10

الحلم:
أنا حلمت إني كنت في البيت عندنا ومعايا اتنين من صحباتي الأنتيم وكنا بنكلم واحد نعرفه بس أنا اللي كنت باكلمه في الموبايل وباسم مختلف، وكانت ماما معانا، وبعد كده لقيت والدة العريس اللي متقدّم ليّ قاعدة ورانا بس ما أعرفش هل هي خدت بالها ولا لأ؟؟ وبعد كده لقيت قدامي الشخص اللي أنا كنت بحبه من أربع سنين وكان جاي وبيطلب إيدي من بابا بس بابا ده كان شكله وحجمه وصوته كله جدي أبو أمي -الله يرحمه- وأنا المفروض إن قراءة فاتحتي يوم الجمعة وهو جه وطلب من بابا إنه يتقدّم لي ويقرأ الفاتحة فبابا قال لي نوافق على الاتنين، فأنا قلت له حرام في الدين إني أتخطب لاتنين في وقت واحد، فقال لي أنتِ بتحبي مين؟؟ قلت له إني بحب فلان اللي أنا كنت بحبه من أربع سنين. فقال لي: خلاص أنا حلغي الموضوع الأولاني.مع العلم إن قراءة فاتحتي إن شاء الله يوم الجمعة وهو طلب من والدي إن يأتي يوم الخميس.
يشير هذا الحلم إلى مدى حبك وتعلقك بفتاك ورغبتك في أن تستكملي معه باقي حياتك في شرع الله "سبحانه وتعالى" وأمام الجميع، وخوفك من أن يظهر شخص آخر أفضل منه يفسد على والدك رأيه في فتاك, ويشتت تفكيره. ويشير كذلك إلى تمسكك بفتاك حتى تتنعمي بالراحة والاستقرار.