حديث المدينة

ويظل الحرف سفيرا والكلمات سفارات والكتب سفراء فوق العادة عبر عواصم العالم الحروف والكلمات اذا ماترجمت بشتى لغات الارض صنعت تقاربا وتماذجا وتفاهاما وتناغما نعم الكتاب العنصر الحيوى الاقوى لاطفاء الحرائق والحروب والازمات الكتاب هو الطوبه الاكثر مقاومة للزلازل وموجات العولمة التى تهز احيانا قيم الهويه تلك هى فى نهاية الامر ثقافة المعرفة اتحدث اليكم من( تورينو) المدينة الايطالية الصناعية الاولى ذات الوجه الثقافى التى تحتضن عيد الكتاب ومصر ضيف شرف عليه مصر بتاريخها واثارها ومفكروها كأنها مسلة انتصبت فى قلب العالم تشع حضارة حضارة موغلة فى القدم مفيد فوزى يحقق من - تورينو- فى ايطاليا هذا المشهد صوت وصورة فى حديث المدينة
فاصل
مفيد فوزى: دكتورجابر عصفور رغم الترجمات العربية المتعددة الى شتى لغات العالم يصبح السؤال هل وصلنا للغرب ؟
د/ جابر عصفور: لأ ليس بالقدر المطلوب وهذا له اسباب كثيرة طبعا
مفيد فوزى: اهمها ايه ؟
د/ جابر عصفور : اهمها ان الادب جزء من اقبال الناس عليه يرجع الى الوزن السياسى والاقتصادى والثقافى للبلد التى تنتجة فنحن لم نصل بعد خصوصا فى مصر الى الوزن السياسى والاقتصادى الذى يجعل الناس يقبلون عليه بدليل ان الاهتمام الاكبرعلى الاثار الفرعونية لووصل اؤداباؤنا الى ان يكون مثل الاثار الفرعونيه وعلى فكرة بدأت يعنى اظن الوضع هيختلف لكن لحسن الحظ المسألة بدأت مع سنه 1988 وحصول نجيب محفوظ على جائزة نوبل هذا الحصول وهذا الحدث جعل العالم كلة يتسأل عن بلد نجيب محفوظ عن انتاج هذا البلد هذا المعرض احنا لو حضرناه مثلا 87 كان يندر ان تجد كتاب عربى مصرى مترجم فيه كتاب كتابين ترجموهم مستشرقون لكن الان الوضع مختلف جدا بقول لك هنا ما لا يقل عن 20 كاتب مصرى بعضهم موجود فى الوفد انتاجهم موجود باللغة الايطالية العام الماضى فقط بهاء طاهر حصل فى روايته على جائزة فى الترجمه فى ايطاليا فالوضع تغير واصبح هناك جيل من الكتاب ما بعد نجيب محفوظ لابد ان يدينوا بالاضواء التى سلطت عليهم فى عهد نجيب محفوظ
مفيد فوزى: حضرتك كتاب مصر اتعمل ايه بالنسبة للترجمات يعنى لكى نقترب اكثرمن العقل الايطالى اوالوجدان الايطالي ايه اللى عملته مصر؟
د/ جابر عصفور : والله احنا كاتحاد كتاب عملنا حاجة لطيفة جدا اتفقنا مع احد الناشرين الايطاليين انه يصدر كتاب احد مجموعة قصصية 15 قصة ل 15 من اكبر الكتاب فى مصر الأستاذ بهاء طاهر, الأستاذ جمال الغيطانى
الأستاذ يوسف الشارونى , الأستاذة سلوى بكر ان نمول لهم هذه الترجمة كاتحاد كتاب وهما يصدورا هذه الترجمة فى كتاب بمناسبة المعرض فاضفنا للكتب المصرية المترجمة بالايطالية كتاب جديد مش لكاتب واحد انما ل 15 كاتب لانه بيضم 15 قصة ل 15 من اكبر كتاب القصة القصيرة فى مصر
مفيد فوزى:أستاذ محمد سلماوى احنا فى بدايه الايام قرآنا ترجمات البرت موروفيا هل تعتقد انه هذه الترجمات ل-البرت موروفيا - تأثر بيها الكاتب المصرى او الكتاب المصريين او على الاقل هناك تأثر بالادب الايطالي؟
أ/ محمد سلماوى : اه مفيش شك الادب الايطالى خصوصا زى ما حضرتك ذكرت البرت موروفيا فى فترة الخمسينيات والستينات كان له تأثير كبير وعايز اقول الحقيقية انه يمكن الاتجاه الواقعى للروايه العربية التى بدأت تأثرا او تأثر طبعا هو الأستاذ نجيب محفوظ كتبة من بدرى لكن تأثر تأثر كبير جدا هذا الاتجاه بروايات ابروت موروفيا اللى كان اسم علم فى مصر
مفيد فوزى: كبير
أ/ محمد سلماوى : اه حتى للعامه يعنى
مفيد فوزى: نعم
أ/ محمد سلماوى : اذكر انه لما جه زار مصر فى سنه 88 كان يعنى فى اى حته بنروحها الناس فى الشارع فى معرض الكتاب بيتوقفوا عايزين من اتوجراف وكأنه نجم سينما او حاجة كده يعنى لأ كان فيه تأثير طبعا الحقيقة كبير زى ما كان فيه تأثير الحقيقة
مفيد فوزى: للسينما ؟
أ/ محمد سلماوى : للسينما الايطالية فى الاتجاه الواقعى اللى بيسموه بليزمو وزى ما كان فيه تأثير لاؤدباؤنا احنا او قليل من اللى ترجم الى الايطالية كان له تأثير كبير رواية الف ليله وليلة بعض الروايات للأستاذ نجيب محفوظ ربعيات الخيام من زمان
مفيد فوزى: خلينى اسألك هل تعتقد ان ادبنا المصرى وصل الى مستوى الاهتمام بالفرعونيات ؟
أ/ محمد سلماوى: والله يعنى مازال الاهتمام بالتاريخ الفرعونى فى الادب والاهتمام الموضوعات اللى تتعلق بمصر ا لقديمة مازال فى مصر اقل بكثير مما هو في فرنسا يعنى فى فرنسا مثلا كاتب اسمه كريستيون جاك كان عالم مصريات
مفيد فوزى: نعم
أ/ محمد سلماوى :وكتبة ما كنتش بتبيع وبتبيع كتب الاثاريات يعنى قرر انه يتحول الى رواية وبدأ يكتب روايات كلها مستوحاه من التاريخ المصرى القديم انهاردة بقى مليونيروكتبة بتبيع بالملايين وتترجم الى جميع لغات العالم
مفيد فوزى: يعنى مستوحاه ؟
أ/ محمد سلماوى : من التاريخ المصرى القديم خاصتا واحنا بنطالب انهاردة بنطالب بزيادة الترجمة من اللغة العربية الى اللغة الايطالية وده اللى انا طالبت بيه
مفيد فوزى: تمام
أ/ محمد سلماوى : الموضوع المصرى القديم هيشجعهم اكثر ا نهم يترجموا هذه الاعمال الى لغتهم
فاصل
مفيد فوزى: للاحاطة تورينو تعتبر ثالث مدينة من ناحية عدد السكان الاولى روما فى ايطاليا تليها نابولى تليها تورينو - تورينو بلد ما فيهاش لا بحر ولا تطل على نهر كلها قنوات داخلية ومع ذلك فالناس تستمتع بجنون داخل تورينو - لان الايطالى اقدر اقول عليه من خلال انطباعى سابق ولاحق عاشق للحياة ويحب تماما ان يتغنى بكل لحظة انه بالفعل يعيش الحياة تورينو تعتبر المدينه الاولى فى ايطاليا من جانب الصناعة تستغربوا ان شركة العربيات الشهيرة فى تورينو هى اللى بتصرف على كل ما يتعلق بالانشطة الثقافية يعنى المعرض المقام الان الذى فيه مصر تكاد تكون هى ضيف الشرف فى مهرجان الكتاب العالمى تقريبا كل نفقاته وكل امكانياته كانت من اموال هذه الشركة اللى هى شركة السيارات الشهيرة فى ايطاليا تورينو ظلت فترة من الفترات هى عاصمة الشمال فى فترة كانت فيها خصوم واستحكامات وحروب وكانت هى مقر استراتيجى ولذلك كانت هى عاصمة الشمال - تورينو- عبارة عن الترتيب السكانى لها عبارة عن ناس عمال ومهندسين بيشتغلوا فى هذه المصانع نمرة اثنين بعض الناس البسطاء اللى بيشتغلوا اعمال عادية نمرة 3 المثقفين ومعظمهم من الاطباء والمحامين وطبعا هنا فى ايطاليا اللغة الايطاليه هى اللغة الاولى السواق اللى احنا معاه فى العربية بنستخدم معاه لغة الاشارة لانه لا يجيد الا الايطالية طبعا الامر مختلف فى روما لان روما مدينة سياحية اكثر - تورينو - تنام فى السابعة مساءا لا شئ على الاطلاق يمكن ان يكون بالنسبة للانسان فى - تورينو- فى هذا الوقت وطبعا انتم تعلمون ان تورينو - فنادقها اساسا لبعض رجال الاعمال اللذين يطيرون الى - تورينو - ببطاقات صناعية ثم يطيرون لعواصم العالم
مفيد فوزى: أستاذه زينت رضوان يتساءل الناس البسطاء يقولواايه ايه معنى سفر مثقفين وكتاب واجهزة اعلام الى بلد زى - تورينو- من اجل الكلام حول الادب الايطالي والادب المصرى وهل تأثر الادب المصرى بالادب الايطالى وما قيمة الترجمات مثل هذا الشئ الناس فى مصر تتساءل ببساطة ربما بدهشة لماذا السفر الى ايطاليا
أ/ زينت رضوان : مفروض يا أستاذ مفيد مش لايطاليا
مفيد فوزى: نعم
أ/ زينت رضوان : لكل اركان الكون والعالم اذا كان ربنا سبحانه وتعالى قال لنا ان الناس كلها مختلفة فى الالسنة
والالوان وفى الطباع والاختلاف ده علشان الناس تتعارف والتعارف تقوم تتألف اللقاءات ديت وسيلة عظيمة جدا خصوصا اذا كانت بتقودها الثقافة للتقريب بين الشعوب من ناحية الفكر من ناحية العادات من ناحية التقاليد من ناحية التعاون طول ما احنا متقوقعين يبقى احنا حطينا على نفسنا اطار كبير مش فى صالحنا انا هنا لما جيت عرفوا مصر عرفوا التاريخ المصرى عرفوا الادب المصرى خصوصا ان للاسف ان الترجمات من اللغة العربية الى الايطالية قليلة جدا فهما محجوبين عن الفكر المصرى والثقافة المصرية والتاريخ المصرى فانا بأقدم لهم هذا الجانب عشان يعرفوا مقدار عظمة هذا المجتمع وتاريخ هذا البلد العظيم يبقى اذن انا بخدم بلدى وبخدم ثقافتى وبخدم تاريخى بانى بفتح نافذة للغرب عشان يبص عليا يبص عليا صح بدل مااسمح لغيرى انه ينقل صورة قد تكون فى الاسف مشوة
مفيد فوزى: حددى لى كلمة يبص علينا صح؟
أ/ زينت رضوان : يبص علينا صح لان انا اللى بعرض صاحب الامرهو اللى يعرض عن نفسة يعنى حضرتك علشان تعرف حد لازم تسمع منه هو ما تسمعش عنه من الاخر
مفيد فوزى: تمام
أ/ زينت رضوان : الاخر ممكن ينقل الصورة اما متسع او ناقصة اما مشوهة القادر على انه ينقل الصورة صحيحة صاحب الامر وهنا الدور اللى بيعملة المجلس الاعلى للثقافة ووزارة الثقافة دور عظيم جدا غاية فى الاهمية وخصوصا واحنا بنتكلم عن حوار الثقافات والتقريب بين الديانات والاختلافات المختلفة بين المجتمعات لكى تتفاعل بصورة ايجابية بينها وبين بعض ده وسيلة اساسية من هذه الوسائل
مفيد فوزى: دكتورة زينت رضوان حضرتك احيانا بتتعرضى لشئ من عدم الفهم خلينى اقولها بشكل مهذب مش بشئ من الهجوم
أ/ زينت رضوان : ايوه
مفيد فوزى: اقولها بشئ من عدم الفهم انت عارفة توفيق الحكيم كان يقول ان الفن واسع ولكن عقول الناس هى الضيقة
أ/ زينت رضوان : نعم
مفيد فوزى: أنا الاحظ ان احيانا كلامك يؤخذ لدى العقول الضيقة بفهم ضيق
أ/ زينت رضوان : نعم
مفيد فوزى : كيف تحاولين انك توصلى افكارك رغم العقول الضيقة ؟
أ/ زينت رضوان : حضرتك الفهم المغلوط ده فى الحقيقة بيتكلم عنه الناس من ايام ابن خلدون والقرآن وفرانسس بيكو -اللى بييقوله الانسان بيبقى اسير الفكر السائد عنده وبيقاوم اى فكر
مفيد فوزى: الفكر السائد والا الافكار الثابته ؟
أ/ زينت رضوان : اللى عنده هو
مفيد فوزى: اه
أ/ زينت رضوان : وبيقاوم الجديد حتى لوالجديد صح ودى حضرتك اللى كان اتكلم عليها الكهف ان انا حابسه نفسى فى كهف ومش قادرة اشوف حاجة بره ده ما يجيش الا بالتكرار وبالاقناع من خلالى انا
مفيد فوزى: العقول اللى بتحسى انها ما بتوصلش افكارك لها هل انت بتأخذى منها موقف عدائى ؟
أ/ زينت رضوان : اطلاقا انا بأعزرهم وساعات
مفيد فوزى: هل هم اعداء ما يجهلون ؟
أ/ زينت رضوان : بالضبط وبعدين حضرتك انا بيصعبوا عليَ يعنى اقول ايه انا نفسى يقروا تانى الهجوم بتاعهم ويقيموا نفسهم يعنى علشان ما يثئوش لنفسهم يعنى عارف حضرتك لما انا ابقى فى موقف ضعيف يعنى فى الموقف ده هدى لحضرتك نموذج يعنى ده واحد بيرد عليا وان من حق الست تفضل حامل 3 سنين لأ ده مش 4 بيبرر بقى اصل زمان الجراحة ما كنتش متقدمه جدا فا دلوقتى الجراحة متقدمه فبيعملوا قيصرية فا الطفل زمان ما كانش..
مفيد فوزى: تمام
أ/ه زينت رضوان : قيصرية فكان بيقاوم هو وحدة فياخد 4 سنين على بال ما ينزل ههههه فانا نفسى كان يرجع يعيد تانى ويبص لنفسة يقول هل الكلام ده ممكن اعقلة
مفيد فوزى: دكتور عماد ابو غازى عايز اسألك ما هى مغزى او على الاقل العائد المعنوى لخروج المثقف المصرى الى الخارج وان يأتى مثلا الى معرض تورينو - للكتاب
د/ عماد او غازى : ما هو مغزى او العائد المعنوى من خروج المثقف المصرى الى الخارج وان يأتى مثلا الى معرض تورينو للكتاب
د/ عماد او غازى : العائد المعنوى كبير جدا لان احنا بنقدم من خلال المبدعين والمثقفين المصريين صورة ايجابية للثقافة المصرية بشكل خاص وللثقافة العربية بشكل عام فى اوروبا وفى العالم الخارجى وهذه التجربة تكررت فى اكثر من مرة فى العام الماضى كان في تجربة جنيف بالمشاركة المصرية كضيف شرف فى معرض جنيف الدول للكتاب وقبلها مصر ضمن المشاركة العربية فى لندن السنة دى دى اول مشاركة لينا كضيف شرف فى معرض تورينو للكتاب اللى كان مقرر انها تكون السنة اللى فاتت تأجلت لان كان عندنا اكثر من مشاركه ومن خلال هذه المشاركة اتقدم مجموعة من المبدعين المصريين اللى اعمالهم مترجمة بالفعل للغة الايطالية زى خيرى شلبى ويوسف القعيد ومحمد سلماوى وابراهيم عبد المجيد واحمد العايضى وسلوى بكر ورضوى عاشور واهداف سويف ا جيال متعددة من المبدعين وقصائد لاحمد عبد المعطى حجازى ضمن مختارات من الشعر العربى والترجمه الى الايطاليه الى جانب الاعمال المترجمة قديما لكبار المفكرين المصريين توفيق الحكيم طه حسين ونجيب محفوظ هتتقدم من خلال مجموعه من الناس دى وصلاح عبد الصبوربتتكلم عن اسهاماتهم الثقافية والفكرية فى الثقافة العربية ايضا من خلال هذا الحوار الثقافى بنحاول في ندوات مشتركه ما بين الجانب المصرى والايطالى لحظات مختلفة من العلاقات الثقافية المصرية الايطالية عبر التاريخ منذ الحضارة المصرية القديمة والحضارة الرومانية القديمة الى وقتنا الراهن
مفيد فوزى: د كتورعماد ابو غازى الناس فى مصر لما بتعرف انه وفد ضخم كام ؟
د / عماد ابو غازى : 120
مفيد فوزى: 120 شخص سافر الى الجانب الايطالى هو اللى مستضيف هؤلاء
د / عماد ابو غازى : الجانب الايطالى مستضيف جزء من هؤلاء مدينا الجناح المصرى بلا مقابل
مفيد فوزى: اه
د / عماد ابو غازى : فيه بعض الوفد على نفقة وزارة الثقافة المصرية المردود المالى انا فاهم طبعا
مفيد فوزى: لانه الناس فى مصر تقولك ايه ماذا تستفيد مصر من هذا؟
د / عماد ابو غازى : تستفيد كثيرا جدا هذا الجناح مدير المعرض امبارح قال ان دى اهم واعظم مشاركة خلال 11 سنه فاتوا واللى قال ان المشاركة دى تستحق القاء ضوء كبير عليها ده بيفتح لى مجال امام السياحة الايطالية انها تيجى مصر
مفيد فوزى:اه ده عامل مهم
د / عماد ابو غازى : طبعا
مفيد فوزى: اه
د / عماد ابو غازى : واللى حصل فى جنيف نفس الشئ انا انهاردة لما يبقى عندى جناح لشكرة مصر
مفيد فوزى: مين اللى صمم الجناح ده من فضلك؟
د / عماد ابو غازى : مهندس محمد عبد الكريم وهو فنان مصر تخرج من كلية الفنون الجميلة فى الثمانينات وشارك قبل كدة ليه مساهمات عديدة فى تصميم اجنحة لمعارض مصرية كثيرة
مفيد فوزى: انا سالتك عنه لانه لا يجب اطلاقات اغفال اسمه طالما انه عمل هذا الجهد
د / عماد ابو غازى : حقيقى انا هقول لحضرتك رحت اربع سنوات معرض جنيف الدولى للكتاب وبصدق المشاركة المصرية كانت الاروع فى الاربع سنوات اللى فاتت بما فيهم هذه السنة اللى تركيا جاية بعدنا فيها وبشهادة مدير المعرض اللى بيمتاز بالمشاركة الاروع فى 11 سنة متتالية فى معرض تورينو للكتاب
مفيد فوزى: فهمنى بينى وبينك كده ماذا اخذت من جينات بدر الدين ابو غازى والدكتور ضياء ابو غازى وخالك
المثال العظيم مختار اليس هذا وجود لا يمكن يعتبر ان يكون صدفة على الاطلاق
د / عماد ابو غازى : يعنى
مفيد فوزى: ما تقولش يعنى
د / عماد ابو غازى : مش عارف خت حب الفن التشكيلى وحب التاريخ وحب الثقافة
فاصل
مفيد فوزى: لابد من الاعتراف اننا افتقدنا بحق الدكتور ناصر الانصارى رئيس هيئة الكتاب لانه كان من المفترض ان يكون معنا انه لمرضة غاب عن الحضور رغم ان كل هذا الجهد الذى اراه يكثف رغم الغياب حضورة كنت اتمنى ان اسألة على وجه الدقة ما عمق سفر مصر فى هذه المهرجانات الثقافية عبر عواصم العالم هيئة الكتاب الكتاب المصرى ضيف على عيد الكتاب فى اماكن اخرى وعواصم اكثر ما عمق هذه الاسفارت هو فى الحقيقة المعارض الدولية للكتاب بدأت منذ عدة سنوات فى تقليد جديد خاص بانه بيدورعلى وسيلة من وسائل جذب الجماهير وهذه الوسائل كثيرة كان منها ان يكون فى المعارض الدولية للكتاب ضيف شرف يحتفى به اكثر من الاحتفال بباقى الضيوف المدعويين وضيف الشرف ده مفروض انه بيتكلم عن الثقافة بتاعته وعن اللغة بتاعته وعن العلاقات الثقافية وعن تاريخية الثقافى وعن العلاقات الثقافية اللى موجودة مع الدولة صاحبةالمقر وعن امكانيات التعاون الثقافى فى المستقبل الواقع انه احنا السنة دى ضيوف شرف فى تورينو - كدعوة منذ اكثر من ثلاث سنوات لمصر تكون ضيف شرف فى معرض تورينو - مصر سابقا كانت ضيف شرف فى معرض فرانكوفورت الدولى للكتاب مع العالم العربى لسنه 2004 ثم كانت فى العام الماضى ضيف شرف فى معرض لندن الدولى للكتاب مع العالم العربى وكانت وحدها ضيف شرف فى معرض جنيف الدولى للكتاب ونحن الان ضيوف شرف هذا العام فى ثلاث معارض كبيرة وهى معرض تورينو - تورينو ده بنتكلم عليه انهاردة ومعرض طوكيو الدولي للكتاب فى اليابان ومع العالم العربى ايضا فى امريكا اكسبوبنيويورك المعرض الدولى للكتاب الامريكي فهذه الامور لا تأتى بالمصادفة ولكن بيكون لها هناك اعداد مدد طويلة كما انه بيكون فيه اصرار بها صاحبة المعرض التى تقيم المعرض ولن تكون مصربتاريخها الطويل وثقافتها المعروفة فى العالم كله ضيف شرف السنة دى مع ايطاليا او تورينو - معروف ان تورينو من اكبر المعارض المفتوحة للجمهور فى العام اذا استثنينا الاماكن المذدحمة زى الهند والصين اللى بيبقى فيها عدد كبير لكن بالنسبة لمنطقتنا الشرق الاوسط واوروبا 330 الف تقريبا عدد الزوار المنتظرين فى معرض تورينو الدولى للكتاب وده رقم كبير بنسعد بيه لانه الزوار بيجوا عشان يتعلموا يعرفوا الثقافة المصريه ويقابلوا المثقفين المصريين احنا من ضمن الحاجات اللى عملناها احنا حصرنا الكتب التى تم ترجمتها الى اللغة الايطالية فى ال10 سنين اللى فاتوا لقيناها عدد كبير وعرضناها عشان نبين فيه علاقة ثقافية موجودة وهؤلاء الكتاب لهذه الكتب باللغة العربية استضفناهم معنا ليتحدثوا عن كتبهم ويتحدثوا عن الظروف التى ادت الى ترجمة الكتاب الى الايطالية بالاضافة الى اننا بنتكلم عن الايطاليين عن العلاقات المصرية الايطالية على مدى التاريخ الايطالية المصرية فهناك علاقات فى مصر قديمه من خلال الاثار ومن خلال كليوبترا وانتونيو - وايضا فى ايطاليا ذاتها من خلال البعثات المصرية الفنية التى اتجهت الي ايطاليا فى القرن ال19 و تكثفت فى القرن العشرين من خلال المسرح ومن خلال الموسيقى ومن خلال السينما والتأثير كان تأثير متبادل وكثير من الكتاب الايطاليين اللذين كانوا يقيمون فى مصر فى وقت من الاوقات ساهموا فى ترويج الثقافة المصرية فى ايطاليا والعكس فا احنا سعداء التواجد هنا ايضا الايطاليين عبروا عن سعادتهم بوجود ضيف شرف مصر هذا العام وقالوا انهم بقى لهم حوالى 11 سنه بيعملوا تقييم ضيف الشرف لكن افضل ضيف شرف قدم بالفعل ن حيث الجناح او من حيث الانشطة الثقافية والبرامج ا لثقافية كانت مصر وهذا فخر لنا كلنا واحنا سعداء بهذه المعرض
فاصل
مفيد فوزى: الكتاب ده مكتوب عليه تاكسي وهو ايضا فى مصر يحمل اسم تاكسى ودى ليس دعاية على الاطلاق
للكاتب خالد الخميسى على الاطلاق لانه هذا الكتاب تاكسى هو الذى ترجم الى اللغة الايطالية وخالد الخميسى
قدر كتابة يوزع للنسخة او للطبعة ال15 اية الحكمة ايه الحكمة فهمنى فهمنى سرك بقى ؟
خالد الخميسى : يبدو ان القراء لقوا نفسهم فى الكتاب يبدوا ان كل القراء بيركبوا تاكسى ذى حالاتى ولقوا نفسهم فجأه حاجة جميلة
مفيد فوزى: وانت الفلوس اللى اخذتها من الكتاب ده ما جابتش لك عربية يا خالد
خالد الخميسى : لأ جابت لى بصراحة
مفيد فوزى: جابت لك عربية وبطلت تركب التاكس
خالد الخميسى :لأ ازاى ما اقدرش لأ انا القاهرة بلد بتتعامل بشكل غير عادى اصبح ركوب العربية ده محض جنون
مفيد فوزى: اه
خالد الخميسى : مستحيل نركن مستحيل نمشى فيابموتوررجل فيا موتو تاكسى
مفيد فوزى:اه انت كنت تخطط لهذا الكتاب وانت بتركب التاكسات؟
خالد الخميسى : لأ على الاطلاق
مفيد فوزى: اه
خالد الخميسى :انا الحقيقة كان عندى امل اكتب كتاب معبر عن الشارع القاهرى معبر عما يحدث فى القاهرة ومعبرعن حواديت شارع دى كانت الفكرة اللى عندى ان كان نفسى جدا احكى حواديت شارع ولقيت انها حواديت مسلية جدا وجميلة جدا ومهمة انها تتسجل ولقيت ان السواقين معبرين بديت فى الكتاب
مفيد فوزى: معبرين بمعنى ايه ان بيفتحوا لك قلبهم ؟
خالد الخميسى : لأ معبرين ان هما جايين من كل حته اولا يعنى مفيش مهنة سواق تاكسى يعنى انا اعرف موظفين الصبح وبيشتغلوا سواقين بعد الظهر اعرف ناس حاصلين على ماجيستير بيشتغلوا سواقين معبرين عن البلد دى نمرة اثنين هما كثير جداعلى فكره محدش مصدق هما قد ايه هما حوالى ربع مليون بنى آدم فى القاهرة
مفيد فوزى: سواق؟
خالد الخميسى : سواق فيه 80 الف تاكسى وتقريبا على كل تاكسى فيه نفرين او ثلاث انفار بيركبوا طبعا بيدخلوا ويخروجوا طبعا فيه بيشتغلوا شوية ثم يهاجروا يطلعوا السعودية الامارات ويرجعوا تانى عدد كبير مش صغير طول النهار عمالين يسمعوا فى حواديت ويكرروا موصلين جيدين للحواديت زى الحديد كده ما هو موصل جيد للحرارة
مفيد فوزى: طيب لماذا تاكسى تحول للايطالية هل لانه صورة معبرة عن مصر ؟
خالد الخميسى : هو ترجم لاكثرمن لغة
مفيد فوزى: ايه اللغات اللى ترجم لها ؟
خالد الخميسى :الانجليزى والايطالى والاسبانى واليونانى والفرنسى وحاليا فيه مشروع للبرتغالى يعنى عدد كبير من اللغات وسلوفينى
مفيد فوزى: خالد الخميسى بكل اللغات
خالد الخميسى : ههههههههه يبدو ان الكتاب ده عمل صدى عند القراء برضه فى ا وروبا لانه انا شخصيا ما كنتش قادر اتصور ده
مفيد فوزى:عملت حاجة ثانية؟
خالد الخميسى : لأ كتابى القادم نازل ان شاء ا لله اسمه ( سفينة نوح)
مفيد فوزى: اوعى يا خالد تصاب بعقدة ( زوزو)
خالد الخميسى : دى صديقتى وحبيبتى جدا جدا جدا
مفيد فوزى:اصل زوزو دى عقدة خلى بالك من (زوزو) الفيلم الواحد وبعد ذلك حصل
خالد الخميسى : اه ااااااااا
مفيد فوزى: انت عارف هل هذا الكتاب انت خايف من القادم ؟
خالد الخميسى : لأ على الاطلاق
مفيد فوزى: مش خايف؟
خالد الخميسى : اولا الكتاب ده لما كتبتة زى ما قلت لحضرتك بدون اى قصدية وبدون اى انا كان عندى ضغط نفسى اكتب الكتاب ده
مفيد فوزى: اه
خالد الخميسى : وكان نفسى اكتب ( سفينة نوح ) انا بكتب لانى نفسى اكتب مش لاى حاجة فى العالم الكتاب نجح والا ما نجحش ده موضوع خارجى يعنى ماليش علاقة بيه
مفيد فوزى: انما انت عاوز تعبر
خالد الخميسى : انا عاوز اكتب ما اريد ان اكتبة
مفيد فوزى: اه
خالد الخميسى : انما نجاحة من عدمة ده بقى من عند ربنا
مفيد فوزى: سؤال شخصى هل انت تملك الحث الذى اخطار به عبد الرحمن الخميسى من مجرد نظرة انا طبعا عشت زمن الخميسى هل تعتقد انك انت عندك الحث انك انت تقدر تكتشف موهبة فى شخص ما ؟
خالد الخميسى : معنديش ادنى فكرة انا مااقدرش ارد على السؤال ده انما اللى ممكن اقوله اتصور ان انا عندى حس لانى اعرف اللى قدامى ده
مفيد فوزى: موهوب ولا لأ ؟
خالد الخميسى : اه اه
مفيد فوزى: هل هناك احتفاء بعبد الرحمن الخميسى فى زماننا ؟
خالد الخميسى : انا حزين على التجاهل لعبد الرحمن الخميسى
مفيد فوزى: بشكرك يا خالد
خالد الخميسى : انا بشكرك يا افندم جدا
مفيد فوزى: let me know your name
nicolas: nicolas
مفيد فوزى: هل انت رحتى مدرسة ولا جامعة؟
nicolas: مدرسة فى شما ل ايطاليا انا فى نفس المدرسة
مفيد فوزى: لماذا جئتم الى هذا المكان اريد ان اعرف ؟
nicolas: نعم الكتب وكذلك كل هذه المواد التى لن اجدها هنا
مفيد فوزى: هل جئتى الى المعرض المصرى؟
nicolas: نعم لاننى احب مصر وانا كنت اود ان ازو ر مصر
مفيد فوزى: ماذا تعرفين عن مصر ؟
nicolas: انا اعرف عن الاهرامات فى الجيزة واعرف عن المتحف المصرى والفراعنة والتاريخ المصرى
مفيد فوزى: هل انت مهتمة بهذا التاريخ ؟
nicolas: انا مهتمة بالتاريخ المصرى فمثلا اود ان اقوم بزيارة الاهرامات وكل هذ ه الاماكن السياحية
مفيد فوزى: هل انتم ا صدقاء ولا اكثر من اصدقاء ؟
nicolas: مجرد ا صدقاء
صديق : لماذا تقول لها بصوت عالى نحن اصدقاء فقط
nicolas: نحن نذهب الى المدرسة نحن فى نفس المدرسة وهى افضل صديقة لى وهذا كل شئ
مفيد فوزى: اريد ا ن اقول هل لديك صديق ؟
nicolas: نعم
فاصل
مفيد فوزى: انا اعرف انك حجة فى الاثار ولعلك تدرك اكثر وتدرك جيدا وتعرف موقع اثار مصرية على خريطةالعالم قل لى ماذا رأيت فى تورينو - له علاقة بالاثار المصرية
د /على رضوان: بداية انا زرت مدينه تورينو لاول مره وانا طالب بالدكتوراه فى المانيا فى عام 66 وجئت لمدة شهر لكى ادرس المجموعة المصرية فى متحف تورينو - لانه يعتبرالمتحف الثانى فى العالم بعد المتحف المصرى فى القاهرة المخصص للاثار المصرية
مفيد فوزى: اسمح لى اقول العبارة دى دكتورعلى رضوان بيقول ان متحف تورينو اللى فيه الاثار المصرية يعتبر المتحف الثانى فى العالم للآثار المصرية معلومة لا نعرفها ومن المهم ان يعمقها الدكتورعلى رضوان
د /على رضوان: الامر الاخر انه فى عام 1824عندما نجح شامبليون فى فك لغوز ورموز الهيروغلوفية جاء الى مدينة تورينو هو نفسة وجلس فيها لاكثر من عام لكى يتوثق ويستزيد وينمى معلوماته الاثرية عن مصر وعن اللغة المصرية
مفيد فوزى: من متحف تورينو؟
د /على رضوان: من متحف تورينو لدرجة انه قال عبارة سجلوها على حوائط المتحف قال فيها ان الطر يق الى منف والى طيبة الاقصر يعنى لا يبدأ الا من تورينو من اراد ان يذهب الى مصر والى النيل عليه ان يبدأ الرحلة بتورينو-
مفيد فوزى: دكتور على دى معلومة يعنى ما كنا نعرفها اية بالضبط من الموجود من الاثار المصرية فى تورينو - وخلينى اعرف منك كمان الاثار دى نوعيتها ايه ؟
د /على رضوان:احنا عندنا فى تورينو الاثار المصرية بتمتد من عصور ما قبل التاريخ الى نهاية العصور اليونانية وايضا دخولا بالمرحلة القبطية
مفيد فوزى: نعم
د /على رضوان: هذا الاثار بتسجل تاريخ مصر كاملا لدرجة انهم عندهم مقبرة لمهندس عاش فى الاسرة ال 18 فى الدولة الحديثة اسمه (خ) من دخلها كأنه يدخل مجموعة متكامة ليويا وتوها لتوت عنخ آمون - ان هذه المقبرة عثر عليها كاملاتا تجد الترابيزة بتعته اللمبة الكرسى العصيان بتوعة تجد ايضا الحلى تجد ارغفة العيش تجد كل ما هئ للمتوفى فى عالم الاخرة الملابس بتعتة الكتانية بيزهل الانسان ان بعضها يكاد يكون متطابق مع ما ييلبسة ابناءنا فى الصعيد حتى يومنا هذا كل هذا فى متحف تورينو -
مفيد فوزى: دكتور على رضوان هل لدينا ثقافة اثرية فى مصر لدى الشباب؟
د /على رضوان: للآسف لأ احنا معندناش الا القليل وارجو ان يكون عندنا الكثير لان لو عندنا ثقافة اثريه حقيقية فى مصر ما حرس المصرى على تبديد اثار بلادة وتهريبها وسرقتها والبحث عنها خلستا وبيعها للاجانب لانه يبيع تاريخ مصر وشوقى عليه رحمة الله قال من انقذ تاريخ بلادة فكأنما انقذ العرض ومن يحفظ تاريخ بلادة فقد حفظ عرضة وشوقى باشا قال هذا الكلام وارجو ان يكون هذا نبراصا للشباب ولاجيال مصر كبيرا وصغيرا
مفيد فوزى: سؤال واحد حضرتك وانت فى تورينو - الان فى معرض الكتاب هل لك محاضره محددة ؟
د /على رضوان: محاضرتى عنوانها عن رجال الاثار من الايطاليين اللذين عملوا على ارض مصر من اقصاها الى اقصاها وقاموا بحفائر واعظمهم عن ارنستو اسكابانيلى - الذى اكتشف مقبرة جميلة الجميلات زوجة رمسيس الثانى العظيم الملكة نفرتارى وهو صاحب اعظم اكتشاف فى جبانة طيبة الغر بيه بعد كارتر وتوتو عنخ امون
مفيد فوزى: دكتور على رضوان بنجورنو
د /على رضوان: بنجورنو بنجورنو اتسترنت
مفيد فوزى: الفنان المفكر احمد عبد المعطى حجازى زميل الجيل سمعت سميح القاسم - يقول بالحرف الواحد ان ثقافة هذا الزمن هى الجاهلية الجديدة ارجو ان تعلق؟
المفكر/ احمد عبد المعطى حجازى : يعنى ثقافة هذا الزمن هى الجاهلية الجديدة اذا نظرنا الى وجود تيار متزامن للثقافة العربية بشكل عام وتيار يريد ان يعود ليس فقط بالثقافة الى الوراء ولكن ايضا بالبلاد كلها الى الوراء لكن انا لا احب هذا التعبير لماذا لانه ايضا هذا التعبير يوجد عند السلفيين المتطرفين اللذين يقولون ان هذا العصر عودة الى الجاهلية ولابد ان نخرج منه الى الاسلام يعنى يتهموننا يتهمون هذا الجيل انه جيل او الاجيال الماضية التى صنعت النهضة المصرية والنهضة العربية بشكل عام منذ اوائل القرن التاسع عشر الى الان يتهمون النهضة العربية الحديثة والنهضةالمصرية الحديثة انها عودة الى الجاهلية ولابد ان نخرج من هذه الجاهلية الى الدين مرة اخرى وبالتالى لا احب ان نسمى هذه المرحلة جاهلية جديدة اذن لابد من ان ننتبه لماذا لان ده يجر ما يلى اولا يطعن فى العلم يطعن فى العقل ويعود بنا مرة اخرى الى الخرافة والاسطورة ويحرمنا من ان نتمتع ونشارك فى حضارة العصر ونتذوق ثمار العصر وبدلا من ان نكون مجرد مستهلكين للحضارة التى يصنعها الاوروبين لابد ان نشارك فى عملها ونشارك فى خلقها وانشاءها هذا هو الذى يقال
مفيد فوزى: جميل بالنسبة لهذا المعرض معرض تورينو - الذى فيه مصر ضيف شرف انت تشعر ان الادب الايطالي والشعر الايطالى قد اثر على الادب المصرى والشاعر المصرى اريد ان افهم ؟
المفكر/ احمد عبد المعطى حجازى : لأ للاسف الشديد الى الان هناك علاقات اولا لابد ان نتحدث نذكر بالخير دكتور حسن عثمان الذى ترجم الكوميديا الايطالية
مفيد فوزى: الايطالية الى
المفكر/ احمد عبد المعطى حجازى من الايطالية مباشرة الى العربية الاجزاء الثلاثة الجحيم والمطهر والفردوس ولابد كذلك من ان نتحدث عن روائيين مثل البرتو مورافيا يميل تقريبا الى لابد ان نذكر كذلك شاعرين من اهم الشعراء الايطاليين فى العصر الحديث ولدا بالاسكندرية هم جارتى ومالرتى -
مفيد فوزى: هل تعتقد ان الانسان المصرى الذى يشاهدنا الان وفى هذه الاحاطة الفكرية ان صحت العبارة هل يغير المؤشر الى تمثيليا سمية الخشاب والغناء لتامر حسنى بصراحة ؟
المفكر/ احمد عبد المعطى حجازى الواقع انه لا شئ يضيع واذا قدمنا شئ فى الثقافة باخلاص وبأتقان فسوف يؤتى ثمارة لا شك فى هذا فهناك ان علينا ان نقتنع بما يلى فى الفترة الماضية من 52 الى الان لم تكن فى صالح الثقافةالمصرية وعلينا الان ان ننتبه لهذا وان نراجع هذا التاريخ وان نستعيد عملنا فى النهضة و هذا لا يكون فقط بعمل فى الداخل لكن ايضا بتمكين العلاقات مع الخارج ولا شك انه مشاركتنا فى معرض تورينو هى صورة من صور المشاركة الاتصال بالعالم الخارجى ولا بد ان نتأكد مما يلى انه اولا ونحن نتحدث الان فى ايطاليا ما يقرب من نصف مليون مصرى يعملون فى ايطاليا على هؤلاء المصريين ان يكونوا رسل محبة وسلام وصداقة ويقدموا للايطاليين صورة حقيقية يعنى صورة جميلة عن بلادهم عن مصر هذا هو الذى اريد ان اقوله لك يا اخى الحبيب
فاصل
مفيد فوزى: اللغات جسر محبة ومفتاح باب الى ثقافة الاخرتنسب علاقات انسانية وربما تفاهم عيون واصوات دقات القلوب فى تورينو قابلت مصريين وكان سؤالى المباشر اذا كان متزوجا من ايطالية هل تزوجت عن حب ام عن رغبة فى اقامة تضمن بقاءك فى المجتمع الايطالى الى الاسبوع القادم واعترافات مصريين حاولوا بل جاؤا الى ايطاليا واقاموا وعمروا بيوت وخلفوا من تورينو اتحدث اليكم الابادتشى