9

الحلم:
أنا حلمت إني مع حماتي وإحنا في فرح قريب خطيبي، وخطيبي كان مطنّشني خالص، أصحاب الفرح قالوا تعالوا اتعشوا؛ فطلعت أنا وحماتي وكان فيه ناس معانا، وبعد كده لقيت المكان زي ما نكون في كنيسة وحطوا أكل وكده، وجينا ناكل لقينا زي القسيس أو اللي هو الكبير بتاع الكنيسة، وراح دخل أوضه قدامنا، دخلت الأوضة دي بعده وأغمي عليّ، وحماتي فضلت تفوّق فيّ، ولقينا القسيس جاي وقعد يزعق لي ولحماتي ويقول الأوضة دي بتاعتي أنا بس، قلنا له إحنا ما نعرفش. المهم الأوضة دي كانت زي ما يكون فيها شبورة؛ بس الدخان بتاع الشبورة أحمر؛ مع العلم إن القسيس كان لابس جلابية بيضة وعلى صدره صليب أحمر وذقنه بيضاء وكبيرة. مع العلم إني مخطوبة، ولما حلمت الحلم ده كنت زعلانة مع خطيبي.
الحلم يشير إلى عدم صفائك ورضاك عن خطيبك؛ رغم ما تُكنّين له من محبة ورغبة في عدم الابتعاد عنه؛ لأن أحد تأويلات القسيس في المنام أنه رجل له مودة، وهو هنا يرمز لخطيبك. ومن ثم فالحلم ترميز لما يحدث في الواقع من خلاف بينك وبينه بما يظهر من شجار ودخان وغير ذلك.