشاء ثلاث محطات للصرف الصحى وتمهيد ورصف شبكة من الخطوط الداخلية لربط المشروع بالمحطات المجاورة وتنفيذ محطات للكهرباء بقيمة 12 مليون جنية ولايزال العمل مستمرا فى المشروع حتى يحقق الهدف منه وهوتوطين 29 الف اسرة وتتوالى الانجازات ويستمر العمل حتى يتحقق الحلم وحتى تكون هناك دلتا جديدة تستوعب الزيادة المستمرة فى عدد السكان 00
ريهام ابراهيم :دكتور محمود يعنى زى ما شفنا فى التقرير الحقيقة فى مساحات كبيرة جدا خضراء فى ايدى عاملة كمان مش بس للرجال للفتيات ايضا توطين اسر حاجات كثير الحقيقة يعنى المشروع قدم فيها خطواط كبيرة بدأ امتى
د/ محمود حسن الخولى :هو بدات الفكرة سنة 98 كا اتفاقية دولية للتمويل الاجنبى من البنك الدولى 15 مليون دولار والصندوق الدولى للتنمية الزراعية مقرة روما 25 مليون دولار بالاضافة للتمويل المحلى 15 مليون دولار بدات الفكرة بعد انشاء الشمروع العملاق بتاع ترعة السلام اللى بتخدم 620 الف فدان منهم 220 الف فدان فى ارض القناة و400 الف فدان فى الشرق المساحة اللى هى فى ارض القناة كانت غالبيتها بتعتمد على تكثيف مساحات من بحيرة المنزلة
بدأ استخدامها كمزارع سمكية وكان المصدر بتاعة من المية مصدر من بحر البقر مصرف بحر البقر من المصارف الملوثة طبعا فى المنطقة وكان الهدف الرئيسى منه هو الغاء استخدام مياه مصرف بحر البقرعلى الاطلاق سواء
ريهام ابراهيم :اتعاملتوا معاها ازاى النقطة دى مياه ملوثة ؟
د/ محمود حسن الخولى :بدأنا تحويل المزارع السمكية استزراع سمكى الى استزراع نباتى باستخدام مياه ترعة السلام معروف مياه ترعة السلام مية مخلوطة 1 الى 1 واحد نهر نيل وواحد صرف زراعى وليس صرف صحى طبعا دية بالتحاليل والتركيزات من ناحية الملوحة والعناصر الموجودة اللى مسموح بها لاستخدام استزراع نباتى طبعا ممنوع تبع القانون استخدام مياه الرى فى استزراع سمكى على اساس ان احنا انهاردة الاولوية للاستزراع النباتى لان المية طبعا ويمكن احنا عايشين ظروف مشكلتنا حوض نهر النيل احتاجاتنا من المياه فلازم نحافظ على كل نقطة مية فى الاستزراع النباتى
محمد المغربى:طب دكتور محمود اناعاوز اقف بردوا عند الفكرة نفسها يعنى الفكرة هو خلق دلتا جديدة لماذا هذه الدلتا تاتى فى الجانب الشرقى من الدلتا الحالية لماذا اختيار المحافظات يعنى الشرقية الدقهلية بورسعيد والاسماعيلية لية
مخدناش السويس
د/محمود حسن الخولى :طبعا المساحة ال 220 الف فدان دية محيطة بالاربع محافظات وبدأ مشروع مبارك القومى لتسكين الخريجين بتسليمهم 5 افدنة بمنزل وضم ايضا المضارين بقانون الاصلاح الزراعى لتسليمهم 2ونص فدان مع منزل ايضا
محمد المغربى :دلوقتى هما مدارين
د/ محمود حسن الخولى:قانون الاصلاح اللى هو قانون المستأجر؟
محمد المغربى :ايوا
د/ محمود حسن الخولى :طبعا دول فى غالبيتة جايين من الدلتا وفعلا رب ضارة نافعة كان وجود المضارين دول فى وسط الخريجين كعنصر خبرة يعنى يمكن الخريجين مكنش عندة فكرة عن الزراعة وجود مزارع جاى من الدلتا زاول الزراعة قبل كدة فكان عملية نقل الخبرات للاجيال القادمة
ريهام ابراهيم:بدأتوا بالخريجين يعنى الفرصة كان متاحة لهم هما اختار بالاسر اللى موجودة معاهم لوجود الاماكن دى
د/ محمود حسن الخولى :هما فى البدايه بعض الخريجين لما استلموا اراضيهم كان الخريج كان يامل انه يجى يلاقى كل وسائل المعشية متاحة لكن فى الوقت ده لا مية شرب ولا صرف صحى ولا انارة ولا طرق
ريهام ابراهيم:انتوا عايزين حوافز كثيرة قوى
د/ محمود حسن الخولى :اه بالضبط فا بدأنا طبعا بالخدمات اللى تخلى الخريج يتمسك بارضة وما يفكرش يبيعها
ريهام ابراهيم :ونجحتوا فى النقطة دى
د/ محمود حسن الخولى :الحمد لله
ريهام ابراهيم :واحنا متابعين الدراسات فى فترات متفرقة بنعمل دراسات عن الاستيطان والدخل المزرعى وغير المزرعى باستمرار ودراسات مصروف عليها وبتنشر دوليا فى مواقع البنك الدولى
محمد المغربى :دكتور محمود لما بنيجى نتكلم عن اى مشروع قومى طويل الامد بنحتاج الى عوامل متعددة حاجات كثير جدا بتخش فيها بدأ من التخطيط او حتى عوامل ربما احنا ممكن نواجهها والدراسة والتنفيذ فى مشروع زى شرق الدلتا بنتكلم عن 11 سنة تقريبا تنفيذ
د/ محمود حسن الخولى :بالضبط
محمد المغربى :قول لى ايه هى الروح اللى غلبت على المشروع من 11 سنة؟
د/ محمود حسن الخولى :بالضبط هو طبعا مع بدايه المشروع كان عملية تحويل منطقة من استزراع سمكى الى استزراع نباتى طبعا كانت عايزة مجهود جبار جدا على اساسا الراجل اللى هو بيزاول عملية الاستزراع السمكى مجرد ان هو بضخ مية وكأحوا ض مربى كا كنترول للمية بعد ما بدأنا نحولة من نشاط الاستزراع السمكى للاستزراع النباتى طبعا دخلنا نظم رى متطورة على اساس انهاردة الفكرة الرئيسية ان احنا نحافظ على المية فا مكنش متقبلها فى بدايه الامر بدأنا نضربة ونعمل خطوط المية بمحابس على اساس ممكن التحكم فى مياه الرى اثناء عملية الرى مكنش متقبلها فى البدايه بدأ يتقبلها معانا بالتدريب طبعا عملنا دورات للخرجين بالاضافة المجارى المائية اللى هى القنوات الفرعية الرئيسية عاوزين المجموعات دى شباب الخريجين هو اللى يحافظ على القناة دية باستمرار يعمل لها عملية صيانة بدأنا نعمل اتحادات وروابط لاستخدام المية على الترع الفرعية والرئيسية واشهرناهم باتصال مع وزارة الرى وعملية التدريب باشراف وزارة الرى وانهاردة اصبح كل مجموعة ماكينة بتخدم 12 خريج على اساس الماكينة بتخدم 60 فدان على 5 يبقى فى 12 مسئولين على قناة الرى بتعتهم لاحداث الصيانة وترتيتب المناوبات الرى باستمرار بيبدأ انهاردة فلان وفلان وفلان علية الرى انهارة عدم وجود طبعا تنظيم ممكن عملية تداخل ممكن ما توصلش المية الى نهايه الترعة طبعا باستمرار المزراع فى الترعة بيواجة مصاعب فاعاوز اعمل له برنامج للرى خلال المناوبة حيث توصل له مية الرى فى نهايه الترعة
ريهام ابراهيم :مجموعات الشباب اللى حضرتك يا دكتور بتتحدث عنها بحماس كبير اللى مسئول عن مجموعات الرى ومجموعات الرى دى هتبقى كدة مسئولة عن مشروعات كبيرة
د/ محمود حسن الخولى :بالضبط بالضبط
ريهام ابراهيم :هى الاساس فى كل هذا المشروع قابلها اكيد تحديات نفسية وتواجد فى هذا المكان
د/ محمود حسن الخولى :بالضبط
ريهام ابراهيم :ايه اللى قدمتوه؟
د/ محمود حسن الخولى :فى البدايه الامر طبعا مكنش فية خدمات متواجدة على الاطلاق لا مية شرب ولا صرف صحى ولا انارة ولا طرق بدأ المشروع يتعمل من خلال ست مكونات للمشروع مكون مياه الشرب وصرف صحى مكون البنية الاساسية الزراعية الصرف الزراعى مكون الخدمات الزراعية والتدريب والارشاد مكون تنمية المجتمع واتحادات وروابط مستخدمى المية مكون المتابعة والتقييم والرصد البيئى على اساس باستمرار باعمل دراسات رصد فىالمراحل المختلفة من العمر للمشروع بالاضافة لل BMU اللى هو مكون ادارة المشروع اللى هو المدير التنفيذى مع الطاقم بتاعة اللى هو المدير المالى ومدير المشتروات اللى بيديروا المشروع
محمد المغربى:طب دكتور محمود يمكن يعنى لفظ استصلاح الاراضى احنا بنسمعة من اواخر الخمسينيات بدأ الاهتمام بالمكون الزراعى كاداخل مهم فى الناتج القومى واستصلاح اراضى وا وا وا 00البعض لهم راى علمى بيقول ان
مشروع شرق الدلتا غير مفهوم استصلاح الاراضى العلمى قولى هل توافق فى الاول هذا الراى والا لأ واذا كنت توافق اشرح لى ده للمشاهدين
د/محمود حسن الخولى:هو طبعا الحصول هو معروف ان كلنا فى مصر بنعيش على من 3 الى 4 % من مساحة مصر
محمد المغربى :صحيح و 95% صحراء
د/ محمود حسن الخولى:طبعا دى مشكلة 00 وكلهم محصورين على جانب واحد كان من نهر النيل والجانب الاخر فى الصعيد كان غير مسكون انهاردة زيادة فدان واحد كرقعة زراعية تعتبر انجاز كبير على اساس بردوا كمية المية محدودة يعنى احنا ما نقدرش نزرع الصحراء كلها الا اذا اتبعنا اساليب رى متطورة فكان المنطق بتاع شرق الدلتا اولا منطقة تساعد على استيطان على اساس درجة الحرارة درجة الجو منطقة ساحلية يعنى باستمرار جاذبة للسكان السواحل بتجذب السكان فكان وجود مشروع ترعة السلام فى المنطقة دية كان الحافز الرئيسى ان احنا نبدأ المشروع فى المنطقة دية
ريهام ابراهيم:اه احنا شفنا كمان فى التقرير يعنى كان فى منطقة توزيع الكهرباء وكان فية مدرسة كان فية مجموعة من الاطفال
د/ محمود حسن الخولى :بالضبط العملية دية موزعه على قرى
ريهام ابراهيم:المشروعات التكميلية دى يا دكتور ازاى بدأتوا فيها ووصلت الى اين على ارض الواقع فعلا
د/ محمود حسن الخولى :بالضبط احنا طبعا بدأنا بمشاريع البنية الاساسية اللى تمكننا من ان احنا نشجع الخريج ان هو يتمسك بارضة ما يفكرش يبيعها فى يوم من الايام نشجعة نوفر له مياه الشرب محطة صرف صحى تخدمة طريق مرصوف انارة بردوا طبعا بدأنا بالمجارى المائية عملنا تبطين المجارى المائية باستمرار لان المنطقة دى منطقة رى خفيفة بالCEBDG بالتصرب المية وبفقد المية طبعا احنا عاوزين نحافظ على كمية المية اللى هتوصل للمساحة المنزرعة كل دى العوامل اللى خلت الخريج يتمسك بارضة بالاضافة الى طبعا الاراضى المستصلحة حديثا العائد بتعها ممكن ما يستدش احتياجات الاسرة المعيشية بدأنا نعمل عملية تنمية المجتمع
ريهام ابراهيم :بمعنى ؟
د/ محمود حسن الخولى:الصناعات الصغيرة فى البيوت بدأنا نعمل مشاريع صغيرة فى القرى من ورش نجارة الى معامل الالبان لمشغولات الحقيقة اهتمينا جدا بالمرأة والمرأة كانت عامل رئيسى لان طبعا المراة دخلت كخريجة تملك ارض
ريهام ابراهيم:هى كمان تملك طموح واحلام ويدها بيد الرجل فى المجتمع فى كافة المجالات هنشوف الصناعات الصغيرة وايضا دورالمرأة فى هذه الاماكن بعد الفاصل
فاصل
د/ محمود حسن الخولى :ان شاء الله ان شاء الله مشاهدينا الكرام فاصل ونعود ويحدث فى مصر
فاصل
محمد المغربى:نجدد التحية مشاهدينا الكرام فى حلقة جديدة من يحدث فى مصر كنا قبل الفاصل بنتكلم عن توزيع حوالى 220 الف فدان على المستفيدين معنا فى الاستوديو الدكتور محمود حسن الخولى المدير النفيذى لمشروع شرق الدلتا قل لنا يا دكتور ايه هى الية التوزيع فى ناس اخذت 5 فدادين وفى ناس اخذت 2 ونص فدان قلى على ايه اساس ارتكزتوا فى التوزيع
د/ محمود حسن الخولى:هو طبعا التوزيع كان من خلال مشروع مبارك القومى لشباب الخريجين الخريج بيستلم 5 افدنة بالاضافة الى منزل اما الفئة الاخرى اللى هى فئة المضارين من قانون الاصلاح الزراعى اللى هو قانون المستأجر
محمد المغربى:مكنش فى اى شروط لاى جريجين اى خريج عايز يتقدم ياخذ 5 فدادين يخدها والا فى شروط معلنة
د/ محمود حسن الخولى:هو طبعا هو الاولوية هو الرغبة فى الاستقرار اه شئ ان الخريج ده
ريهام ابراهيم:بمعنى ايه الرغبة فى الاستقرار
د/محمود حسن الخولى:هو طبعا مهنتة الزراعة يعنى ما ياخذش الخمسة افدنة ويمكن يتعين فى شركة ثانية ويهجر ارضة لازم يكون متواجد باستمرار كانت اللجان بتمر وتشوف استقرارة فى الارض بتعتة تطور الاستزراع فى ارضة هل الارض مستزرعة لان الحقيقة الاراضى فى المنطقة دى فى شرق الدلتا من الاراضى المتأثرة بالاملاح الارا ضى دى لو بدأت ازرعها فعلا اتمسك اننى باستمرار اعملها كغطاء نباتى حتى فى الفترات ما بين المحاصيل باستمرار ما اتركش الارض بدون زراعة على اساس ممكن ترتد مرة اخرى المنطقة طبعا متعرض لضغوط زميترية بحر متوسط قناة السويس بحيرة النزلة فا باستمرا رعلشان نقطع الخاصية الشعرية بتاع صعود المية بالبخر طبعا المية تتبخر هتسيب لى طبقة الملح على سطح التربة
محمد المغربى:هل يادكتور افهم من كلامك ان محاصيل معينة بتزرع فى المشروع وفى محاصيل ما ينفعش تتزرع فى نسبة الملوحة دية ؟
د/ محمود حسن الخولى:هو طبعا هنا فى الموسم الصيفى بيفضل محصول الارز كمحصول استصلاحى على اساس بيتواجد فى ..
محمد المغربى :المية ايه فى الارز
د/ محمود حسن الخولى :عملية الارض محتاجة لفترة غسيل الرى بالغمرالصفرة مرحلية بعد كدة ممكن اطور الزراعات الاخرى
ريهام ابراهيم :زى ايه يا دكتور محاصيل زراعية اخرى بالمشروع ؟
د/ محمود حسن الخولى:محاصيل القطن بردوا بيتحمل ظروف الملوحة فى الصيف عندنا فى الشتاء محصول البنجر انهاردة وده من المحاصيل اللى نجحت جدا جدا فى فصل الشتاء فى المنطقة دية على اساس محصول البنجر اساسة له احتياجات من عنصر الصديوم يعنى بيتحمل الملوحة والحقيقة فى مشروع جديد تم وضع حجر اساس لانشاء مصنع للبنجر فى منطقة ام خليفة فى منطقة الاسماعيلية هيخدم المنطقة انشاء الله فى المرحلة القادمة حاليا بيتعقدوا مع مصانع البنجر اللى هى موجودة فى محافظة الدقهلية ومحافظة الفيوم
ريهام ابراهيم:دكتور محمود يعنى حضرتك اشرت الى وضع حوافز كثيرة مش للخريج فقط لاسرتة كمان تحديدا المراة المشروعات الصغيرة بوجود كمان الخريجين الشباب ساهمت اد ايه ماديا فى توفير فرص عمل
د/ محمود حسن الخولى:احنا اخذنا رغبات القرى باستمرا ر وانهم بيختاروا المشروع اللى بيفضلوة فى القرى بتعتهم فى بعض القرى اختاروا مشاريع صغيرة زى ورق البردى والرسم عليها ووصلنا درجات عالية جدا من التقنية
محمد المغربى :وبيزرع هناك الورق؟
د/ محمود حسن الخولى :بيتزرع فى المنطقة يعنى بدأنا بزراعة محصول نبات الردى نفسة وازاى دربناة ان هو يحصدة وعملية التجفيف وعملية الكبس وعملية تصنيع الورق والطباعة عليها الحقيقة فى بعض منهم وصل الى درجة المهارة ان هو بيشترك فى المعارض
محمد المغربى :وفى معامل اعتقد معامل البان؟
د/ محمود حسن الخولى:معامل البان فى المنطقة منطقة المطرية التابعة لمحافظة الدقهلية دى منطقة انتاج حيوانى بدانا فيها مشروع معمل البان فى بعض القرى متكاملة زى قرية العاشر من رمضان فى بورسعيد القرية دى تشمل ورشة نجارة كاملة عملنا مركز مخبوزات وضربناهم على انواع المخبوزات اللى تلائم المنطقة مشغولات الابرة مراكز طبية فى القرى على اساس المنطقة مكنش فيها مستشفيات مؤهلة تخدم المنطقة
ريهام ابراهيم:الايدى العاملة نسبتها زادت يعنى؟
د/محمود حسن الخولى:بالضبط مع توفر الخدمة يبدأ الاستيطان يعنى انهاردة وصلنا الحمد لله كان المستهدف الوصول الى 29 الف اسرة
ريهام ابراهيم:وطنتوا اد ايه يا دكتور
د/محمود حسن الخولى :حوالى 26 الف اسرة
ريهام ابراهيم :معظمهم من الشباب الخريج اللى .....؟
د/محمود حسن الخولى :تمام معظمهم شباب الخريجين
محمد المغربى :طب دكتورمحمود مع ذكرك لبعض الارقام قولنا المشروع فى ارقام قل لنا من البدايه المستفيدين حتى اجمالى المحاصيل نسبة المحاصيل دى ايه من احتياجاتنا المزروعة كلها فى مصر ؟
د/محمود حسن الخولى:انهاردة وصلنا الاستيطان تعدينا 26 الف اسرة فى المساحة اللى بنخدمها بدات زيادة المحاصيل الزراعية انهاردة ارتفعت انتاجية القطن الارز بنجر السكر وصل انهاردة الى 18 و20 طن
ريهام ابراهيم:كبيريا دكتور محمود ممكن نستفيد منة بما ان الانتاجية كبيرة زى ما حضرتك بتقول
د/محمود حسن الخولى:هو طبعا التصدير ده من خلال جمعيات التصدير يعنى هو طبعا الخريج
ريهام ابراهيم: بيقوم بمهمتة ؟
د/ محمود حسن الخولى :اه بتعامل على اساس كوسيط والفترة المقبلة هو الهدف الرئيسى بردوا ان احنانعمل جمعيات تخدم عملية التسويق
ريهام ابراهيم :ده مشروع مستقبلى؟
د/ محمود حسن الخولى :انشاء الله بمشيئة الله
ريهام ابراهيم :يعنى جارى التنفيذ ؟
د/ محمود حسن الخولى :اه بمشيئة الله جارى التمهيد له انشاء الله
محمد المغربى:طب احنا عندنا يا دكتور محمود فية الانتاج الحيوانى الاهتمام به يعنى على هامش المشروع بلغ دراه يعنى عندنا حوالى 151 الف راس من اجمالى المستهدف كان 87 الف راس بزيادة عن المتوقع المقدرب 174 %
د/ محمود حسن الخولى :بالضبط
محمد المغربى :كلمنا عن النقطة دى.
د/ محمود حسن الخولى :بالضبط احنا المشروع بدأ بعملية تنمية الثروة الحيوانية فى المنطقة دربنا مجموعات للشباب على علمية التليقيح الصناعى وعملية البيطرة وكل واحد يستلم شنطة كهدية من المشروع بنمدهم بالسيمنز وطبعا لازم يتحفظ النيتروجين باستمرار وبعد كدة بعد انتهاء اعمال المشروع بدأنا نأهل المشاريع دية تحت اشراف مركز البحوث الزراعية واستصدرنا قرار من معالى وزير الزراعة بتعول اصول المشروع بعد انتهاء اعمالة مركز البحوث الزراعية على اساس نتابع عملية التنمية فى المنطقة
ريهام ابراهيم :بتختاروا الشباب اللى بتدخل فى التدريبات دى على اساس ايه؟
د/ محمود حسن الخولى :ان احنا على اساس الهوايه بعلا بيبقى عندة الهوايه ان هو يزاول المهنة دى على فكرة عملية التقليح الصناعى بقت عملية مربحة جدا ان هو انهاردة بيشتغل بالموبايل محجوز باستمرار انهاردة لا بيدور على السيمنز منة لما بيشح بيكلمنا انا عايز دفعة فاخلقنا مهنة جديدة للشاب بالاضافة الى تملكة للارض
ريهام ابراهيم :طب يا دكتور لو فى شاب خريج يرغب فى العمل بيشوفنا دلوقتى وبيسمع كلام حضرتك ويرغب فى البند الاول وهو الاستقرار ومعندوش اى مشكلة ان ممكن تكون معاة اسرتة وتبدأ معاة المشوار من البدايه ويكافح فى مثل هذا المكان للانتاج لية وللمجتمع مش له هو بس ممكن يعمل ايه الخطوات اللى ممكن يخوضها فعلا كتشجيع له ؟
د/محمود حسن الخولى:هو بيبدأ طريق استصلاح الاراضى بوزارة الزراعة مشروع مبارك القومى بتقدم بطلب هو تملك ارض والحقيقة فى مناطق اخرى على مستوى الجمهورية يعنى فى 23 مراقبة تابعة لقطاع استصلاح الاراضى تغطى انحاء الجمهورية سواء فى الصعيد اوفى بحرى والمساحات المتاحة بيملكوها على حسب الاولويات لشباب الخريجين
محمد المغربى:هل صحيح يا دكتور ان فى بدايه المشروع قابل بعض المزراعين بعض الصعاب فيمايتعلق بالملوحة قامت ساعاتها ادارة المشروع بعمل نماذج زراعية للمزارعين فيما يتعلق حتى باستمدة معينة وحاجات مهجنة هل ده صحيح حصل فعلا ؟
د/ محمود حسن الخولى:بالضبط ده طبعا بعملية الحقول الارشادية لية المحاصيل مختلفة حتى بدأنا نجيب الاصناف اللى تتحمل الملوحة
محمد المغربى:لان هما ماكنوش مصدقين الا لما شافوا المشروع ده
د/ محمود حسن الخولى :بالضبط
محمد المغربى:النموذج اثمر ؟
د/ محمود حسن الخولى :يعنى اصناف القمح التى تتحمل الملوحة اللى كنا بنختارها لهم فهو بعد كدة كان بيسالنا اجيبها منين فدلة طبعا على المصدر بتعها حتى انهاردة ادخلنا لها اصناف الارز الهجين اللى هي بتنتج لغايه 6 ونص طن للفدان وبتزرع ب 10 كيلو فقط يعنى يمكن الاصناف التقليدية بيتم زراعتها بحوالى 60 الى 80 كيلو جرام للفدان
محمد المغربى :تقاوى يعنى ؟
د/ محمود حسن الخولى:اه عشة كيلو فقط بينتج 6ونص كيلو للفدان بدأ انهاردة الطلب عليها طبعا انهارده مركز انتاجها هو المركز القومى للبحوث الزراعية فهنا الحقول الارشادية لها مفعول السحرعند المزارع لان انا بعمل حقل ارشادى وبسيبة هو يزرع فا بيجى يسألنى انت عملت ايه دى معلومة وصلت لكده ازاى
ريهام ابراهيم:فى خطط مستقبلية ثانية ممثلة للى حضرتك بتقوله
د/ محمود حسن الخولى :هو الخطط المستقبلية انشاء الله احنا بندور فعلا على تمويل يغطى باقى المشاريع التى تم تنفيذها المساحة على اساس يبقى كل القرى متساوية فى الخدمات فى بعض القرى يمكن اخذت نصيب الاسد عن قرى اخرى انهاردة بنحاول ندبر تمويل اخر ونكمل المشروع انشاء الله
محمد المغربى :دكتورمحمود تقول ايه بعد 11 سنة عمل تقول ايه بعد 11 سنة وكان حاجة موجودة على خريطة وعلى ورق وبقت طبيعة والكاميرا شيفاها تقول ايه بعد اكتمال ما سمى بشرق الدلتا بدايه خلق دلتا جديدة موازية؟
د/ محمود حسن الخولى:بالضبط كان الحقيقة تكليف وزير الزراعة ليا صراحة كلفت كمدير تنفيذى للمشروع سنة 2006 الحقيقة رجعتنى الذاكرة 36سنة بردوا خدمتى فى المنطقة كاضابط فى القوات المسلحة اتشرف برفع العلم المصرى على نقطة راس العش الحصينة فى هذه المنطقة اللى انا كل يوم بمر عليها صباحا مساءا مكتبى بيواجة المنطقة الحقيقة سحر يعنى حقيقتا حاسس انى باشتغل بحماس باستمرار يعنى حسيت ان انا انهاردة رجعت للخدمة ثانى للقوات المسلحة وبازاول عملى فا باتحدى مصاعب الطبيعة يعنى انهاردة يمكن بنقول ايه يعنى يمكن بافكر بعد انتهاء عمل المشروع انشاء الله من راس العش الى حرب راس العش الى حرب التنمية فى منطقة راس العش
ريهام ابراهيم :بس هى التنمية بردوا علشان تكون موجودة احنا شفنا فى تقريرنا مجموعه من الخدمات المقدمة ومجهود كبير الحقيقة لكن بيحتاج الى جانب الخريج بجانب المبتدأ بيحتاج ايضا خبرة فى مجالات مختلفة زى المستشفى مثلاطيب الكوادر البشرية اللى بتحاولوا تخلوها موجوده هنا للشباب ازاى بيتم الاستعانة بيها وازاى بيتم تحفيزها ايضا للتواجد ؟
د/ محمود حسن الخولى:هو المشكلة ان دية خارج المحليات يعنى المساحات التابعة لقطاع استصلاح الاراضى باستمرار مش تابعة للمحليات فكان باستمرار بعيد عن الخدمة خدمة يومية اوخدمة ارشادية فكان تواجد مشروع شرق الدلتا عوضهم النقطة دية انهاردة احنا بنؤهل ان احنا ندخل المحليات علشان مكاننا بعد انهاء عمل المشروع
محمد المغربى:دكتورمحمود اناعاوزاقف عند كلمتك من نصر راس العش الى نصرالتنمية انت قلت حرب التنمية انا هغيرها هخليها نصر التنمية طيب قولى الى اى مدى بتشوف ان وجود الاستقرار فى اعقاب راس العش ادى الى ما نحن عليه الان
د/ محمود حسن الخولى:بالضبط حضرتك كنت قبل كدة بتخص القرى كانت منازل مقفولة فا انهاردة الحمد لله جميع القرى مسكونة بالكامل لان انهاردة الشاب انهاردة كان بيجى يتواجد فترة زمنية لزراعة المحصول ويهجر المنطقة يرجع تانى بلدة الدلتا انهارده بقى لما لقى بقى فى المنطقة دى
ريهام ابراهيم:يعيش بقى فى المنطقة دى ؟
د/ محمود حسن الخولى :بالضبط واولاده لما كانوا فى الدلتا انهاردة بدأت الحضانات متواجدة فى القرى عده حضانات منتشرة فى القرى انهاردة بدات المدارس اللى هى منشأة من مشاريع الابنية التعليمية تبع وزارة التربية والتعليم ابتدت تاخذ مجراها فى المنطقة بدا ينقل اولادة معاة فى المنطقة
ريهام ابراهيم :يعنى هوخير ختام لينا انهاردة يحدث فى مصر ان يكون الشاب والشابة هما نقطة بدايه فى مشروعات زراعية واماكن استصلاح ليس فقط الاراضى ولكن المجتمع باكملة شكرا لحضرتك واهلابيك معانا مرة ثانية
د/ محمود حسن الخولى :شكرا لحضرتك
محمد المغربى :شكرا مشاهدينا الكرام على وعد بلقاء يتجدد مع يحدث فى مصر
ريهام ابراهيم :شكرا لكم مشاهدينا الكرام والى اللقاء