أنا عندي مجموعة مشكلات في حكاية واحدة هتجنني؛ أنا حبيت واحدة من على النت وحبيتها بجد فترة 7 شهور أنا عندي 19 سنة ونص، وهي أكبر مني بسنة ونص، وتمنيت إني أشوفها ووعدتها إني آجي في فرح أختها في محافظة تانية، وأشوفها وأنا وعدت أختها بإني هاحضره، وفعلا رحت وحضرت؛ بس للأسف ما عرفتش أكلمها نهائياً؛ لأن أنا خجول جدا وأهلي كلهم حواليّ وهي ما لهاش أصدقاء في الكلية. بس للأسف اللي حصل إن علشان أنا أحضر الفرح ده تقول لأخوها إني ابن خالة واحدة صاحبتها وزميلهم، وأخوها سلّم عليّ، وأنا كمان كدبت عليه وما قلتلوش الحقيقة، وهي حلمت إني أجيب لها عروسة وأنا تمنيت إني أحقق لها حلمها، وكان لازم أشوفها، وهي قالت إنت تيجي الكلية نجيب الكود وأعرّفك على زميلاتي، وهما أصلا عارفينك، ولما شفتها حبيتها أكتر هي هي نفس البنت اللي حبيتها ما اتغيرش فيها حاجة. كان أجمل يوم في حياتي وأنا مسافر دموعي ما فارقتنيش، حسيت إني مش هاشوفها تاني، وأنا نفسي نبقى لبعض ومش عارف، أنا لسه قدامي مش أقل من 5 سنين، وهي السنة دي هتتخرج خلاص، وكذا مرة نفتح موضوع الارتباط ونتفق إننا إخوات أصدقاء أهم حاجة نفضل مع بعض لحد ما يفرقنا القدر. والمشكلة اللي زادت إني كدبت على أخوها غصب عننا، وهي قالت لي: أنا مستعدة أستناك 10 سنين مش 5؛ بس على الأقل تبقى في إيدي دبلتك، وأنا باشتغل برضه شغل مادياته كويسة؛ بس شغلي صعب في مجال المعمار. أنا بجد بحبها أوي، ومش عارف أتصرف إزاي؟ نفسي أوصل لحل يرضي كل الأطراف، أنا وهي تعبنا أوي، وفكرنا كتير إننا نبعد؛ بس مش بنقدر ونفسي نبقى لبعض أوي. أرجوكم ساعدوني. MXN
