مع رانيا.. ماسك الفراولة للعناية بالبشرة بعد سن الأربعين

أعدّه للنشر: نهاد كمال
أهلا بكل بنات "قمر 14" في حلقة جديدة من حلقات "جمالك من الطبيعة مع رانيا"، والنهارده هنكمّل ماسكات الفراولة اللي عملناها في حلقة قبل كده؛ لأن زي ما قلنا الفراولة من الفواكه اللي لها فوايد كتيرة جدا للبشرة، وبتعمل على تفتيحها وبتساعدها على مقاومة التجاعيد المبكّرة.

مساج للبشرة بالفراولة
ممكن تقسّمي ثمرة الفراولة إلى نصفين، وتعملي بهم مساج لبشرتك، وممكن تهرسي الفراولة وتحطّيها على منطقة العيون لمدة ربع ساعة، وهتحصلي على نضارة هايلة لبشرتك.
ماسك لشد البشرة لسن فوق الأربعين
المقادير:
3 : 4 ملاعق عصير فراولة
صفار بيضة للبشرة الجافة أو بياض بيضة للبشرة الدهنية
ملحوظة:
ممكن ناخد بيضة على بعضها للبشرة العادية
الطريقة:
- اخلطي صفار أو بياض البيض مع عصير الفراولة كويس جدا، ووزّعي الخليط ده على الوجه والرقبة، وسيبيه على البشرة من 20 : 30 دقيقة.

إضغط لمشاهدة الفيديو:
ماسك القشطة والليمون لإزالة الماكياج
المقادير:
* ملعقة كبيرة قشطة
* ملعقة عسل نحل
* عصرة ليمونة
الطريقة:
اخلطي المقادير دي كلها مع بعض كويس جدا، وامسحي بشرتك بقطنة مبللة بالخليط ده لإزالة الماكياج من البشرة والعيون، بس خلّي بالك إن الماسك ده مش مناسب مع أصحاب البشرة الدهنية.

إضغط لمشاهدة الفيديو:
ولغاية هنا تكون خلصت حلقتنا النهارده..
استنونا الحلقة الجاية علشان نكمّل ماسكاتنا بالفراولة..
ويا ريت تجرّبوا الوصفات اللي عملناها وتبعتوا تقولوا لنا على النتيجة..
سلام،،،