8

الحلم:
حلمت إن أنا عند خالتي باصلّي في غير اتجاه القبلة وأنا مش واخد بالي، وكانت خالتي وبناتها بيدعوني للأكل؛ فردّت البنت اللي أنا بحبها منهم، وقالت: بيصلّي.. وبعدين جت عندي وأخذت سمكة من تحت كعب رجلي، وأنا لسه باصلّي، وحطتها لباباها، وكانت سمكة كبيرة وناشفة شوية، وباباها ده كان أمامه برضه نفس نوع السمك. الحلم الثاني: حلمت إني رايح استاد أتفرج على ماتش، وطلعت سلم طويل، وفي الآخر لقيت فيه تفتيش على بابه، رحت نازل لأن مش معايا تذكرة، وبعدين دخلت جامع نعست فيه شوية، وقمت لقيت نفسي في محل، ووقت المغرب دخل عليّ وماكانش فيه حد يؤذن إلا أنا، وكان صوتي حلو؛ ولكن وأنا في التشهد بصّيت على تليفزيون، ونسيت أكرر التشهد زي ما في الأذان؛ بس كملت للآخر، ولقيت واحد صاحبي بيقول لي يلا عشان تصلي بينا فقمت غاسل سناني، وبصيت في المرايا لقيت منهم أربعة بيض.
الحلم الأول يشير إلى ذكريات من الماضي تتراءى لك لتذكيرك بأن ما كان هو مقدّر لك، وأن هذه العلاقة ما كانت لتتمّ.
أما الحلم الثاني فيشير إلى أنك قد تتعرض لبعض الظلم؛ لكن الله يفرّج همك بقدر دعائك لله تعالى.