مرتضى منصور: أنا رئيس مصر القادم

أعرب المستشار مرتضى منصور عن ثقته الكاملة في أنه سيصبح الرئيس القادم لجمهورية مصر العربية في انتخابات الرئاسة المقبلة ودلل على حب الشعب المصري له بأنه لا يستطيع السير في الشوارع لأنه المواطنين يرغبون في التصوير معه متهما أنصار البرادعي بتقطيع صوره من الشوارع.
واستنكر منصور خلال مشاركته في برنامج 90 دقيقة على قناة المحور الثلاثاء الهجوم على اللواء محسن الفنجري عضو المجلس الأعلى للقوات المسلحة بسبب إشارات إصبعه في الخطاب الأخير قائلا: "هما زعلانين من الفنجري ليه ؟ هو مش صباع الفنجري ده هو اللي حيا الشهداء وهو اللي حارب في حرب أكتوبر ولا أنتوا بتقسموا بمزجكوا!!؟"، وشدد منصور على احترام الجيش لأنه "هو اللي حمانا".
وانتقد المرشح الرئاسي المحتمل حسبما اوردت صحيفة الشروق أداء حكومة الدكتور عصام شرف وقال: "هو عصام شرف عمل إيه من ساعة ما مسك الوزارة إلغاء التوقيت الصيفي تجميد محافظ قنا وقفل مسجد النور"، مضيفا: "رئيس الوزراء واللي حواليه قرفونا".
ونفى منصور علاقته بموقعة الجمل قائلا: "اقسم بالله العظيم أنا لا اعلم بموقعة الجمل إلا يوم الحادث بالليل هعمل اعتصام لان اللي بيحقق معايه هو كمان متهم في نفس القضية لازم يحقق معاه ذي ما أتحقق معايا"
وأضاف: "لا يوجد حاجة اسمها تباطؤ في المحاكمات لازم القضاء يأخذ وقته في المحاكمات هو القضاء ده توك توك عاوزينه يمشي بسرعة".