اتجاهات

السبت *26/11/2011
عمرو الشناوي: لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك .. كلمات عذبة تصف حال هذاالقادم الى بيت الله الحرام هذا المقبل على طاعته ترك ماله واهله ترك هذه الدنيا ومتاعها وهاجر اشعث اغبر ملبيا نداء الله ومصدقانبيه الكريم الخليل ابراهيم عليه السلام الذي امره الله ان يؤذن في الناس بالحج فأذن بصوته الضعيف الذي لا يسمع من حوله فاذا بهذهالدعوة تلمس شغاف القلوب وتستقر في الافئدة فلا يبقى مسلم الا وتهفو نفسه لاداء هذه الفريضة على الرغم من مشقتها ويتمنى من اداهالو كررها مادام حيا ، ماكان الله ليفرض على عباده ما يهلكهم وانما شرعه كله رحمة وحكمة وعدل ومصلحة ....
لما كانت ى هناك احداث وحوادث تقع في موسم الحج فقد وجد ان كثير منها يرجع لسبب التزاحم والازدحام نظرا لعدم المام البعض بفقه اداء المناسك وما رخص منه فالحجح مبني على التيسير وليس التعسير نسأل الله ان يجعله حجا مبرورا وسعيا مشكورا وذنبا مغفورا وان يعود جميع الحجاج الى اوطانهم فرحين سالمين غانمين ..
حرصا مننا على توضيح العديد من القضايا والمسائل الفقهية المتعلقة بالحج سيكون ضيفنا في حلقة الليلة من اتجاهات فضيلة مفتي الديار المصرية العالم الجليل الدكتور علي جمعة نلتقي بعد الفاصل
فاصل
عمرو الشناوي: اهلا بيك يادكتور
الدكتور/علي جمعة: اهلا بكم وكل عام وانتم والحجاج الى بيت الله العتيق بكل خير ويذهبون ويرجعون بكل سلامة وقد غفر الله لهم
عمرو الشناوي: فضيلة الشيخ البعض يتساءل لما بقول نويت الحج أي نوع من انواع الحج الثلاثة اختار
الدكتور/علي جمعة: بسم الله الرحمن الرحيم والصلاة والسلام على سيدنا رسول الله وآله وصحبه ومن والاه الذي جرى عليه العملاننا قد اخترنا حج التمتع ، حج القرآن وهو النوع الثاني يلزم اذا ما سقنا الهدي ولم يعد في الامكان سوق الهدي بالطريقة القديمة ، بالطريقة القديمة كنا نسير على ارجلنما ومعنا الهدي والهدي هذا قد يكون ابل قد يكون جمال قد يكون بقر قد يكون غنم وهي تسير معنا في الرحلة الان اصبح بعد دخول الطيارات بعد دخول السيارات بعد دخول السفن هذا الامر متعذر ولذلك القران لم يعد يفعله الا القليل جدا يعني قد يكون واحد او اتنين في المليون هما اللي يسوقون الهدي، راينا هذا من بعض البلاد انهم يسوقون الهدي الى يومنا هذا الى البيت العتيق لكن هذا ليس ماعليه جماهير المسلمين من الحجيج ، النوع الثاني هو الافراد انني البي بالحج ثم بعدما انتهي من الحج افعل عمرة وايضا حتى هذا النوع لم يعد متيسرا تماما لامر اخر وهو امر جداول النقل لابد ان اضبط متى ادخل مكة ومتى اخرج من مكة حتىيتاح لي اولا الحج ثم بعد الحج يتاح لي فعل العمرة ولذلك نجد جماهير المسلمين بناحية عملية اختارت قضية التمتع او نوع التمتع..ز
الائمة المجتهدون عبر العصور الشافعي يرجح الافراد غيره يرجح التمتع بعض الناس من اهل الحديث يرجحون التمتع بالرغم من ان النبي صلى الله عليه وسلم كان قارنا لكنه قال لو لم اسق الهدي لتمتعت وامر اصحابه بادخال الحج في العمرة والتمتع وهذا دليل من بيفضل التمتع اذن التمتع هو ارجح عند جمهور العلمماء من ناحية الدليل وهو ارفق بالحاج من ناحية الواقع وخاصة في عصرنا الحاضر
عمرو الشناوي: كيف يكون التمتع
الدكتور/علي جمعة: لعل قد يكون من الاحسن ان نصف الرحلة من بدايتها نصف الرحلة لمن منّ الله عليه سبحانه وتعالى قصد البيت العتيق يذهب فيغتسل كالاغتسال بتاع يوم الجمعة بعد ما يغتسل يتطي يحط الطيب لانه الطيب دا هيبقى حرام بعد كده اول ما نبدا الاحرام ايضا يلبس لااحرام ، لبس الاحرام شئ والدخول في الاحرام شئ تاني خالص الفرق ان لبس الاحرام دا عبارة عن التهيؤ يعني الاستعداد يعني لما نيجي مثلا الضهر أذن رحت اتوضيت اتوضى لكن لسه ماصليتش ، هصلي كمان ساعة على بال الجماعة ما تيجي اهه الوضوء اللي انا عملته عملته تهيؤا يعني استعداد للصلاة عشان اكون مستعد للصثلاة لكن انا لسه ماصليتش ولذلك وانا متوضي اكل واشرب والبس واتكلم واروح واجي ليه لان الوضوء اللي انا عملته استعداد للصلاة مش دخول في الصلاة لكن لو قلت الله اكبر يبقى دخلت في الصلاة "وقوموا لله قانتين " يبقى مفيش كلام في الصلاة ان هذه الصلاة لا يصلح فيها من كلام الناس شئ انما هي تكبير وتحميد وتهليل ذكر لله ودعاء واركان معروفة كذلك الاحرام انا لبست الاحرام استحميت عشان الاحرام تهيؤلسه استعداد ، حطيت العطر ما انا لسه مادخلتش الاحرام زي ما انا لسه مادخلتش الصلاة وبعدين لبست الاحرام نفسه عشان ما اقلعش في الطيارة ما اقلعش في المطار حاجات زي كده ، الله يعني يجوز بعد ما لبست الاحرام دا ان انا البس بالطو اه يجوز ما انت لسه مش محرم ويجوز البس عالاحرام دا جلابية ويجوز البس دلوقت طاقية وبعدين ابقى ارميها في الطيارة يجوز .. كل دا يجوز علشان انا لسه بستعد انا بتهيأ انا بحضر نفسي ومن ضمنن هذا التحضير ان انا اصلي لي ركعتين اسمهم ركعتين الاحرام وبالرغم من كده مادخلتش الاحرام ايوة الاحرام لسه هناك هنعمله في الطيارة انت النهاردة في البيت ارفق ليك واحسن ليك انك انت تغتسل تتوضى مفيش مانع تلبس ثيابك مفيش مانع وقعدت تاكل وتشرب وتصلي مفيش مانع نقضت وضوءك اتوضى تاني مفيش مانع عايز تغتسل تاني والدنيا حر ادخل اغتسل تاني عايز تلبس البالطو لانه الدنيا برد البس بالطو مفيش حاجة لانه كل دا في مرحلة الاعداد .. بعد كده هنزل اركب العربية وانا راكب العربية واحد بيديني صابونة او بيضرب في وشي عطر مفيش مانع ما انا لسه مادخلتش لقيت في ضفر زيادة رحت قصه مفيش مانع بعد كده يبقى حرام وركبت العربية ورحت المطار كل دا احنا لسه في التهيؤ .. ركبت الطيارة بقى جابولي اكل في الطيارة كلت وبعدين سمعت الطيار بيقولي احنا هندخل الميقات كمان عشر دقايق ادخل في تهيئة حقيقية لو كنت لابس شراب اقوم اخلعه لانه ما ينفعش الشراب لو كان عندي شبشب موجود في كيس ولا حاجة احط لا مؤاخذة الحذاء في الكيس والبس الشبشب لو كان فيه طاقية على راسي اشيلها لو كنت لابس جلابية اخلعها ، بالطو اخلعه وبعدين انا هدخل الاحرام اقوم اقول لبيك اللهم بعمرة متمتعا بها الحج على فكرة انا مسافر جدة مش المدينة لسه المدينة حدوتة تانتية انا لسه مسافر جدة علشان اروح البيت الحرام لبيك اللهم بعمنرة متمتعا بها الى الحج .. مهمة العبارة اللي هقولها دلوقت وتاجعل محلي يعني خليني افك الاحرام حيث حبستني يارب انا داخل دلوقت دايرة مش هعرف افلفص فيها مش هعرف اخرج منها اللي هي دايرة الاحرام ودايرة الميقات لان احنا في المكيقات الزماني لان احنا في القعدة اهه .. يارب انا هدخل احبس روحي كده طي يارب افرض انك انت ماوصلتنيش للبيت الحرام اعمل انا ايه افضل كده محرم..!! لا قدر الله حدثت حادثة لاقدر الله ماوصلتش اعمل ايه ..؟ فاجعل محلي خليني افك الاحرام ساعتها عهد بيني وبينك كده لبيك اللهم بعمرة متمتعا بها الى الحج واجعل محلي حيث حبستني حاجة خفيفة في امانة الله لما اقول الكلام دا يبقى عهد يني وبين الله بيخفف عليا بيخلي ان ىانا لو منعت لاي سبب كان عشان اوسع على نفسي اقوم اقول الاربع كلمات دول اجعل محلي يعني مكاني اللي هتحلل فيه حيث يعني المكان اللي حبستني فيها فاذا حبستنمي عن اليت الحرام اجعل محلي حيث حبستني فلما هقول كده في الطيارة لبيك اللهم بعمرة متمتعا بها الى الحج واجعل محلي حيث حبستني لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك واقعد البي بقى.. لبيت تعبت من التلبية اقوم اصلي على النبي اللهم صلي وسلم على محمد وآله وصحبه وبعدين نمت شوية كده وصحيت اقوم البي وهنفضل نلبي وبعدين سكت نزلت من الطيارة اقوم البي ركبت الاتوبيس عشان اروح للجوازات اقوم البي نزلت من الاتوبيس اقوم البي يعني كل انتقال وحركة اقوم البي 3 مرات ، 6 مرات 7 مرات على حسب الطاقة بقى
عمرو الشناوي: الحفاظ على هذا التواصل دائما
الدكتور/علي جمعة: اه لبي كتير لانه دا وقته وكل دي سنن افرض واحد قاعد سرحان كده ومالباش حجه صحيح قاعد يقرا جرنان او حاجةماعليهش حاجة خلاص هو كده لكن دا اللي يجاوب على سؤال في الامتحان عشانينجحه وما يجاوبش على السؤال التاني والتالت هو عرافهم ويقدر لكن بقولك كفاية كده ليه كده طب ماتاخد 100 في المية مادام انت عارف فاذن الانسان لا يزهد في الخير ، الخير يطلبه كتير والوقت دا هو وقت التلبية بعد كده نرلنا الجوازات اتاخرت نلبي لبيك اللهم لبيك الجوازات جت نلبي ونخرج بره المطار مستنيين الاتوبيس نلبي لغاية الاتوبيس ماجه نلبي واحنا في الطريق الى مكة نلبي نزلنا عند الحرم نلبي وبعدين قلت لهم ياجماعة انا مجهد جدا انا عايز اروح الفندق استريح ..يجوز.. طب اخد حمام ..؟ اخد حمام طب اتوضى ..؟ اتوضى مفيش مانع طب اغير الاحرام لانه اتبهدل مني..؟ اغير الاحرام مايجراش حاجة انما ما احطش عطر تاني ولا اخد حاجة من راسي ولا اخد حاجة من الضوافر ولا الحاجات دي .. دي ممنوعات خلاص خلاص انا محلام دلوقت ما ينفعش وبعدين نزلت هدخل الكعبة لقيتهم بيصلوا اصلي مع المسلمين واخلص الصلاة اللي عليا اناغ كل دا محرم ممتنع عن محرمات الاحرام
عمرو الشناوي: بعد ما يدخل المسجد الحرام اذا لم تكن هناك اقامة صلاة اروح بداية الطواف وامسك بداية البيت من عند الحجرالاسعد اللي هو يقولك الحجر الاسود والحجر له علامة على الارض بس دلوقت بقت لون تاني ابهت شوية هي دي البداية ابدا قبليها ب10 سنتي والدنيا امم ومش قادر اوصل للحجر اقومك اشاور له كده بسم الله الله اكبر وابدا اطوف واخلي البيت على يساري طب افرض طفت ضد المسلمين وخليت البيت على يميني ..؟ تبقى باطلة ما تانفعش طبعا عمرنا ماشفنا حد يعمل كده لانه امواج البشر هتاخدك وتمشي طفت حواليتن البيت لقيت رخام كده قلت دا ايه قالولي دا حجر اسماعيل اوعى تدخل واقول دا كده مختصر وادخل واطلع من الناحية التانية لانه حجر اسماعيل جزء من البيت في البناء القديم فلازم اطوف يبقى لازم اطوف براه لازم لازم لازم لازم
عمرو الشناوي: البعض يلتزم بادعية معينة يقولها في كل شوط
الدكتور/علي جمعة: مفيش مانع دا بيقولنا ان التوالي هيئة وليس قرضا لو عملناه فيه ثواب
عمرو الشناوي: لكن لو حسيت بالخوف على نفسي صحيا
الدكتور/علي جمعة: لا جناح ابدا ان احنا نعمل كده عايوزين نفهم الحج بعمق لانه لو فهمناه بعمق هيبقى ميسر نسبيا فحضرتك كدهانا انتهيت من المروة اقوم اخد حاجة كده 3 شعرات بالمقص او احلق طيب ممكن احلق لنفسي ..؟ او اقص لنفسي ..؟ اه يجحوز تقص لنفسك او حدمن الحجاج ..؟ يجوز او اروح للحلاق..؟ يجوز التقصير يجوز ..؟ نعم طب والحلق..؟ افضل .. رحم الله المحلقين قالها تلاتة قالوله والمقصرينقال والمقصرين .. طب والست لو حلقت دا والعياذ بالله دا حرام لكن لو حلقت تبقى اتحللت من العمرة لكن حرام لانه الست منهي عليها انهاتحلق شعرها
عمرو الشناوي: الحج عرفة
الدكتور/علي جمعة: من اركان الحج عرفةيعين عملها صلى الله عليه وسلم ولكن مع فعله هذا لم يلزمنا بها..تحركت من منى على الساعة 9 صباحا ووصلت هناك علشان اصلي الضهر والعصر جمعا وتقديما ساعات اروح مسجد" عرنة" اللي بيسموه مسجحد "نمرة "في وادي عرنة لانه الوادي اسمه عرنة لانه جزء بسيط في وادي عرنة والباقي خارج منه في عرفة يعني اللي يقعد في المسجد دا ما يبقاش وقف في عرفة ..اوعى تقعد في المسجد ..
عمرو الشناوي: لو حد كسّل وحس خلاص ان هو كده وصل عرفة
الدكتور/علي جمعة: اوعى تقعد في عرفة تصلي فيه وتاكمل على عرفة فانا رحت وصليت مع الامام الضهر والعصر طب ماصليتش مع الامامرحت المعسكر على طول الن انا رحت المعسكر على طول ما يجراش حاجة طب ما شفتش جبل الرحمة اللي وقف عليه سيدنا طب وماله ماهو قال وقفتهنا وكل عرفة موقف ذبحت هنا وكل منى مذبح وكل فجاج مكة مذبح يعني اذبحوا في أي حتة انا وقفت هنا بس جبل الرحمة ما يستحملش 3 مليون ولا يستحمل 30 الف اذن ربنا وسع علينا فلا نضيق على انفسنا الدين يسر لا عسر والدين جميل وحلو فخليها رحلة للعبادة رحلة للاخلاص رحلة للحب رحلة للرحمة خلي قلبك معلق بالله وشفاف وحلو
عمرو الشناوي: عندنا تساؤلات كتير فهنقفز بشكل اسرع شوية ومحتاجين نعرف حكم المبيت في مزدلفة
الدكتور/علي جمعة: حضرتك انا صبحة نهار عرفات اديني اسبح وبذكر الذكر الدعاء القران طب افرض نمت ..؟ ما يجراش حاجة بس المهمما يغماش عليا اكون اهل للتكليف طب افرض ما ادركتش عرفات وادركتها قبل فجر يوم عشرة ..؟ يبقى الحج صحيح مش ضروري اجمع بين الليل والنهارابدا رحت انا بقى صلينا الضهر والعصر في عرفة اذن المغرب الناس ابتدت تمشي متوجهة الى مزدلفة .. الامام الشافعي فسر المبيت في مزدلفةبالمرور يعني انا ماشي فيها في امانة الله وطلعت منها يعني دخلتها وخرجت منها يعتبر مبيت طب افرض ان انا دخلتها ونزلت وصليت المغربوالعشا وركبت تاني ومشيت..؟ دا مبيت ونص طيب سيدنا عمل ايه في الحتة دي قال ان هو قعد في المسجد صلى المغرب والعشا وبعدين صلى الفجر ولما اسفرت جدة يعين مثلا الفجر اذن الساعة 5 يبقى هو مشي الساعة 6 تركها الى منى انا ماعملتش كده او الفوج بتاعي ماعملش كده ما يجراش حاجة تملي انا مع الجماعة لله .. الالتزام بالفوج بتاعي لله مصلحتي ولمصلحتهم وأثوب عند الله سبحانه وتعالى احنا جايين من عرفة كده ورحنا لفين على مزدلفة بطريق ودا تخيل مش موجود لفينا كده ومشينا يبقى عليك دم ودا تخيل مش موجود ليه..؟ لانهم لما عملوا الطرق ماقالوش الحالة دي فلازم تمر.. فاحنا واحنا بنمر بمزدلفة مقداره قد ايه .. ولا حاجة مالك بيقول قد ما تضع الرحل وتيجي مرة تانية تصلي وتاخد بعضك وتمشي .. الشافعي بيقول اقل من كده كمان بيقول انك تمر بها .. هيقرا في الكتب ان اللي يترك المبيت بمزدلفة عليه دم صحيح بس مش الحالة دي دا الدم هيجي لو انما مادخلتش مزدلفة اطلاقا .. ترك مزدلفة ولا المرور بيها دي نقطة دقيقة جدا لانه كلمة مبيت بتعمل للناس تفسير غلط لكن الشافعي مفسرها كده والشافعية كده ..
عمرو الشناوي: فيه حتة بتاعة جمع الجمرات
الدكتور/علي جمعة: لا .. الجمرات من أي حتة لكن سيدنا جمعها من مزدلفة لكن ممكن اجمعها من عرفة مايجحراش حاجة ممكن اجمعهافي الطريق ما يجراش حاجة فاذن جمع الجمرات دي مسالة محلولة 49 لمن سوف يتعجل في اليومين ودا اغلب الناس نضيف ليهم 21 تاني يبقوا 70لمن سيمكث 3 ايام فمن تعجل في يومين فال اثم عليه ومن تاخر فلا اثم عليه لمن اتقى .. رحت وصلت منى وصلت متصف الليل قال منتصف الليسلليها حسبة بسيطة خالص شوف المغرب بيذان كام قال الساعة 5 طب والفجر بيأذن كام ..؟ قال الساعة 4 قلت والفرق بينهم 11 ساعة على اتنينيبقى 5.5 زائد خمسة بتاعة المغرب يبقى 10.5 دا منتصف الليل .. ساعات يطلع الليل 12 ساعة ساعات يطلع الليل 13 ساعة فلو 13 ساعة نقسم على اتنينونضيف على المغرب يطلع منتصف الليل فيطلعلي الساعة 11.5 دا منتصف الليل وانا في منى ارمي العقبة الكبرى اللي هي الجمرة الكبرى الليهي ال7 حصوات وما انقيش الطوبة الكبيرة هو زي الفولة وارميها بسم الله الله اكبر 7 مكرات كده انتهيت من الرمي .. اروح احلق يقولي احلقايه دا انا لسه حالق في العمرة قال يمرر الموس على راسه او ان الشعر يبقى طلع لو كنت عملت عمرة من 10 او 15 يوم .. طب والست..؟ تقصر زيماعملنا في العمرة .. والاصلع يمرر الموس كده قال طب افرض ان الاصلع دا مامررش الموس ..؟ قال ماهو مفيش في حقه الحلق ..
يبقى اول حاجة هرمي تاني حاجة هحلق تالت حاجة هدبح انا لما نزلت رحت شريت كوبون الهدي فلما اشتريته معايا الكوبون يبقى اعتبرت ان انا دبحت رابع حاجة الطواف رحت طالع على البيت الحرام احنا الساعتة دلوقت 12.5 او واحدة رحت البيت الحرام لفيت
عمرو الشناوي: وساعات بيتاخر الحجاج
الدكتور/علي جمعة: ماشي بس من البداية دي انا يجوز ليا فواحد يقول انا هبات في منى ارتاح او اروح الفندق انا لبست خلاص الجلابيةوتحللت التحلل الاضغر احنا عندنا 3 حاجات ولو كنت قارن كان 4 حاجات الرمي والحلق والدبح والطواف " انا متمتع يبقى الدبح دا الغيه انا عملته بالكوبون والغيه اصلا مالوش دعوة بالحدوتة دي .. انا معايا دلوقت 3 حاجات الرمي والحلق والطواف لو عملت 2 يبقى اتحللت التحلل الاصغر .. ايه التحلل الاصغر..؟ البس هدومي اقص ضوافري احط عطر فاذا عملت التالت يبقىة التحلل الاكبر اللي هي العلاقة الجنسية بين الرجل والمراة تحل وكده رجعت تاني ..
خرجت من الاحرام بالتحلل الاصغر باتنين .. أي اتنين..؟ يعني ينفع اطوفقبل ما ارمي ينفع ارمي وبعدين اطوف وبعدين احلق ..؟ اه ينفع لما سال عن 20 حاجة قال افعل ولا حرج افعل ولا حرج .. اتنين من التلاتة يبقى تحلل والتالت يضاف اليه هو التحلل الاكبر في امانة الله كده يبقى احنا خلصنا الحج وروحت الفندق انا متحلل التحلل الاكبر لاني رميت وحلقت وطفت ، خدت حمام ولبست جلابيتي تاني وتطيبت وكله أحنا بكرة يومك العيد اروح اصلي العيد ولا لا .. ممكن وممكن طيب اعمل اضحية قال ممكن دا غير الهدي بقى ونوزها على فقراء الحرم طب الحرم مافيهش فقراء يبقى نديها بصك كده لفقراء المسلمين لانه بياخدوا الحاجات دي بعد كده ينظموها ويحطوها في علب ومنظمة المؤتمر الاسلامي تتولى ذلك بقرار من الدول ال56 الاسلامية بمعاونة الشعوب الاكثر احتياجا يبقى انا الحمد لله قمت بالحج والعمرة
عمرو الشناوي: فيه استفسارات تاشيرة الحج
الدكتور/علي جمعة: لابد من التاشيرة لانه اللي بيروح دا بيضيق على اخوانه المسلمين خاصة لو وصل الامر الى الافتراش لانهالافتراش دا جريمة لانها بتعطل الاسعاف وبتعطل المطافي تخيل لو حدث حادثة والمطكافي معرفتش توصل الحادثة في رقبتك انت ياللي مش واخد ترخيص هياتيك يوم القيامة وانت رايح تحج يقولك انت قتلت وانت لا شفت قتل ولا شفت حاجة بس انت كنت سببا في القتل لانه نبهناك مرة واتنين وتلاتة واربعة وسماحة المفتي في السعودية افتى بحرمة هذا والمجامع الفقهية افتت بحرمة هذا فيجب علينا ان نلتزم
عمرو الشناوي: في نفس السياق اللي بيتخلفوا عن عمرة رمضان
الدكتور/علي جمعة: انكى وامر .. تتصور حضرتك في سنة 2005 واحنا طلعنا فتوى في هذا لما ذهبت الى السعودية الى الرياض وقابلت سفيرناالسفير محمد قاسم وجدت حاجة غريبة جدا احنا كوتتنا في الحج النصيب بتاعنا 83 الف واحد في الاف من عدد السكان .. ايه رايك ان المتخلفين من عمرة رمضان حينئذ كان 150 الف طيب ودا يرضي ربنا 150 الف يعني ضعف المتاح لينا غير طبعا اللي راحوا في الحج بالتراخيص .. الكلام دا مايرضيش ربنا ياجماعة ومش معمول حسابهم في المبيت لا في السلطات المصرية ولا السلطات السعودية هذا لا يرضي الله قولا واحدا ويعرض الحجيج الى مخاطر تتعلق بالحياة دا سيدنا محمد نظر الى الكعبة وقال "ما أشد حرمتك على الله ولدم امرئ مسلم اشد عند الله حرمة منك" ..
عمرو الشناوي: فضيلة الشيخ فيه تساؤل عشان موضوع الجدال في الحج بيثير شبهات عند الناس مال المقصود بالجدال
الدكتور/علي جمعة: " لا رفث ولا فسوق ولا جدال في الحج" امسك عليك لسانك الحج ياخوانا مش رحلة ترفيه ولا سياحة الا اذاكانت سياحة في ذكر الله بالمعنى اللغوي والشرعي لكن نحن الان امام شئ قوي وهو امسك عليك لسانك
عمرو الشناوي: فيه بعض الناس بتتظاهر ويطالبوا بمطالب ليس لها علاقة بالحج
الدكتور/علي جمعة: انت هناك رايح رحلة مشقة بتختبر ولذلك يحدث بلاء كثير ومشقة كثيرة وبعدين يقولك اصل الاكل مش مناسب اصلانت اخرتني هنا .. يا اخي انت رايح تجاهد لانه الحج جهاد انت قد تكون حرمت الجهاد في سبيل الله فما بالك وقد فتح الله لك باب الجهادحتى تجاهد في الحج.. اذهب حتى تعود نقيا فعليك ان تعتبر الحج جهاد في سبيل الله وتتحمل المشقة قال امسك عليك لسانك
عمرو الشناوي: فضيلة الشيخ الدكتور علي جمعة مفتي الديار المصرية عالم جليل بحق اشكرك على كل هذه الايضاحات ولعلها تساهمفي جعل رحلة الحج لكل الحجاج اكثر امانا واكثر يسر
الدكتور/علي جمعة: انا بس عاوز اضيف ان المبيت في منى عند الامام احمد وعند الامام ابي حنيفة ليس واجبا علشان بس نخلص القضيةدي وعند الشافعي هو واجب فالمبيت في منى ايضا اذا لم يتيسر لك فليس عليك شئ اصلا والامام احمد يقول "
شددتموها عليهم""
عمرو الشناوي: شكرا فضيلة المفتي ونتمنى ان يكون فيها فائدة لجموع الحجاج المسلمين نشكرك شكرا جزيلا
اعزائي المشاهدين نتمنى ان تكون الفائدة الركن المهم والذي يستفيد من هذا اللقاء كل المسلمين الذاهبين الى الحج باذن الله يروحوا ويرجعوا بالسلامة ان شاء الله غدا حلقة جديدة من اتجاهات