45 دقيقة

رغدة منير: مشاهدينا الكرام اهلا بكم في 45 دقيقة هنشوف موجز لاهم اخبار النهاردة
فاصل
متظاهرو المنصة يدعمون الجيش
جمعة الفرصة الاخيرة بالتحرير تهاجم الجماعة الاسلامية وحماس والاخوان
الاحزاب تدعو لهدنة لاعادة البناء والاستقرار لتحقق مطالب الثورة
ترحيب بمبادرة هيكل لانشاء لجنة للحوار بين الرئاسة والمعارضة
" الوطن يمر بظروف دقيقة " .. مرسي قي قيادة الامن المركزي
رئيس الوزراء" احترام احكام الدستورية وتطوير برنامج الاصلاح الاقتصادي
على مسئولية مدير شرطة التموين " اتحدى استمرار ازمة السولار خلال موسم القمح"
السولار يشعل اسعار السلع والخدمات
260 من اصحاب المخابز البلدية رفضوا تسلم حصص الدقيق
رشوان نقيبا للصحفيين..كارم وثابت وعبد الرحيم وحنان والبلشي اعضاء
قرارات البنك المركزي الاخيرة تشيع التفاؤل في الاوساط المالية
ضمانات قوية لجذب الاستثمار الاجنبي
فاصل
رغدة منير: خلونا نشوف مشاكل الصيادين والركود اللي بيشغله سوق السمك مع هذا التقرير
تقرير" ارتفاع اسعار السولار والدولار يلقي بظلاله على سعر الاسماك"
على الرغم من تنوع مصادر الثروة السمكية في مصر الا ان اسعار السمك مرتفعة
مواطنة 1: كل حاجة غالية والسمك غالي ب14 جنيه وكيلة اللحمة ب70 جنيه
مواطنة 2: السمك ب22 جنيه وب20 جنيه مفيش بعشرة .. اللي زينا يعمل ايه
مواطنة 3: مفيش حاجة رخيصة كنا بنجيب بدل اللحمة والفراخ كنا بنجيب السمك دلوقت برضه غالي
مواطن4: الناس بتجيب السمك بديل اللحمة والناس تعبانة
مواطن5: في ظل الانفلات الامني بقى دلوقت اي حد بيخاف يبعت سمك من الاسكندرية من كفر الشيخ من الحامول لان العربات بتتثبت على الطريق والبضاعة بتتاخد
مواطنة 6: العلف بتاع المزارع السمكية غالي وانا مش عارفة ابيع السمك لانه غالي من اراضيه
فاصل
رغدة منير: عن اسراب الجراد معانا الدكتور صلاح معوض رئيس قطاع الخدمات الزراعية بوزارة الزراعة .. دكتور الفاو توقعت ان تستمر ازمة الجراد حتى مارس وحذرت من خطورته ووزارة الزراعة قالت ان دي حملة من اشرس اسراب الجراد هل جا حقيقي
د.صلاح معوض: اطمن السادة المشاهدين انه لو بصينا لحالة الجراد في الدول المجاورة لنا لو بصينا للسودان قلت التجمعات وبتجري اعمال المكافحة الجوية لها وفي السعودية فيه مجموعة حشرية مع وصول الجراد ودا اتحرك للخبر ودا معناه انه حركة نشاط الجراد قل وفي مصر بدات الخضرة بالجفاف مع ارتفاع درجة الحرارة والجراد من ذوات الدم البارد ومع تعرضه لاشعة الشمس بيزيد هجرته ووزارة الزراعة في تعمل على منع مجموعات وليس اسراب والان الحمد لله الامر مطمئن وتحت السيطرة والى الان لم يتم الابلاغ عن اي خسائر في المزروعات وانا كنت في زيارة ميدانية والكلام عن ان الجراد اتلف مزروعات واتلف نخيل كلام غير دقيق وغير صحيح..
رغدة منير: منظمة الفاو بتؤكد انه نخيل البلح في جنوب مصر تم اتلافه او بعض منه جراء الجراد
د.صلاح معوض: وزارة الزراعة تقاريرها ثابتة اما مايكتب في الصحف واحنا غير مسئولين عنه ومعظمه غير دقيق ومحتاج انه ياخد من مصدر من وزارة الزراعة اما عن تقرير منظمة الفاو بتجيلي لم يحدث ان قرات تقارير يتحدث عن وجود تلف ولكن الكلام عن هجرة الجراد وبفضل الله لا نمهل الجراد ونتعامل معه بكل حزم وقوة ونسبة الابادة بتصل الى 75%...
رغدة منير: شكرا جزيلا.. حول ارتفاع قرض الاسكان التعاوني الى 50 الف جنيه معانا تقرير نشوفعه ونرجع تاني
تقرير " تنشيط قطاع العقارات"
رفع قيمة القرض التعاوني الى 50 الف جنيه وهي محاولة للضاء على السكن العشوائي
مواطن1: شئ كويس بس لو التجرية تتطبق صح
مواطن2: انا ابني عايز ياخد قرض ولكن بفايدة كام وعلى كام سنة مفروض توضح للناس وتشجع الناس على انها تبني
مواطنة3: مش مقتنعة لانه احنا كشعب النمفروض الدولة توفر لنا قروض عشان ناخد شقق المفروض ان احنا كشعب مصري عندنا المفروض يبقى فيه شقق من غير قروض
مواطن4: 50 الف ولا يعملوا اي حاجة لشاب ولا يجوزوه
مواطن5: ممكن يشتركوا مع بعض ويروحوا المناطق الجديدة
مواطن6: عايزين نبني جسر من الثقة لين الشباب والحكومة
مواطن7: والمفروض اللي ياخد القرض يتفانى في تنفيذه عشان يفيد شخص اخر
مواطن8: يستثمر في العقار ويكون جدي وهو هيشتغل
فاصل
رغدة منير: معانا على التليفون مهندسة مي عبد الحميد رئيس صندوق التمويل العقاري.. قطاع الاسكان التعاوني بيوفر قروض انتوا بصفتكم في التمويل العقاري الى اي مدى نجحتم في ان تساعدوا الشاب غير القادرين في الحصول على وحدة سكنية
م .مي عبد الحميد: احنا كصندوق دعم وتمويل النشاط العقاري دورنا ان احنا نقدم دعم لمحدودي الدخل وهو لايردمن الدولة وبتاعد في القسط الشهري والمقدم لاسرة دخلها تحت 2500 جنيه او شاب اعزب ممكن يتمتع بدعم من الصندوق هيجيب شقة او يختار شقة من اللي احنا بنوفرها ولما بتنطبق الشروط انه مايكونش خد دعم من الدولة قبل كده هنجيبله تمويل من احد جهات التمويل العقاري وهياخد دعم لايرد من الصندوق بيوصل الى 25 الف جنيه
رغدة منير: طب هل الشروط دي بتنطبق على الشريحة العظمى من محدودي الدخل يعني من ضمن الشروط انه موظف والمبلغ ممكن يكون لا ينطبق على كثيرين
م.مي عبد الحميد: احنا بنقول ان الدخل في حده الاقصى 1750 عشان يقدر ياخد الدعم ومش لازم يكون موظف بس يثبت دخله عشان ينفع يسدد
رغدة منير: بالنسبة للفايدة اللي بيفرضها بنك الاسكتان والتعمير فايدة عالية جدا
م.مي عبد الحميد:دي بترجع للحالة الاقتصادية للدولة واليات الدعم يعني اتمويل دا المفروض متوجه لكل الشرايح ولكن هو متوجه لمحدودي الدخل ودا دور الدولة
رغدة منير: شكرا جزيلا لك .. حول مشروع الصكوك الاسلامية والتي يحاول مجلس الشورى تمريره رغم مايثار عليه من جدل معانا الدكتور وليد حجازي الامين العام للجمعية المصرية للتمويل الاسلامي دكتور وليد .. عايزة ابدا من اخر ما انتهت اليه مجلس الشورى والمفروض انه سيناقش مشروع الصكوك وكان منتظر راي مشيخة الازهر راي حضرتك ايه في موضوع الصكوك
د.وليد حجازي:مشكلة مصر اكبر من الصكوك بكتير وانا شايف ان الحالة في المجتمع المصري من تدهور امني وشد وجذب سياسي غير ملائمة وكنا نتوقع ان الشعب ينضم الى القيادة لننمو ولن ياتي استثمار لمصر في ظل الظروف التي نقبع فيها حاليا سواء اصدرما الصكوك او لم نصدرها وقانون الصكوك المسودة افضل من المسودة التي اعترض عليها الازهر لانها تجنبت هذه الملاحظات
رغدة منير: البعض بيرى انه عدم قدرة الحكومة على التحكم في السوق في اسعار السلع ممكن تؤدي الى مخاطر في التعثر وعدم امكانية السداد
د.وليد حجازي:عندك حق احنا بنشرع للمستقبل لماذا تغلقي الباب امام اداة ماليه مثال الصكوك ولكن كنا نتمنى ان يصاحب ذلك رؤية اقتصادية كلية تسمح للمستثمرين الذهاب الى مصر عن طريفق التمويل بالصكوك او المشاركة بين القطاع العام والخاص واتوقع انه الاستثمرات لن تاتي فور اصدار الصكوك
رغدة منير: بالنسبة لدخول عمليات غسيل اموال انه ممكن شركات متعددة الجنسية وتقدر من خلالها ان تتوغل في الاستثمار المصري هل القوانين الموجودة تمنع ذلك
د.وليد حجازي: فيه نوع من التطرف عند منتقدي ومعارضي القانون يعني اي مشكلة بيحطوها على قانون الصكوك ودي كلها مشاكل موجودة ومخاطر في انواع من التمويل وتتصدى لها قوانين اخرى
رغدة منير: في البرلمان الاوربي كان فيه انتقاد للوضع الاثتصادي ووضع المراة والت تشكل اوراق ضغط من الجهات المانحة وكان فيه مطالبات للاتحاد الاوربي انه يوقف مساعدته لمصر الى اي مدى ممكن نعتبر ان دا تدخل في شئون مصر الداخلية
د.وليد حجازي: هذه التصريحات ومن الكونجرس الامريكي تدخل سافر في شئوننا الداخلية ودولة بحجم مصر خاصة بعد الثورة لا يجب ان تكون محل لهذا النوع من التدخلات ونحن يجب ان نعتمد على انفسنا وحجم المنح وما استفادت منه مصر من بعد اتفاقية كامب ديفيد هتجدي انها لم يكن لها دور كبير في الاقتصاد المصري نظرا للشروط التي تصحب هذه المساعدات علينا ان نرتب البيت من الداخل
رغدة منير: انا بشكر شكرا جزيلا ومشاهدينا الكرام انا بشكركم على متابعتكم الكريمة وان شاء الله بكرةيوم جديد من 45 دقيقة الى اللقاء