أنا واحدة خلاص زهقت من حياتها اللي عاملة زي الملاهي أنزل من مرجيحة أركب التانية، وفي كل مرة بابقى ملكة الدنيا، وانتهى الحال على إني مخطوبة ولواحد مش بحبه. ووافقت بس عشان أرضي أهلي، وشايفة إن ما فيش حد يستاهل، وكنت راضية بالأمر الواقع، وسلمت أمري لله؛ رغم إني خايفة من اللي باعمله ده، عشان ما اظلمش اللي هاتجوّزه معايا؛ بس كمان هو عارف إني مش بحبه ولا عايزاه؛ بس هو متمسك جداً بيّ، وده عشان ظروفي المادية أحسن كتير منه. فأنا مش عارفة أعمل إيه؟ أكمل وخلاص؛ رغم إني مش باطيقه حتى يكلمني، ولا أقف للكل وأقول مش عايزاه؟ طبعاً إنتم بتسألوا هما موافقين ليه، هما بقى متمسكين بيه عشان طرطور؛ شمال شمال يمين يمين؛ بس للأسف هو مش كده، هو بس بيتمسكن لحد ما يتمكن؛ فأرجو الرد. س.م