محتار في أمرها... ؟

السلام عليكم.. أنا في حيرة لا يعلم بها إلا الله وحده، منذ 3 سنوات تقريباً ارتبطت بواحدة من على النت تقيم بالإسكندرية وأنا من القاهرة، عشنا أجمل قصة حب واتقابلنا 4 مرات أنا وهي في القاهرة لأن أهلها عايشين في القاهرة.
وبعد مرور سنة قررت إني أتقدم لها، حصل لها حادثة يوم تنحي الرئيس وأصابها الغضروف، وفي خلال الفترة دي كان لا بد أتقدم لها وأقابل والديها وخصوصا بعد فوات سنتين على علاقتي بيها، اكتشفت شيء غريب جدًا، إن عندها برود عاطفي مش بتتصل بيّ نهائي.
وأنا دايما اللي بارجع لها وباتصل بيها، قلت عادي يمكن هي طبعها كده لدرجة اتفقت معاها إنها تتصل بيّ تعبيرا منها على إنها فعلا عايزاني، وللأسف لم تتصل، رجعت أنا بردو كلمتها ورجعنا نتكلم تاني وأتصل بيها.
من يومين تقريبا اتصلت بيها ووجدت نفسي في أصعب وأغرب موقف ممكن أتخيّله، لقيت والدتها هي اللي ردت عليّ وقالت لي "وحياة أمك لو اتصلت تاني هاكسر التليفون على دماغها" وقامت قافلة، بعد ما قفلت كلمتها في ساعتها قلت لها: "ممكن تهدي وتسمعيني؟" لقيت أبوها رد عليّ وقال لي: "الله يبارك لك يا ابني ماتتصلش تاني وابعد عنها"، رديت عليه وقلت له يا عمي أنا عايز بنتك فعلا، رد قال لي: "لو عايزها يبقى تييجي من الباب".
فضلت أحكي مع أمها وفضلنا نتكلم وقالت لي: "اوعدني إنك ماتكلّمهاش نهائي لمدة أسبوعين عشان تقدر تقيّم علاقتك بيها وتشوف إنت فعلا عايزها ولا لأ" وبعدين سابت رقمها، قلت لها ماشي.
دلوقتي أنا خايف أتقدم لها لعدة أسباب: أولهم إنها تطلع إنسانة فعلا عندها برود عاطفي أو تطلع أمها إنسانة مش كويسة، خصوصا إن أسلوبها يدل على كده، أو يطلع والدها إنسان مش كويس، والخوف أكتر والأهم إنها تطلع إنسانة غير قادرة على إدارة المعيشة وتدبير أمور بيتها، أنا مش عارف؛ يا ريت تفيدوني بالله عليكم.
أرجوك اديني رأيك..
صديقنا العزيز
أولاً : أنت قلت في بداية حديثك أنك تعرفت عليها منذ عاميين فهل لم تدرك أنها تعاني مما تسميه برود عاطفي إلا بعد مرور عاميين؟
وما مفهومك للبرود العاطفي ؟
هل أستدليت على هذا الأمر من عدم رغبتها بالتحدث معك؟
من وجهة نظري أنه سبب وهمي غير مبني على أساس واضح فأنت تعرفت عليها من خلال النت وهو يعتمد على الحديث طوال الوقت فهي تتحدث معك منذ عاميين ولم تجد منك جديد يبرهن على صدق مشاعرك ، أو أي خطوه إيجابية.
أما الأمر الثاني المتعلق بأهلها، فأنا أرى أنا هذا رد فعل طبيعي جدًا لأب وأم يكتشفون أن أبنتهم على علاقة بشاب عن طريق النت ، وما طلبه منك والدها طلب طبيعي ومشروع لأي أب "لو عايزها يبقى تيجي من الباب " . فإذا كنت تحب هذه البنت فعلاً يجب أن تدخل من الباب كما قال لك والدها ولا تختلق أسباب واهية، فعندما تدخل إلى بيتهم ستتعرف عليهم عن قرب ويمكنك حينها معرفته هل تستطيع أن تكمل هذا الطريق أم لا .
وهنا يأتي سؤالي لكل شاب وفتاه تعرفا عن طريق النت عرفتوا فائدة الدخول من الباب؟ فليس من سمع كمن رأى وسمع.