مساحة للرأى

اميمة ابراهيم: مشاهدينا الكرام السلام عليكم ورحمة الله وبركاته نرحب بحضراتكم معنا وهذه الحلقة الجديدة من مساحة للراي .. حول التقرير السنوي لمركز القاهرة لحقوق الانسان سيكون موضوع حلقتنا اليوم وضيف الحلقة هو الكاتب الصحفي احمد حسن الشرقاوي رؤية حضرتك لهذا التقرير والذي يرصد انتهاكات بعد الثورة ونخلص الى حقوق اهلنا على ارض سيناء هل بالفعل هم مغبونون وهل الغبن يؤدي الى اختطاف ابناء من مصر
الكاتب الصحفي.احمد حسن الشرقاوي: في موضوع سيناء هناك حقاقق واوهام .. اولا الجنود السبعة كانوا قادمين من رفح الى العريش في اجازة والجزء الغالب من الشرطة وبالتالي كانوا بملابس مدنية وتم استيقافهم والقبض عليهم واختطافهم عملية يمكن ان تحدث في اي مكان في العالم
اميمة ابراهيم: بس كانوا متتبعين
الكاتب الصحفي.احمد حسن الشرقاوي: فيه نوع من التوظيف السياسي لهذا الحدث بشكل مبالغ فيه اما عن دلالة الحدث فانا اتفق ان هنا قوة تعبث بأمن هذا الوطن وهناك ظلم وقع على السيناويين واهالي سيماء يقدسون اراضي هذا الوطن لكن المستويات المعيشية ومدى خدمتهم ودمجهم في عمليات التنمية بس انا بقول انوا مش انتوا اللي لوحدكم اللي ظلمتم في انه تعود عليكم عوائد التنمية طيب مال الصعيد برضه عانى ولا زال يعاني ومن جغرافية سينا وموقعها الاستراتيجي والعسكري تجعلنا يبقى عندنا امل في السيناويين انه كان فيه توزيع للظلم والدولة المصرية بمؤسساتها وبرغبة وارادة شعبية عند الغالبية العظمة من المواطنين تدفع بتحسين الخدمات التي تقدم لاهل سيناء واللي قام بهذا العمل الاختطاف هو مجرم وضع يده تحت طائلة القانون وتحت غضبة الشعب المصري
اميمة ابراهيم: بس دا هيقر مبدا ان كل واحد معترض او يبقى في دائرة الضوء يقوم بعملية اختطاف وكمان يبقى فيه تفاوض اني اتفاوض مع مختطف
الكاتب الصحفي.احمد حسن الشرقاوي: مبدا التفاوض في حد ذاته اه عشان تلافي او تجنب الاثار لكن ان التفاوض ياخد عدة ايام دا كتير وبعدين القوات المسلحة قامت بعملية نسر واللي قامت من خلالها بتطهير البؤر الاجرامية اللي موجودة في جبال سيناء الوعرة والفترة اللي فاتت الارهابيين او المجرمين لجاوا انهم يختبأوا في المناطق الماهولة بالسكان مش الكهوف والمناطق الوعرة وطبيعة سيناء فيها عواقل وعوائل وقبائل وبالتالي لو خدوا واحد من القبيلة بيستفزوا باقي القبيلة وخليني اعترف ان التعامل الامني في الفترة اللي فاتت كان خاطئا مع اهالي سيناء
اميمة ابراهيم: طب ليه في التوقيت دا كان فيه زيارات ووعود ما انا مش في يوم وليلة هغير سواء اقتصاديا او داخليا
الكاتب الصحفي.احمد حسن الشرقاوي: المشكلة انه عندما تنسحب الدولة من اداء دورها الشعب بيظهر اسوا مافيه البربرية والهمجية والتوحش والنفوس البشرية ترتدع بالسلطة وبالسيف احيانا اكتر من التقاليد والاعراف واحيانا الكتب السماوية ومالم تتدخل الدولة وتطبق القانون فماتلومش على المجتمع .. وهذه مهزلة بكل المقاييس وتسحب من شرعية النظام الحاكم
اميمة ابراهيم: طيب اذا انت قلت انه تداخلوا مع العائلات والعواقل اذن التعامل الامني هيضر ناس كتيرة جدا بريئة من هذا الحادث
الكاتب الصحفي.احمد حسن الشرقاوي: هو الحقيقة مصر خلال الفترة اللي فاتت بعد الثورة فيه مشاكل كتيرة جدا وثورة يناير كانت نموذج للثورة الشعبية الشاملة ولكننا الان نجد من يطالب لانقلاب عسكري الى ان حسمه الفريق السيسي وقال مش هنعمل انقلابات عسكرية ومش هنعمل الكلام دا..
اميمة ابراهيم:طب حول تصريحات السيسي انه احنا مش ههننزل اشارع احنا لينا مواقف سياسية واحنا بندافع عن ارض الوطن ومايحدث الان هل هو جرجرة للجيش واقسم بالله العظيم انه لم يتم قتل مواطن واحد او التعامل معهم بعنف هل دا لانه التصريحات واضحة انه لو تم استخدام دبابات في العريش انه يبقى عندي حرب اهلية بجد
الكاتب الصحفي.احمد حسن الشرقاوي: لا.. على فكرة الجيش مؤسسة منظمة جدا وعارفين عهما بيعملوا ايه والوحدات اللي دخلت في الساعات اللي فاتت قوات خاصة وقوات مكافحة الارهاب واللي بتعمل على ان تقلل الاثار الجانبية وتصريحات السيسي لها اهمية لانه بدا يتشكل تصريحات لسياسيين واللي بيحاولوا يستدرجوا الجيش الى مستنقعه السياسة مرة تانية والجيش لما خرج من السلطة وسلمها هنا كان اوراقه رابحة للغاية لانه بدا يعيد صفوفه مرة اخرى فجيشنا من اهم 4 جيوش في المنطقة وبعض السياسيين للاسف حاولوا انهم يوظفوا الجيش لانه فشلوا في السياسة ودخلوا الجيش في السياسة على الطرف التاني بعض المتشددين كانوا بيحاولوا يحرجوا الجيش لانه يتصوروا انه العقبة الكئود امام تطبيق الشريعة في مصر والفريق السيسي رجل حصيف دعا الى انه يشتغلوا سياسة بجد وعلينا ان نلتزم بالمسار الديموقراطي والتحول من المعارضة الى جمع توقيعات بانتخابات رئاسية مبكرة تحول الى شكل اكثر سلمية في المعارضة وبيقرب من المسار الديموقراطي..
اميمة ابراهيم:بس اللي امنوا بالثورة هما اللي بيعملوا التوقيعات واللي مسك المولوتوف مازال بايده المولوتوف اقصد انه الاتنين موجودين مين هيكون له الغلبة
الكاتب الصحفي.احمد حسن الشرقاوي: النظام اتعليمي لما يخلق ناس متعلمين بجد هو دا المواطن اللي متعلم كويس فطلع مواطن صالح ودا بيقول مقدرش احرق بلدي ولا المجلس العلمي ولا التليفزيون وانا متفاءل لمستقبل هذا الوطن رغم ضبابية المشهد واعتقد ان احنا هنوصل ان شاء الله وسنصل الى ديموقراطية السليمة اللي هتكون نموذج للعالم كله فكروا في مصر ومصلحة الوطن
اميمة ابراهيم:باذن الله مصر هيتغلبوا على مايحدث ونشوف مصر احلى مشاهدينا وصلنا الى ختام الحلقة شكرا لكم وفي رعاية الله وامنه وسلمتي يامصر وسلم شعبك دائما والسلام عليكم ورحمة الله وبركاته