أحمد حلمي ينفي تجسيد شخصية "كلب"

نفى الفنان أحمد حلمي، ما تناقلته بعض المواقع الإلكترونية من اعتزامه تجسيد شخصية "كلب" في عمله المقبل، بعد تجسيده لشخصية "باندا" في فيلمه الأخير "صنع في مصر".
وقال عبر تدوينة له بموقع التواصل الاجتماعي"الفيس بوك": جالي ماسيج من صديق مكتوب فيها بص كده على اللينك ده.. كلامك غريب جداً، مفهمتش الماسيج بصراحة.. بس دوست على اللينك ففتحت صفحة لجرنال عربي معروف.. لقيت صورتي وتحتها حوار طويل.. المفروض إن ده حوار أنا عملته مع صحفي في الجريده دي.. بس إزاي!! .. ده أنا بقالي سنين معملتش أي حورات صحفية .. إلا إذا كنت بتكلم وأنا نايم بقى.
وتابع: لما قريت الحوار فهمت الماسيج بتاعة صديقي الصحفي.. إن كلامي غريب.. ده مش بس غريب.. ده كمان مريب.. فرديت على الماسيج بتاعة صديقي وقولتله تصدق فعلاً كلامي غريب جداً .. عارف ليه .. لأن مش أنا اللي قايله .. ده كلام مضروب، حبيت بس أقول إن أنا معملتش أي حوارات صحفية خالص.. وأي حوار أو كلام أو رأي منشور أنا ماليش دعوة بيه ولا يمثلني في شيء .. شكراً.