اتجاهات

السبت*26/11/2011
حنان منصور: السلام عليكم ورحمة الله .. المثل بيقول احنا ولاد النهارده .. في مصر دلوقت الحقيقة مشهد مستعصي ع8لى الفهمجدا يعني في الوقت اللي بتشهد فيه البلاد انفلات امني واسع الدم المصري بعد ما كان غالي جدا يوم 25 يناير اصبح الان الدم المصري رخيصويمكن ارخص من المية ونقطةالمية زي ما بنقول برضه غالية جدا بنشوف قرى بتحاصر ومؤسسات بتحاصر ازمات بتتصاعد حدتها كل ما بنقرب من الانتخابات وسط هذا الغياب والمخاوف والخلاف وفي خضم هذه الاحداث وما يشعر بيه المواطن العادي من كم من الخوف تفرغت القوى السياسية لقضايا اخرى نحن بالطبع لا نقلل من اهميتها ولكن قدر يتراجع ترتيب اولوياتها كتير قويبالنسبة للمواطن وما يحتاجه من خلال هذه الساعات وقبل ايام من الانتخابات .. قبل ايام من الانتخابات جت الدعوة لمليونية بعد بكرة الجمعة لتتفاوت بشأنها القوى السياسية ما بين ربط الغاء المليونية بالوصول الى توافق حول وثيقة المبادئ وما بين رفض كامل للتظاهر او اصرار على التظاهر في كل الاحوال .. الحكومة فعلت خيرا عندما استبقت الاحداث قامت الحكومة باجراء حوار اسفر عن الاستجابة للتعديلات اللي طرحتها هذه القوى المعارضة للوثيقة .. الشئ المؤكد ان مصر النهارده مش في حاجة الى مليونيات في مثل هذه الاوقات .. المليونيات المطلوبة هي مليونيات المشاركة في الانتخابات ، مليونيات المشاركة مليونيات العمل مليونيات الانتاج مليونيات بتحرك الوطن للامام بتحسن من احوال الشعب ، الشعب لم يشعر حتى الان بثورته يوم 25 نريد نقل الصراع والتنافس من منصات الكميادين الى التنافس على صوت الناخب ، الديموقراطية مش بتبنيها ابدا المظاهرات ولا المليونيات انما اللي بيبني الديموقراطية صندوق الانتخابات الشئ الوحيد اللي ممكن ان يرفع الان وفي كل مكان هو الا يعلو صوت على صوت المشاركة في الانتخابات ان تنضم الينتا كل القوى السياسية وابناء المجتمع ويتفقوا ويتوافقوا وندي مساحة من الوقت فالوقت الان ليس لتبادل وقت الاتهامات في الحصول على مكتسبات ولا التهرب من المسئوليات ولكنه وقت الوطن حتى ننجح في سنة اولى ديموقراطية نواصل بعد الفاصل
فاصل
مواطن1: فيه برامج انتخابية واضحة للاحزاب هتلبي رغبات الشعب خاصةاللي محتاجين لرغيف العيش والمحتاجين للزيت والنزين والسولار الاحتياجات الاساسية في المجتمع
مواطن2: مصر في النازل مش في الطالع لمصلحة مين مصر ما تطلعش
مواطن3: البلد دي مش هنعدي بيها لبر الامان الا لما نغير من سلوكياتنااحنا ولازم نصلح من نفسنا مش نقول المجلس العغسكري ونيجي نقول الدولة توفر لنا لازم انا كمواطن احسن سلوكي ما ارميش في الارض مااركنش صف تالت ورابع زي ما الناس راكنة لازم انا اعدل سلوكي وبعد كده كل حاجة هتكون كويسة
مواطن4: لازم التغيير في انفسنا احنا الاول كل المصالح هتتحط برضه فيالانتخابات دي كلها مفيش حزب حتى السلفيين حتى الاخوان حتى الوفد كله دا بيبص لمصلحته
مواطن5: والله نفسي الامور تستقر عن كده شوية لانه بعد الثورة بدانا نشم نفس الحرية ولكن في ظل المطالبات الفئوية والازمات وكل فئة وكل مجموعة عايزة مطالبات خاصة بها وكل مجموعة عايزة دلوقت يابلاش يا اما مش شغالين دا بيعطل المركب ما بيقدمش خطوة لقدام
مواطن6: انا واحد من الناس معايا 4 عيال عايز الدنيات تمشي كويسة توفرلنا الشغل توفر لنا كل حاجة ، كل واحد يبقى ليه هدف ينجح وخلاص وما يسألش في التاني لا احنا مش عاوزين الكلام دا
مواطن7: نتمنى السلام لمصر والخير لمصر
مواطن8: اتمنى الخير لمصر ونكون احنا امة تقود العالم باذن الله ومصرتبقى الافضل باذن الله
فاصل
حنان منصور: بعد ان استمعنا الى هذا التقرير بنرحب بضيفينا في هذا الاستوديو اللواء حمدي عبدالله بخيت الخبير الاستراتيجي والعسكري اخهلا وسهلا سيادة اللواء ايضا بالاستاذ الكبير الاستاذ صلاح عيسى رئيس تحرير صحيفة القاهرة .. الحقيقة هو من وجهة نظر الاستارتيجية والصحفية استاذ صلاح كيف تقرا المشهد الان في الشارع المصري
الكاتب الصحفي/صلاح عيسى: هو كل الاشكال اللي بنشوفها هذه الايان بتعكس شكل من اشكال التأزم