حسبي الله ونعم الوكيل في هذا الشيخ اللي دقنه واصلة لحد " سرّته " ولو عايز .. ممكن يلفها على قفاه .. راجل فعلا معندوش دم .. ولو انا من احمد حرارة او الست الفاضلة " الكمّل " ام خالد سعيد لرفعت عليه قضية سب وقذف وهتك عرض كمان .. الراجل المتخلف بيعرض فيديو ل احمد حرارة وهو بيبوس إيد أم خالد سعيد .. ومال علي راسها وباسها .. وبرضه بحنو بالغ كإبن لها باسها في خدها.. يقوم الراجل الناقص اللي اسمه الشيخ ابو اسلام في قناة الناس يسمح لنفسه الدنيئة انه يتريق على الاتنين .. ويعتبر هذا الموقف من حرارة وام خالد سعيد كأنه مشهد " سكس " عيب وحرام وكفر والعياذ بالله ان يحصل الكلام ده بين اتنين يحلّو لبعض " من الحلال " .. متقليش انها في سن والدته وهو في سن ابنها .. الشرع مفيهوش الكلام ده و " العلوقية " دي .. مادام ممكن تحل له .. يبقى حرام يبوسها!
شفتوش اكتر من كده تخلف عقلي وقلة أدب ووقاحة ونتانة .. من واحد بلغ من العمر أرذله وماشي بالقر
آن والسنة .. وبين كل أية وحديث يسمعنا دعاء ، كأنه ولي من أولياء الله الصالحين ، وهو البعيد جاهل ميعرفش السما من العمى .. ولا الألف من كوز الدرة .. وعامل لي فيها داعية اسلامي واسمه ابو اسلام .. والإسلام بريء منه ليوم الدين ، اذا استمر على جهله وسخريته من الناس بهذه الطريقة القبيحة المقززة .. ويسخر من واحد " جزمته " بألف واحد من عينته .. صحيح لا بيخطب في مسجد ولا ماشي يهدي الناس ولا يدّعي لنفسه ما ليس فيه .. لكنه انسان ثائر ونبيل وبيحب مصر .. فقد عنيه الاتنين عشانها .. ولو عنده تالتة متغلاش ع الغالية .. انت بقى عملت ايه يا عم الشيخ يا ابو اسلام .. كنت فين ساعة ما حرارة ضربوه بخرطوش وطيّروا عينه اليمين في محمد محمود .. وكنت فين يا عم الشيخ ساعة ما ضربوه بخرطوش تاني وطيّروا عينه الشمال .. كنت بتصلي في بيتكم وتدعي لمبارك انه يفضل قاعد عشان الخروج على الحاكم حرام .. ولا كنت من اللي بيتعاملوا مع أمن الدولة وبتبلّغ عن زملاء لك متورطين من وجهة نظر جنابك الإسلامية في أعمال الثورة.
انتوا ايه .. معندكوش دم ولا خشا من ربنا .. امبارح سمعت واحد منكم اسمه الشيخ محمود المصري .. كان معاكم في القنوات الفضائية وطفش منكم ومن عمايلكم السودا .. الراجل فضحكم وكشف المستور عنكم وكان في منتهى الصدق وهو بيقول ان كتير منكم كانوا مرشدين لأمن الدولة .. وكتير منكم ميعرفوش ربنا مع ان دقونهم طويلة وجلاليبهم قصيرة .. وكتير منكم كان زي الفار ايام الثورة .. وكاشش في جلده ومش عارف الدفة رايحة لحد فين .. ولما ربنا كتب لها النجاح قام خارج من الكهف بتاع اللي خلفوه ، وكتير منهم دلوقتي ماليين القنوات الدينية .. وبيعيّطوا وهما بيتكلموا من كتر الورع .. وهما في الحقيقة .. " الداعرة " اشرف منهم.
مش مكسوف من نفسك يا راجل يا ناقص انك تتريق على احمد حرارة .. بدل ما توطي وتبوس جزمته انه خلّى واحد زيّك ياكل عيش وبقلاوة من فضائية .. ويعمل لي فيها متولي الشعراوي وهو اجهل من دابة تمشي على أربع .. مش مكسوف من نفسك وانت بتتريق على واحدة سنها فوق الستين عشان بتبوس واحد في سن ابنها .. واحدة كان ابنها خالد سعيد هو الشرارة الحقيقية اللي قامت الثورة بسببها .. فقدته واتحرمت منه .. بس عزاءها الوحيد ان ثورة قامت ونظام سقط وحياة ابنها ما رحتش ببلاش .. تقوم انت - كمان مرة يا ناقص - تتريق وتسخر منها في تصرف عفوي حميمي رائع بين ام وابنها .. انا راضي ذمتك .. انت عندك دم؟
تعرف يا عم الشيخ يا ناقص علاء عبد الفتاح الناشط السياسي المعروف .. دخل السجن بعد أحداث ماسبيرو ومراته حامل .. ولمّا ولدت اختار لأبنه اسم " خالد " تخليدا لخالد سعيد .. وام خالد سعيد لمّا عرفت راحت له لحد عنده تبارك له بالخروج من السجن وبالولد .. وشفتها واخده علاء عبد الفتاح في حضنها ومش عايزة تسيبه .. ودموعها مش راضية تبطل .. وحسيت لحظتها انها حاضنة خالد ابنها .. كان موقف والله العظيم أبكاني .. من حرارته وروعته ومعناه .. تقوم انت يا راجل يا ناقص تتريق عليها وتعتبرها آتت بفعل فاضح عشان بتبوس واحد في سن ابنها؟
اللي زيّك عايز الحرق .. قرفتونا في عيشتنا الله يقرفكم .. ومررّتوا حياتنا وخلّتونا نطلع من هدومنا بجهلكم وغبائكم وقلة الأصل المتأصلة فيكم .. احمد حرارة وام خالد سعيد .. تتريق عليهم وتسخر منهم يا ناقص .. أمال مين اللي تشيل جزمتهم فوق راسك وانت مبسوط وفخور .. عارف ولا اقولك انا .. بلاش خلّي الطابق مستور!!
