سيبها على الله

الموضوع إني بحب واحدة وهي بتحبني من 6 سنين، ووعدتها إني أكلم أهلها لما نتخرج، المشكلة إني اتأخرت سنتين في الكلية وهي أدي في نفس السن؛ بس أنا أكبر منها ب 5 شهور واتخرجت هي ليسانس حقوق وتقدم لها عرسان كتير، واتخطبت لواحد ظنا منها إني مش هاكلم أهلها.
واتفسخت الخطوبة، وقلت الحمد لله، ورجعنا لبعض تاني، المهم كان الكلام ده في بداية تالتة كلية وقعدت أصبّرها وتصبّرني تاني، وكلمتها قلت لها إن والدتي عايزة تقابل أهلها قالت لي: لا استنى لحد ما تخلص.
وتمر الأيام، وفجأة انقطع الاتصال، وعرفت إنه فيه عريس تقدم لها وأهلها قعدوا يزنوا على دماغها إنها توافق فهي قالت لهم فيه واحد بيحبني وبحبه، فاضل له سنة، باباها قال لها إنتي ما تعرفيش مصلحتك، لسه هو قدامه سنة وما يعرفش جيشه فيه ايه؟ ويا ترى هيعرف يشتغل ولا لأ؟
المهم أنا عرفت إن باباها إدى كلمة لواحد تقدم قبل كده واترفض منها، وقال له: تعالى تاني، وهاوافق عليك، وكان ميعاده يوم الجمعة، وأنا عرفت فاخدت ماماتي وأختي، ورحنا لهم البيت فمامتها قالت باباها إدى للراجل كلمة، ومن ساعتها وقلبي مكسور وحزين بيؤثر عليّ أوي الكلام ده، وهي كلمت أختي، وقالت لها: خلي عبد الرحمن ما يتصلش تاني ويركز في امتحاناته وخليكي على اتصال بيّ يمكن يحصل حاجة ولا ربنا أعلم، وانقطع الاتصال وأنا نفسي أتجوزها، بجد أنا ممكن أموت، بجد أنا أتمنى تردوا عليّ أعمل إيه؟
عبد الرحمن