كبدة بصوص الفلفل الرومي والكزبرة

النهارده هنقدّم على "سفرة دايمة" طبق كبدة بصوص الفلفل الرومي والكزبرة بطريقة سهلة وسريعة؛ جرّبيه وقولي لنا رأيك فيه...

كبدة بصوص الفلفل الرومي والكزبرة
المقادير:
1⁄2 كيلو كبدة بلدي
بصلة مفرومة
2 ثمرة طماطم
2 فص ثوم مهروس
3 ملعقة كبيرة زيت
ملح وفلفل وبهارات
بصلة مقطّعة شرائح
2 ملعقة كبيرة كزبرة مفرومة
2 ثمرة فلفل رومي مقطّعة شرائح

الطريقة:
1- اغسلي الكبدة كويس بالميه، وتبّليها بالبصل المفروم والملح والفلفل والبهارات.

2- حطّي الزيت في طاسة، وشوّحي فيها شرائح البصل والثوم لحد ما لونهم يبقى دهبي، وبعد كده حطّي الكبدة وشوّحيها معاهم على النار.

3- بعد ما تحسّي إن الكبدة استوت، ضيفي عليها الطماطم والفلفل الأخضر، وتبّليهم بالملح والفلفل على حسب ذوقك.

4- قبل ما ترفعي الكبدة من على النار ضيفي الكزبرة وقلّبيهم كلهم مع بعض، وبعد كده اغرفي الكبدة في طبق التقديم.. وبالهنا والشفا.

بكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت..