اختراق

عبد الرحمن الابنودي : في الراديو يا فاطمة بيقولوا بنينا السد بنينا السد لكن ما حد قال السد بنوه كيف قاعدين ولا نيمين ولا قايمين وادي عدت ست سنين
عمرو الليثي : احتشدت اكثر من 34 الف مهندس وفني وعامل يواصلون العمل ليل نهار لتحقيق حلم شعب باكمله ليس فقط في بناء مشروع عملاق ولكن لاثبات القدرة والعزيمة المصرية في مواجهة تحدي الغرب كله 34 الف عامل اشتغلوا عشر سنوات متواصلة حتي تحقق لهم ما ارادوا وبنو السد العالي في ملحمة انسانية ساهم فيها كل فرد من ابناء الشعب المصري فمن لم يساهم بيديه وامواله ساهم باحلامه وامنياته للاخرين بالنجاح
المهندس/ محمود ابو زيد وزير الموارد المائية السابق : اثناء السد العالي كانت ملحمة كان في الاف العمال لانهم كانوا يقوموا بانشاء السد نفسه وكان في عدد العمال في وقت من الاوقات وصل 22 الف عامل
المهندس/ زكريا عبد الباري احد المشاركين في بناء السد العالي :فروحنا احنا للسد العالي ده عبارة عن سلسلة من الجبال والوديان ولا طرق ولا اي حاجة يعني كنا احنا نعمل جزء من الطريق ونتحرك ونعمل جزء اللي بعدة فسوينا المشروع وبعد كده طرح كمناقصة
المهندس /حلمي السعيد وزير السد العالي في عهد الرئيس عبد الناصر: اتعمل مناقصة ودخل في هذه المناقصة اثنين اتحاد المقاولين اتحاد مقاولي مصر برئاسة عبود باشا عبود باشا ده كان راجل راسمالي كبير واسمه معروف يعني لغاية النهاردة فخد كل شركات المقاولات وعملهم تحت اتحاد وكان عثمان احمد عثمان لوحدة فجة وانفتحت المظاريف وبذلك نجح عثمان احمد عثمان في هذا لانها ارخص تسعة مليون جنية عبد الناصر في ذلك الوقت لما نجح عثمان قال لي مش معقول السد العالي بعدما حاربنا عليه تدية لواحد من القطاع الخاص يبنية لازم القطاع العام يبني السد العالي
زكريا عبد الباري : فجة الرئيس برضه كان خايف لان المشروع كبير فدخل شركة مصر للاسمنت المسلح معاهم كشركاء وابتدينا نشتغل
تقرير
شهد الرئيس جمال عبد الناصر الاحتفال الذي اقامة المهندسون في جامعة القاهرة بمناسبة بدء تنفيذ مشروع السد العالي كما دعي الى الحفل السادة نواب رئيس الجمهورية والوزراء المركزيون والتنفيذيون ورجال السلك السياسي وخبراء السوفيت لشئون السد وحوالي 5000 مهندس وطلبة كلية الهندسة وافتتح الحفل بكلمة من السيد موسي عرفة وزير الاشغال ونقيب المهندسين وتحدث بعد ذلك السيد الرئيس قائلا
الرئيس عبد الناصر : يسعدني ان اشترك اليوم معكم مع المهندسين في الاحتفال ببدء تنفيذ السد العالي وانتهز هذه الفرصة لاعبر للمهندسين عما يكنه لهم ابناء الشعب من تقدير وعن الامل الذي يضعه الشعب جميعا في قدرة المهندسين على تحقيق هذه البرامج الكبرى التي نعمل من اجلها لخير الشعب ومن اجل مصلحة الشعب
حسب الله الكفراوي : فكان القرارالعظيم الحكيم بتاع تعيين صدقي سليمان وزيرا للسد العالي
زكريا عبد الباري : ده كان طاقة غيرعادية كان بينزل الموقع بقميص وبنطلون وراكب العربية الجيب لا حراسة ولا ده ولا الكلام اللي بنشوفة بالنسبة للوزراء ده وكان صدقي سليمان ده ادوله صلاحيات يعمل زي ما هو عاوز
المهندس/ اسماعيل فهمي رئيس قطاع المعدات الفنية بالسد العالي سابقا :كان مثل اعلي لينا في كل حاجة في الانضباط وفي العمل وفي الاخلاق وفي كل حاجة يعني
سعد نصار : وكان كل العاملين في المشروع يعتبرون والدهم يعني لانه كان معاهم في كل وقت وحسين ان ايدهم بايدة وقلبه على المشروع وعليهم كمان
تقرير
ثم بدار وزارة السد العالي توقيع بروتوكول التصميمات النهائية للسد العالي وعقود توريد جميع ما يحتاجة العمل في المشروع من معدات ومهمات حتي تتم المرحلة الاولي لتحويل مجري النيل في مايو عام 1964 وذلك بين الجمهورية العربية المتحدة والاتحاد السوفيتي وقد وقع الاتفاق عن الجانب العربي المهندس محمد صدقي سليمان وزير السد العالي وعن الجانب السوفيتي السيد " نيفي رجني "وزير القوي الكهربائية في الاتحاد السوفيتي
زكريا عبد الباري : ابتدي التفجير يوم 8 يناير 9 يناير سنة 1960 اتعمل ما كان في تل من التلال الصغيرة دي نفق صغير واتملي ديناميت وفجر وفجرة كان ايامها عبد الناصر وشكري القوتلي ومحمد الخامس اللي هو ملك المغرب وابتدي المشروع يجي وابتدوا كان بقي حضر فلول من الروس يعني اعداد محدودة وابتدوا الروس بقي يجوا ابتديت المعدات تيجي وابتدي المقاولين تشتغل وابتدينا نشتغل وكنا مشيين موفقين جدا
تقرير
في مطلع العام الجديد تحقق حلما طالما سعينا الية واملا تعرضنا من اجلة للضغط والتامر والعدوان واخيرا اصبح الملا واقعا وتحول الحلم الى حقيقة وتطلع العالم كله الى اسوان وصل الى مطار اسوان جلالة الملك محمد الخامس والرئيس جمال عبد الناصر والمواطن العربي الاول شكري القوتلي والسيد عبد اللطيف البغدادي نائب الرئيس وضيوف الجمهورية العربية المتحدة وحي جلالة الملك والرئيس حرس شرف من الحرس الجمهوري وموسيقاه واستقل الضيف العظيم والرئيس سيارة مكشوفة من المطار الى مكان الاحتفال بين الحفاوة البالغة والهتافات المدوية وقد عبر اهلي اسوان عن فرحتهم بلقاء الرئيس بتحية صادرة من القلوب وهتافا بحياة القومية العربية وروادها المخلصين وازدان الطريق باصوات باقواس النصر والاعلام العربية والمغربية وبين هذه المظاهرالرائعة وصل الركب الى منطقة السد العالي وشاهد جلالة الملك والرئيس والمدعون نموذج ضخما للسد العظيم وشرح المهندس حسن زكي اهمية هذا المشروع الذي سيشيع الرخاء والتقدم لربوع بلادنا ويحقق لنا نهضة صناعية جبارة وانتقل الجميع بد ذلك لارساء حجر الاساس الذي اقيم على ربوة عالية ودعا الرئيس الملك والمواطن العربي الاول والسيد مقبول الامين وزير الري السوداني للاشتراك في ارساء حجر الاساس وفي السرادق تصدر المنصة الرئيسية العاهلين الكبيران وكبار الضيوف والوزراء ورجال السلك السياسي وتحدث المهندس موسي عرفة وزيرالاشغال التنفيذي عن السد العالي كصرح شامخ نادت به حكومة الثورة اول ما نادت حتي خرج اليوم عملا هندسيا جبارا وهنا الوزير السيد ليفي كوب الوزير السوفيتي للقوي الكهربائية شعب الجمهورية العربية المتحدة وقائدة العظيم بمناسبة بدء العمل في انشاء السد وبعد ذلك تحدث الرئيس جمال عبد النصر في هذه المناسبة التاريخية الكبرى
جمال عبد الناصر : واليوم ايها الاخوة نشعر بالفخر ان الدول الكبرى بدات تحس وتشعر ان الدول لا يمكن ان تخضع ولا يمكن ان تقبل السيطرة او الاستبداد ولا يمكن ان تكون داخل مناطق النفوذ ولا يمكن ان تكون مزارع للمواد الخام ولكنها تريد ان تاخذ دورها في العالم ثم تاخذ دورها في الحياة ثم اشترك الرئيس وضيوفه في اعلان بدء العمل
عمرو الليثي : المرحلة الاولي يا فندم كانت عبارة عن اية ؟
حسب الله الكفراوي : المرحلة الاولي قفل مجري نهر النيل الرئيسي وتحويله عن طريق الست انفاق والقناة الامامية والقناة الخلفية يعني حولت مجر ي النيل بدل ما هو ماشي في المجري الطبيعي حولته للانفاق الستة
زكريا عبد الباري : ده يبقي قناة مفتوحة يعني زي الترعة مفتوحة وبعدين في النصف جسم السد ومحطة الكهرباء فقعدنا نشتغل في البتاعة دي كان فيها حوالي 12 مليون متر مكعب صخر بيتعملوا كلهم بالتفجير مفيش جزء سايل على الاطلاق كان يتفجر وتشيلة الكراكات ترفعة الكراكات باللوري واللوري ترمية بره فقعدنا نشتغل فيها دي حوالي 3 سنوات
حسب الله الكفراوي : فخلص المرحلة الاولي كان مهرجان جه فيه خرشوف ويعني ملحمة برضه فرحة بلا حدود جه جمال عبد الناصر وكثيرين من الضيوف وجه خرشوف وجه افتتحوا المرحلة الاولي بتاعت السد العالي
تقرير
وصلت الى مطار اسوان طائرة خاصة تقل الرئيس خرشوف والمشيرعبد الله السلال والرئيس جمال عبد الناصر لحضور احتفالات تحويل مجري مياه نهر النيل وتحرك موكب الرؤساء من مطار اسوان الى الباخرة رمسيس بين حفاوة الجماهير المحتشدة وهتافاتهم المدوية بحياة الرؤساء وحياة الصداقة السوفيتية ووصل الموكب الى مرسي الباخرة رمسيس وصعد الرؤساء الى ظهر الباخرة ومعهم السيد المشير عبد الحكيم عامر النائب الاول لرئيس الجمهورية والسيد انور السادات رئيس مجلس الامة والسيد زكريا محي الدين والسيد حسين الشافعي نائبا الرئيس والسيد على صبري رئيس الوزراء وكانت الجماهير في البواخر النيلية تحيط بالباخرة لتحيي الرؤساء وترحب بهم وعند الاقتراب من السد الامامي بد المشهد رائعا فوق سطح النهر الذي استطاع الانسان المصري ان يغير من مجراه فوقفت الصنادل الجبارة تحمل اطنانا من الصخور لتلقي بها في النهر بينما القي الرؤساء في الثغرة صخورا صغيرة كتب عليها تاريخ هذا الحدث التاريخي بسم الله وبسم الشعب ايذانا بقفل مجري النيل
محمود ابو زيد : انا كنت مدير مكتب وكيل اول وزارة الري وكانوا يجتمعوا دائما في الهيئة العليا للسد العالي فكنت اروح دائما معهم ونشوف تطور العمل وكان الحاجة اللي الواحد ما ينسهاش لدلوقت الواحد تحويل مجري نهر النيل
تقرير
وقام رؤساء بعد ذلك يدا واحدة بضغط الزر لتفجير السد الرملي وطار السد الرملي في الهواء وتفجرت المياه وارتفعت هتافات الالاف المؤلفة من العمال الذين وقفوا على قمم جبال اسوان المشرفة على السد العالي يحيون الرؤساء بهتافاتهم المدوية ان هذه اللحظات التي غمرت فيها المياه المجري الجديد رمزا حي للارادة والعمل
اسماعيل فهمي : المرحلة الثانية تفصيلا كان استكمال بناء السد العالي وكانت اهم مرحلة فيه كان عملية في ستارة اللي هي بتفصل بين امام السد وخلف السد الميه في مكان عالي في مكان تاني واطي فتسريب ممكن يمشي في جسم السد فلازم نعمل ستارة الحاجة الثالثة بقي اللي اكبر اهمية بقي اللي هي محطة الكهرباء الانفاق استكمال الانفاق استكمال بقي تركيب التربينات وتركيب الاجهزة الخاصة بها علشان تولد الكهرباء وتطلع في خطوط الضغط العالي اللي هو كان ماسكها معالي الوزير حسب الله الكفراوي وعمل الحقيقية مجهود كبير جدا
حسب الله الكفراوي : صدقي بك عمل اجتماع في مطار اسوان ليه كان في المطار يوميها مش عارف مش فاكر وجايب بقي كل الكبار بتوع السد العالي والتقيت موجه ليه الدعوة فرحت فقال انا هعمل جهاز لخطوط الكهرباء رئيس الجهازالمهندس عبد الحميد حسني متولي الجهاز مقسم الى ثلاث مناطق المنطقة الاولي هتبقي من اسكندرية لغاية سمالوط المنيا هيبقي رئيسها المهندس عبد العظيم صدقي تركي المنطقة الثانية ودى فئة ممتازة نائب وزيرالمنطقة الثانية هتبقي من سمالوط الى سوهاج وهيبقي رئيسها المهندس محمد صالح فئة ممتاز نائب وزير المنطقة الثالثة من سوهاج لاسوان وهنحط فيها مؤقتا دلوقتي حسب الله الكفراوي فئة ثالثة وبدئنا نشتغل ومعانا الخبراء السوفيت وبرضه ملحمة وطنية
عمرو الليثي : لكي يتم بناء بهذا الحجم الذي يساوي 17 مرة حجم الهرم الاكبر كان لابد استخدام اكثر من 43 مليون متر مكعب من الركام و3700 طن من المتفجرات لبناء جدارين يمثلان جسم السد بطول 3600 متر منها 250 بين ضفتي النيل ويمتد الباقي على هيئة جناحي على جانبي النهر طول الجناح الايمن 2325 متر على الضفة الشرقية والايسر 755 متر على الضفة الغربية وبارتفاع يبلغ 111 متر فوق قاع النيل وعرضه عند القاع 980 متر وعند القمة 40 متر
المهندس/ سعد نصار رئيس مجلس ادارة جمعية بناة السد العالي : حجم السد بيوازي 17 مرة حجم الهرم الاكبر العمالة الحقيقية كان من خطة هيئة السد العالي انها طبعا فتحت الباب على مصراعيه لتلقي طلبات الراغبين للعمل في اسوان وده طبعا مش كفاية فاتعمل مركز تدريب في اسوان برضو بالتعاون مع الجانب الروسي السوفيتي وامكن لهذا المركز ان هو يخرج اعداد كبيرة جدا من النوعيات او التخصصات اللي مكنتش موجودة او موجودة بكميات قليلة وكان محتاجها سوق العمل في السد العالي
احمد السيد النجار/ رئيس تحرير التقرير الاقتصادي بالاهرام : اول سد في العالم يستخدم فيه الصخور الملبسة بالرمال او ما تسمي وسائد الرمال اللي هي بالفعل تمكن السد من تحمل زلازل حتي 8.5 الى 9.9 درجة على مقياس ريختر
المهندس/ محمود ابو زيد وزير الموارد المائية الاسبق : السد العالي من اعظم المنشات الركامية اللي هي مبنية من الطوب الحجارة ومن الطمي ومن مواد غير قابلة لتسريب المياه ويكفي ان نعلم ان عرضة من اسفل كيلو فعملية الرشح عملية يعني صعبة جدا وهناك في ستارة واقية في نصف السد تمتد اكثر من 100 متر تحت الارض فدي تمنع المياه من انها تتحرك
المهندس/ حسب الله الكفراوي : السد العالي اتبني بطريقة الردم يعني حجارة كبيرة بتترمي في مجري النيل وبيتحقن فيها رمل وعلى طبقة محقونة من تحت بالاسمنت فطريقة جديدة اتعلمناها من السوفيت
عمرو الليثي : يبلغ الطول الكلي لمجري الانفاق 1950 متر ويوجد 6 انفاق يتفرع كل نفق الى فرعين مجموعة طول الانفاق 2030 متر ويبلغ قطر النفق الواحد 15 متر ويبلغ مجموع اوزان البوابات داخل الانفاق 20000 طن وتتصل فروع الانفاق الاثني عشر في محطة الكهرباء التي تتكون من 12 تربينه قوة كل تربينه 180 الف كيلوا واط بينما يبلغ وزنها 765 طن بينما تبلغ قوة كل مولد كهربائي 175 كيلوا الف واط ومجموع وزن مولدات الكهرباء للمحطة 30000 طن وتم استخدام 200 الف متر مكعب خرسانة في اساسات المحطة بما يوازي 100 مرة اساسات مجمع التحرير ويمكن الحصول على الطاقة الكهربائية سنويا من محطة كهرباء السد العالي عشرة الف مليون كيلو واط في الساعة
تقرير
عقد بوزارة السد العالي اجتماعا بين الخبراء العرب والسوفيت برئاسة المهندس محمد صدقي سليمان وزير السد لدراسة وسائل تشغيل جميع وحدات محطة الكهرباء السد العالي قبل الموعد المقرر من قبل بسنة كاملة وذلك باختصار مدة تركيب المحطة بحيث يتم تركيبها في عام 1969 بدلا من عام 1970 وقد وقع المهندس محمد صدقي سليمان وزير السد العالي البروتوكول الخاص بهذا الاتفاق عن الجانب العربي كما وقعة عن الجانب السوفيتي كلا من السيد سيكور ليف والسيد منسي كسورف كبير المصممين السوفيت
المهندس/ اسماعيل فهمي رئيس قطاع المعدات الفنية بالسد العالي سابقا : كنت انا جاي مع اول تربينه بتركب في محطة السد العالي اول تربينه جاية من روسيا وكان وزنها 200 طن فكلفت ان انا لازم اصاحب هذه التربينه من اسكندرية لغاية السد العالي ورفعها في المحطة وتركيبها وكان ده احتفال كبير جدا وكنا مزوقينها ولا العروسة كان عاملين اعلام وبتاع ودبحو دبايح يعني كان احتفال يعني انا مشفتش زيه ابدا
د/ حسن يونس وزير الكهرباء والطاقة : السد العالي لما بنشوف كان قيمته كبيرة قوى قوى بالنسبة للكهرباء كان بيمثل من 60 الى 70% من الكهرباء موجود في مصر كلها وكان في وقتها كان هناك مشكلة نقل هذه الكهرباء الضخمة الى القاهرة والى شمال الدلتا وكنت انا احد المشاركين مع زملائي من المهندسين ازاي حلينا هذه المشكلة ومش عايز يعني بقي لانها مشكلة متخصصة ما يسمي بالاتزان الاستاتيكي والديناميكي في شبكات الكهرباء عموما واستطعنا واحنا كنا شباب وقتها ان احنا نحل هذه المشكلة وننقل الكهرباء كاملا الي القاهرة وفي الشمال والجزء اللي موجود في الالمونيوم في نجع حمادي وجزء في سمالوط علشان يبقي شبكة ال 132 نقدر نعمل تنمية في الصعيد ودي بداية التنمية في الصعيد هي وصول الكهرباء اللي جاية من السد العالي ثم اتنقلت الى الوجه البحري وبداية الشبكة القومية على مستوي الجمهورية الشبكة القومية للكهرباء وكانت بدايتها السد العالي
حسب الله الكفراوي : لما يبقي عندك محطة كهرباء بتجيب لك اد اللي كان منتج اياميها اكثر من مرة
عمرو الليثي : ازاي يا فندم ؟
حسب الله الكفراوي: محطة الكهرباء بتاعة السد العالي توليد الكهرباء رخيصة الميه اللي نازلة راحة لدي وهي نزلة بدور التربينات اللي بتولد الكهرباء
عمرو الليثي : في كام تربين كانوا هناك ؟
حسب الله الكفراوي : 12
عمرو الليثي : 12 تروبين؟
حسب الله الكفراوي : ستة انفاق كل نفق عليه 2 تروبين توفير كهرباء
احمد السيد النجار : المحطة الكهرومائية اللي عملها السد العالي الحقيقة يعني نقلت الريف المصري النقلة الاعظم في تاريخه على مدي الاف السنين من ظلام الليل الى النور ان انارة الريف تمت بالفعل بعد تشغيل المحطة الكهرومائية بتاعت السد العالي وكانت بتولد في وقت من الاوقات 54 % من ل الكهرباء اللي بتولد في مصر
المهندس/ حلمي السعيد وزير السد العالي في عهد الرئيس جمال عبد الناصر : عملت مشروع كهرباء الريف نتيجة لكهرباء اللي كان جاية من اسوان
عمرو الليثي : عندما زار الرئيس جمال عبد الناصر هذه المحطة وهي تحت الانشاء قال له الدكتور حسن زكي رئيس لجنة بناء السد ان محطة كهرباء السد هي اكبر محطة في العالم فسائلة عبد الناصر هل هي اكبر محطة على الاطلاق فرد الدكتور زكي هي اكبر محطة تحت الارض
تقرير
وبعد ذلك زار جلالة الملك والرئيس والمدعون مبني المحطة وشاهدوا اللوحات التي تبين تفاصيل المشروع وكان مديره يشرح مختلف العمليات التي تقوم بها اقسام المحطة وشاهد الضيوف نموذجا للمشروع بمنشاته العديدة وقص الملك محمد الخامس الشريط الحريري ايذانا بافتتاح المحطة وسط الهتاف والتصفيق . واتجه الملك والرئيس بعد ذلك الى محطة الضغط العالي للطاقة الكهربائية واستمع جلالة الملك والرئيس الى شرح المهندس المختص عن عمليات توصيل التيار الكهربائي الى المشروعات الصناعية وبعد ذلك اشترك الملك والرئيس وكبار المدعوين في توصيل التيار الى مصانع انتاج الاسمدة باسوان
عمرو الليثي : كانت تقوم هذه المحطات مع بداية عمل السد بتغذية ما بين 70 و75 % من الطاقة الكهربائية التي تحتاج اليها مصر واستمر تطويرها على مدار عمر السد حتي وصل مؤخرا ولاول مرة في تاريخ السد العالي الى تشغيل 12 وحدة توليد الكهرباء بقدرة 2100 ميجاواط نتيجة لزيادة الاحمال والاستهلاك من الشبكة العامة تطوير محطات الكهرباء دائم ومستمر مثل تحديث نظم الوقاية وانظمة التحكم والمراقبة بمحطة كهرباء السد وكذلك تحديث مولدات الطاقة الكهربائية بهدف زيادة العمر الافتراضي لها لمدة 35 عاما اضافية وايضا زيادة كفاءتها
د/ حسن يونس : كل ما يتم النهاردة في محطة كهرباء السد العالي ولتطوير السد العالي واضافة عمر جديد الي السد العالي واضافة سعه وطاقة جديدة للسد العالي وتعمل وستعمل بمشيئة الله وتم اضافة تطوير تربينات وتطوير للمولدات وتطوير لاجزاء كثيرة في السد العالي لاحساسنا باهمية السد واضافة عمر جديد للسد العالي وسعة وطاقة اضافية للسد العالي من التطوير
عمرو الليثي : هذه بحيرة صناعية تكونت امام السد العالي نتيجة للمياه المحجوزة امامها طولها 500 كيلو متر ومتوسط عرضها 10 كيلو متر وسعة التخزين الكلية تسع 162 مليار متر مكعب وسعة التخزين 32 مليار متر مكعب
حسب الله الكفراوي : بحيرة ناصر هي بقي انت بتخزن مية الفيضان امام السد العالي الميه تقريبا تقريبا فوق المناسيب بتاع ما قل السد العالي ب 80 متر تقريبا يعني 80 متر ميه في البحيرة فوق المنسوب قبل السد العالي
عمرو الليثي : انا فعلا رحت وشوفت يا فندم
حسب الله الكفراوي : وبتمشي الخزان ده من موقع السد العالي تقريبا لغاية حلفا كل ده خزان بحيرة السد العالي
حمدي عبد العظيم/ استاذ اقتصاد : وبالتالي المياه هناك ليست منها فاقد او ضائع ولا يتدفق الى البحر المتوسط كما كان يحدث في الماضي انما اصبح هناك استثمار للمياه بحيث ان انا ممكن اسحب منها الى سيناء للزراعة
احمد السيد النجار : في السنوات من 80 لحد 88 قبل ما يجي الفيضان كانت مصرمهددة انها تبقي منطقة مجاعات زيها زي منطقة منابع النيل وكنا بنشوف مشاهد اسطورية في بشاعتها واحنا برة الموضوع لان احنا عندنا بنك مركزي للمياه اسمة بحيرة ناصر
اسماعيل فهمي : انا عرفت من الروس ان هذه البحيرة لو استغلت بطريقة علمية سليمة وبجهد ونية حسنة البحيرة دي ممكن تبقي جمهورية ثانية حوليها مش هنقول مدن ولا بتاع جمهورية فالبحيرة دي ميه عذبة يجب استغلالها حرام حرام انها تفضل كده
عمرو الليثي : هنا نفيض توشكي الذي صمم لتصريف المياه الزائدة عن منسوب 178 متر في بحيرة ناصر الى المنخفض الطبيعي المعروف بمنخفض توشكي غرب النيل عن طريق قناة موصلة بين بحيرة ناصر ومنخفض توشكي طول هذه القناة 22 كيلو متر وعرضها عن القاع 750 متر وعند النهاية 275 متر واقصي تصرف تتحمله المياه هو 250 مليون متر مكعب في اليوم الواحد
حسب الله الكفراوي : لو حصل فيضان عالي والسد العالي مليان كنا عاملين مفيض فوق جسم السد العالي نفسه يعني المنسوب هناك 184 فوق سطح البحر الابيض المتوسط عاملين ريتش كده او مسافة كده حوالي 2 كيلو او اكثر من 2 كيلو على منسوب 184 يعني لو الميه زادت عن 184 تيجي في الحتة دي الحتة الوطية عن 184
عمرو الليثي : يحصل اية بقى؟
حسب الله الكفراوي : تروح نازلة على مجري النيل القديم تمام ده المفيض الاول المفيض الثاني اللي هو مفيض توشكي برضه على منسوب البحيرة عند توشكي اذا زاد عن منسوب البحيرة الميه تنزل بالجاذبية تنزل على منخفض توشكي دول مفيضين معمولين لحماية السد العالي
عمرو الليثي : من اخطار الفيضانات العالية ؟
حسب الله الكفراوي : من اخطار الفيضانات العالية اذا وصلت والسد العالي ميلنان
تقرير
استقل الرئيس جمال عبد الناصر الباخرة النيلية رمسيس لتقله الى منطقة السد لمشاهدة ارساء الشحنة الاولي من الصخور بقاع نهر وقد صاحب سيادته السادة عبد اللطيف البغدادي وذكريا محي الدين وانور السادات وحين الشافعي وحسن ابراهيم وعلى صبري ونور الدين طراف واحمد الشرباسي وكمال رفعت اعضاء مجلس الرئاسة والسادة عزيز صدقي وعبد القادر حاتم وعبد المحسن ابو النور وحسن زكي من الوزراء كما رافق الرئيس في هذه الرحلة السيد سفير الاتحاد السوفيتي ووزير القوة الكهربائية بها وكانت القوارب المزينة بالاعلام تساير بجوار الباخرة لتعلن بهتافات الاهالي المحتشدين فيها عن الفرحة الحقيقية لابناء مصر كلها بل لابناء العروبة جميعا بهذا الحدث الصناعي الهام الذي يبني غدا متحررا للاجيال المقبلة والقي الرئيس الحجر الاول في بناء جسم السد العالي وفي الحال تحركت خمس صنادل تبلغ حولتها الف طن والقت كل ما فيها من احجار في قاع النيل المبارك وشاهد السيد الرئيس من فوق ظهر الباخرة الاعمال الجارية في المنطقة ثم اتجه السيد الرئيس الى موقع عمليات حفر انفاق التصرف الستة حيث استقبلته جماهير العمال استقبالا حافلا بالهتافات والاغاني وغادر سيادته هذه المنطقة الى المناطق المختلفة التي يجري فيها العمل المعجز التي تسهم فيه ارادة هذا الشعب وعزمه والذي هو نتيجة طبيعية لكفاح ابناءة من اجل التحرر والبناء والذي تتحد من اجل اتمامه نبضات القلوب وحبات العرق ثم قصد سيادته بين دوى الالات الضخمة في منطقة العمل وتحيات اكثر من 18 الف فرد يبذلون دمهم وعرقهم لتحقيق حلم مصر كلها الى حيث ازاح ستار عن اللوحة التذكارية لمداخل الانفاق الرئيسية
عمرو الليثي : قامت المفوضية الدولية للسدود وهي اعلي سلطة عالمية في هذا المجال باعداد دراسة حول دول العالم التي يوجد بها 125 سدا ومن خلال معاينة هذه السدود التي بلغت تكلفتها حوالي 2 ترليون دولار فخرجت بنتيجة واحدة وهي ان السد العالي المصري هو اعظم مشروع هندسي مائي ومعماري في القرن العشرين وانه يمثل احد اكبر النماذج الناجحة لادارة احواض الانهار في العالم اجمع
احمد السيد النجار : المسائل دي فنيا مدروسة يعني وكل الجهات الفنية اللي شاركت في الدراسات يعني السد بالنسبة لهم معجزة يعني
المهندس حلمي السعيد : هما وصفوة على انه اكبر اكبر مشروع ركامي اتعمل في هذا القرن يعني
حسب الله الكفراوي : بالتاكيد يعني السد العالي مشروع قومي تاريخي وطني متكررش
المهندس سعد نصار : وكلنا نعرف ان السد العالي اختير من اعظم عشرة اعمال هندسية في العالم خلال اقرن المنقضي
لواء اركان حرب/ صلاح الدين سليم الخبير الاستراتيجي والعسكري :تصميم السد العالي تصميما عظيم ومتكامل واكبر الجمعيات الهندسية في العالم حتي في المملكة المتحدة وعلى الرغم من العداء التقليدي بين جمال عبد الناصر وبين الانجليز وعلى الرغم من ان جمال عبد الناصر هو الذي قطع زيل الاسد البريطاني والقاه في مياه قناة السويس وادي الى الانسحاب البريطاني شرقي السويس في بداية السبعينات على الرغم من هذا كله اعترف العالم كله ان مشروع السد العالي هو مشروع القرن على مستوي العالم
عمرو الليثي : قلنا هنبني وادي احنا بنينا السد العالي لم تكن مجرد اغنية تغني بها المطرب الراحل عبد الحليم حافظ ولكنها كانت تجسيد لملحمة شعبية وقصة كفاح عظيمة اداها الشعب المصري كما ينبغي وباقل الامكانيات لقد غني الشعب المصر كله اغنية الكرامة وحقق المستحيل بارادته القوية التي تحدث المستقبل وافسدت خططه فر حرمان الشعب من نسمات الحرية التي بدا يتنفسها ويشعر بحلاوته هل ساهم الشعراء المطربين في ترويج فكرة الرئيس عبد الناصر ان السد العالي مشروع قومي وكان معروف ان تلك الفترة فترة حبلي بالاغاني الوطنية للثورة والاشتراكية ولافكار الثورة وايضا لمشروعات السد وانت كنت منهم من الشعراء ؟
عبد الرحمن الابنودي : ايوه بس انا كنت منهم يعني بس انا يعني مكنتش ناصري وانا كنت بتحبس في ذلك الوقت بس يعني اية انا شهادتي مش مجروحة علشان انا راجل حقاني شوية مصر عاشت فترة زاهية جدا قوميا يعني في ذلك الوقت كانت قيادة الامة العربية وكانت ضد الاستعمار وضد الصهيونية وضوح وكانت كرامة الانسان المصري في السماء واخد بال حضرتك وكان اللي بيعملش غني يعني اللي ما يساهمش في هذا المشروع القومي يعني مش مصري مش مصري
عمرو الليثي : الشعراء دول صلاح جاهين عبد الحليم حافظ كمطرب كانوا بيشتغلوا باوامر ولا
عبد الرحمن الابنودي : لألأ
عمرو الليثي : ولا ان هذا المشروع مشروع قومي لكل المصريين
عبد الرحمن الابنودي : لأ شوف صلي على النبي ده صلاح جاهين صلاح جاهين ده يعني يمر على مصر كل 200 سنة شاعر بحجمه ورجل كان صادق فيما يعتقده يعني مخطا مش مخطا هو كان صادق هو في حبة لعبد الناصر كان صادق في حبة للزمن الناصري كان صادق وشوف شعرة شوف يعني افتح صندوق العيد وادي الحلوة مراية يعني لما تيجي تدورمتلاقيش كلام ملفق متلاقيش كلام بتاع مزيف الى اخرة فيعني ناس زي دي بس قلنا وادي احنا بنينا السد العالي اغنية من اعظم الاغنيات عند الشعب المصري في قاعة من احمد شفيق كامل وحسين السيد الراجل اشتغلت مرسي جميل عزيز
عمرو الليثي : كان في مغازلة للنظام في ذلك الوقت ؟
عبد الرحمن الابنودي : مكنش مفيش صلاح كان بيحب عبد الناصر ولذلك اغانيه فيها عبد الناصر كثيرواحمد شفيق كامل في اغنية الريس كلمة بتاع من معلم يعني خلي ده كان الطعم بتاع الفترة دي لكن اللي كانوا زينا النافرين لا كانوا بيقول لعبد الناصر ولا لغير عبد الناصر يعني كان انا اكتب مثلا مين هو الشعب اكتب يعني اغنيات يعني النكسة
عمرو الليثي : مكتبتش انت عن السد العالي اغاني ؟
عبد الرحمن الابنودي : انا كتبت غنواية مشتهرتش اتمد يا عمري اتمد واعيش وافرح واشوف بعيني السد غنها محمد قنديل الله يرحمه
عمرو الليثي : منير اسالك على دور الفنان في مشاركة القيادة السياسية في البناء او في التوجيه دورة يقف عند فين ويبدا منين ؟
محمد منير : ده اهم دور طبعا لان دور الفنان هو دور تحريضي في المقام الاول فانا بحرض على الشيء انت يعني لازم تعلن عن نفسك
عمرو الليثي :لك ذكريات مع بناء السد العالي ؟
محمد منير : اه في ذكريات
عمرو الليثي : احكي لي عن ذكرياتك مع بناء السد العالي ؟
محمد منير : ذكرياتي هي مكنش لي علاقة بالسد العالي لان كان لها بثلاث فنانين كنت انا معتقد ان هما كانوا اعضاء في مجلس قيادة الثورة من شدة تاثيرهم علينا وعلى الناس اقصد بهم عبد الحليم حافظ كمال الطويل وصلاح جاهين الثلاثة دول حسيت في كلامهم في اغانيهم عن السد العالي كانهم اصحاب قرارفي البناء
عمرو الليثي : وهل تعتقد ان دورجاهين وحليم دور تحريضي في بناء السد العالي ؟
محمد منير : اه حرضنا كلنا للحلم الجميل ده اصل التحريض مش في شكل صورة شرانية يعني بحرضك بدفعك لشيء بحسسك بالانتماء فيه بالمشروع القومي فيه فادوا دورهم بروعة شديدة احلي من اللي ادوا دورهم في بناء السد كمان
عمرو الليثي : قالوا ان الاثارالسلبية للسدالعالي كثيرة وتعادل ايجابياته وعدوا منها تاثيره السلبي على الارض الزراعية وخصوبتها بسبب غياب الطمي واثاره على نحر مجري النيل وانهيار ما علية من انشاءات مثل القناطروكذلك اثرة السلبي على خصوبة التربة واحتياجها الى الاسمدة وقالوا انه سبب تاكل الشواطئ وهجرة اسماك السردين وزيادة الملوحة في مياه الخزان عيوب كثيرة واثارسلبية خطيرة يمكن اعتبارها من حيث العدد توازي ما له من مميزات ولكن مع مرورالزمن وتعاظم دور السد الايجابي اكتشفنا ان معظم هذه السلبيات ما هي الامحاولة للهجوم على عبد الناصر وليس على السد العالي
حسب الله الكفراوي : السلبيات اللي احنا النهاردة لمسنها حاجتين اثنين لاثالث لهما يعني هما قالوا النحروقالوا خصوبة التربة وقالوا ارتفاع المياه الجوفية وقالوا السردين واخد بال حضرتك انا بقول بعد 43 سنة محسناش بالنحر كثير
حمدي عبد العظيم : في بعض الناس طبعا اتكلموا عن سلبيات اخري فيما يتعلق بان السد العالي اثرعلى درجة خصوبة التربة او درجة الطمي اللي كان موجود اختلف عن قبل كده لان في تخزين للميه خلف السد العالي فالكلام ده لم يثبت صحته
عبد الرحمن الابنودي : الطمي كان مخصب التربة المصرية جدا ولكن الان انت بتزرع التربة واللاتربه والرملة والى اخرة يعني انت دلوقتي لكن حجز الطمي لا شك انه اضعف الارض المصرية لحد بعيد
سعد نصار : مفيش شك انها كان الطمي مفيد للتربة الزراعية انما مش كل العالم عنده طمي وفي مخصبات وفي وسائل ثانية كثير لتعويض لغياب الطمي يعني
احمد السيد النجار : ولكن ايضا الطمي يبقي موجود في بحيرة ناصرواصبح في شبة جزر في بحيرة ناصر عما قريب ستصبح جزر في بحيرة ناصر وبالتالي يمكن استخدامها في هذا الطمي في زراعة واستصلاح وزراعة ارضي كثيرة في مصر
حلمي السعيد : تقليل الطمي وراء السد العالي تقليل الطمي اتعمل له مشروعين سماد مشروع كيما وتعمل علشان السد العالي ومشروع السماد في السويس
تقرير
وفي صباح اليوم التالي قصد السيد الرئيس الى مقرشركة كيما للسماد لافتتاح المنشات الجديدة بها وكان في استقبال سيادته صدقي وزير الصناعة والمهندس سمير حلمي رئيس مجلس ادارة مؤسسة الكيماويات وقصد سيادته الى حيث ازاح الستار عن اللوحة التذكارية عن المصنع الجديد ثم شهد سيادته نموذجا كاملا لمنشات هذه الشركة الضخمة وقد شرح لسيادته المهندس طه زكي رئيس مجلس ادارة الشركة تفصيلات المصنع على النموذج الكامل ثم انتقل السيد الرئيس لمشاهدة اجزاء المصنع المختلفة التي يعمل بها 2150 عاملا ووصلت تكاليف انشاءه الى 26.5 مليون جنية وقد كانت اسئلة الرئيس واستفساراته للمسئولين عن المصنع تدور حول انتاج المصنع واقتصادياته بالنسبة للجمهورية العربية المتحدة وتدور حول حياة العاملين داخل المصنع امام الالات وفي الاقسام المختلفة وغادر الرئيس مبني الشركة بين هتافات العمال الرائعة التي تعلن عزمهم على بذل كل جهد ليكونوا في مستوي الثقة التي تضعها مصر كلها فيهم
د/ حسن يونس وزير الكهرباء والطاقة : مشروع السد العالي مشروع للتنمية واعتقد النهاردة على ارض مصر هناك عدد من المشروعات الكبيرة في التنمية على ارض مصر سوء كانت كهرباء للصناعة والزراعة والسياحة ولكل الاغراض واعتقد النهاردة لما بنتكلم عن السد العالي وقتها اللي كان حوالي 1200 ميجا واط النهاردة بنتكلم عن 25000 ميجاواط الشبكة القومية ودي كلها لخدمة اغراض التنمية كلها في اللي احنا شيفنها على راض مصر
لواء اركان حرب/ صلاح الدين سليم : لكن كل هذه الاثار الجانبية يمكن معالجتها بدرجة او اخري اما حماية مصر من الجفاف من القحط حمايتها من الفيضان فلا يتحقق الا بالسد العالي
محمود ابو زيد : مفيش سلبيات هنا هو طبعا منذ ان انشاء السد وكان في معارضة كبيرة وبعض الناس بتتكلم عن السلبيات مش موجودة بيتكلموا مثلا عن الطمي وان هو منع الطمي عن الاراضي الزراعية انما الطمي مكنش له فائدة كبيرة زي ما كانت الناس متصورة الطمي ده عبارة عن حبيبات من الرمل الصغير او الطمي الصغير ما هواش غذاء زي ما كانت الناس فهمة وبعدين احنا عندنا بيتكلموا عن سلبيات السردين اية يعني سلبيات السردين السردين ده يعني جزء صغير جدا من السمك لما اقارن هذه السلبيات بالايجابيات الضخمة اللي هي ان احنا نضمن حصولنا على كمية مياه ثابتة تحت اي ظروف طبعا لا تساوي شيء
جمال عبد الناصر : هذا هو السد العالي الذي دارت من حوله المعارك وحارب من اجلة الابطال هذا هو السد العالي الذي شهد كل هذا الكفاح واستحق كل هذا الكفاح لا بسب قيمته الذاتية فحسب ولكن بسبب معناه كرمز لتصميم الامة العربية كلها على ان تسيرفي بناء وطنها الكبير المتحرر