حديث المدينة

مفيد فوزى :مساء الخيراذا كان لسة فى خير يعنى انما لازم نتفائل شوية لاملاحظات سريعة عايز اقولها من قلبى فى غيبة العقل العام تقود الفضائيات الرأى العام للاسف حادث نجع حمادى رصاصة فى قلب التسامح وكبد التسامح وكلية التسامح ,55 مليون جنية علشان نتفرج على كورة. الاولى تروح ال 55 مليون جينة لسكان الدويقة 00 الست اللى بتسوق تاكس اوبتسوق توكتك ده مش منجهة ده رزق رزق بيفتح بيت المصل الواقى من انفلونزا الخنازيرمنتهى الصلاحية اللى فى قبضة نيابة شبرا الان هوفى واقع الامر يدل على ضمائر منتهية الصلاحية 00 يا معالى وزير النقل الجديد ارضاء الناس مهم انقلاب قطربضاعة على الناس فى البساتين شئ غريب ميجيش ابدا مع وجود الحكومة الذكية 00 تراخيص جديدةلاكشاك جديدة الوزيرعبد العظيم وزيربيقول مفيش الكلام ده بَوجه للراجل اللى طلب كشك اوبمعنى ادق طلب كاش علشان ياكل فيها لقمة عيش بس برجوه يتوجة مباشرة لمكتب المحافظ يمكن يساعدة 00فاصل 00 الى جمعية اصدقاء فريد الاطرش
بقول لهم بعتذربعتذرمرتين عن اللى قلته عن فريد الاطرش لما وصفته بانه اهبل لأ لم يكن هذا قصدى ولا نيتى ولارغبتى فى ان انا اسئ الى فريد الاطرش اللى كنت عاوزاقولة ان فريد الاطرش رجل كريم ومضياف وطيب ومهذب الى حد الهبل يعنى بدرجة لا توصف 00فاروق حسنى وزيرالثقافة لا يرفض الاجابة على اى سؤال مهما كان السؤال مزروعا فى الشوك او كان تصادميا اوضد التيارفلنجرب فى حديث المدينة فاروق حسنى وزيرالثقافة ارى بتواضع شديد ان ماجرى فى نجع حمادى هو عورة ثقافيه بعيدا عن عناق الذقون والشعارات تعليق
وزيرلثقافة / فاروق حسنى :انا اوافق تماما على ماذكرت سيادتك يعنى
مفيد فوزى : نعم
وزيرالثقافة / فاروق حسنى :وده عارعلى الشعب المصرى وعارعلى تاريخ هذا الشعب وتاريخ نضالة وتارخ وحدته وانا لا اتوقع ان يكون ده بشكل فردى ولكن انا وسوف تثبت الايام ان هناك يد خفيه وراء هذا لان مصرمش قادرين يقدروا عليها من الداخل وشوف سنوات طويلة جدا ومحاولات حسيسة طول الوقت للتفرقة بين المسلمين والمسيحيين فى مصروانا اعتقد انه انت صديقى منذ فترة
مفيد فوزى : نعم
وزيرالثقافة / فاروق حسنى : وليَ اصدقاء كثيرين جدا مسيحين
مفيد فوزى :نعم
وزيرالثقافة / فاروق حسنى : واعتقد ان اجمل الصداقات بين المسلمين والمسيحيين
مفيد فوزى : صحيح
وزيرالثقافة / فاروق حسنى : وانا يعنى اعترف بهذا
مفيد فوزى :انا رأيى يا فندم ان مقتل مصرفى الفتن الطائفية وحرائقها
وزيرالثقافة / فاروق حسنى :هى دى وتأكد ان هناك اصابع خفية وسوف تثبت الايام
مفيد فوزى : بذمتك مش كان التليفزيون يعمل حاجة عن متحف النسيج الواحد فى شارع المعز عشان الناس تحس انه فى ثقافة فرعونية وقبطية واسلامية كل ده فى بوتقة واحدة مش ده يقرب لقلب الناس
وزيرالثقافة / فاروق حسنى : هو يعنى منتظر بس سيادة الرئيس يفتح المتحف وسوف يفتتح الجميع المتحف النسيج المصدرى ده متحف وحيد فى العالم على فكرة لانه بيحتوى على النسيج الفرعونى والنسيج القبطى والنسيج الاسلامى فى غاية الروعة ولذلك هومتحف متفرغ مفيش كل الحضارات دى عدت على دولة واحدة
مفيد فوزى :تمام سؤال يا فندم شخصى هل رميت ورا ظهرك هزيمة اليونسكو؟
وزيرالثقافة / فاروق حسنى :انا ما بعتبرهاش هزيمة على فكرة انا باعتبر انا اللى عملناه كان انتصارضد اشياء كثيرة جدا كانت متصورة ان ممكن ببساطة يعنى يعنى نخسربسهولة احنا وقفنا الى اخرمدى وده اللى عمل ذعر ورعب ودليل مديرة اليونسكو الان هى جيبة 13 صوت وانا جايب 25 صوت
مفيد فوزى : تمام
وزيرالثقافة / فاروق حسنى :هى صعدت الى 29 وانا 29 كنا الاثنين 29 يعنى انا صعدت 4 اصوات من 25 الى ان تصل ل 29 وهى من 13 الى ان وصلت الى......
مفيد فوزى :ايه الخلاصة بقى بعد ان فاتت فترة زمنية الخلاصة ان المفروض بالفعل نعرف علاقاتنا الحقيقية بين الدول
مفيد فوزى : جميل
وزيرالثقافة / فاروق حسنى :وده المفروض لانه مفيش شك انه فيه مصالح ومصالح خاصة طبعا
مفيد فوزى : يعنى المصالح فوق الدبلوماسية
وزيرالثقافة / فاروق حسنى : بشكل كبير جدا يعنى طبعا طبعا فى اخرلحظة يعنى انا احب اقولك ان الموضوع اتحل فى نيويورك اثناء القمة اوكانت الجمعية العمومية لان الساعة 2 الظهر جاء تليفون للسيدة دوكوفا وقالوا لها تليفون من نيويورك مش هقولك مين الشخصية اللى كلمتها فهى بعدها تهللت تماما وبدأت هى كانت واقفة مع عضو من اعضاء عندى اللى كانوا فى الكامبية بتعها هو كان واقف معاها فا جالها حد وقال لها فى تليفون من نيويورك وتهللت بعدها وكلمت زوجها قالت له تيجى الساعة 6 انت والاولاد
مفيد فوزى : الى هذا الحد؟
وزيرالثقافة / فاروق حسنى :الى هذا الحد وعشان تعرف برضه ان الساعة الرابعة والنصف فى مصركان فيه SMS من شخصية ايضا معروفة وصلت لكل الاصدقاء وكل معارفى بتقول انها نجحت وبقدركذا وبقدركذا
مفيد فوزى :الساعة السادسة؟
وزيرالثقافة / فاروق حسنى : قبل 6 ونص فانا لما اتصلوا بيَ هناك فى باريس قلت له ده لسة الانتخابات لم تبدأ بعد هى فى النهاية عايزاقول
مفيد فوزى :دمعت ؟
وزيرالثقافة / فاروق حسنى : ما دمعتش هناك
مفيد فوزى : امال دمعت امتى؟
وزيرالثقافة / فاروق حسنى :فى الحقيقة انا كنت جاى متخفى مش عايزحد كان التقى بصحفيين اوغيره وبالرغم من كده بالرغم من ان انا جيت فى طيارة خاصة عشان انزل فى مكان خاص فوجدت مجموعة من الصحفيين منتظرين فطبعا كل اللى كانوا معايا يعنى كلهم بكوا تماما انا كنت متماسك جدا اول ما رايت الصحفيين وقابلونى الحيقيقة اومرة اشعربان الدموع اتت رغم انفى انا لى ارض مصر
مفيد فوزى :سؤال مهنى رشحت مين وزيرا للثقافة مجرد ترشيح فى حالة لو كنت فزت ؟
وزيرالثقافة / فاروق حسنى :والله فى كثيرين بس انا عايزاقول حاجة
مفيد فوزى : هو ذكرالاسماء يعتبر خطا ؟
وزيرالثقافة / فاروق حسنى : ما يعتبرش خطأ لكن عايزاقول المصريين
مفيد فوزى :حضرتك رشحت حد مصرى ؟
وزيرالثقافة / فاروق حسنى :انا ما رشحتش الحقيقة انا ما رشحتش
مفيد فوزى :رئيس التحريريا فندم لما بيجى ماشى يقول ايه انا برشح فلان ؟
وزيرالثقافة / فاروق حسنى :لو طلب منى كنت لازم هرشح مجموعة اسماء
مفيد فوزى :اه لم يطلب منك ؟
وزيرالثقافة / فاروق حسنى :معرفش ما انا كنت لسة فى باريس
مفيد فوزى :اه فى حالة فوزك فى حد كان حضرتك شايف انه يستطيع ان يخلفك كوزيرثقافة ؟
وزيرالثقافة / فاروق حسنى : والله فى كثيرين فى اكثر من 5
مفيد فوزى : اكثر من خمسة؟
وزيرالثقافة / فاروق حسنى : اه
مفيد فوزى :من مثقفى مصر؟
وزيرالثقافة / فاروق حسنى :هو مش لازم يبقى مثقف يعنى عشان تبقى واخد بالك ممكن يبقى مثقف مش مثقف لان المثقف ده
مفيد فوزى :ايه الفرق؟
وزيرالثقافة / فاروق حسنى : الفرق بين المثقف والمثقف كبير
مفيد فوزى :اختارلى واحد مثقف ؟
وزيرالثقافة / فاروق حسنى : لأ فى مثقفين كثير
مفيد فوزى : جابرعصفورمثقف؟
وزيرالثقافة / فاروق حسنى :اه طبعا
مفيد فوزى :مين المثقف؟
وزيرالثقافة / فاروق حسنى :المثقف هو من يعرف اقامة البرامج وتوظيفها التوظيف الدقيق
مفيد فوزى : ولكنه فى نهاية الامرمثقف.
وزيرالثقافة / فاروق حسنى : ايوا ما هو المثقف لوحده كده ما ينفعش
مفيد فوزى :اه
وزيرالثقافة / فاروق حسنى : اما المثقف هوالذى يصلح
مفيد فوزى :فوزى فهمى مثقف؟
وزيرالثقافة / فاروق حسنى :اه فوزى فهمى اشتغل طبعا فى الثقافة وهو مثقف
مفيد فوزى :اه زاهى حواس مثقف ولا ..؟
وزيرالثقافة / فاروق حسنى : زاهى حواس يعنى عالم اثار
مفيد فوزى :اه
وزيرالثقافة / فاروق حسنى : فشغلتة اتهيأ لى فى الاثاراجدى بكثير جدا من انه يصبح موظف
مفيد فوزى :لمؤاخذه وانا ببص لصوابعك هو انت قررت انك تمضى الحياة دون امرأة تدخل معاك المحافل العامة والحفلات يعنى توزيع فى نهاية الامرلازم تبقى فى انجية مع ست داخلة انا اسف انا اسف ان انا بقولك ورغم ان ده امرشخصى هل قررت ان تمضى الحياة بلا امرأة زوجة ؟
وزيرالثقافة / فاروق حسنى : مش بلا امرأة
مفيد فوزى :انا ما قلتش بلا امرأة لانه بلا امرأة غلط انا بقول بلا امرأة زوجة؟
وزيرالثقافة / فاروق حسنى : هوالظروف اللى عملت الكلام ده يعنى انا كل اللى اتعرفت عليها اتعرفت عليها اه حبتها وكل حاجة لكن مكنش فى النهاية فى نصيب لانى خرجت من مصر صغير.
مفيد فوزى :كنت فى ايطاليا ؟
وزيرالثقافة / فاروق حسنى : يطلع اوروبا باريس واوروبا وانت لسة شاب صغير صعب انك تتجوزيعنى المسالة اعتادت على كده يعنى فا بقى هى المسألة جت سرقتك
مفيد فوزى : يعنى مفيش امرأة حبت تقتنصك ؟
وزيرالثقافة / فاروق حسنى :اه كثير
مفيد فوزى :كثيراه انت قلت ايه اسطب ؟
وزيرالثقافة / فاروق حسنى : لان انا لا اقتنص
مفيد فوزى :انت لا تقتنص 00 هل استرحت للكم الصادرعلى الصحفى الذى نهش الاعراض فى جريدتة هل استرحت لهذا الحكم؟
وزيرالثقافة / فاروق حسنى :والله شوف يعنى مفيش شك ان هواحنا ما نحبش للصحفيين انهم يعنى يحبسوا او يحكم عليهم بالحبس لكن عندما الانسان يركب جريمة الجريمة انهاردة انا بعتبر ان دى جريمة والجريمة لابد ان تحاسب لانه عندما ينهش فى الاعراض بشكل يعنى فج وبالتالى فى نجوم احنا كلنا بنحبهم ومش بس كده ما تعودش على الشعب المصرى والشعب العربى ينظر الينا كيف
وبالتالى فلما بنجد ان هذا الكلام كان كلاما مرسلا بل وفيه تربص فطبعا يعنى احنا الكلام ده مش موجود فى بلادنا
مفيد فوزى :القضاء القضاء ريحك فى هذا ؟
وزيرالثقافة / فاروق حسنى : والله ريحينى بس زعلنى الصحفى
مفيد فوزى :اه يعنى على الجانب الاخر يعنى؟
وزيرالثقافة / فاروق حسنى : اه طبعا
مفيد فوزى :الامية الثقافيه تكون اكثرشراسة فى بعض الاحيان من الامية التقليدية هل تتحمل حضرتك كوزيرللثقافة بعضا من هذه المسئولية ؟
وزيرالثقافة / فاروق حسنى : والله الامية الثقافيه دى ميزانها يعنى مش فى ايد حد انما الامية التعليمية كلنا نعرف ده بيعرف يقرأ او يكتب او لا , انما الامية الثقافيه دى هى الثقافة الثقافة دى معلومة واحساس بالوجود احساس بالقيمة اذن الانسان بيحس بالقيمة اللى بيسمع غنوة بيقرا الشعر او بيقرأ قصة وبيحضرفيلم محترم او او الى اخرة مفيش شك ان الغالبية انهاردة من الشباب تتجة للاغانى الهابطة وانا بسمعها وانا فى العربية احيانا عربية بتكون بجانبى شئ يعنى انا مش عارف هو بيسمع ايه
مفيد فوزى :بتحزن لتسطيح الشباب؟
وزيرالثقافة / فاروق حسنى :انا اولا بقولك شئ بحس بالاغنية كانها مساميربتدخل فى الاذن
مفيد فوزى :الى هذا الحد
وزيرالثقافة / فاروق حسنى : الى هذا الحد مفيهاش اى نوع لا جمال ولا طرب ولا لحن ولا خيال ولا اى شئ مفيش شئ يداعبك من الداخل يعنى بهلوان غنائى يعنى
مفيد فوزى :بهلوان غنائى؟
وزيرالثقافة / فاروق حسنى :اه يعنى
مفيد فوزى :لسة حضرتك مجنون برنر؟
وزيرالثقافة / فاروق حسنى :اه طبعا خالص
مفيد فوزى :وما زلت ؟
وزيرالثقافة / فاروق حسنى :ومازلت وسوف يعنى ابقى طول عمرى كده اللى بيحب المزيكا
مفيد فوزى :مش ممكن ينساها؟
وزيرالثقافة / فاروق حسنى :اه طبعا
مفيد فوزى : هل يصبح المبدع مسئولا قياديا ؟
وزيرالثقافة / فاروق حسنى :والله ما اقدرش انا احكم على نفسى يعنى
مفيد فوزى :انت مبدع وانت قدت وزارة على مدى سنين طويلة وانجزت وعملت واشتغلت واتاهجمت؟
وزيرالثقافة / فاروق حسنى :هو ده يختلف عن الادارة الادارة شئ ودى ايضا موهبة والابداع شئ موهبة ممكن يبقى عندك الموهبتين
مفيد فوزى :صديق فى الاردن الذى تعرفة انت ويجمعنا به صلة الشعر حيدر محمود الشاعر كان وزيرا للثقافة.
وزيرالثقافة / فاروق حسنى :صح
مفيد فوزى : وادار الثقافة .
وزيرالثقافة / فاروق حسنى :احب اقول ان الادارة ايضا فن ورؤية لو وضعت فى ذهنك ان انت لازم تديرما انت لازم تعرف انت ماسك ايه عشان تعمل ايه مين فى انه زمن لاى هدف لو رديت على الاسئلة دى جواك تأكد انك سوف تصل لانك ستديرلانك حطيت خطتك وحطيت تصوراتك وفى نفس الوقت حطيت اهدافك
مفيد فوزى :من تصوراتك انك تجيب مسئول اقتصادى عن دارالكتب الهيئة للكتاب هل معنى هذا انك تخسرلانك فكرت هذا التفكير ؟
وزيرالثقافة / فاروق حسنى : مش كده هوهيئة الكتاب يعنى حضرتك عارف انها هيئة خدمية
مفيد فوزى :هل هى منافسة لدورالنشر العادية الخاصة ؟
وزيرالثقافة / فاروق حسنى : هى لا اعتقد انها بتنافس لكن فى النهاية هى ليها خدمة اخرى يعنى دورالنشرالاخرى هى دور تجارية ويعنى حقيقى بتقدم اولا يعنى خدمات رائعة جدا للمجتمع المصرى بالثقافة والادب والفكر ولكن فى نفس الوقت هو ما يقدرش يخسر ان هو فى النهاية عايز اقول انه رجل اعمال انما هيئة الكتاب احنا بنبص لها كأنها خدمية لان بتبيع الكتاب 2 جنية و5 جنية و10 جنية وده عشان انت بتخدم المجتمع المصرى انما احنا عايزين عندنا عايزين يبقى عندنا جزء استثمارى علشان يقدر يخدم الجزء الخدمى يعنى يكسب قرشين علشان يقدر يصرف على اللى احنا بنقدمة
مفيد فوزى :لكن واجهة الهيئة راجل مثقف ؟
وزيرالثقافة / فاروق حسنى : اه طبعا ما هوانت هتجيب اقتصادى مش اقتصادى جاهل يعنى وكأنه مثقف وكثيرين من الاقتصاديين على مستوى عالى جدا من المعرفة والثقافة وانا خبرت هؤلاء يعنى وفى موجودين بمؤسسات يعنى اقتصادية غريبة جدا وتأمينية وكنت اتمنى انه يبقى عندى يمسك اوبرا او يمسك حاجة من الحاجات دى
مفيد فوزى :جميل سؤال شخصى معالى الوزيرهل بعض تصريحاتك عن اسرائيل توقعك فى المحظور ؟
وزيرالثقافة / فاروق حسنى :هو الحيقيقة انا ما صرحتش ضد اسرائيل واللى قال ان انا صرحت ده تعبيرخاطئ دى كانت خناقة فى مجلس الشعب يعنى انا برد على حاجة برد عليه ويمكن انت بتتكلم عن الموضوع اياه وهوحرق الكتب .
مفيد فوزى :نعم
وزيرالثقافة / فاروق حسنى :انا مكنش فى ذهنى حرق كتب ولا شئ ده هو بقولة مفيش قالى لأ فيه مفيش قلت له طب لو لقيت هات وانا هحرقها ده بعملة ده بوصلة الى المستحيل
مفيد فوزى :اه
وزيرالثقافة / فاروق حسنى :انه مش هيلاقى كتب وبالتالى انا هحرق هحرق العدم بقى انا عايز اقول هما اللى خدوها كده يعنى
مفيد فوزى :نعم
وزيرالثقافة / فاروق حسنى :ولكن طبعا هو يعنى هما خايفين من الشخص فى حد ذاته
مفيد فوزى :من يسندك وانت ثابت الخطوة يمشى ملكا ؟
وزيرالثقافة / فاروق حسنى :انا اعتقد ان اى حد سندة الاساسى ذاته سندة الاساسى فعلة هو بيعمل ايه لمين وبعدين فى محصلة فى النهاية حصيلة عمل هل حصيلة العمل دى لما تحطها فى الميزان يعنى توزن ولا ما توزنش وبالتالى انا اعتقد انه لا يمكن احد يعنى يسند حد, يدفع اه يحمى اه انما السند الاساسى هو ذاتك علشان الاخريقدريسندك انما اوعى تفتكرانك انت مش ساند نفسك فالاخر يسندك انا مسنود من النظام لان انا سندت نفسى وقدمت ما طلب منى ولازال انا امامى عمل كبير جدا قادم ومفيش شك انه الوزارة نوع من الخنقة لكن وانت بتعمل بتعمل من اجل شعب فا مبتحسش بيه لانه فى النهاية انت بتقدم عمل للجميع
مفيد فوزى :يا اخى انت ليك فى المنطق لازم اقول لك الملاحظة دى تملك اسلوبا ومنطقا يعنى جاوبت على السؤال باذكى ما يمكن يجيب عليه وزيرلماذا ترفض فصل الاثارعن الثقافة ؟
وزيرالثقافة / فاروق حسنى : انا هقولها لك بشكل واضح
مفيد فوزى : نعم تمام على بلاطة؟
وزيرالثقافة / فاروق حسنى : اه على بلاطة رقم واحد ان الاثاردى فن وبالتقادم اصبحت اثرلازم ندرك ده
مفيد فوزى : نعم
وزيرالثقافة / فاروق حسنى : اثنين انه لايمكن الثقافة تستغنى عن تاريخها هتبقى ناقصة التاريخ ولا يمكن الاثارتستغننى عن كيانها الثقافى وبالتالى دول حاجتين كده مش ممكن اطلاقا تفصل التاريخ عن ابداع وابتكار دى نقطة اما النقطة بقى اللى هى على بلاطة الاتى احنا عارفين دائما ان وزارات الثقافة فى العالم هى افقرالوزارات ومنين ما تقابل وزيرلما يقولك انا مظلوم جدا فى الميزانية وبعدين انا عارف تماما ان مصريعنى ليها اهتمامات شعبية اكثرمن الثقافة يعنى الطرق العيش الكثيرمن الاشياء ..
مفيد فوزى : يعنى الثقافة رفاهية فى مصر ؟
وزيرالثقافة / فاروق حسنى : لأ مش رفاهية
مفيد فوزى :مش رفاهية؟
وزيرالثقافة / فاروق حسنى :لكن انا بقول انه يمكن قوى
مفيد فوزى :اولويات؟
وزيرالثقافة / فاروق حسنى :اه اولويات
مفيد فوزى :نعم
وزيرالثقافة / فاروق حسنى : لكن لازم نعرف ان هذا الوطن هو دولة ثقافة
مفيد فوزى : نعم
وزيرالثقافة / فاروق حسنى : يعنى ممكن نقارن بطرق وكبارى ومصانع واى شئ بدول اخرى لكن لا يجب ولا تجرأ ان تقارن دول اخرى بثقافة هذا الوطن
مفيد فوزى :نعم
وزيرالثقافة / فاروق حسنى : ده شئ الشئ الثانى ان انت عندما يعنى تؤسس لرؤية ثقافيه انت بتؤسس لدولة طول عمرها تعتمد على الثقافة والفكر فالمهم بقى البلاطة اللى انا بقولك عليها دى
مفيد فوزى :اه
وزيرالثقافة / فاروق حسنى : انت انهاردة زى ما قلت لك تانى علم ان وزارات الثقافة فقيرة فانا عشان كنت اعمل نشاط ثقافى مفيش ميزانية للكلام ده خالص نشاط يعنى ايه نشاط يعنى بتقيم المكتبات تقيم المتاحف تقيم المراكزاثقافيه تبدأ نشاط منتعش تستقبل فرق العالم تودى فرقك فى العالم تدى لكل الكتاب والفنانين التفرغات التفرغ بتعهم التفرغ ده مهم جدا يعنى
مفيد فوزى :مبدعين ؟
وزيرالثقافة / فاروق حسنى :ان عشان تفرخ مبدعين
مفيد فوزى :هل اكاديمية روما لاتزال مفرغة للمبدعين ؟
وزيرالثقافة /فاروق حسنى : طبعا فانت علشان تقيم النشاط ده انت محتاج مبالغ لا يمكن اطلاقا كنت هتلاقى مبالغ وانا اتذكرفى يوم اول انا ما جيت كانت الاوبرا لم تفتتح بعد وجائنى من رئيس الاوبرا قال لى ان اوركسترا القاهرة السيمفونى هيتسرح قلت له ازاى قال لى اه مش لاقيين 300 الف جنية 00 طب انا معنديش 300 الف جنية رحت للدكتورعاطف صدقى الله يرحمة قلت له يا دكتورعاطف فى اوبرا هتفتتح وانت جبتنى وزيرثقافة وانا رجل يعنى اعبد الموسيقى مش ممكن انا اجى واوركسترا القاهرة السيمفونى
مفيد فوزى : من فضلك خليها انا رجل احب الموسيقى عشان خاطرى عشان خاطر محدش يقولك ايه اعبد الموسيقى وزيرالثقافة يقول اعبد الموسيقى
وزيرالثقافة / فاروق حسنى : خلاص
مفيد فوزى :انت تعبد الله لكن تحب الموسيقى موافق معايا ؟
وزير الثقافة /فاروق حسنى :موافق
مفيد فوزى : ماشى الحمد لله اتفضل
وزيرالثقافة / فاروق حسنى : فا اللى حاصل ايه بقى انا لما رحت للدكتور عاطف فقالى طب انا اجيب لك منين المبلغ ده قعدنا وجاب دكتورالرزازوقعدنا نتكلم فين وفين نيجى من هنا ومن هنا راح موافق لى على ال 300 الف جنية ركبت العربية سعيد جدا بالامضاء جدا وقلت يعنى وفقت لنفسى قلت الله وبعد كده اللى فى ذهنى ده هعملة ازاى تفتق لذهنى موضوع صندوق التنمية الثقافية
مفيد فوزى : ده اول تفكيرفيه ؟
وزيرالثقافة/فاروق حسنى : اه صندوق التنمية الثقافيه انا قلت يأخذ 10% من كل دخل وزارة الثقافة من الاثار من الكتاب من المسرح من السينما من كل النشاطات
مفيد فوزى :اكثر حاجة فى دول يا فندم بتجيب فلوس ايه ؟
وزيرالثقافة/فاروق حسنى :الاثار
مفيد فوزى :اه
وزيرالثقافة/فاروق حسنى : فهنا بقى اللى مش واخد بالة
مفيد فوزى : اه بقى على بلاطة بقى ؟
وزيرالثقافة/فاروق حسنى :اه ما هى دى البلاطة
مفيد فوزى :اه
وزيرالثقافة/فاروق حسنى :اللى مش واخد بالة اذا كان عايزيمحى الثقافة
مفيد فوزى : ايوا
وزيرالثقافة/فاروق حسنى :لا الثقافة ويخلى التخلف والسلفية والمسائل دى تنتعش
مفيد فوزى :ايوا
وزيرالثقافة/فاروق حسنى : يتفضل يفصل
مفيد فوزى :لوالثقافة راحت وزارة الاعلام وهناك حاجة اسمها الدكتورعبد القادرحاتم تغضب
وزيرالثقافة/فاروق حسنى :ده اكبرخطأ للاسباب الاتية وده طرحتة فى مجلس الشعب ليه احنا سعداء جدا ان سيادة الرئيس انهاردة انا بقالى فترة طويلة فى الوزارة لم يفكرلحظة ان يضم الوزارتين الى بعضهم
مفيد فوزى :نعم
وزيرالثقافة/فاروق حسنى:للاسباب الاتية دى بقولها دائما ان الثقافة تختلف عن الاعلام ده تخصص وده تخصص يجوزاللى بيقدم فى الاعلام ثقافة لكن الاعلام دى مهنة اخرى دى رؤية اخرى دى شئ اخر
مفيد فوزى :فن تانى ؟
وزيرالثقافة/فاروق حسنى : فن تانى
مفيد فوزى : تمام
وزيرالثقافة/فاروق حسنى :بالاضافة بقى اهم حاجة ان ايقاع الثقافة مختلف عن ايقاع الاعلام الاعلام سريع جدا لو فاتك خبرانت فى اشكال كبيرجدا
مفيد فوزى :طبعا طبعا
وزيرالثقافة/فاروق حسنى :انما الثقافة بطيئة للغاية بتبنى
مفيد فوزى : بروية.
وزيرالثقافة/فاروق حسنى : بروية فلا يمكن هتقدرتلاقى شخص فى الوجود يحمل ايقاعين متضادين فى نفس الوقت لوفى ايقاع هيسيطرعليه فالايقاع السريع اذن انت اهملت البطئ وضاعت الثقافة لانك وانت وزير اعلام مطالب انك تكون طول الوقت على المسمع وعلى المرئى جاهزلو سبت شئ انت هتحاسب لكن الثقافة يعنى دى شئ بيسيئ برويه
مفيد فوزى :هل وزارة الاعلام تسعدك؟
وزيرالثقافة/ فاروق حسنى : طبعا وزارة الاعلام شوف انا شخصيا يعنى
مفيد فوزى :هل عرض عليك يوما هذا؟
وزيرالثقافة/ فاروق حسنى : لأ انا مسكتها
مفيد فوزى :فترة ؟
وزيرالثقافة/ فاروق حسنى :3 اسابيع وكده واحسست
مفيد فوزى : كان ايه انطباعك لما مسكتها ؟
وزيرالثقافة/فاروق حسنى :لا احسست ان ده مش الكرير بتاعى
مفيد فوزى :نعم
وزيرالثقافة/فاروق حسنى : انا اقدراقولك يعنى ايه ممكن يتحط ثقافيا داخل الاعلام لكن الاعلام ده حرفة حرفة له ناسه ولازم تقتنع بده ان ما اقتنعتش بده فا انت بترتكب اخطاء شديدة ولذلك انا عايزاقول ايه انه يمكن انا خبرتى دلوقتى فى الثقافة
مفيد فوزى :نعم
وزيرالثقافة/فاروق حسنى :لانى عملت فيها من ساعة ما اتخرجت
مفيد فوزى :باسم خبرتك هل المثقفين فى وادى والشعب العادى فى وادى ثانى النخبة بتفكر بشكل الشارع البسيط المتواضع بيفكر بشكل ثانى ؟
وزيرالثقافة/فاروق حسنى :هو انا ما اقلوش كده بالضبط هو الاتى الابداع ابداع ويمكن الابداع مش بيصل الى المجتمع هوفى شئ اللى بيوصل الابداع للمجتمع هو الالة الثقافيه الضخمة اللى هى وزارة الثقافة ودى دائما فى بعض المثقفين لازم يجعل من نفسة يعنى مضاد للدولة هو متصوران ده بيدى له حالة من الرواج الاجتماعى وانا
مفيد فوزى :يعنى تضاد الدولة بيعمل شعبية؟
وزيرالثقافة/فاروق حسنى :هو متصور ده
مفيد فوزى :بيعمل شعبية عند المثقفين؟
وزيرالثقافة/فاروق حسنى : اه
مفيد فوزى :حتى النخبة ؟
وزيرالثقافة/فاروق حسنى :اه هو متصورمش كلهم
مفيد فوزى : اه
وزيرالثقافة/فاروق حسنى :يعنى يعنى عايزاقول ايه ا نه زى ما بنتكلم دائما ان الدولة فى خدمة المثقف وفى خدمة المجتمع هى الدولة عاملة وزارة الثقافة لية احنا اولا واحد مثقف واحد من اللى هومضاد لوزارة الثقافة يقول لى ان كان فى حد قال له ان وزيرالثقافة استمالة لكى يعبرعن راى الدولة او راى الوزارة او رايى يقولى عليه
مفيد فوزى :نعم
وزيرالثقافة/فاروق حسنى : خت بال حضرتك
مفيد فوزى :نعم
وزيرالثقافة/فاروق حسنى : ليه اولا انا بحترم جدا كل فكرمضاد او معاك لان فى النهاية انت فى خدمتة اراد ام لم يرضى
مفيد فوزى :هل معنى هذا انك انت وزير للمثقفين ولا وزيرللشعب المتعطش للثقافة ؟
وزيرالثقافة /فاروق حسنى :انا اولا وزيرللغير مثقفين ووزيرالمثقفين لان انا بوصل الاثنين ببعض يعنى انا المفروض ااخذ المثقف ده كاداه فى ايدى اداة تثقيف للشعب وانا الالة اللى بتضخ هذا
مفيد فوزى :لماذا وصفت بعض معدى التلفزيون بالجهل؟
وزيرالثقافة/فاروق حسنى :الحقيقة انا يعنى يمكن
مفيد فوزى :على فكرة انا ليه قلت لك كده ؟
وزيرالثقافة/فاروق حسنى : اه
مفيد فوزى :خشيت ان تفهم خطأ فكفاية قوى اللى انت قلتة اتفضل يا افندم لماذا وصفت بعض معدى التلفزيون بالجهل ؟
وزيرالثقافة/فاروق حسنى :هو التعبيراللى قلتة مكنش كده
مفيد فوزى : اه اه
وزيرالثقافة/فاروق حسنى :انا بتكلم يعنى مثلا انا اجهل الطب
مفيد فوزى :نعم
وزيرالثقافة/فاروق حسنى :لانى مش طبيب
مفيد فوزى :نعم
وزيرالثقافة/فاروق حسنى :واجهل الهندسة لانى مش مهندس انماعايزاقول ايه لما انت تبقى بعيد عن وزارة الثقافة فانت تجهل ما تملك الوزارة
مفيد فوزى : اه
وزيرالثقافة /فاروق حسنى :ما تملكة الوزارة يعنى هو لو كان يعرف المادة اللى عن الوزارة
مفيد فوزى :تمام
وزيرالثقافة/فاروق حسنى :لو كان ادركها كان هيقدمها بشكل رائع جدا كانت هتفيدة وتفيد التليفزيون لان فى وزارة الثقافة مادة سخية وغزيرة ورائعة وتخلى المعد ده يكسب اى برنامج فى اى منطقة
مفيد فوزى :ثقافة مين من الوزراء تستلفت نظرك سؤال شخصى ؟
وزيرالثقافة/فاروق حسنى :يعنى هوفى كثيرين يعنى يعنى انا مثلا باعجب ببعض الوزراء لما بيطلبوا منى انهم يحضروا الاوبرا
مفيد فوزى :بشوفك احيانا مع عمروموسى كثيروالا خلينى ادقق فى التعبير صداقة قلب والا صداقة عقل وقلب؟
وزيرالثقافة/فاروق حسنى : احنا صداقة قديمة
مفيد فوزى : اه هى جغرافيه الشعرانكمشت شوية معدش الشعرله مكانة فى المجتمع؟
وزيرالثقافة/فاروق حسنى : هو لان المجتمع نفسه اتغير
مفيد فوزى : اه المجتمع والتربية والتعليم اختلفت طبعا بقى الشعراء فى وادى والناس فى وادى ثانى يمكن الشعب لا يسمع الشعر الا من خلال اغنية
مفيد فوزى :صحيح ان تبقى القصيدة مغناه .
وزيرالثقافة/فاروق حسنى :نعم
مفيد فوزى :انت كوزيراذا اردت ان تنال الرضاعايزاقولك الحاجات اللى مفروض انها موجودة و اولوياتها انت تريد ان تنال وترضى نفسك اثنين الشعب الذى يستفيد من خبرتك 3 القيادة السياسية 4 رئيس الوزراء 5 البرلمان 6 الصحافة وكتاب الاعمدة من فضلك رتب لى اولويات هؤلاء الذى تريد انت كوزيران ترضى به نفسك بعد التجربة الطويلة فى العمل واحد
وزيرالثقافة/فاروق حسنى : هو اول ارضاء ارضاء الذات
مفيد فوزى : نمرة واحد .
وزيرالثقافة/فاروق حسنى :ارضاء المجتمع
مفيد فوزى :المجتمع اثنين
وزيرالثقافة/فاروق حسنى :3
مفيد فوزى :نعم
وزيرالثقافة/فاروق حسنى :المهتمين بالحالة الاجتماعية والثقافية
مفيد فوزى :المفكرين يعنى فى مصر؟
وزيرالثقافة/فاروق حسنى : ايوا
مفيد فوزى :4 طبعا المفروض ان القيادة السياسية يبقى ليها
وزيرالثقافة/فاروق حسنى :5 مفيش شك انه ممثلى الشعب ليهم دوركبير
مفيد فوزى : البرلمان 6
وزيرالثقافة/فاروق حسنى : وفى اعتقادى الشديد ان الصحافة هنا تبقى عامل دفع وليس عامل ارضاء
مفيد فوزى : عامل دفع وليس عامل ارضاء؟
وزيرالثقافة/فاروق حسنى : حضرتك قلت مين تانى
مفيد فوزى : خلاص انتهى الحوار شكرا
فاصل
مفيد فوزى :الثقافة فى نهاية الامرهى سلوكيات الكاميرا ممكن ترقب وترصد السلوكيات الخطأ فى المجتمع الكاميرا بتهزراحنا ما بنهزرش ولا بنسلق سؤال اين الرصيف الكاميرا صورت المشهد ده على احد الارصفة نموذج من الارصفة اللى معليهاش اول ولا اخرمن البضاعة ناس تقولك ده رزق على فكرة لوان مديرالتصوير اللى بيصور نزل بالكاميرا عشان يصورهم الكاميرا هتتدمروهو نفسه هيتحول الى اقرب مستشفى عظام ده لما يكسروا عظمة لية يقولك دول بيصورونا عشان خاطر تيجى البلدية تزيل مسألة خطيرة جدا, لكن اشغال الرصيف رغم انف الحكومة مسألة متعلقة بالحياة اوالموت التاجراللى مطلع كل عزالة ده برة يقولك هوديه فين طب ياعم خش جوا يقولك هوفيه ايه يعنى يبقوا يجوا لما البلدية تعمل حاجة نبقى ندخلها جوا المحل ان يموت انسان فى حادثة فى وسط الطريق لانه ما مشيش على الرصيف بتعتبرمسئوليتة الشخصية كوميديا سوداء