حبيبي متجوز وعايز يتجوزني علشان مراته مش مكفياه!

السلام عليكم ورحمة الله وبركاته وبارك الله فيكم على الموقع الممتاز ده.. الموضوع أنا كنت اتعرفت برجل عنده 37 سنة كان متزوج ومراته توفّيت وعنده منها طفل، المهم حسّينا إننا متفاهمين واتفقنا على الزواج..
لكن والده قال له لازم تتجوز أخت مراتك علشان تقدر تخلي بالها على ابن أختها اللي هو ابنه يعني، المهم اتجوزها وبعد فترة لقيته رجع تاني، وقال لي أنا عايز أتجوزك، قلت له لا ماينفعش خلاص انت اتجوّزت، ورفضت كتير وهو مصمم.
وعلى فكرة أنا عندي 34 سنة وآنسة، المهم سألته وقلت له بكل صراحة ليه عايز تتجوز تاني على مراتك؟ قال لي: أولا: لأننا بنحب بعض، ثانيا: أنا عندي القدرة المادية والصحية، وركّزوا أوي على الصحية دي؛ لأن هي سبب المشكلة اللي عايزة آخد رأيكم فيها، هو قال لي إن مراته بتتعب في الجماع بسرعة قلت له ده مش سبب..
قال لي أنا عندي قدرة زيادة شوية، وهو صريح على فكرة مابيحبش يكدب، المهم قال لي إنه كشف على نفسه والدكتور قال له إنت إنسان طبيعي جدا ومافيش أي حاجة تقلق، بس إنت قدراتك زيادة شوية عن الطبيعي، ده كلامه اللي هو قاله ليّ أنا مافهمتش يعني عايز يوصل لإيه.
المهم راح قال لها لي كده صريحة قال لي أنا باجامع مراتي 3 ساعات في المرة، وهي بتتعب من كده جدا، وقلت لها أتجوز علشان مش عايز أغضب ربنا، قالت له اتجوز أحسن ما تغضب ربنا، وبعدين فيه حاجة كمان هو بيقول إن عنده العضو كبير شوية ماقدرتش أفهم منه يقصد إيه بالظبط علشان أحرجت جدا.
علشان كده أنا عايزة أسألكم هل من الممكن إني أتجوزه وأنا مش خايفة من إن الموضوع ده يكون سبب مشاكل ما بيننا، يعني أنا أعرف إن أي حاجة وسط هي الكويسة والمعقولة، لكن الزيادة دي هتكون فيها ضرر ولا إيه.
وبعدين أنا مش فاهمة هل المفهوم ده ينطبق على الموضوع ده ولا لأ، يعني المشكلة بتتلخص في إن هيكون في تعب عليّ لدرجة إن أكره الموضوع ده أو يعمل مشاكل ما بينا ولا هيكون ممتع؛ لأنه أولا بيحبني أوي وتاني حاجة إن عنده قدرة زيادة وكمان علشان حكاية العضو اللي قلتها لكم، آسفة إني طولت عليكم بس أفيدوني بجد محتارة وشكرا.

may_may


الصديقة العزيزة.. أثارت مشكلتك انتباهي وإن دلت على جهل ببعض الحقائق العلمية من طرفك أنتِ على وجه الخصوص؛ لأنه وبكل بساطة هذا الرجل لا يخبرك بالحقيقة، ولا أعلم ما الذي يفعله بكلامه معك، ولن يأتي على تفكيري شيء سوى أنه يحاول إثارتك أو إثارة نفسه في المقام الأول؛ وذلك لأن الحقائق العلمية تؤكد أنه لا يمكن للزوج جماع زوجته 3 ساعات يوميا، فهل هو متفرغ ولا يوجد لديه حياة أو عمل ولا شيء يُشغله إلا ممارسة الجنس؟؟! ومدة الجماع الطبيعي يا صديقتي هي من 5 : 10 دقائق وليس عدة ساعات.
وحتى كبر حجم العضو الذكري ليس دليلا على النشاط الجنسي الزائد، أو أن لديه قدرة على ممارسة الجماع بصورة كبيرة كما ذكر لك، وحتى إن كان حجم العضو الذكري كبيرا فهذا ليس له علاقة بعدم قدرة زوجته على ممارسة الجماع أو التعب كما ادعى هو؛ لأن قناة المهبل التي يدخل فيها العضو الذكري هي قناة عضلية قوية وهي تنقبض وتكيّف حجمها على حجم العضو الذكري، فهي قناة يمر منها الطفل عند الولادة وتنقبض إلى الحجم الطبيعي عند الجماع، لذلك لا يوجد أي علاقة بحجم العضو الذكري.
وكذلك أنا لا أصدّق موضوع أنه سيتزوج غيرها حتى لا يغضب ربه، وأنها وافقت بكل سهولة، وعليكِ أن تتأكدي من هذا الأمر يا عزيزتي، ومنها هي شخصيا إن كانت هي لا تمانع، ولا ترى أن الموضوع يستحق المجازفة.
صديقتي تحدثي مع ذلك الرجل ولا داعي لذكر موضوع الجماع؛ لأن العلاقة الزوجية لا تتوقف على العلاقة الجنسية فقط، فهناك أشياء أخرى يجب الاهتمام بها وهي قبول الحياة الزوجية بشكل عام والتوافق والحب والمشاعر الطيبة وتقبل رغبات وتخيلات الطرف الآخر واحترام تلك الرغبات، وحتى إن لم تكن لديك الرغبة فاعلمي أن الرجل أحيانا يكون بحاجة لإفراغ شهوته، وتقبلي هذا وعليه هو الآخر تقبل رغباتك بما لا يتعارض مع حياتكما.
صديقتي إن كنت ترينه مناسبا وتتقبّلين أن تكوني زوجة ثانية فلا مانع من هذا ما دامت الحياة بينكما بسيطة وتسير في مجراها الطبيعي.. تابعيني بأخبارك وتمنياتي لكِ بالتوفيق.

لو عايز تفضفض لنا دوس هنا