45 دقيقة

عنوان الحلقة واهم ما جاء بها : نعم للدستور لانقاذ مصر
الاعداد : سكينه حمدى اسماعيل
محمد سليمان :اهلا بكم حلقة جديدة من 45 دقيقة الثلاثاء والاربعاء القادم ما يتعلق بالاستفتاء للدستور الجديد ارحب بضيفتى فى الاستديو الدكتور مريم ميلاد من حزب الحق اهلا بحضرتك
د. مريم ميلاد : اهلا وسهلا
محمد سليمان : توقعات حضرتك فى التصويت على الدستور الجديد
د. مريم ميلاد : اعتقد المصريون جميعا ونزولهم مرة اخرى الى الشارع هذه المرة مختلفة فى الاستفتاء على الدستور واتمنى ان يكون الاستفتاء بنعم لان هنا لازم نقف شوية ونقول احنا هنقول نعم ليه وهنقول لأ ليه انا عايزة حتى اللى عايز يقول لأ ينزل المهم ينزل يبتعد عن الاقاويل والاشاعات واعتقد ان الداخلية قائمة بدورها كما ينبغى وعمله استعدادات قوية جدا بالتعاون مع القوات المسلحة اللى هيقول نعم اكيد هو فهم الدستور او فهم من بعض الشخصيات او استمع لبعض البرامج كل الدولة بتشتغل على كيفية ايضاح المواد الدستورية هل قلنا انت لو قلت لأ هتقول لأ ليه انا عاوزاك تنزل انا كل ما يهمنى ان الناس كلها تنزل متخفش من ايه اللى بيحصل او ايه اللى هيحصل لان القوة ووحدة الشعب تخوف اى ارهاب بتخوف وبتفشل الجماعة الارهابية لان هى تم تصنيفها بجماعة ارهابية القوة زى ما احنا شفنا فى 30/6 لما كلنا متجمعين ومتوحدين هما مالهمش اثر قوتكم ونزولكم يا مصريين يوم 14 و15 هو اللى هيرجعهم للجحور تانى وهو اللى هيقضى عليهم قضاء نهائى علشان كده هو بيحاول يخوفوكوا ان انتوا تتجمعوا وتتوحدوا تانى يوم 14 و15 انت انزل عاوز تقول لأ قول لأ عايز اتكلم معاك شوية يمكن اتكلمنا مع كل الناس اللى عاوزة تقتنع بنعم نفسها تقول نعم بس عايزة حد انت عارف لو قلت لأ ايه اللى هيحصل ايه التداعيات اللى هتيجى من كلمة لأ متجيش بعد ما انت تروح على الدستور وتقول عليه لأ وتقول ابنى ما اشتغلش انت ضحكت عليا متجيش تقول البلد مفهاش امن متجيش تقولى انا بنتى ما اتجوزتش متجيش تقولى انا المواطن متهان متجيش تقولى انا مش لاقى شغل متجيش تقولى رغيف العيش متجيش تقولى الله البلد تطورت امتى متجيش تقولى هو احنا فين من البلاد الاخرى متجيش تقارنى باى حد لان انت بكلمة لأ دى انت بتساعد على تراجع البلد انت بتساعد على كلمة لا دولة لا دولة يعنى انت ملكش لزمة انت مش انت كمواطن مصرى انت كمواطن مصرى والبيئة اللى حواليك التى تحتضنك الحضن الكبير بتاعك اللى هو دولتك ده انت قلت عليه انا مش عايزة انا مش عايز الدولة ومش عايز اكون انسان ومش عايز اكون مواطن ومش اهم حاجة اكون الهوية المصرية
محمد سليمان :طب الذى لم يشارك ام ان يشارك واقول نعم او يقول لأ طب ما الضمانات لكى تكون لأ لها اضرار نعم زى حضرتك ما تفضلتى فى وظائف فى اقتصاد فى سياحة فى شغل فى وظائف فى فى فى
د. مريم ميلاد : اه الافادة من نعم والضرر من لا الافادة من نعم اولا انا قلت نعم على الدستور واخذت اعلى نسبة بنعم دى مش نهاية المرحلة لكن عليك ان انت كمان المتابعة بعد كده هيكون فى انتخابات رئاسة ومجلس الشعب مين المسئول عن نعم بتعتك اعضاء مجلس الشعب وان انت تبقى مركز كويس قوى اللى هما هيشرعوا لك القوانين انت عندك حوالى 170 قانون هيطلع من هذا الدستور مفيش ورقة هنقدر نتفق عليها كلنا زى ما كلنا موجودين فى الاستديو وقلنا عايزين نكتب عقد ما بينا وما بين بعض او نكتب فكرة مابينا وبين بعض لايمكن كلنا هنوافق على هذه الفكرة وتطلع 100 % لازم هتلاقى حد فينا يقول لك انا مش موافق بس احنا اكثر كنا موافقين يبقى احنا هنعمل ايه يبقى اللى مش موافق ده هيستنى لان انا هحاول اقنعة يا اما هو هيتوافق مع اخرين زى ما هو يقولك طب ما تستنوا هيلاقينا احنا بنعترض من الاخر باقول مفيش دستور هقدر اجمع به كل بنى ادم فى الشعب لان المواد الدستورية تكتب للعامة للجميع ما بتتكتبش لفرد مش كل واحد عنده مشكلة شخصية يعنى انا عندى مشكلة مع مراتى هجى اقول لك مفيش مادة فى الدستور لأ الموضوع ده العلاقة بينك وبين الدولة العلاقة بينك وبين الحكومة عشان اضمن لك قوانين يبقى انت لازم تضمن لى المواد الدستورية هتضمن لى المواد الدستورية دى ازاى بنعم طيب يا ستى مش هقول متعرف اد ايه انا عنيد هيجى اقو لنعم هقول لك لأ انا معاك انا واحدة من الناس طب هتقولى شمال يمين هقول لك لأ انا عاجبنى الشمال ايه رايك وهوصل بردوا خلاص لكن الشمال طريقة طويل هل انت عايش فى بلد بلاش بلاش مواد دستورية وقوانين وامن وكلام ده انت معجب الكابة اللى احنا بقينا فيها بالحالة النفسية فين الضحكة بتعتك يا مصرى فين الضحكة اللى بتنزل بيها انت لو راكب التوك توك لو راكب العجلة لو راكب موتوسيكل لو راكب اكسى كنا بنقابل بعض بالابتسامة بالضحة دلوقتى ليه كلنا شايلين الهم بقينا متضايقين احنا مش عارفين احنا متضايقين ليه انتوا متضايقين من حالة دولة انتوا صعبان عليكوا مصر بس كل واحد مش عارف يقول هو صعبان عليه مصر ازاى
محمد سليمان : مش عارف يعبر
د. مريم ميلاد : بس مش عارف يعمل ايه طب انا باديك السكة انا بافهمك بالورقة دى تعالى واعمل عليها صح وهفهمك ان الكابة دى هتترفع هتلاقى هم وانزاح كده زى ما الهم الاولانى انزاح مننا يوم 30/6 وبعدها 3/7 شفت اد ايه فرحت ومليت الشارع فرحة وزغاريد وضحك والكلام ده بس رجعت زعلت تانى قلت البلد بتتبهدل انت مش واخد بالك انها بتتبهدل عندى هموم عندى مشاكل الفلوس قلت الرزق قليل والشغل حالة واقف انت عايز تساعد على الجمود ده انا باقولك سيح الثلج ده دوبة بقى يالا سيحة وفوتة خالص وتعالوا نشتغل من اول وجديد دايما خلى عندنا امل دايما خلى عندنا رؤية فى بكرة احتمال نجرب المرة دى هنقول نعم الدولة كلها بتحاول تفهمك النعم وانا بحاول اقول لك اللاأ بتعتك هتعطلك لو انت عاوز تتعطلمتجيش تطالب بحقوق لان لسه هستنى فى الارهاب ولسه هيعيد الدستور مرة ثانية وهرجع للدستور ونرجع ننفصل تانى وكل واحد يطلع براى هندخل فى متاهه ودوامة زى دوامة البحر كده مش هنعرف نطلع منها يبقى الناس اللى عايزة تنزل وتقول لأ انزل بس وانت نازل قبل ما تيجى تقول على اللاأ دى فكر عايز دولة عايز لو كملت انت فى بلدك كبنى ادم اهل بلدك يشاوروا عليك ويقولوا البنى ادم ده مصرى يبقى انت بالنعم دى بتحافظ على الهوية المصرية يبقى لك جنسية لو قلت لأ اعتقد ان مش هيبقى لك هوية مش هيبقى لك جنسية وبتقول للدولة لا دولة
محمد سليمان :يوم الثلاثاء والاربعاء خلاص الغد قريب مفيش اجازات ليه اختيار اليومين دول مفهمش اجازات والدنيا تبقى ماشية عادى ممكن الناس تبقى عندهم وظائف ان هما مثلا فى نهاية الاسبوع بيصوتوا او يروحوا يصوتوا مثلا على مضد
د. مريم ميلاد : ليه هيصوتوا على مضد ليه انا فاتحة من الساعة 9 الصبح لغاية الساعة 9 باليل قانون العمل بيقولو ان انا باشتغل 6 ساعات ماكس مام هشتغل 8 ساعات خلاص زى ما فى الاخر هتخلص الساعة 5 هتخلص الساعة 7 لسه ادامك ساعتين واعتقد كده احنا بنروح على مراحل زى الشفتات خلاص هلاقى زحمة هروح اخذ اذن من الشغل وارجع تانى قبل كده لما ادينا اجازة يومين ورا بعض فى الاستفتاء كان فى وسط الاسبوع ثانى مرة ساعة الخميس يبقى انا باضرب يوم من الشغل لو ان موظفة والا ف مستشفى والا انا فى اى حاجة
محمد سليمان : صحيح
د. مريم ميلاد : اعمل ايه خدت اليوم تلات واربع وخميس جمعة وسبت اجازة
محمد سليمان : اه
د. مريم ميلاد : يبقى انا خدت اجازة وخدت العيال واللمه وطلعت على العين السخنة
محمد سليمان : ومصوتناش
د. مريم ميلاد : وراحت مصر وراحت مصر يبقى من الافضل ان انا اعمل ايه لأ انت مجبر انك تنزل وتروح العمل بتاعك وتشتغل هناك وبعد ما تخلص شغل ممكن تاخد اذن ساعة تروح وتيجى واعتقد ان فى كمان انا شايفة اللجان الانتخابية عاملين فيها سرادق حواليه علشان التقليل من الزحام وعشان يقللوا حتى من الجو يعنى انا عجبانى التنظيم المرة دى حلو جدا عشان ده تحسبا للجو لو كانت حر لوكانت شمس لوكانت انا مش بوقفك فى الطابور فى الهواء الطلق قبل كده كان عندنا يوم بدرى جدا ومع ذلك الناس فضلت واقفة براعى كبار السن وبراعى الامهات اللى معاهم اطفال والرضع فانت متخيل الدولة بتعمل والجهاز الامنى سواء الداخلية والقوات المسلحة موفرين لك كل ده شوية شوية هيقولوا لك والنبى طب تعالى انزل يعنى هقول لك ايه تانى اكثر من كده فبالى انا مع خطة ان هما ما يخدوش اجازة لان انا كا واحدة ممكن اقول اه ممكن اقول لأ لو لاقيت هاخد العيال واطلع بره يا عم لايحصل حاجة فى البلد والا يضربونا والكلام ده كله انت مجبر انت بدل ما يتخصم عليك وبعدين انا بابص للمصريين فى الخارج مخدوش اجازة وكان حالتهم اصعب مننا لان هما بيسافروا ممن ولاية لولاية تانية علشان يدو البوتو ومع ذلك البوتو بتعهم حلو جدا والناس مفيش حاجة اسمها تاخذ اجازة بدون اذن مفيش حاجة اسمها تاخذ اجازة عشان تاخذ تصويت ما تاخد روح انت اعمل البوتنج بتاعك دى بلدك انت انا مالى انا هنا صاحب عمل يبقى انا مسئول وانت مسئول امامى انك تحضر محضرتش هيتخصم منك محدش بقى دلوقتى يقدر يقولك انامش هحضر او انا رايح عشان البوتنج مش هيخصم لى لأ هيخصم لك وهتقول طب انا مش نازل ومش هصوت لأ تتعاقب ومش كلام ومش موضوع غرامة ومش غرامة الناس كمان اللى تدى هوتنج مرتين الوافدين عشان ما يسفروش من محافظة لمحافظة بيقول لك الدولة بطبطب على ناسها دلوقتى احنا مش معودين على كده بطبطس حتى على الوافدين انت فى الغردقة اوعى تعمل نفسك ذكى وتعمل بوتنج فى الغردقة وتجينى مثلا على منطقة تانية وتعمل بوتنج لان فيها بدل الحبس هيبقى السجن مدد طويلة هما غلظوا العقوبة طلع قرار من مجلس الوزراء النهاردة فبتالى انا شايفة الدولة بطبطب على كل بنى ادم عرفت الحالة بتعته ايه وبتقول له اهو ادى طريقك انزل بقى وادى تصويت لدنا فى حالة خطر مش انتقالية ولا استثنائية احنا فى مرحلة خطر قوى يااما نلحق نلم نفسنا كده مره ثانية وتتمساك هذه الدولة بشعبها يا اما اعتقد اننا هنمر بمرحلة صعبة جدا
محمد سليمان : استعرضنا الاستعدادات والتيسير على المواطنين ايضا الوافدين والمغتربين دور الشرطة فى تامين هذه اللجان تتوقعى دور الشرطة هيبقى كان فى اخفاقات لانختلف عليها فى الفترة اللى فاتت قبل 25 يناير بعد 30 يونيو الوضع اختلف وضع الشرطة مختلف فى ضمانات الشرطة تقدمها لتمر هذه العملية عملية الاستفتاء كيف تنظرين لدور الشرطة ؟
د. مريم ميلاد : هو فى تحسن وبيتماسك ويستقوى اكثرمن حالات الضعف اللى كان فيها قبل ذلك اما بالنسبة للاستفتاء ودرو الداخلية فيها هو هيكون دور فى الاول دور تنظيمى من الدرجة الاولى وهما هيحاولوا يمنعوا اى احتكاكات حتى ما بين المواطنين وبعض انا مش عارفة مين اللى جنبى هل هو ضد والا مع والا جاى علشان يبوظ اللجنة والاجاى علشان يطول فى الطابور والسلام لكن اللى انا شيفاه حسب الخطة الامنية الموضوعة طبعا انا مش متداخلة معاهم قوى لكن بالنسبة للى هما وصولوه لنا ان هى هتبقى مدد زمنية لكل فرد على اساس محدش هيقعد مده ثانية او الطابور لازم هيتحرك لوحصل مناغشات بين الاطراف الاخرى هيقضوا عليها تماما وبالتالى بتروح فى مكان بعيد علشان ما يسيطرش على الحالة النفسية لباقى المواطنين اللى واقفين وده جديد الشرطة دلوقتى بقت تتعامل بالعامل النفسى مش بالعامل الامنى وبس او النظامى وبس يعنى هى ما بقتش متبرمجة لأ دا هى ابتدت تبص ايه اللى ممكن يضايقك ايه اللى ممكن ياثر عليك ايه اللى ممكن يشغلك فا ابتدت تعمل لك فاصل وتبعدك وتبعدك هما مجتهدين وربنا يوفقهم بالتعاون ما بينهم وما بين القوات المسلحة وشايفة تدريبات قوية جدا نازله كميات قوية جدا وبتامن المواطنين والبيوت والحدود ولها خطة استراتيجية
محمد سليمان : الشرطة بين كفى الرحى ان قامت باعمالها هذا واجبها وان تعرض لهزات تختلف الرؤية ويكون المجتمع ناقم على الشرطة كان الله فى عون الشرطة الشرطة اصدقائنا اخواتنا دورهم اختلف بعد الثورات ثورة 25 يناير و30 يونيو والزميل نعيم ابراهيم عمل لنا تقرير نتابع ونعود
تقرير : يومان وينطلق عرس الاستفتاء على الدستور الجديد والذى يعد اولى خطوات الوصول الى الاستقرار فى مصر وسط حملات امنية مكثفة لقوات الامن بكل اجهزتها
مواطن : الفترة اللى فاتت الامن ملحوظ على جميع المحاور وتم ضبط سيارات مسروقة وتم ضبط حالات الفترة القادمة تشاهد تحسن اكثر عايزين نقول للناس ينزلوا يوم الثلاثاء والاربعاء باذن الله وما يخفوش وبالنسبة للعثور على بعض الاشياء اللى هى كان فى من حوالى 3 ايام كان فى قنبلة بجوار نادى القضاة والحمد لله تم السيطرة عليها بمعرفة رجال المفرقعات نتمنى ان تعدى هذه الايام على خير انشاء الله ويتم العرس الديمقراطى هو الاستفتاء على الدستور
مواطن : بنخاطب الشعب المصرى وبنطمنة محدش يقلق خالص ويروح الانتخابات والاستفتاء بقلب جامد
مواطن : باذن الله الاستفتاء يعدى بخير وسلام وانشاء الله سيادة الوزير بيطمن الشعب كله احنا واقفين فى ظهرة ومفيش اى حد يعكر صفو العملية الانتخابية
مذيع : رجال الامن اكدوا وجود خطة امنية لم يسبق لها مثيل لتامين الاستفتاء داعين المواطنين الى النزول
ضابط : الحمد لله عاملين خطة امنية غير مسبوقة فى تامين الاستفتاء وفى تعليمات بتكثيف الحملات والدوريات تحديدا لاى عناصر خارجة عن القانون اللى ممكن ترهب الناس الخطة الحمد لله معمولة كويس جدا تامين على اعلى مستوى سواء من الجيش او من الشرطة
مواطن : احنا بنطلب من الشعب المصرى ان هو يفضى نفسة لمصر لو ساعتين او ثلاثة وينزل وما يخفش واحنا ادمهم لو اى شئ يضرهم احنا قبلهم
مذيع : المواطنيون ايضا اشادوا بالجهود الامنية مؤكدين على اهمية المشاركة بالتصويت على الدستور
مواطن : فى امان اكثر من الاول والشرطة 24 ساعة دوريات ماشية والشارع والامان والاستفتاء انشاء الله هيعدى بالبلد علشان حالة البلد تستقر
مواطن : هنقول نعم للدستور انشاء الله باذن الله
مواطن : الشرطة موجودة وهتامن الاستفتاء ويعدى على خير لاستقرار البلد انشاء الله
مذيع : ادخلوا مصر انشاء الله امنين نحن على يقين بعودة الامان الى وطننا راغم انف كل حاقد او حاسد او مغتصب
فاصل
محمد سليمان : الاستاذة مريم هناك خطة امنية هناكمفاجات من تنظيم الاخوان فى الفترة القادمة هل ترين ان هذه الخطة قادرة على احتواء الموقف الامنى
د. مريم ميلاد : ولو لقوا تجمع هيخافوا اى تجمع هما بيقلقوا منه التجمع الكبير قوى بيخافوا منه التجمع هو اللى هيرجع الناس دى لجحورها ليه انتوا يوم 14و15 اعرفوا ان انتوا بتبتروا الاخوان من جذورهم بتبتروا الجماعات الارهابية دى من جذورها لو حصل مناغشات هما كل اللى هيقدروا يعملوه بعض التكتيكات او المناغشات اعتقد الداخلية قادرة على تفتيت هذه المناغشات وهتعرف تلمها سريعا لان هما واضح ان هما عاملين خطة قوية جدا وعاملينها على مستوى الجمهورية دى حاجة كويسة ودى تطمن الناس حتى فى الصعيد هما اهتموا كمان بالصعيد باوصل رسالتنا لاهل الصعيد بالذات هما متخوفين جدا باقول هم انزلوا الاستفتاء بعون الله امنين واننشاء هتعدى يااما مصر يا اما مش مصر يااما بقائها يا مش بقاء مصر زى الحرب بين الخير والشرالخير بينتصر والشر اقوى وبيشتغل كثير لكن الخيرهو اللى بيفضل مصر لازم تبقى وتبقى بينا وبالدستور خلينا نعدى المرحلة ونرجع نشتغل
محمد سليمان : مسالة الجيش وتامين الاستفتاء الاستفتاء اللى حصل فى الخارج مسالة اللجنة العليا للاستفتاء قامت بمجهودات جبارة كى تسير عملية الاستفتاء على خير والناس فى الخارج تنزل تشارك الضوابط التى وضعتها اللجنة العليا للانتخابات للاستفتاء على الدستور الجديد الان فى معاونة الشرطة هل هذه الضوابط قادرة على انها تخلى الناس تخرج وتصوت بنعم والدنيا تمشى
د. مريم ميلاد : اه اه اه لان هما عملوا خطط كثير قوى ووضع نظام جديد وعملت شبكة التواصل الاجتماعى لادخال البطاقات ده انجاز عايزين المشاركة
محمد سليمان : معنا تقرير للزميل محمد عطية لمتابعة اراء المواطنين ومدى المشاركة
تقرير : معع اقتراب العد التنازلى ليوم الاستفتاء على الدستور الجديد تاتى اهمية التوعية للمواطنين بالمشاركة فى الاستفتاء على دستور البلاد
مواطن : المهم العمل بالدستور مش المواد المحطوطة بالدستور هو نجاح كبير لمصر ودستور ممتاز جدا وصالح ل100 سنة لمصر باذن الله
مواطنة : المراة اخذت حقها والحمدلله اطلب من كل مراة تنزل وتقول نعم كلنا مع بعض
مواطن : اطلب من جميع الشباب تشارك لان ده هيبقى مستقبلنا بعد كده ومستقبل اولادنا انشاء الله
مذيع : عرس الديمقراطية وتحقيق خارطة الطريق يبدا من الاستفتاء ع على الدستور
مواطن : هو انشاء الله الدستور ده نعم انشاء الله
مواطن : لازم ننزل نملى الشوارع ونستفتى على الدستور
مواطن : نعم للدستور نعم للاستقرار نعم للجيش نعم للشعب والمؤسسات الدستورية والقانونية كلها الستور الجديد بيبشربيها انشاء الله
مواطن : الدستور نقلة كبيرة جدا لمصر الموافقة عليه بنعم هتنقل مصر نقلة كبيرة وهترد على الدول الاستعمارية وعلى قطر وامريكا والاتحادالاوروبى علشان ما يقولوش ده انقلاب عسكرى
مواطن : عايزين صالح البلد
مواطن : طول ما احنا مختلفين مش هنفلح وهنبقى مضحكة للعالم كله
مواطن : باقول لكل مصرى انزل وقول نعم عشان مصر تبقى ام الدنيا
مذيع : تعاون الجميع للخروج على الوجه الامثل هو واجب وطنى يقع على عاتق المصريين ليليق بتاريخ مصر العزيزة واهميسة الحدث العظيم
فاصل
محمد سليمان : بادعو الجميع للاستفتاء على الدستور من خلال البرنامج دكتور رغم هذا الكم من التفاؤل ربما ذكرنا ان الكلمات التى تاتى على لسان افراد الشعب العظيم شعب مصر هذا التفاؤل قيل انه ربما يحدث له انتكاسة فيما يتعلق بالطعن على عملية الاستفتاء تصويت الخارج ربما ينسف مسالة الاستفتاء من جذورها برمتها بما اتخذتة اللجنا العليا للانتخابات بالاستفتاء فى الخارج هل هناك تخوف
د. مريم ميلاد : مفيش طعن خالص كان منتظم جدا وزارة الخارجية واللجنة العليا للانتخابات تابعوا معها سبب المشاكل يمكن مدة التشغيل ماكنتش كافية وزارة الخارجية تعهدت اننا هنوسع هذه المدة قبل انتخابات الرئاسة المشكلة الثانية بيسافر من محافظة لمحافظة من ولاية لولاية لكن هما كانوا مصرين على هذا الموضوع مفيش اى نوع من انواع الاخطاء او التى تضر بالعملية الانتخابية او عملية التصويت معنديش اى سند ارفع به دعوى او بطلان يبقى هيجيلها منين وبعدين ايه هو السند بتاعى انا السند بتاعى علشان ارفع دعوة او اجيب بطلان لو انا عندى مادة دستورية بتضر لكن انابالعكس هما حاطينها تحت كنترول قوى جدا يعنى يمكن الناس تفتكر وهى فعلا هتبان ان هى حزينة قوى يعنى اللى هو انت معملتش التسجيل بتاعك عبر النت انت مش هتعرف تصوت ده ضايق كثير من المصريين هناك انت عايز النظام تمشى على النظام من اولة بلدك اهم حاجة بس عايزين قبل الرياسة فى كل بلد يكون فى صندوق انتخابى وهما ممكن المصريين المقيمين بيوفروا له الامن
محمد سليمان : المصريين اصحاب اللحظات الاخيرة العملية دى ممكن تاثر بالنسبه لنا هنا ؟
د. مريم ميلاد : طبعا اللى ما بيشتغلوش هيروحوا ساعة ا لطراوة يعننى ساعة العصارى ماشى هتلاقى الزحام اكثر بعد العصر بس دى مش هتاثر دى تزيد هتفدنى ان انا بعد ادى السماح للساعة 9 امدها ل 10-11 انا بريحك انا بطبطب عليك اكثر من كده هعمل ايه دى مش هتاثر بالعكس
محمد سليمان : طيب هذا العرس الديمقراطى فى العام الجديد تنظرى لها بتفاؤل عايز انقلها من عندك للجمهور فى خطوات يعملوا ايه يوم الثلاثاء والاربعاء
د. مريم ميلاد : تصحى الصبح تشرب كباية الشاى باللبن بتعتك شوية القهوة فى الخمسينة تنزل على الاستقتاء اللى معندهمش شغل اللى عندهم شغل نرجع لموضوع الشفتات اعتبروا اننا ندعوا بعض لحفلة حضرتك بتقول عرس فرح وهنا الافاضل بردوا كلنا عازمين بعض على الافطار كلنا يا مصريين عازمين بعض اننا نبقى مع بعض يوم 14و15 يناير تعالوا نفرح بمصر نقدم حبنا لمصر نتجمع تحت صوت واحد وورقة واحدة واتقوينا ودفعنا عن اولادنا واحفادنا بدل ما يدعو علينا اليوم ده هيتكتب فى التاريخ انزل وتعالى نتجمع ونعلم صح ونرجع تانى دى دعوة كل مصرى وكلمنى قولى انزلى انا واثقة فى المصريين وانشاء الله يشاركوا فى الاستفتاء على الدستور
محمد سليمان : نقطة اخيرة مع ضيفتنا د. مريم ميلاد حول مسالة الفهلوة وحتة الاصوات دى مسالة فيها هما مع جرعة الاطمئنان والمحبة اللى هى عايزين نشارك كعرس ونعزم بعض ناكد على ان المسالة لازم تمر بتكامل وان لهامسارات
د. مريم ميلاد : انا مش محتاجة غير صوتك انت انت وخلاص والعقوبة سجن من 3 سنين الى 15 سنة دخلت فى اشتغال شاقة علامة واحدة صوت مرة واحدة بس
محمد سليمان : بنشكر حضرتك فى 45 دقيقة ولكم الشكر مشاهدينا والى اللقاء