السبكي: «الناس الكدابة طلعت إشاعات على الفيلم بقول لهم اتقوا ربنا.. الواد الصغير مش بيعمل حاجة وحشة»

انتقد المنتج محمد السبكي، قرار المهندس إبراهيم محلب، رئيس مجلس الوزراء، وقف عرض فيلم «حلاوة ورح»، وقال: «الفيلم مستمر وشغال في كل حتة في الدنيا، عدا قطر، ومحدش كلمني وأنا سمعت قرار رئيس الوزراء زيي زيكم».
وأضاف «السبكي»، في تصريحات تليفزيونية، أمس الأربعاء: «أنا لم يصلني أي جواب أو قرار بخصوص ما أصدره المهندس إبراهيم محلب، رئيس الوزراء بوقف الفيلم». وتابع: «أنا فخور بعملي السينمائي، واللي هاجموا الفيلم يشوفوه وبعدين يحكموا هل هو يخدش الحياء العام أم لا؟».
وواصل: «الناس الكذابة طلعت شائعات بخصوص وقف البرنامج في الإمارات وده محصلش لأنه اتعرض النهاردة هناك، والبلد الوحيدة التي لم يعرض فيها قطر».
وتعليقا على من يهاجمون فيلم «حلاوة روح»، قال: «دي ناس لا تتقي ربنا لأنها لم تر الفيلم، والواد الصغير دوره كويس، أنا فخور بالفيلم ده، وشوفوا الفيلم بعينيكم وبعدين احكموا عليه»، موضحا أن «حلاوة روح لا يخدش الحياء العام، والولد الصغير مش بيعمل حاجة وحشة، لكن الناس بتحاول تطبل وخلاص».
من جانبه، دعا على الجندى، مؤلف «حلاوة روح»، المهندس إبراهيم محلب، رئيس الوزراء، لمشاهدة الفيلم وتقييمه بنفسه، مؤكدا أن قرار رئيس الوزراء «متسرع ومبنى على تكهنات وأشياء غير موجودة بالفيلم».
كان المهندس إبراهيم محلب، رئيس الوزراء، قرر، الأربعاء، وقف عرض فيلم «حلاوة روح» وعرضه على هيئة الرقابة على المصنفات الفنية لاتخاذ قرار نهائي بشأنه.
«حلاوة روح» بطولة هيفاء وهبي ومحمد لطفي، وباسم سمرة، وإخراج سامح عبد العزيز وإنتاج محمد السبكي