حلم 9

الحلم:
الحلم الأول: أنا حلمت إني شفت الكعبة الشريفة، وكان الناس بتطوف عليها، وفي نفس الوقت لقيت حد واقف أنا بصيت ليه ولقيت صوت حد بيقول لي إن ده رسول الله صلى الله عليه وسلم؛ ففرحت أوي. الحلم التاني إني كنت واقفة في مكان عالي، وكان معايا واحدة ست، والست دي كانت مش مسلمة، وكان زي ما يكون عندها مرض معدي في إيديها، وأنا خايفة أقرّب منها، وهي عاوزة تقرّب مني علشان تعدِيني، وأنا كل ما تحاول تقرّب أقول أشهد أن لا إله إلا الله وأشهد أن محمداً رسول الله، والله أكبر وسبحان ربي العظيم، وقعدت أكررها كتير أوي أوي، وأقرأ قرآن وهي كانت كل ما تسمع الكلام ده أو أقرأ قرآن كانت تبعد عني؛ بس هي ما لمستنيش في الحلم خالص الحمد لله.
الحلم الأول يشير إلى تعلّقك بالنبي الكريم وحبه والرغبة في التقرّب لله تعالى بزيارة بيته الكريم، والحلم الثاني هو من الشيطان، واستعاذتك بالله تعالى تُنجيك من أذاه.