اهلك باعوك.. هو رد الرافضين على زيارة اسر الشهداء لمرسى

قام اهالى الشهداء الرافضين للزيارة التى دعا اليها الدكتور محمد مرسى رئيس الجمهورية بعمل اعتصام بميدان الشهداء بساحة حديقة المسلة اقاموا بعمل بانر كبير لصور الشهداء واعلاها قاموا بتعليق لافته (اسر شهداء بورسعيد يرفضون مقابلة مرسى ).

و قال المعتصمين انهم سوف يقومون بتعليق صور الشهداء اللى اهلهم وافقوا على السفر ومكتوب عليها اهلك باعوك و سيتم عمل بانر جديد لايحمل صورهم واعتبار من رفض الزيارة فقط هم الشهداء المعترف بيهم من قبل اهالى بورسعيد.

كما قال المعتصمون ان لو كان الشهيد يعرف ان اهله هيضحوا بسهوله عن ابنهم ويبيعوا دمه رخيص كده ما كنش ضحى بدمه ولا مات على ارض بورسعيد .

وقال والد الشهيد كريم عطعوط انا رفضت طبعا اروح ازاى اقعد مع اللى اتسبب فى قتل ابنى فى مكان واحد بس انا منتظر يطلع قرار رسمى من الرئاسة باعتبار ابنى شهيد لان ده كل اللى بتمناه ومش عايزين حقوق ولا فلوس منهم لان حقة الوحيد عقاب و محاكمة اللى قتلة .

فى حين قال هانى الجبالى الناشط الحقوقى ان هذا القرار يعد خطأ فادح من اهالى شهداء بورسعيد لان بذلك يهدرون حق ابنائهم فى الحصول على حقوقهم و عقاب المتسببين فى قتل ابنائهم.