45 دقيقة

موضوع الحلقة : ازمة الطاقة في مصر وسبل مواجهتها
اهم ماجاء في الحلقة
الفحم طاقة نظيفة يمكن استخدامها لحل ازمة الطاقة
الطاقة الشمسية يمكن استخدامها في القرى السياحية واعمدة الانارة ولكنها مكلفة في المصانع
الفحم ليس ملوث للبيئة والمقصود به هو الفحم الحجري وليس فحم المحاجر
محمد بشير: اهلا بكم في حلقة جديدة من برنامج 45 دقيقة حول ازمة الطاقة والحلول المقترحة تدور حلقتنا اليوم مع ضيف الحلقة الدكتور ماهر عزيز استشاري الطاقة والبيئة .. مفيش شك امامنا العديد من التحدات في مجال الطاقة لاننها عجلة التنمية في اي دولة
د. ماهر عزيز: العالم بيعزز طاقة الفحم فالعالم هيستخدم الفحمفي توليد الكهرباء كمصدر رخيص الى 70 سنة جاية لحد مايخلص من العالم
محمد بشير:يعني حضرتك تحفز الفحم على رغم ان عندنا طاقة شمسية او الرياح او الطاقة النووية
د. ماهر عزيز: الفحم انا بتكلم عنه 41% في توليد الكهربا والغاز والبترول حوالي 27%والنووي 13% في مزيج توليد الكهربا في العالم كله والعالم ابتدى انه يبحث عن الطاقة المتجددة عشان ما يحطش نفسه تحت رحمة البترول في مصر احنا بنولد الكهربا 93% من المنتجات البترولية وبدات مصر في استراتيجية الطاقةالمتجددة بس طبعا عشان غالية لحد مايمكن القطاع الخاص ممكن يدخل ... لانه الطاقة الشمسية غالية جدا وعايز لها دعم كبير جدا ولازم ننوع من المصادر عشان مانوصلش لمجاعة الطاقة اللي احنا فيه وحل الطاقة المتجددة اللي يقولك حلها بكرة .. مستحيل .. وطاقة المخلفات ايضا مستحيل لانه 60% منها سماد عضوي و40% تطلع اعظم صناعة فالباقي تلاقي ما يطلعش طاقة ..
محمد بشير:كيف ترى استخدام الطاقة الشمسة بجوار البدائل اللي حضرتك طرحتها
د. ماهر عزيز: الطاقة المتجددة مصر حاطة برنامج من 83 والنهاردة في 10 محطات كل واحدة 20 ميجاوات من المركزات الشمسية وفيه ردود شعبية كتيرة عشان نعزز استخدام القوى الموزعة يعني في البيوت ممكن نحط الالواح الشمسية وتولد احمال انارة دا كله احنا عايزينه .. المانيا عنجدها 20 % من طاقتها متجددةفاحنا عندنا امل انه في 2035 نوصل نبقى زي المانيا ومحتاجينه بشدة
محمد بشير:في المزارع والقرى السياحية هيديهم طاقة بديلة بدون مايدفع تكاليف
د. ماهر عزيز: لا طبعا اللوح دا ارخص لوح ب3 الاف جنيه وانت عشان تولد لازم 9 الواح يعني حوالي 20 الف جنه بس الكهربا اللي هتجيلك هتبقى بلاش وعلى مدى 7 سنين هتسترد التكلفة الرراسمالية وهتعيش بعد كده بكهربا ببلاش المانيا عملت كده والصين ولكن اللي قدرت تحله حوالي 20% ولكن الاحمال الضخمة ماتقدرش تقوم بيها هذه الاحمال الشمسية .. المانيا دعمت الطاقة المتجددة ب16 مليار وفي خطة ال10 سنين اللي جاية هتبني 10 محطات بالفحم
محمد بشير: ليه ترجح هذا الحل
د. ماهر عزيز: فيه عامل حاسم يطلع مصر من مجاعة الطاقة يعني لو حليت ازمة مصانع الاسمنت بالفحم 50% ووحدات سكنية للشباب واقفة مش عارف تبنيها خلاص مفيش غير الفحم .. الصين فيها محطات كهربا بالفحم
محمد بشير:هل هذا الخام متوافر وباسعار في متناول دول العالم التالت وهل يؤثر على البيئة
د. ماهر عزيز: الفحم باقي 200 سنة ولو شلت كل المصادر واستخدمت الفحم بس هيكفي العالم ل200 سنة وعايز اقول انه 67 دولة في العالم تستخدم الفحم
محمد بشير:الدول المصدرة للفحم زي مين
د. ماهر عزيز: فيه فحم خشب والفحم اللي بنتكلم عنه الفحم الحجري .. جنوب افريقيا 97% الهند 69 % فحم واوربا كلها 30% ومن اكبر المصدرين الصين والهند والمانيا واندونيسيا وكندا ومن اكبر المستوردين الصين والهند والمانيا
محمد بشير:دورة الفحم تكلمنا عنها الاستخراج والنقل والتصدير
د. ماهر عزيز: اخطر هجوم وجه لاستخدام الفحم الحجري انه ملوث وهيخرب الصحة دا اول حاجة والهجوم التاني انه هتنقله ازاي وتوصله وهرد عليهم هما بيتكلموا على الفحم اللي استخدمته البشرية في اوائل الثورة الصناعية سنة 1850 الفحم اللي لسه جاي من المنجم .. النقل بالنسبة للفحم الحجري لا ينقل زي ماهو وانما ينقل بودرة زي شكاير الاسمنت وعليه 10% مية فييجي مندي وتيجي البواخر بآلية ضخمة وبالسكك الحديد فيه مشمعات بتغطيه والاردن بتستورد فحم عن طريق ميناء الدخيلة بتاعنا حد شاف الفحم دا او حس بيه او شاف حد مات الكلام دا فيه تزييف شديد للوعي
محمد بشير:ليه المحاربة في الجزئية دي يادكتور
د. ماهر عزيز: هما بيتكلموا عن الفحم اللي بيتسرق مع اكاسيد الكبريت واكاسيد النيتروجين الذي اتى على ربع غابات اوربا لكن الكلام دا من 160 سنة وبدات البشرية تفكر عشان تحجز كل التراب دا والاكاسيد وعلى 1980 كان النجاح في االنقطة دي وبقى يشيل 99% من التراب واكاسيد النيتروجين ووصلنا الى انبعاثات صفرية ..
محمد بشير:شكرا لك والى اللقاء