مامتها تعليمها متوسط.. أسيبها ولا إيه؟

أولا أشكركم وأحييكم على باب "فضفضة"؛ لِمَا أجد فيه من ردود معتدلة وآراء مفيدة لكل القراء؛ مما شجعني أن أرسل إليكم للمرة الثانية.

أنا مشكلتي أقل ما يمكن أن توصف به أنها سخيفة.. أنا دلوقتي متقدم لبنت، البنت دي كويسة ومناسبة لي؛ كشخصية وطباع.. وده اكتشفته من خلال الشهرين اللي اتكلمنا فيهم.

المشكلة تبدأ من عند أهلها اجتماعيا؛ هم مش زينا؛ مامتها تعليم متوسط، باباها مهندس وأنا كمان أبويا كان مهندس -رحمة الله عليه- بس لما باقعد أتكلم معاه مش باحس إنه زي أبويا خالص، وكمان خلانها وأعمامها مستواهم التعليمي برضه يعني.

أنا والدي ووالدتي متوفيين، وإخواتي لما رحت معاهم كان عندهم نفس الملحوظة، وماكانوش متحمسين.. أما بقية عيلتي بقى فرافضين خالص، وقالوا لي: لو هتكمل في الموضوع ده كمل لوحدك.

بس البنت بتحبني.. وعمال أسمع من الناس كلام متناقض؛ ناس تقول لي: الحاجات دي بسيطة وماتدققش، وما دام البنت عاجباك خلاص كمّل، وناس تقول لي: لأ الحاجات دي بتضايق وهتعمل مشكلات وكده..

والمشكلة إن البنت بدأت تتعلق بيّ جامد وأنا مش عاوز كده.. أعمل إيه؟

owais


لو عايز تفضفض لنا دوس هنا